وعلاش ?

[lina-67]

السلام عليكم اخواتي و اخوتي
حبيت نسقسيكم وعلاش ولات بلادنا هكا المعريفة المعريفة المعريفة المعريفة ،امي رايحة تدير عملية جراحية تاع لقواتر(goitre) و قالها البروفيسور لازم ديريها في مصطفى باشا و لازم بالطبع المعريييييييييييييفة, راكم عارفين بلاد ميكي ,علاش القليل و الفقير لازم ينغبن و يطيح و ينوض و يسلف و يبيع ذهبو و صوالحو باش يروح للبريفي alore que ولاد.........و اللي عندو المعريفة .هوما اللي يستفادو من هاذ لبلاد, يجوهم حتى للدار تقول بلادهم وحدهم و علاش يا خاوتي احنا ما نسالوش فيها !!!حتى المريض ما يسواش بلاصة في سبيطار في بلادو !!! اللي ما عندوش لمعريفة يمووت
سمحولي قلبي راه معمر و اللي عندو معريفة ما تبخلوش علينا و اجركم على الله صدقة عليكم في سبيل الله و بارك الله فيكم

 

[بنت الـ25]

رئيسنا العزيز عبد العزيز بوتفليقة قالها بالحرف الواحد
" غير المعريفة مالقيتلهاش حل في البلاد هاذي "
يا اختي الدنيا بالوجوه والاخرة بالفعايل
ربي يشفيلك يماك
​

 

[Ma$Ter]

اولا الله يشفى امك

مشكلة المعريفة فى الجزائر لم ولن تنتهى ولا يمكن لاى رئيس جديد ولا قديم ان يغيرها
لانها شملت كل الميادين وكل التخصصات وكل الاجناس

فقط انصحك ما تتوكلى الا على الله عز وجل والاكثار من الدعاء والصدقة
وان شاء الله يفرجها عليكم ربى من دون معريفة


​

 

[iman88]

اييييييييييييييييه راكي تحكي على فيتامين وااااااااااااااااو . .الواسطة و المعرفة


اوين في بلاد ميكي . . .يا ختي نبتت خلاص و عروقها مشات و تشبكت . . شكون يقدر يجتذها . . .قالك بهلول و موصي

هذا خويا .. ذاك عمي..هذا جاري..هاذي قرات معاي.. . هذاك نحتاجو من بعد .. وهي رايحة

و المشكل الكبير هو انو اصحاب الشكارة و لكرش الكبيرة هوما الي عندهم العرف لانهم يحتاجو بعضاهم . . .بيان سuر

و تطفر في الزوالي ماهو منا ماهو ملهيه . . .ما عندو شكارة و لا عرف لانو زوالي مسكين واش يديرو بيه

الوغ نوكلوا ربي هو قسام لرزاق و هو الشافي الحمد لله و هوما ربي يهديهم و لا يديهم

حتى حنا بلادنا و نسالوا فيها نورمالمو حقنا تاع البترول و الخيرات الكبيرة وقتاش ندوه :s

النااس شبعت على ظهورنا

حسبنا الله و نعم الوكيل

 

[محـ أمين مد]

السلام عليكم ورحمة الله و بركاته

الله يشفي امك ان شاء الله

المعريفة يا اختي راهي في كل مكان . لكن تأكدي ان الله لا يضيع عبده المخلص .

الله غالب واش حاب ديري لي ماعندهش لكتاف قاع يصراله هكدا .

نطلب من ربي يشفيلك يماك ان شاء الله . ربي عارف واش يدير .

ولو اجتمعت الامة على ان ينفعوك بشيئ مانفعوك الا بشيئ قد كتبه الله لك .

و السلام عليكم .
​

 

[قناص الغرام]

المشكلة تاع لبلاد كامل المعريفة شوفنا كاش معريفة باش نعرفوا واحد ونعودوا نقولو عندنا المعريفة
​

 

[وصال]

اختي توكلي على الله وان شاء الله ربي يحلها

اما المعرييييييييفة خلاص ولات شرط من شروط الحياة والله المستعان ، بصح صدقيني لي خلق ما يضيع اتوكلي على ربي لي مكتوبة في الجبين لازم تشوفها العين ، قصدي يماك رايحة دير العملية بالمعرفة ولا بلا بيها اذا كان مكتوبلها ديرها ،ياختي واش نقولك ربي يفرجها على يماك ويشفيها ويشفي جميع المرضى .قلوبنا معك اختي .

 

[chr-ndj]

أولا ربى ي يماك و يخليها تاج فوق رووسكم

صح بلاد ميكى ومعرفة بالصح حنا مومنيــــــــن وعلابالنا بلى الشافى ربى سبحانو ادعيولها برك ووكلوربى على ناس كانو سبب فى معاناة شعب كره كلمة معريــــــــــــــفة
​

 

[manal1993]

واش نقولك ربي يشافي الوالدة وانشاء الله كل شي يتحل واش نقولوا حسبنا الله

 

[NABILA NIHAL]

أختي مينات يسلم فمك على هذا الكلام كل يوم يزيد اعجابي و حبي لكي أختك نبولة الحلوة هههههههههههه