تخضير طبق

[نور النايلية]

السلام عليكم
وشكون فيكم الي تعرف تدير الكروم مقلي
يعني نرحي الكروم ونشكل كويرات ونديرهم في البيض والفرينة ونقليهم
ووجد المرق والبيشامل وديرهم في الكوشة
أنا هكا سمعتها وحابة نجربها بصح الطريقة الصحيحة ولا التفاصيل معنديش
الي تعرفها تقولي عليها راني رايحة نديرها عشانا اليوم

 

[نور النايلية]

11 مشاهدة ولا أحد؟؟؟؟؟؟؟؟؟؟؟؟؟؟؟:$

 

[ام رحاب]

حبيبتي راح نمدلك وصفة من راسي يعني جربي وردي الخبر

اولا ديري الكرم يفور اكيد مقطع قطع صغيرة

وحضري مرق دجاج ابيض مع الحمص

ومن بعد مايفور الكرم حاولي تعصريه بيديك التنتين

وضيفيلوا لحم مفروم وتوابل كمون وراس الحانوت وفلفل اسود وملح وامزجيهم مع بعض مع اضافة شوية شابير ( بقسماط)

وفي الاخير شكليه كويرات معتبرة مرريها في البيض ثم في الشابير واقليها

بعد ماتجهز حطيها في المرق وخليها تغلي لمدة 10 دقائق وطفي عليها هيك تكون جهزت وقدميها مزينة بالمعدنوس
​

 

[samah06]

اختي الحبيبة انا ما نعرفش الطريقة وراح نجرب الفكرة تاع الاختام رحابلكن عندي فكرة اخرى
ديريه كراتان في الفور ادا حبيتيها نقولهالك وانا مجربتها اكثر من 1000مرة

 

[ام رحاب]

مشكور اختي جربي ولا تخافي راهي مضمونة 100/100
​