طلب مساعدة من الاخوات الكريمات

[كوثر الوهرانية]

مساء الخير
واش راكم لبنات
حبيتكم تساعدوني راني نبحت على حلوة كنت شفتها فالمنتدى بصح عيت نبحت عليها و ملقيتهاش هي تجي على شكل هلال و العجينة فيها تكون بلونين الابيض و البني نديروا حربوش بالعجينة البيضة و نديروا كرة صغيرة بالعجينة البنية نحط العجينة البنية و فوقها الحربوش الابيض و نحطها على السلاكة نتاع الشعر و نضغط عليها باش تعطينا الشكل و نولوا نشكلوها هلال
اللي تعرفها تساعدني و جزاكم الله بكل خير:

 

[كاترين]

تقصدي قرن الغزال ؟

 

[samah06]

راه اسمو عين الجمل اكتبيها لجوجل درك يخرجهولك
الله يوفقك

 

[ندى الورود]

أختي كوثر الحلوة اللي تحوسي عليها صح كانت حطتها من قبل العضوة حفيظة 42 و ضرك بدلت عضوبتها ولا
إسمها Farnanita Ida دخلت لملفها الشخصي بصح الموضوع ما لقيتوش أكيد راح بعد انقطاع اللمة
المهم أنا حوست في منتدى وحد آخر ولقيتلك الوصفة

حلوة المشط

المقــــاديـــر:

العجينة:
500غ فرينة
250غ مارغرين
1/2 كيس خميرة كيميائية
فانيليا
2بيض
2 ملاعق كبيرة كاكاو
130غ سكر
2 ملاعق كبيرة ماء الزهر
مايزينة
الحشو:
2كيلات كوكاو مرحي
1/2 كيلة سكر
ماء الزهر
التحضيــــر:
في وعاء نخلط الفرينة+ الفانيليا+ السكر+ الخميرة+ المارغرين ونخلط الكل جيدا

نضيف البيضتين

نجمع العجينة بماء الزهر حتى نتحصل على عجينة سهلة الإستعمال

نأخذ ربع العجينة ونضيف لها ملعقتين من الكاكاو

نرش المشط بالمايزينة

نشكل كريات من العجينة البيضاء وأخرى صغيرة من العجينة البنية ونضع كرية على أخرى

نبسط العجينتين على المشط مثل ماهو مبين في الصورة

نحضر الحشوبخلط الكوكاو والسكر

ونرشه بماء الزهر

نضع القليل من الحشو في وسط العجينة

نغلق العجينة

وننزعها برفق عن المشط لنتحصل على الشكل التالي

أو يمكن أن نشكل هلالات

ندخلها الفرن مدة 45 دقيقة

​

 

[كوثر الوهرانية]

الف شكر لكم اخواتي على الاهتمام بطلبي
مشكورة اختي ندى على الوصفة بارك الله فيك هي بالدات اللي كنت نبحت عنها جزاكي الله بكل خير

 

[ندى الورود]

تمت المساعدة
موضوع للغلق
​