نوكل عليكم ربي

[قناص الغرام]

مساء النور ناس اللمة و اصحابها
:regards01::regards01::regards01:
علابالي هاذي مدة مادرتش موضوع
بصح اليوم تفكرت حاجة راهي في بالي عندها مدة
:$:$
نبدااااااااااااااو
:p:p
واحد النهار انا في الخدمة جاتنا معلومات بلي كاين شخص عندو 5 كلغ كيف
:-o:-o:-o:-o
تاكدنامن المعلومة و درنا الاجراءات القانونية
بسم الله
دخلنا على الراجل في دارو
فتشنا الدار مليح
لقيناها
:tongue02::tongue02::tongue02::tongue02:
لحد الساعة كلش نورمال
:thumb_up02:
كي عدنا خارجين بيه
تتلاح علينا امو تضرب فينا

حكموها زوج صحابي بطريقة متربية باش نطلعوا ولدها في الطويوطا
المهم طلعنا و هي تعيط و تسب فينا و من جهة اخرى قالتنا نوكل عليكم ربي
:scared01::scared01::scared01::scared01::scared01::scared01::scared01:
يعني ذرك قولولي علاه ماقالتش نوكل ربي على ولدي الي يقتل في الشباب
من ذاك الوقت و الصورة هاذي في بالي
:cray02::cray02::cray02::cray02::cray02::cray02::cray02::cray02::cray02:
اليكم الخط
:d:d
​

 

[Rahal Oualid]

اولا : مرحبا خويا موح ياو من نهار لي تلاقينا
دخلت و الله هههه

الحجة المسكينة كان ولدها يجبلها في الخبزة الله غالب بلاك هذاك هو الرزق تعها
مي وش تحب خويا شعب مـــدكلونشي
سلام
​

 

[عليلو 24]

بدون تعليق
شغل هي شافتها حقرة
مي يستاهل
كون خدم في الخير يلقا الخير
الحرام مايدومش​

 

[بنت الـ25]

متغيضك الهدرة اللي قالتها ما تبقى تخمم فيها ما والو خويا
هادي الجملة يهدرها الشعب الجزائري عامة كي يحس روحو محقور سواء كان ظالم ولا مظلوم
وهاد الحاجة كون نلتمسولها العذر نلقاوها أم توخدت في فلذة كبدها بسبب فعايلو
وقلب الأم ميطاوعهاش تدعيه ألوغ دعات عليكم انتوما خخخخخخ
ربي يهديه ويهديها ويهدينا اجمعين

​

 

[سمسم السمسومة]

هي أم و لي قالتهولكم مكانتش قاصداتو...يبقى ولدها و حاجة منها.........مهيش ساهلة تشوفكم تديوه من بين يديها...ربي يكون معاها و يصبرها و يهدينا يا رب....ونتوما _ربي يكون معاكم_

 

[love papitou]

ولدها هو لي اضطرها انها تحكي كيما هكاكا اوك نورمال راو ربي يعرف شكون الغالط

 

[نسمات إيمانية]

يبقي قلب الأم

لكن أنتم قمتم بواجبكم وكنتم في مهمة رسمية ولصالح هذا الشاب الضائع وانتقذتم كثير من عقول الشباب الذين للأسف لا يعرفون مصلحتهم فجزاكم الله خير

​

 

[فتاة حساسة]

سلام أخي .شكرا على الموضوع.
وتخمم في هاديك الهدرة ما والو.هيا of course ماراحاش توكل ربي على بنها على خاطر بنها.وهادي خدمتكم.تحية ليك من عندي.تقبل مروري.اختك نجلاء ^^

 

[محـ أمين مد]

السلام عليكم ورحمة الله و بركاته

اهلا الراجل الزين . واش راك لاباس ان شاء الله .

و الله يا محمد اخي خدمة الدرك الوطني صعيبة و قليل لي يحملها الا اصحاب النفوس القوية و العقل المفكر و القلب الواسع

هي الام بطبيعة الحال تحب ولدها و تبغيلو الخير . الام هاذي على حسب ظني ماعلابالهاش بلي ولدها يتعاطى المخدرات لانو كون علابالها هي تخبر عليه و اذا مانجمتش تشكركم اذا ديتوه و هاذي هي الام
لكن واش حاب دير . القانون قبل كل شيء

وهو كون جا يخمم في يماه . يخدم الخدمة هاذي . حسبي الله و نعم الوكيل من ها الشباب

بارك الله فيك على الموضوع صديقي

و السلام عليكم
​

 

[أم عبد الله]

انوكل عليك ربي
يااخي ماديرهاش في بالك بزاف يعني هي عجوز كبير لو نفرض انها ماتعرفش بخدمة وليدها نعذروها
مي الا كانت تعرف وتتستر هاذيك هي الطامة الكبرى

لم اجد ما اعلق عليه عذرا
سلامي

 

[nina usma]

سلالم و رحمة الله

عجبتني هدي هههههههه

ياو الام تبقى ام و الله غالب عليها

مشكور​

 

[قناص الغرام]

الف شكر على كرم مروركم
​

 

[بنت الجزائر و افتخر]

الأم تبقى أم (عذروها)
الأم ما تخممش بعقلها كي تجي في ولدها

تولي تخمم بقلبها و هادي حاجه طبيعية

و أنت درت واجبك و تحياتي ليك خويا :regards01:

باسكو نتوما لي راكم تحمو فهاد البلاد

شكرا على الموضوع

تحياتي​

 

[قناص الغرام]

الأم تبقى أم (عذروها)
الأم ما تخممش بعقلها كي تجي في ولدها

تولي تخمم بقلبها و هادي حاجه طبيعية

و أنت درت واجبك و تحياتي ليك خويا :regards01:

باسكو نتوما لي راكم تحمو فهاد البلاد

شكرا على الموضوع

تحياتي​

الف شكر
​

 

[bilale-007]

القضية بسيطة حب الام لابنها يعميها عن الواقع المر الله غالب وحدة متسمح في وليدها مهما يكون