لما يتحول الليسي الى معرض سيارات ودراجات و أزياء

[ĂÝǾΰb]

بسم الله الرحمن الرحيـــم

السلام عليكم ور حمة الله و بركاته
ان شاء الله راكم بخيــــر كامل

الموضوع باين من العنوان عدنا كي نروحو نقراو
نلقاو أنواع و أشكال تاع الطوموبيلات و الدرجات النارية
الماركات العالمية كامل كاينة تقول مش رايحين نقراو رايحين نشوفو معرض تاع طوموبيلات :-h

الموسيقا على لخــر ما فهمتش علاه الجياحة هذي
ما لقيت نلوم الجياح لي يديرو هاك

ولا نلوم البنات لي يضحكولهم و يمدولهم النوامر ولابسين لبسة تاع عارضات الازياء

يعاكسو بنات الناس مش المراهقين والشباب برك ياو حتى الشياب وعادو يجو بحذا الليسي كاين واحد فات 40 سنة تبع واحد الطفلة ضرباتو بكف كي سمعنا الصوت شفنا معاهم قلها روحي لا نزيدلك واحد هههههههه :p

في انتظار آرائكم وتعليقاتكم على هاذ الظاهرة


​

​

 

[بنت الـ25]

السلام عليكم بيبرس
الظاهرة هادي مش جديدة بالمرة
مالـgـري شاعت بزاف فالآونة الأخيرة
المتسبب فيها هوما الجايحين من الشباب وحتى الشياب (العادمين) من جهة
ولبنات "عارضات الأزياء" على حد سواء
اللي تمشي وراسها فاللرض واحد ما يدور جيهتها
واللي توصل روحها ما تلوم غير نفسها
باختصار شباب وشابات مديهم الزف وحابين يزهاو بذروة شبابهم ولكن الطريقة غلط
وتبقى آخرتها ندامة
​

 

[أم أمين23]

ربي يجيب الخير راه الانحلال والفساد ولى في كل شيء وطبعا قبل كان ممنوع اللباس المبهرج والماكياج في الليسيات وضرك واحد ما ولى يهدر مع لاخر البنات حدث ولا حرج والمعلمات والمراقبات كيف كيف واكيد الشباب الي فاغ شغل وما عندو ما يدير غير العسة بالمسيبات -اسفة على التعبير - لازم نشوفو كل الاشكال والالوان وطبعا الي ما عندوش تربية ولا دين ما عندنا ما نقولولو غير ربي يهديك

 

[ђĩหđǿĉħǻ]

هذا يقولولو التخلف و اللي فارغين شغل يديرو هكا الله يهدينا

 

[lemia23]

وعليكم السلام
انا نقول ربي يهديهم برك

 

[✿أسيـل✿]

السـلام عليـكم
ياأيـوب نشكرك بزاف على هدا المـوضوع
هدي الظاهرة ولات حتى قدام السيـام مش غير الليسي ..ياو الجاميعة هداك شي تاني
هدو لعباد لي يديروا هكـااا يعجبهم الحال بزاف وكيما قلت أنـــت معرض ديال طوموبيلات وزيد الموسيقى ووووووو خص غير الرقـص بففففففففففف
على خاطر كامل هذا الشي مــن لبنات هوما يحبو هكـاا كاين حتى لي يمدولهم نوامر ديالهم اي عجـب ..عجــب ....... هذي والله ماهي حـالة ربي يجيب لي فيها الخيـــر راه الفســاد بزاف
قدام لليسي طومبيلات تقول عرس والله غير عـيب نتأسف من هذي الظاهرة
بصح كل شي مــن لبنات لي تمشي وراسها فاللرض والله واحد مايهدر معهـــاا كل وحدة وعقلهـاا
وربي يهدي مـاخلق​

يعطيكـ الصحــــة
وجزاكـ الله ألف خــــــير​

 

[TeNtOuNa]

وليت نحشم كي يوصلني بابا لليسي
​

 

[عفيفة الحبوبة]

ياما هدرنا على هده الظاهرة اللي رانا مجبرين نعايشوها كي يوم
و ياما قلنا السبب فلان فلانة
لكن هل بالكلام تحل المشاكل
اين الحل؟​

 

[ĂÝǾΰb]

السلام عليكم بيبرس
الظاهرة هادي مش جديدة بالمرة
مالـgـري شاعت بزاف فالآونة الأخيرة
المتسبب فيها هوما الجايحين من الشباب وحتى الشياب (العادمين) من جهة
ولبنات "عارضات الأزياء" على حد سواء
اللي تمشي وراسها فاللرض واحد ما يدور جيهتها
واللي توصل روحها ما تلوم غير نفسها
باختصار شباب وشابات مديهم الزف وحابين يزهاو بذروة شبابهم ولكن الطريقة غلط
وتبقى آخرتها ندامة
​

و عليكم السلام و رحمة الله
اهلا وسهلا بمشرفتنا الغالية :regards01:
اولا شكرا على الاعتماد وعلى تنوير الموضوع بالمشاركة الرائعة
كلامك كلو صحيح
مي كي هبط لتحت لقيت عضوة قالت وش هو الحل لهاذ الظاهرة
معاها كـــــــل الحق
و هذا هو السبب لي طرحت عجالو الموضوع ما هو الحـــــــل لهاته الظاهرة ؟
في انتظار عودتك مشرفتنا الغالية
انت وكل العقول النيرة في منتدانا لي عودة ان شاء الله :regards01:
​

 

[زهور الشوق]

لقد أسمعت لو نآديت حيآ...ولكن لآ حيآة لمن تنآدي
ولو نآرآ نفخت بهآ أضآءت...ولكن أنت تنفخ في رمآدِ
يآ مآ حكينآ ..ويآمآ شفنآ واستغربنآ..ويآمآ نصحنآ...ولكن النتآئج كآرثية
سأعطيك أمثلة من واقعي بعد اذنك
ف الليسي تاعي وحدة لابسة حجاب ولا خلينا نقولو خمار برك حتى جات واحد النهار والشعر مجبود والماكياج ..تخلعنا وكي سقساوها قالتلهم بابا حرقلي خماراتي وقالي مانزيدش نشوفك لابساتو
عجبآآآآآآآآآآآآآآ أ لهذه الدرجة؟؟؟,
وبعد ان اصبحت حديث صباح ومساء جاء ابوها يتخاصم مع الادارة ولكن بعد مدة اعادت لبسه ....
ومثال اخر ...مدير مدرستي شخص ملتزم امر بلبس مآزر ذات اكمام طويلة ومنع الماكياج ونزع المرآيا في الحمامات...ونفذنا كمجموعة صغيرة ما طلب منا وبقي معظم الطلبة يتحججون ويطلبون تأجيل التنفيذ اسبوعا تلو الاخر حتى نفذ صبره فقامو بمظاهرات وطبعا سمع كلامهم وعاد كل شيء الى سابق عهده
مآ عسانا نقول سوى لآ حول ولا قوة الا بالله
شكرآآآآآآآآ أخي​

 

[la_safa]

السلآم عليكم ,

اهلآ بكـ بيبآرس .. موضوع فِ غآية الاهمية ..
والله هآذ الظآهرة مش غير منتشرة .. الغنآ و الموطوآت و الطوموبيلآت
حذآ الليسي تحوم صبآح و عشيآ , غير كيمآ نشوفهم بركـ والله غير شكآيل
مآيستآهلو حتى يمشو حذآ الليسي لي نورمالمون مكآن مقدس - نورمآلمون -
+
حتى لبنآت هومآ لي يزيدو و يخليو هآذ ليجآن يزيدو يدورو و كلنآ عآبآلنآ
وش غآيتهم كيفهم كي العآرضآت هآذوكـ ,

مآعلينآ غير ندعو ربي يهديهم , للأسف الظآهرة وين رآيحة و تزيد ..
أمآ الحل !!

بوركت خويآ ~
​

 

[الميزان]

احنا اليسي نتاعنا شوية ماشي لهد الدرجة يمكن بسكو انا نسكن في بلاد صغيرة والناس تعرف بعضها وتحشم

مي عندك الحق الناس ماولاتش تحشم 50/100من لبنات و50 الي بقات من الرجال واش باغي ادير

 

[هدوء المطر]

و عليكم السلام ورحمة الله
و الله غير قستها ياخويا، يعطيك الصحة و ربي يكثر من أمثالك،
شوف نتا راك طفل و راك تقلقت من هذي الظاهرة! فما بالك حنا البنات؟ مي إسمحلي ماشي البنات كامل على خاطر كاين بنات يشتيو المعاكسات السخيفة هذيك، راني نهدر على بنات الفاميليا.
أولاً لي جون لي دير عفايس كما هكذا نقول عليهم فارغين شغل، يعني لوكان جاو لاتيين بصلاتهم و خدمتهم ما شكيتش رايح يكون عندهم وقت باش يـدراgـيو البنات، و زيد على هذا حتى البنات يحلولهم العين، يضحكو معاهم و يلبسو لباس غير محترم و من بعد كي يدراgـيها كآش واحد تقلك ماشي مربي، يعني أنا في بالي بنت الفاميليا اللي تكون لابسة لبسة محترمة و تمشي قد قد مع الطريق واحد مارايح يقلها كلمة، وزيد كما قلت ما فهمتش علاه يحطو الموسيقى على لخر، يعني واش هي الفايدة؟، زعما باش يجلبو إنتباه البنات !! بالعكس بنت الفاميليا ماهيش رايحة تشوف فيهم و كما يقلك'' اللي تربات على يدين الرجال ما يغرها لا زين و لا مال''
و نحب نقول للي جون بلي ما تنساش بلي عندك أخت و رايحة تكون عندك بنت في المستقبل إن شاء الله ولازم تخاف على بنات الناس على خاطر ''كما تدين تدان''.
يعطيك الصحة خويا على الموضوع و ربي يهدينا كامل إن شاء الله.
سلآمو.​

 

[adraa]

راني عارفة مبتغاك من هاد الموضوع
ohh la classe fooort
j'adore
ربي يهديكم قزازم البروميار اااااااااااااااااااانيييييييييييييييي :p
​

 

[ĂÝǾΰb]

ربي يجيب الخير راه الانحلال والفساد ولى في كل شيء وطبعا قبل كان ممنوع اللباس المبهرج والماكياج في الليسيات وضرك واحد ما ولى يهدر مع لاخر البنات حدث ولا حرج والمعلمات والمراقبات كيف كيف واكيد الشباب الي فاغ شغل وما عندو ما يدير غير العسة بالمسيبات -اسفة على التعبير - لازم نشوفو كل الاشكال والالوان وطبعا الي ما عندوش تربية ولا دين ما عندنا ما نقولولو غير ربي يهديك

أهلا وسهلا بالسيدة الكريمة
آميــــــــــن يا رب العالميـــن
كلامك كلو صحيح أيتها الفاضلة
لكننا نبحث عن حل على الاقل يقلل من الظاهرة
اللهم اجعلنا من المهتديــــن
بارك الله فيك مودتي واحترامي :regards01:

هذا يقولولو التخلف و اللي فارغين شغل يديرو هكا الله يهدينا

اهلا بيك اختي
هذاك هو فارغين شغل
آميـــــــــن يا رب العالمين
مودتي واحترامي :regards01:

وعليكم السلام
انا نقول ربي يهديهم برك

آميـــــــــــــن يا رب العالمين
شكرا على المرور :regards01:


​

 

[ĂÝǾΰb]

السـلام عليـكم
ياأيـوب نشكرك بزاف على هدا المـوضوع
هدي الظاهرة ولات حتى قدام السيـام مش غير الليسي ..ياو الجاميعة هداك شي تاني
هدو لعباد لي يديروا هكـااا يعجبهم الحال بزاف وكيما قلت أنـــت معرض ديال طوموبيلات وزيد الموسيقى ووووووو خص غير الرقـص بففففففففففف
على خاطر كامل هذا الشي مــن لبنات هوما يحبو هكـاا كاين حتى لي يمدولهم نوامر ديالهم اي عجـب ..عجــب ....... هذي والله ماهي حـالة ربي يجيب لي فيها الخيـــر راه الفســاد بزاف
قدام لليسي طومبيلات تقول عرس والله غير عـيب نتأسف من هذي الظاهرة
بصح كل شي مــن لبنات لي تمشي وراسها فاللرض والله واحد مايهدر معهـــاا كل وحدة وعقلهـاا
وربي يهدي مـاخلق​

يعطيكـ الصحــــة
وجزاكـ الله ألف خــــــير​

أهلا وسهلا اسيلوووو
ياو كرهنا وملينا منهم ربي يجيب ساعة الخيـــر
آميــــــــــــن يا ربي
مرسي اسيلو بارك الله فيك

وليت نحشم كي يوصلني بابا لليسي
​

هذي هي الناس تاع هذا الوقت
ربي يجيب ساعة الخير ويهدينا ان شاءالله
بارك الله فيك :regards01:

ياما هدرنا على هده الظاهرة اللي رانا مجبرين نعايشوها كي يوم
و ياما قلنا السبب فلان فلانة
لكن هل بالكلام تحل المشاكل
اين الحل؟​

أهلا بيك اختي
نعيب زماننا والعيب فينا, وما لزماننا عيبٌ سوانا.
لازم كل واحد يغير نفسو
و الناس لي ما تحشم نقولو عليها ان لم تستحي فافعل ما شئت ..
في انتظار من يقدم الحل بارك الله فيك اختي :regards01:
​

 

[ĂÝǾΰb]

لقد أسمعت لو نآديت حيآ...ولكن لآ حيآة لمن تنآدي
ولو نآرآ نفخت بهآ أضآءت...ولكن أنت تنفخ في رمآدِ
يآ مآ حكينآ ..ويآمآ شفنآ واستغربنآ..ويآمآ نصحنآ...ولكن النتآئج كآرثية
سأعطيك أمثلة من واقعي بعد اذنك
ف الليسي تاعي وحدة لابسة حجاب ولا خلينا نقولو خمار برك حتى جات واحد النهار والشعر مجبود والماكياج ..تخلعنا وكي سقساوها قالتلهم بابا حرقلي خماراتي وقالي مانزيدش نشوفك لابساتو
عجبآآآآآآآآآآآآآآ أ لهذه الدرجة؟؟؟,
وبعد ان اصبحت حديث صباح ومساء جاء ابوها يتخاصم مع الادارة ولكن بعد مدة اعادت لبسه ....
ومثال اخر ...مدير مدرستي شخص ملتزم امر بلبس مآزر ذات اكمام طويلة ومنع الماكياج ونزع المرآيا في الحمامات...ونفذنا كمجموعة صغيرة ما طلب منا وبقي معظم الطلبة يتحججون ويطلبون تأجيل التنفيذ اسبوعا تلو الاخر حتى نفذ صبره فقامو بمظاهرات وطبعا سمع كلامهم وعاد كل شيء الى سابق عهده
مآ عسانا نقول سوى لآ حول ولا قوة الا بالله
شكرآآآآآآآآ أخي​

اهلا بيك اختي المحترمة
مشاركة رائعة من عضوة ولا أروع
نفهم من مثالك و قصتك
عجب واحد يحرق الخمارات لبنتو :s
انو الشر تغلب على الخيـــــر مع كل اسف
اثريتي موضوعي بجواهرك شكرا اختي المحترمة
لا شكر على واجب مودتي واحترامي
​

السلآم عليكم ,

اهلآ بكـ بيبآرس .. موضوع فِ غآية الاهمية ..
والله هآذ الظآهرة مش غير منتشرة .. الغنآ و الموطوآت و الطوموبيلآت
حذآ الليسي تحوم صبآح و عشيآ , غير كيمآ نشوفهم بركـ والله غير شكآيل
مآيستآهلو حتى يمشو حذآ الليسي لي نورمالمون مكآن مقدس - نورمآلمون -
+
حتى لبنآت هومآ لي يزيدو و يخليو هآذ ليجآن يزيدو يدورو و كلنآ عآبآلنآ
وش غآيتهم كيفهم كي العآرضآت هآذوكـ ,

مآعلينآ غير ندعو ربي يهديهم , للأسف الظآهرة وين رآيحة و تزيد ..
أمآ الحل !!

بوركت خويآ ~
​

و عليكم السلام
وبيك يعيشك اختي كلامك واقعي وصحيــح
ليس لدي ما اضيف
آميـــــــــــــن يا رب العالميـــن
تزيد راهم يجو كامل الصغير لكبير العاقل والمجنون
وفيك بارك الله شكرا اختي :regards01:

​

 

[assinat]

الواحد يحشم هو في بلاصتهم
زعما الطوموبيلات و اللبسة تزيد فيهم النص
اللي خاوي من الداخل خاوي معرف واش تديرلو
و كاين اللي في المظهر الخارجي عادي بصح في داخلو جوهرة اخلاق و كلشي
ربي يديهم و يهنينا منهم

 

[بنت الـ25]

و عليكم السلام و رحمة الله
اهلا وسهلا بمشرفتنا الغالية :regards01:
اولا شكرا على الاعتماد وعلى تنوير الموضوع بالمشاركة الرائعة
كلامك كلو صحيح
مي كي هبط لتحت لقيت عضوة قالت وش هو الحل لهاذ الظاهرة
معاها كـــــــل الحق
و هذا هو السبب لي طرحت عجالو الموضوع
ما هو الحــل لهاته الظاهرة ؟
في انتظار عودتك مشرفتنا الغالية
انت وكل العقول النيرة في منتدانا لي عودة ان شاء الله :regards01:
​

وعليكم السلام بيبرس مرة اخرى :regards01:
فعلا سؤال لطالما طرح نفسه وعلى مر سنين
ما هو الحل؟
بصراحة كاين حل واحد ووحيد ولكنه صعب التحقيق على أرض الواقع
وهذا ما لا يختلف عليه اثنان
الحل موجود في القرآن الكريم
في قوله عز وجل
بعد بسم الله الرحمان الرحيم:
" قل للمؤمنين يغضوا من ابصارهم ويحفظوا فروجهم ذلك أزكى لهم إن الله خبير بما يصنعون ،،
وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها
وليضربن بخمرهن على جيوبهن ولا يبدين زينتهن إلا لبعولتهن أو آبائهن..... "
صدق الله العظيم
فالبعد عن كلام الله عز وجل ومبادئ ديننا الحنيف هو اللي وصلنا لهاد المظاهر
اللي صارت العين تخجل من رؤيتها :$

ربي يهدينا ويهدي كافة أمة سيدنا محمد أجمعين
​

 

[محـ أمين مد]

نعطي نصيحة لمثل هذا الشباب :

اخدم و دير لمعيشة . ماتنفعك لا انوشة لا بابيشة

و السلام عليكم .
​