السلام عليكم ورحمة الله وبركاته
إن شاء الله بخير؟
---
جبتلكم وصفة "الكاشير "
تفضلووو المكونات و المقادير:
إن شاء الله بخير؟
---
جبتلكم وصفة "الكاشير "
تفضلووو المكونات و المقادير:
1/ كاس روز
2/ كاس لحم مرحي
3/ نص كاس زيت ولا حتى أقل بقليل
4/ 3 حبات بيض
5/مغارف 3سميد رقيق
6/ ملح * فلفل لكحل
7/ عكري حلو و إدا حبيتي الكاشير يكون حار ديري العكري الحار
8/ الزيتون
9/ التوم
و نحتاجو ساشي ' كيس' تاع السباقيتي باش نديرو فيه الكاشير تاعنا
الطريقة:
نخلطو اللحم المرحي مع الروز و الزيت والتوم والسميد ممبعد نزيدولهم البيض والعكري و الملح والفلفل الأكحل
ممبعد نزيدولهم الزيتون الأخضر بدون نواة نكونو غسلناه بالما باش يتنحالو الملح الي فيه
ونفرغوه في ساشي تاع السباقيتي الي نحطوها في إناء يكون طويل باش يشدهالنا
كي نعمرو الكيس نخلو شوية مساحة فارغة ( ما نعمروهمش كاامل ) نربطوه فالطرف بخيط عادي ونتقبوه بإبرة باش يتنفس ونكون حطينا قدرة فيها الما فوق النار ونحطوه فالكسكاس يطيب مدة 45 د او أكتر شوية
و كي يطيب نخلوه يبرد شوية
ممبعد نقطعوه
وبصحتكم :-r
هايا لبنات ما تقولوش الطياب واعر
راهو ساهل :up: و بون كوغاج
هايا لبنات ما تقولوش الطياب واعر
راهو ساهل :up: و بون كوغاج----
سبحانك اللهم وبحمدك أشهد أن لا إله إلاّ أنت أستغفرك وأتوب إليك
واللهم صل على محمد وعلى آله وصبحه أجمعين
سبحانك اللهم وبحمدك أشهد أن لا إله إلاّ أنت أستغفرك وأتوب إليك
واللهم صل على محمد وعلى آله وصبحه أجمعين
