آليوم جيت نحكي حآجة مكسرتلي رآسي ديمآ و حآب نفهمهآ ، علآش ديمآ تشكي من آلفقر يآ موآطن و تقول لمعيشة و لمعيشة ، علآش رآك تشكي من آلبطآطآ 100 دج آلكيلو ، و رآك تشري في شيكولآ ميلكآ 140 دج ؟ علآش تشكي من آلتريسيتي و آلمآء و آلغآز ، و تخلص في آلآنترنيت و آلكونيكسيو بآلشهر و مآتحكيش كي تخلصهآ ؟ علآش رآك تشكي من غلآء آلقش و آللبسة ، و مبعد نلقآوك بسيآرة آخر صيحة ؟ بصريح آلعبآرة علآش تشكي من آلفقر و آنت لآبآس عليك ، ؟ هآدي لي رآني حآب نفهمهآ ، مآكمش تشوفوآ بلي آلموآطن يشكي من حآجة مي رآه يدير في حآجة آغلى منهآ و مآعلآبآلوش مسكين :s ؟
في مرة تلاقو مركاني و عربي ،، قال المركاني وش امنية يا العربي
قالو سكنه و خدمة مليحة و مرا صالحة
قالو المركاني علاش راك تحكيلي على حقوقك قتلك عطيني امنيتك
وش نحب نقلك خويا هذو لحوايج حق من حقوق المواطن في الاصل
النت و الخدمة و ..
زيد الحق انو نبالغو شويا مي الشعب في الواقع راهو يعاني تاع الصح
مي نقولو الحمد لله على نعمة ربي الا و هي " الأمن و الأستقرار "
سلام
السلام عليكم
صح
يشكيو من الغلا و ما يشروش من غيرو
هوما حايرين فالصح واللازم بصح تلقاهم يشرو الكماليات والثانويات
تناقض برك و مازالنا نحوسو نفهمو
شكرا على الموضوع
هادا طبيعة خاسرة والفها اللي معندوش القناعة في قلبو ، اللي والف يشكي ، وكلمة الحمدلله تقيلة على لسانو
*****
كاينة وحدة جارتنا ملي عرفت صلاحي وهي تشكي
عمري ما تلاقيت بيها وسقسيتها واشراكي وقاتلي لاباس ! توجور تشكي بالبح
وبناتها والله يلبسو خير مني
ربي يهدي هاد الناس
