مُلتقى عرائس اللمة الجزائرية لسنة 2013

[@احساس طفلة@]

اناعندي سواري قرونا سااامبل واخرى خضراء وعندي قفطان مغربي
وعندي النايلي واش رايك واش نزيد ثااان باش نتصر وقوليلي واش من لون نقوللها تكريلي تاع الهندي انتي تكوني شايفتهم دبري عليا وربي يحفظك حنونتي واسفة على تاخر الرد

حبيبتي حبيت نعطيك راييي الهندي في وادي سوف يلبسوها غير في الحنة برك قليل الي يلبسها في التصديرة مكلاه تكريها ،،، بالنسبة لقنادر التصديرة كملي الكوكتال ( قندورة عنابية ) سوا حبيتي تكريها ولا تشريها هكدا يكفي متكثريش بزاف

 

[*Sarah Dz*]

السلام عليكم يا البنات
حبيت نشارككم يالشي لي راني مجهزاته من تصديرتي
عندي قفطان اسود بالذهبي بلا الحزامة * ستيل تركي *
و منصورية بيضاء
و بلوزة زرقاء
و قفطان تاع المنسوج التلمساني ارجونتي بالبلو نوي
و سروال المدور *كاراكو ساتان* بلون البرونز
و قفطان وهراني gــروناا * اميرة*

.. الاميرة و المنصورية و السروال مازالهم يتخيطو ما وجدوليش
​

 

[كوكة27]

راني حايرة بزااف يا البنات
انا من مستغانم
باغية نسقسي على واش لازم
العروسة تدي معاها الى باتنة :s:s
وحدة قالتلي 2 تاع كانابي
بصح حنا نديرو 0 فراشات و 0 مخايد

جاوبوني بلييييز

 

[*Sarah Dz*]

جاوبوني بلييييز

اخنا معروف عندنا في الغرب العروس تدي معاها الفراش
(لحوفا و مخايد) و العدد على حساب طاقتك
و ادا حبيتي تزيدي .. ديري صالون ماغوكان
و خلي الكانابيات للعريس

مفال .. انا درت 10 لحوف بمخايدهم
+ لحاف تاع 2بلاص
و هو دار لي كانابي
​

 

[نجمة ساطعة]

شوف مطارح2
حقبية ملابس داخيلة
حقبية ملابس دار وبرا ونتع جاهز كلش زوج
ومكياج زربية اومخايد

 

[لينا عبد الواحد]

شاراكي تسناي يا العباسية
علابالك بلي قش العرايس من افريل يبدوا يغلوااا
في السومة
انتي وين رايحة عروسة في الاول؟ باش تعرفي شا تديري

ايه يا جارتي مشكورة على الرد راني رايحة غير هنا في ولايتي اما القش خممت نكري برك لاني بعد العرس ما نلبسهمش لذلك ما راحش نشري ومن بعد يقعدو مقابليني باطل .راح نشري برك المنصوريات و القفاطن.

 

[*Sarah Dz*]

ايه يا جارتي مشكورة على الرد راني رايحة غير هنا في ولايتي اما القش خممت نكري برك لاني بعد العرس ما نلبسهمش لذلك ما راحش نشري ومن بعد يقعدو مقابليني باطل .راح نشري برك المنصوريات و القفاطن.

ادا حبيتي تشري ديري نهار و ارواحي لوهران
في مدينة جديدة قفاطن و منصوريات و بلايز روووعة ياسعار منخفضة
و مام في معنية تلقاي قفاطن هايلين و يتاني اسعار هايلة
​

 

[@احساس طفلة@]

السلام عليكم
بغيت نسقسيكم لبنات على قفطان الفيلور قالولي هو الخارج درك وش رايكم انتوما
ووش رايكم في هاد المودال ؟

​

 

[Just Hope]

احساس طفلة
معلاباليش اذا هو الخارج دوكا بصح عجبني هايل و اللون تاعو ثاني مليح

 

[هآلة]

عرسكــ قربـ، .. اروآآحى نعــآونكــ :$

يتبع
​

 

[هآلة]

ان يعجبوووكـــم
سلامووو
​

 

[Just Hope]

عرسكــ قربـ، .. اروآآحى نعــآونكــ :$

يتبع
​

هادووو يهبلووووووووووووووووووو
عجبوني بزاااف

 

[*دموع القمر*]

اهلا لبنات واشراكم ؟؟؟؟؟؟؟؟؟؟؟؟
حبيت نسقسيكم شكون تعرف الحرقوس كيفاشيخدموه وكيفاش ينقشوه
ربي يحفظكم جاوبوني

 

[la rose de sable]

اهلا بيك اختي

اذا بش تجي تديري الماكياج ولا كواف هنا في الوادي ، الحفافة هي اللي ديرلك ، ويسموه هنا المدة ،

واذا بش تجي من الجلفة مصنعة ، هاهي صور الحرقوس ( يتخدم بالجاوي والعفص والقرنقل والحديدة والبخور والعمبر ) ، لازم وحدة موالفة ومتمكنة تديرهالك ، لأن الزيادة او النقصان في احدى المكونات رايحة تديرلك حساسية وبعض العرائس دارتلهم امارة دااااائمة

http://t2.gstatic.com/images?q=tbn:ANd9GcQf4WIN19cQPmY3-WgA0UlgsbZsRcJec7jqudARUR6oVUDzHn3u

 

[*دموع القمر*]

وين راكي لاغوووووووووووووز اوووووووو توقعت نلقا اجابة منك اكيد يا سووفية تعرفي الطريقة نستنا في ردك حنونتي على الخاص ولا هنا كيما تحبي يلااااااااااااااااااااااا

 

[*دموع القمر*]

يااايماا خوفتيني
اووووكانا راحنجي لحفافةعندكمفي الواد

 

[*دموع القمر*]

زعما اي حفافة عندكم دير الحرقووس؟؟؟؟؟؟؟؟؟؟؟؟

 

[*دموع القمر*]

تعرفي حاجة لقيت في النت بلي تخدميه بالحجرة السودة والاوكسيدووو

 

[la rose de sable]

لالالالالا ردي بالك ديريها بالحجرة السوداء والاوكسيدو بالااااااكي ،،،،

اسموات الحفافات اللي عطيتهملك من قبل في زوج يديروا ، وكاين اخرى بصح غااااالية ييااااااسر تقتل ،،،
ضرك نبعث اسمها في الخاص
شديتي رونديفو كيما قتلك ولامازال؟

 

[لينا عبد الواحد]

ادا حبيتي تشري ديري نهار و ارواحي لوهران
في مدينة جديدة قفاطن و منصوريات و بلايز روووعة ياسعار منخفضة
و مام في معنية تلقاي قفاطن هايلين و يتاني اسعار هايلة
​

شكرا ليك اختي و انشاء الله نجي عن قريب ندير جولة استكشافية للمحلات :d