ساعدوني ارجوكم

[lina-67]

السلام عليكن اخواتي
راني رايحة ندير عشاء لاصحاب راجلي مع نساءهم و راني حايرة واش نديرلهم حبيتكم تساعدوني و لو بفكرة طبق رئيسي سلطة مقبلة ديسار مهم حاجة تحمر الوجه ارجوووووووكم:cray02:
​

 

[*NajéT Algérien*]

والله ياختي انا معالبليش سقسي لشفات لعندنا
تبارك الله عليهم

كاين مواضيع هايلين في اقسام الطبخ ان شاء الله تفيدك​

 

[samah06]

اختي مطبخنا ماشاء الله فيه اكلات بزاف تحمر الوجه
نفيدك في شيئ ادا طبختي جاري اوشوربة مع شخشوخة ديري كفتة وادا طبختي كسكسي ديري لحم حلو او طاجين حلوكيمانقولووايضا سلطة وجديها من قبل الخضار طيبيهم وقصيهم والديسار والقازوز او جي او معا ممكن
ومن بعد حطي قهوة مع القاطوات وما تكثريش راهم تغداو ما يكلوش مع القهوة احسن شيئ ديري تاي وقهوة واش بغاو يشربو يشربووان شاء الله يزيدو يفيدوك لبنات
المهم من عندي النظام وارجاء البيت نظيفة ومضاءة جيدا
والله يعينك

 

[نبض الحياة]

اهلآ بيك حبيبتي
احنآ اغلبيآ كي نعملوا العرضآت عندنآ الحريرة ضرورية وديري فيهآ الكفتة تجي هآيلة
+ طآجين زيتون ولا محمر + برقوق و السلآيط
في طرق التقديم رآهي كآينة بزاف في اركآن الطبخ
مآم اهنآ تلقآي وصفآت مآ شآء الله
ربي يقدرك حنونة
​

 

[anissa 13]

ستنايني نتعشى ونوليلك
​

 

[lina-67]

chokran jazilan limosa3adatkom baraka allah fikom akhawati

 

[SAMIRA25]

السلام عليكم اختي
ما شاء الله الجزائر كبيرة و كل منطقة و عندها اطباقها
مثلا في الشرق نديفو شوربة فريك بالكفته و طجين يا زيتون يا طجين حلو والطبق الرئيسي عادة نديرو شخشوخة و تحبي تزيدي بوراك مع الشربة و السلاطة طبعا و مشروبات من بعد تحطي القهوة مع مكسرات و شوي حلويات و اذا مازالو قاعدين حطيلهم فواكه تحبي ديريهم سلطة و لا تقدميهم هكاك و تحبي تزيدي معاهم فلان و لا محلبي انت و مقدورك

 

[lina-67]

ستنايني نتعشى ونوليلك
​

rani nestana

 

[عفاف الجزائرية]

مازالك اختي تحتاجي افكار ولا خلصتي عرضتك باه نرد عليك ..
​

 

[lina-67]

مازالك اختي تحتاجي افكار ولا خلصتي عرضتك باه نرد عليك ..
​

khlas hbibti rani khalast 3ardti dert hrira w bourek w dert el mtawam b viande haché w lham lkhrof w dert zitoune bil khorchof , baraka allah fik okhti w kol akhawati li sa3doni rabi ykhalikom

 

[عفاف الجزائرية]

الحمد لله تمت الاجابة على استفسارك
موفقة حبيبتي
ربي يهنيك
​