وقت فات

[بيكهام]

و الله هنا برك امورات و انشغالات
ربي يحفظك
ربي يخلينا الناس الزينة و الطيبة
​

معليش ربي يكون معاك وربي يسهللك الامور ان شاء الله

تحياتي ليك وسلم على لعجوز
​

 

[الجزائري05]

ربي يحفظك خويا حسام
يبلغ سوالك ان شاء الله

​

 

[عفاف الجزائرية]

بواش تفكرك هاذ الكلمة
احم احم ادارة بلال راه يشايـــخ

اني راجعة نردلك كي ترد انت باه نضمن رح ترجع ترد عني
:p
​

 

[الجزائري05]

هههههههههه
تم حضرك بسبب الدردشة المفرطة
​

 

[عفاف الجزائرية]

هههههههههه
تم حضرك بسبب الدردشة المفرطة
​

هههههههه ايواااااااه
شوفلنا الماgــــزان نتاع صاحبك اذا تقدر تبيعلنا الايام الي فاتو والله نجيب راجلي صح يشريهالي هههههه
ننتضرو رد الاخ بلال
ماكالاه ندردشو خلينا عاقلين :-r
​

 

[الجزائري05]

هههههههه ايواااااااه
شوفلنا الماgــــزان نتاع صاحبك اذا تقدر تبيعلنا الايام الي فاتو والله نجيب راجلي صح يشريهالي هههههه
ننتضرو رد الاخ بلال
ماكالاه ندردشو خلينا عاقلين :-r
​

الايام اللي فاتو راهم غاليين فالسوق عليها منجيبوهمش
واعلاه تجيبي راجلك يشري ونتي معندكش جيوب:p
انا ندردشلو في موضوعو علاه هو قليل ما دردشلي في مواضيعي:up:
​

 

[بنـ MaPa ـت]

اهلآ بلبل عاش من شافك تخربش هنا

تع صح فات وقت وجا وقت واللي فات ماشي كيما اللي يجي
اليامات لي فاتو ماكانش خير منهم مع اعز الناس لي جامي ننساوهم
دخلو قلوبنا وعشنا معاهم لحظات وكانهم جزء من واقعنا
تقاسمنا معاهم الحلوة والمرة
لكن يا خصارة
.
.
ماكانش شي يبقى على حالو

مي نتا ماتقطعش ضربة وحدة
مرة على مرة طل على حبابك الجدد هنا
وديرولهم شوية اومبيونص راك عارف لي الحالة سامطة بلا بيك :p
...
هيا شكرا على حسن القرآسة والمتابعة
هادي تاعك شيخ:d شفيت عليها ههه

في امان الله خيو
سلآآم
​

 

[فتاة حساسة]

èèèèh ya hassra ki kanèt lama lama.kana sah malmounin.ma3lich nchlh twali kima kanèt

 

[bilal22]

بارك الله فيك اخي كلنا سجلنا يوما ما وفي اي وقت ممكن نظطر لترك هذا المنتدى الطيب لاسباب كثيرة فلابد أن نترك فيه بصمة طيبة وأثر جميل مع الأعضاء والمشرفين لأن كتاباتنا تغكس أخلاقنا وقناعاتنا ومستوانا لهذا لابد من احترام كل الأعضاء دون استثناء لإن أفضـل من يدافع عنك عند غيابك : أخلاقك _ معك حق أن الإنسان يحن للأعضاء الذين يعرفهم وجمعته بهم مواضيع ويحن للمواقف التي حدثت له معهم يعني من حق اي عضو استرجاع ذكرياته كما يقال لي معندوش ماضي معندوش حاضر وماشاء الله المنتدى الان في سنته السابعة اكيد راه ترك بصمة في كل عضو سجل فيه طيلة السنوات الماضية

هادا صح فهم مقصودي في الموضوع

 

[bilal22]

لأجل هذا انا ماتعجبنيش المواضيع هاذي ومانقبلهاش
فيها التحسيس بالتفرقة ووو
​

الاخ مكانش تحط الموضوع ولا متحطش مكانش مشكل
مي لو فهمت لب الموضوع نومالمو تحطه عادي
بصح نتا فهمتو من جانب اني انا قلت راح نعتزل اللمه
ومتنبهتش اني قلت ضروف وكل ما يكبر لواحد تزيد لهموم وتنقص اوقات لفراغ وخلاص وقتي متنساش بيناتنا 3 سنين يعني المجال راه ليك خويا درك ههه
لب الموضوع كان عن ترك بصمه وسيره حسنه خويا مش علا لوداع
راح نرجع ونرد علا لجماعه وبالاخص جماعة الدردشه كي قريت والله ضحكت تفكرت ههههههه
يخي وقت يخي هههه

​

 

[السلطانة]

وعليكم السلام

كنت غايبة وقت حطيتي :p موضوعك

ياي الدنيا ولعوام تفوت
اىلوقت هاداك عمرو لا يتنسى
وقت النش
والتهراس في واش راك تهدر من مباعد يتغلق الموضوع بسبب الدردشة
ويكون بلال هو زعيم الدردشة هههه
الله يحفظك وان شاء الله كي تلقى وقت طل علينا
نعرفوك برك متقعدش مع الخدمة

​

 

[السلطانة]

ايام البايرات و الاكياس المشبوهة و التمنغيل
ايييييه
ايام لا تنسى
دورة و نرجعلك حاج مرخوف
​

مملكة المناغيل
والبايرات قليل لي قعدو منهم ههه
لوخرات تقطعو
:d
​

 

[نجمة ساطعة]

اه وانا كنت مانعرفش نكتب كنت محاربةصحراء اه هذوك ليام درك وليت نعرف نكتب اه هههههههههههههه منهم في ذاك وقت كان ناس نتع صح وشفتهم وفوت وفت معهم مليح اه هذوك ايام معك بالخضرا واسراء او ببزاف اومازال مشرفات ناش عزاز نحبكم والله

 

[bilal22]

يا بلال يا زين

و لله صح كاينة و تكون الهدرة هذي

مي واش تحب

مي وعد يا صديقي غير نرجعو كيما كنا شويا وقت برك

قتلك راني وليت عاقل هههههههههههههه

انا تاني توحشت أيام زمان

راك تشوف رجعت كلش 000000000

معليش رايح يرجع كلش كيما بكري سامي راه حاظر

و لباقي رايح أيجي لحاظر يعلم الغايب و خلاص

خليك هنا ماشي انت و تزيد تروح
​

ها لحاج مش لمشكل في ترجعو ولا نرجعو ها دي نورمال انا حتي كي راحت جماعتنا بقيت مع لجدد وكان الامر عادي مي كيما قلنا كل واحد منا عندو محطات يفوت عليهم ولمه كانت من المحطات هادو وزيد ياك راك عارف لوقت يمشي ولهموم كيما قلنا ديما كاينه وكل ما يزيد يكبر لواحد تزيد علا راسو لهموم ونومالمو راك فاهمني درك هههههههههه ها مالا لحق لوقت وين خلاص نخلو لبلاصه لغيرنا ونبقاو متابعين ساعه علا ساعه بطله
يعطيك صحه يا لحاج نورت هههه

 

[bilal22]

السلام عليكم
"الجديد حبو القديم لا تفرط فيه"
مليح الواحد يكون و يصنع قدر و قيمة ليه في منتدى مدة 6 سنين ومليح اكتر يقدر يحافظ عليها
كيما يقولو صعود القمة ساهل مي البقاء فيها الي صعيب
ونتوما مازلتو في القمة بصح جبدتو روحكم برك
من رايي و اسمحولي لازم نقولو :
لوكان قعدتو و شاركتو مام انحط مستوى المواضيع والمشاركات هنا مي معليش كملو ساعدو وضحو واش راهو غامض و مبهم عند الاعضاء , قولو كلمة الحق , خودو بيد الاعضاء للاحسن بما انكم مجربين
هادا هو الحل في رايي :-r
ادا ولا كل واحد يكره و تسماطلو الحالة و يدير مقدمة طللية يتذكر الأيام الخوالي ما تبقاش شعلة المنتدى مرفوعة وشاعلة و مضوية علينا كامل
صح راني معاكم كي تقولو بلي اللمة و خاصة هاد الركن النابض "منتدى واش راك تهدر " الي نعتبرو قلب اللمة كامل هو الركن الحيوي النشيط مواكب للوقت و تغيراتو , كي تقولو بلي تبدل و ماعادش محبوب و غني و ثري بمواضيعو و حصرياتو صح إيه عندكم الحق ,إيييييييه وممبعد ؟؟؟!!! هنا تخلاص مهمتكم هنا ؟؟؟
طبعا لالالا لازم كل واحد يشارك ويحسّن ويصلح بالشي القليل الي يقدر عليه
والمشرف "ماكانش " خير مثال على واش راني نقول , راهو من صنّاع هاد الركن ومن الأعمدة تاعو بصح مازال واقف رغم ركود الركن و انحطاط مستواه شوية ..
والحمد لله رانا في وقت وين انشغالاتنا مسموعة والمشرفين آذان صاغية يعني كاين مجال للحوار
نتمنى تعيدو النظر في قراركم
وتعاودو تنشطو هنا
رانا محتاجين لمواضيع مفيدة هنا تعالج امور مهمة حقا
ماناش محتاجين لاهدر في 'واش راك تهدر ' وإنما محتاجين لحلول لواش رانا نهدرو
ما تنساوش رانا رح نتحاسبو على كل كلمة نقولوها , ما تنساوش بلي قادر موضوعك نتا و لا نتي قادر يسلك واحد حاصل ولا يفيق وحدة تايهة ولا يعالج قضية من قضايا مجتمعنا
رانا هنا كلنا على اختلاف عقلياتنا , ولاياتنا , اعمارنا , و مستوياتنا رانا هنا نتعايشو مع بعضانا نستفادو و نفيدو
ديرو هاد الكلام في بالكم وإن شاء الله ما يكون غير الخير
علابالي طولت الهدرة بزااااااف -نشف ريقي- بصح في سبيل إنقاذ المنتدى ولمتنا الغالية على قلوبنا
:regards01:
​

بالعقل برك سوسو راكي وليتي زادمه ياو هههههههه
وش راح نقلك ومنين نبدا نجاوب علا كلامك وبعدها نروح لمقصودي في لموضوع
انا مقلتش انحط لمستو صح اللمه كانت في وقت ما راكده ومع دالك كنت نكتب ونخربش ونحكي ونشطو لحاله عادي يعني مش من طبعي نتهرب اصلا نحب التحدي
اما كلامي كان علا اني وصيت خاوتي بترك بصمه وحسن تصرف لانه يجي وقت ويرحلو
مالا من الاحسن يخلو بصمه ولبصمه متجيش من الريح تجي من الكتابات ومن لمشاركات وتكون هادفه ومفيده ولا راني غالط يا خالتي هههه

شكرا سوسو ههههههه علابالك تفكرت نهار كنتي جديده هنا كي كنتي ودرك راكي وليتي تزدمي وتخربشي وبقوه تاني
وملاحضه اخري حتي طريقتك في السرد والكلام تبدلت مبقاتش كيما كانت

 

[bilal22]

ماعلاباليش علاه كي نشوف مواضيع كيما هاكا تحكيو على زمان وكيفاه كانت اللمة نحس روحي غير معروفة ودخيلة هنا والله ماعلابالي علاه
لالا ولي خويا ماتخليناش نحسو بلي حنا السبة فالروحة تاعك
​

لالا خيتي انا مقلتش كي سماطت انا نروح عادي خيتو انا ضروف برك خلاني ننقص في دخولي برك
اما زمان حتي نتي يجي وقت وتولي تحكي وتقولي بكري وبكري علا هادا لوقت لي راكي فيه هههه
شكرا لك ختي

 

[!≈[سُِـِيٌــِـِفّ اٌڷِخً‘يٌـرُ]≈!]

ها لحاج مش لمشكل في ترجعو ولا نرجعو ها دي نورمال انا حتي كي راحت جماعتنا بقيت مع لجدد وكان الامر عادي مي كيما قلنا كل واحد منا عندو محطات يفوت عليهم ولمه كانت من المحطات هادو وزيد ياك راك عارف لوقت يمشي ولهموم كيما قلنا ديما كاينه وكل ما يزيد يكبر لواحد تزيد علا راسو لهموم ونومالمو راك فاهمني درك هههههههههه ها مالا لحق لوقت وين خلاص نخلو لبلاصه لغيرنا ونبقاو متابعين ساعه علا ساعه بطله
يعطيك صحه يا لحاج نورت هههه

مريقلة صديقي ربي يكون في العون

راك عارف نشتيك ياسر

ما قريت الموضوع مليح و رديت

المهم ربي يسهلك ان شاء لله

راني هنا خويا و ان شاء لله تفرغلنا شغل في اقرب وقتك

نحبـــــــــــــــــــك
​

 

[bilal22]

يا خاوتي نتكلم في مكان خويا بلال

انا واحد من ناس لي شهدت اللمة أنتاع بكري

كانت اللمة للمة صح

معليش خاوتي

أن شاء لله يرجع في قرارو بعد ما رجعت بعض الأعضاء

و رايح نشوف كيفاه نرجع اكبر عدد من الأعضاء لي كانو و نرجعو كيما بكري

​

وشكون لي عطاك ترخيص تتكلم علا اسمي ههههههههههههه
درك ندير بيك رابور لهيئة الامم لحقوق الاكلام

 

[bilal22]

مريقلة صديقي ربي يكون في العون

راك عارف نشتيك ياسر

ما قريت الموضوع مليح و رديت

المهم ربي يسهلك ان شاء لله

راني هنا خويا و ان شاء لله تفرغلنا شغل في اقرب وقتك

نحبـــــــــــــــــــك
​

ها حسيتك مقريتش لموضوع علا ديك قلت راك خارج الاطار واقيلا ديرابيت هههههههههه

ياو ركزلي علا لخره راك حشمتني بيها حسيت لحاله ........... هههههههههههههه

 

[bilal22]

دوكا يا بلال خويا اللمة تحلى بناسها وأعضاءها
وهنا فاللمة (بكري) درنا الكلايك (جمع كليكة خخخخخخخ) يعني مجموعات مجموعات
ندخلو عجال ناس معينين نحكيو نضحكو نفوتو وقت مليح نستفادو ونتنافسو

راني معاك انو الكثيييييييير من الأعضاء القدامى انقرضو ولكن كل واحد وظروفو
انا كي رجعت للمة آخر مرة حسيت كيما انت أني غريبة والغاشي يعرف بعضاه وانا لا
مي صدقني كي تكون حاب ترجع تتأقلم تقدر
منعرف لاكان تشفى عليا مي معليش نقولك
أنا العضوة سندريلا سابقا :d
اللي مزالو لدرك يسقسيوني على صباطي خخخخخخخخخخخخ
كلمة وداع هادي منحبش نزيد نسمعها وما دابينا تشرفنا توجور لهنا
و (ممنوع الدردشة)خخخخخخخخخ

عبير ما تتنشعي موالو اك تعرفي نحبو نجبدو الدواصا لقدم
مي كيما قالت يلدز القديم حبو والجديد متفرطش فيه خخخخخخ ياه العكس
​

ها مولات سباط انا مرحتش ورجعت انا من بكري وانا لاصق هنا وحتي وقت فات كانو حابين يطيروني من هنا وبصح لصقتلهم في العضم قالو لي نتا مشاغب هههههه
مش كي سماطت انا قررت نروح نو نو انا تاني ضروفي متخلينيش ندخل ونشارك يعني قليل وين نجي وادا جيت اكيد كشما ندردش نكدب عليك نقلك نكتب موضوع ولا نرد لالا هههههههههه

كي تلقاي سباطك ونشوف لبوانتير نتاعك نقلك نتي هي لي في بالي ولا لا ههههههه
مرسي خيتو