السلام عليكم ناس اللمة
راني مقهورة للاخر
كيما علابالكم كملنا الامتحانات
وعطاونا الهردات اااا قصدي النقاط
يا خاوتي وش نقولكم ,,,,خلي البير بغطاه خير
على فكرة راني نقرا ثانية ثانوي علمي
ما نهدرش على المواد الاساسية خاطر هادوك ما فيهمش نقاش
راني مقهورة من الاساتذة تاع المواد غير الاساسية
سيرتو تاع العربية والاجتماعيات
ياخاوتي ديجا راهم مستخلفات وكلمة حق خسارة فيهم البوست
كاين الي يساهلو بصح,,,, المعريفة واش دير
المهم ندخلو فالصح
دارولنا التصحيح وعطاونا البارام ياسيدي قلت درت مليح ما نهبطش من 16 فيهم في زوج جات الورقة وليت هك :-o
واش هادا من كل سؤال علامة ناقصة ما كانش سؤال ديت عليه العلامة تاعو كاملة
وكي هدرنا معاهم قالولنا هذا هو التصحيح درناه موحد والي ضحكتني تاع العربية كي شكينا ما حطتلناش مليح على الفقرة قاتلنا سقسيت الاستاذة لخرى قاتلي جامي تحطي 5/4 لكان هذا التلميذ ممتاز حطيلو 3
والي قاتلهم ارقدو تاع الاجتماعيات كي قولنالها ياخي انت لي عطيتينا المصطلحات علاش مالا تنقصيلنا منهم قاتلنا نحاسبو على التعبير كي ما يعجبنيش التعبير ما نحطش ههه تفاهمت هي وتاع العربية{{{{{
انا مافهمتش النقاط يعطيو فيهم من الجيب ولا يتوسخلهم الكازي كي يمدو علامة مليحة ولا راهم يرجعو فينا الدمار تاع الجامعة
يعني حنا نحفظو ونتعبو على الورقة الي نجاوبو فيها وهي من اللخر تحط زيرو نورمال
والله ما فهمت
الا فهمتو فهموني
ملاحظة1:
طبعا مع احترامي لكل الاساتذة الحقانيين والي يهمهم التلميذ وما يحبوش يديو دعاوي الشر(دعوة الشر صعيبة مرة صاحبتي ظلمتها الاستاذة دعات عليها أجهضت)
ملاحظة2:
نشكر من كل قلبي استاذ العلوم الشرعية مع انو استاذ جديد فالتعليم بصح جامي نقصلي في باطل قراني عامين الاختبارات كامل ندي فيهم 20
ملاحظة3:
نتمنى من كل الاساتذة الي يقراو هادا الموضوع ما يتغششوش خاطر هوما تاني كانو تلاميذ وعاناو من هذا المشكل
راني مقهورة للاخر
كيما علابالكم كملنا الامتحانات
وعطاونا الهردات اااا قصدي النقاط
يا خاوتي وش نقولكم ,,,,خلي البير بغطاه خير
على فكرة راني نقرا ثانية ثانوي علمي
ما نهدرش على المواد الاساسية خاطر هادوك ما فيهمش نقاش
راني مقهورة من الاساتذة تاع المواد غير الاساسية
سيرتو تاع العربية والاجتماعيات
ياخاوتي ديجا راهم مستخلفات وكلمة حق خسارة فيهم البوست
كاين الي يساهلو بصح,,,, المعريفة واش دير
المهم ندخلو فالصح
دارولنا التصحيح وعطاونا البارام ياسيدي قلت درت مليح ما نهبطش من 16 فيهم في زوج جات الورقة وليت هك :-o
واش هادا من كل سؤال علامة ناقصة ما كانش سؤال ديت عليه العلامة تاعو كاملة
وكي هدرنا معاهم قالولنا هذا هو التصحيح درناه موحد والي ضحكتني تاع العربية كي شكينا ما حطتلناش مليح على الفقرة قاتلنا سقسيت الاستاذة لخرى قاتلي جامي تحطي 5/4 لكان هذا التلميذ ممتاز حطيلو 3
والي قاتلهم ارقدو تاع الاجتماعيات كي قولنالها ياخي انت لي عطيتينا المصطلحات علاش مالا تنقصيلنا منهم قاتلنا نحاسبو على التعبير كي ما يعجبنيش التعبير ما نحطش ههه تفاهمت هي وتاع العربية{{{{{
انا مافهمتش النقاط يعطيو فيهم من الجيب ولا يتوسخلهم الكازي كي يمدو علامة مليحة ولا راهم يرجعو فينا الدمار تاع الجامعة
يعني حنا نحفظو ونتعبو على الورقة الي نجاوبو فيها وهي من اللخر تحط زيرو نورمال
والله ما فهمت
الا فهمتو فهموني
ملاحظة1:
طبعا مع احترامي لكل الاساتذة الحقانيين والي يهمهم التلميذ وما يحبوش يديو دعاوي الشر(دعوة الشر صعيبة مرة صاحبتي ظلمتها الاستاذة دعات عليها أجهضت)
ملاحظة2:
نشكر من كل قلبي استاذ العلوم الشرعية مع انو استاذ جديد فالتعليم بصح جامي نقصلي في باطل قراني عامين الاختبارات كامل ندي فيهم 20
ملاحظة3:
نتمنى من كل الاساتذة الي يقراو هادا الموضوع ما يتغششوش خاطر هوما تاني كانو تلاميذ وعاناو من هذا المشكل
, 
