باش نفهم العقلية

[أم أمين23]

السلام عليكم

مرحبا بيا عندكم هادي مدة ما كتبتش موضوع هنا بصح هاد الايامات راني شفت حاجة حيرتني في المنتدى وحبيت نهدر فيها باش بالاك نقدر نفهم العقلية راني راح نهدر بالعموم باش ما نحددش الموضوع وواش حصل قدقد بصح بالتقريب
:yahoo01::yahoo01::yahoo01::yahoo01: :yahoo01::yahoo01::yahoo01::yahoo01::yahoo01::yahoo01::yahoo01:
يلا شوفو واحدة نزلت موضوع وشاركتنا بحاجة سوا لبسه ماكلة ديكور دارها تصاور ولادها اي حاجة خاصة وتجي واحدة ترد على موضوعها بلا ما تحشم وتقلها اتفه حاجة والا ابشع حاجة عندي راهي خير من واش حطيتي هاد مثال
​

ومثال اخر تجي واحدة وبلا ما تحكي على الموضوع وواش فيه تعلق على اسم صاحبة الموضوع والا اسمها المستعار والا توقيعها والا اي حاجة من البيانات الي حاطتهم يعني واش راحلك إنت والا أنت في واش كاتبة من بيانات لكان اسمها ليلى وحتى الجمعي والا اسمو علي وحطو بوبقرة واش راحلككم وواش من فايدة تخلو اصل الموضوع المطروح وتروحو تحكو في حاجة ما تخصكمش :s:s:s:s:s:s
يعني هاد والا هادي الي حبت تعرفنا على روحها باي طريقة بتصاورها والا بالكلام على روحها وش ذنبها هي:$:$:$ تجي إنت والا أنت وتعلقي بطريقة تحشميها والا بطريقة غير لبقة وخارجة عن نطاق الاحترام
يعني ضرك ما تقوليليش انا ما نحبش انافق ونحب نقول الصح ما شي مليح وليدها والا دارها اوك راني معاك ما عجبوكش ماشي لازم تعلقي والا ماشي لازم تعلقي بطريقة تاع عقلية تاعي خير من تاعك تحبي انت واحد يقولك اتفه حاجة عندي خير من احسن حاجة عندك
انا من رايي هادي العقلية اما غايرة والا حابة توري روحها والا واش شفتو انتوما في عقلية كيما هكا :regards01::regards01::regards01::regards01:

يلا راني نستنى لخاطر حابة نفهم العقلية
​

 

[ماكانش]

أهلا بيك ام أيمن
يعطيك الصحة على موضوعك الباهي
اظن الظاهر هذي قليلة شوي في منتدى واش راك تهدر وربما تكوزن بزاف في منتديات لبنات والألبسة وو
هاذي ربما تعبر على الغيرة ولا سوء الأخلاق
​

 

[!≈[سُِـِيٌــِـِفّ اٌڷِخً‘يٌـرُ]≈!]

كلام معقول اختاه

أنا ندخل لمواضيع بزاااااف لكن ما نردش أعليهم كامل

نرد على موضوع يعجبني

و كي نرد نتكلم عن الموضوع

شكرا لك
​

 

[ليديا المتفائلة]

سلام ام امين انا وحدة من الناس منحبش نعلق على مواضيع غيري بسخرية لانو كل واحد يحاول يوصل فكرتوللاخرين بكل مايستطيع من افكار او جهود وعلاش مانشجعوش خير ملي نقتلو حب المشاركة في نفسو...اما لي مايعجبو والو ...هذا يضهرلي غيرة وحب ذات وغرور وهاذ النوع من الناس مايعجبو غير واش يقدم هو وولو جبتيلو نجمة من السما
​

 

[أم أمين23]

أهلا بيك ام أيمن
يعطيك الصحة على موضوعك الباهي

وبيك خويا والله اخليك ومشكور على الاعتماد
اظن الظاهر هذي قليلة شوي في منتدى واش راك تهدر وربما تكوزن بزاف في منتديات لبنات والألبسة وو
هاذي ربما تعبر على الغيرة ولا سوء الأخلاق
​

وراس غير صرات وفي قسمك يا خويا ممكن ما تولهتيش ليها بصح راهي صرات هههههه
وممكن الغيرة سبب بصح كيفاش واحد ما نعرفو ما يعرفني نغير منو هادي تديني نولو نحوسو نفهمو هاد العقلية تاع تغير من واحد تعرفو عبر الخيوط برك خخخخ
سوء اخلاق ربما او ربما ما يعرفش كيما يقولو بالدارجة واش يخرج من فمو والا يوزنو كلامو

 

[أم أمين23]

كلام معقول اختاه

أنا ندخل لمواضيع بزاااااف لكن ما نردش أعليهم كامل

نرد على موضوع يعجبني

و كي نرد نتكلم عن الموضوع

شكرا لك
​

وهاد هو العادي عجبني الموضوع نرد ما عجبنيش نخرج وخلاص علاش نحكي في حاجة خارجة على الموضوع او اني نعلق بطريقة مخجلة او مستفزة لصاحب الموضوع شكرا اخي على المرور الطيب

 

[أم أمين23]

سلام ام امين وعليك السلام اخيتي
انا وحدة من الناس منحبش نعلق على مواضيع غيري بسخرية لانو كل واحد يحاول يوصل فكرتوللاخرين بكل مايستطيع من افكار او جهود وعلاش مانشجعوش خير ملي نقتلو حب المشاركة في نفسو
بالظبط اخيتي ودينا يقول فلتقل خيرا او لتصمت
...اما لي مايعجبو والو ...هذا يضهرلي غيرة وحب ذات وغرور وهاذ النوع من الناس مايعجبو غير واش يقدم هو وولو جبتيلو نجمة من السما
​

لا لا ماشي والو والو ساعة ساعة برك نلقاولو رد ممكن يكشف شخصيتو الحقيقية بعيدا عن التنميق المعروف في الردود
مشكورة حنونة للمرور والرد

 

[SAMIRA25]

اهلا ام امين و الله ماني متعودة على هده العقلية و ما انتباهتش ليها ندخل كي يعجبني الموضوع نرد عادي و نخرج كي ما يعجبنيش ما نردش يعني هنا تاني و رايحين نديرو مشاكل
بارك الله فيك​

 

[أم راضية ~_]

السلام عليكم طاطا ام امين
:up:
:regards01:
اممممممم ما فهمناش اسكو غيرة ولا بوغ اتيغي لي جون :s
المهم عفسة عيانة دائما وابدا كي نخلو السوجي الحقيقي ونروحو للحواشي
وهاديك الطبيعة تاع انا عندي خير ما عندك و حاجتك ما تشبه لوالو (ههههههههههههه تفكرني في تاع بكري ماما تطيب خير من يماك و بابا يغلب باباك )وحتى كي تكون صح الواحد من الاحترام ما يقولهاش
صحيتي على الموضوع وربي يبعد البلا :regards01:​

 

[la_safa]

السلآم عليكم و رحمة الله و بركآته ..

اختي أم أمين صرآحة أبشع موضوع حطيتو هنآ
خير من موضوعكـ هذآ :p ههههه

والله عندكـ حق مآم أنآ لآحظتهآ في موضوع تآع طبخ و مآعجبنيش الحآل ..
بصح كآينة حآجة : فرق بين انكـ تتبلي على النآس و تحشميهم
و فرق بين النصيحة و النقد ..... هآذي بزآف نآس رآهي تخلط بينآتهم ..

النقد يكون بطريقة مؤدبة و مآ يجرحش و مآ يحرجش الطرف الآخر ..
حتى النصيحة كيمآ يقلكـ النصيحة قدآم النآس فضيحة و بيني و بينكـ حآجة مليحة ..
هكآ لآزم الوآحد كي يشوف نقص ولآ أي حآجة مخآلفة للشرع
كيمآ الصور و التوآقيع .. يبعثلو رسآلة خآصة يفهمو خيرمن ينشعو حذآ النآس ..

هذآ من وجهة رأيي .. و يقآس ذلكـ على عدة أمثلة ..

بآركـ الله فيكـ اختي أم أمين موضوع في القمة مضمونآ :up: ..
نتشكركـ ~
​

 

[ياقوتة الصحراء]

صح اختي
كاين عباد خدمتها برك تهبط المعنويات
,,اللباقة منعدمة ’’

ونظن ماتقدريش ترجعيها لسبب معين عقليتهم هكا
المهم ربي يهدي ...​

 

[أم أمين23]

اهلا ام امين و الله ماني متعودة على هده العقلية و ما انتباهتش ليها ندخل كي يعجبني الموضوع نرد عادي و نخرج كي ما يعجبنيش ما نردش يعني هنا تاني و رايحين نديرو مشاكل
بارك الله فيك​

والله يا اختي سميرة ماشي الناس كامل كيف وانا كون ما شفتها ما هدرتش عليها وراهي صرات والمشكل شفتها في نفس الاسبوع وفي موضوعين مختلفين

 

[أم أمين23]

السلام عليكم طاطا ام امين
:up:
:regards01:
اممممممم ما فهمناش اسكو غيرة ولا بوغ اتيغي لي جون :s
المهم عفسة عيانة دائما وابدا كي نخلو السوجي الحقيقي ونروحو للحواشي
وهاديك الطبيعة تاع انا عندي خير ما عندك و حاجتك ما تشبه لوالو (ههههههههههههه تفكرني في تاع بكري ماما تطيب خير من يماك و بابا يغلب باباك )وحتى كي تكون صح الواحد من الاحترام ما يقولهاش
صحيتي على الموضوع وربي يبعد البلا :regards01:​

امين بنيتي ما تولهتش من كلمة طاطا على بيها عدلتي
والله غالب الناس العيانة ديما تلقايهم في حياتك سوا في الواقع والا حتى في الافتراضي ربي يهدي الكل

 

[أم أمين23]

صح اختي
كاين عباد خدمتها برك تهبط المعنويات
,,اللباقة منعدمة ’’

ونظن ماتقدريش ترجعيها لسبب معين عقليتهم هكا
المهم ربي يهدي ...​

نممكن سبب معقول فارغين شغل وحابين امسطو على الناس مشكورة اختي

 

[أم أمين23]

السلآم عليكم و رحمة الله و بركآته ..
وعليكي السلام ورحمة الله وبركاته
اختي أم أمين صرآحة أبشع موضوع حطيتو هنآ
خير من موضوعكـ هذآ :p ههههه
بديتي بعد خخخخ مسامحة بالصحة
والله عندكـ حق مآم أنآ لآحظتهآ في موضوع تآع طبخ و مآعجبنيش الحآل ..
بصح كآينة حآجة : فرق بين انكـ تتبلي على النآس و تحشميهم
و فرق بين النصيحة و النقد ..... هآذي بزآف نآس رآهي تخلط بينآتهم ..

النقد يكون بطريقة مؤدبة و مآ يجرحش و مآ يحرجش الطرف الآخر ..
حتى النصيحة كيمآ يقلكـ النصيحة قدآم النآس فضيحة و بيني و بينكـ حآجة مليحة صحيتي الا حابة تنصحي صح عندك الخاص ماشي على المباشر يعني راكي تسبي وحاطة روحك تنصحي والله واحد ما يسمعلك من غير وذنيك طبعا ..
هكآ لآزم الوآحد كي يشوف نقص ولآ أي حآجة مخآلفة للشرع
كيمآ الصور و التوآقيع .. يبعثلو رسآلة خآصة يفهمو خيرمن ينشعو حذآ النآس .اعطيك الصحة هاد هو الادب حتى الطرف الاخر يتقبلها منك .

هذآ من وجهة رأيي .. و يقآس ذلكـ على عدة أمثلة ..

بآركـ الله فيكـ اختي أم أمين موضوع في القمة مضمونآ :up: ..
نتشكركـ ~
​

العفو اخيتي شرفتيني بردك الدي كان ايضا في القمة وفي صلي الموضوع :d:d:d

 

[ماكانش]

وراس غير صرات وفي قسمك يا خويا ممكن ما تولهتيش ليها بصح راهي صرات هههههه
وممكن الغيرة سبب بصح كيفاش واحد ما نعرفو ما يعرفني نغير منو هادي تديني نولو نحوسو نفهمو هاد العقلية تاع تغير من واحد تعرفو عبر الخيوط برك خخخخ
سوء اخلاق ربما او ربما ما يعرفش كيما يقولو بالدارجة واش يخرج من فمو والا يوزنو كلامو

مالا ماشفتهاش برك ههههههه
الغيرة ايه والناس ألي تغير من ناس ماتعرفها ماوالو الا من وراء خيوط كيما قلتي مرضا نفسانيا ههههه
وإلا كيفاه تفسري كل مرة يتقابضو زوج بنات ؟؟؟ ههه
​

 

[أم أمين23]

مالا ماشفتهاش برك ههههههه
الغيرة ايه والناس ألي تغير من ناس ماتعرفها ماوالو الا من وراء خيوط كيما قلتي مرضا نفسانيا ههههه
وإلا كيفاه تفسري كل مرة يتقابضو زوج بنات ؟؟؟ ههه
​

ايه هاد واش حبيت نفهم يعني كون واحدة من هادو الي يتقابضو تدخل وتعطينا رايها يعني تخلينا نفهمو العقلية شوي

 

[أم راضية ~_]

مالا ماشفتهاش برك ههههههه
الغيرة ايه والناس ألي تغير من ناس ماتعرفها ماوالو الا من وراء خيوط كيما قلتي مرضا نفسانيا ههههه
وإلا كيفاه تفسري كل مرة يتقابضو زوج بنات ؟؟؟ ههه
​

ايه هاد واش حبيت نفهم يعني كون واحدة من هادو الي يتقابضو تدخل وتعطينا رايها يعني تخلينا نفهمو العقلية شوي

إييه هاني أنا وحدة من الي يتقابضو و زوج مرات تانيت
الحالة 1 : انا ما نحبش واحد يفهمني غالط وما نحبش التسرع و سيغتو في اصدار الاحكام , ادا كنت غالطة في حاجة نحب الي يصححلهالي بصح يكون متأكد و ماشي يزدم و يلعبها فاهم
الحالة 2 : كاين شي ناس ما يحملوش يصيبوك خير منهم يا لوكان راكي احسن منهم فالهم ههههه حتى في أرذل الامور ويحسدوك عليها و يحتاجو واحد يوقفهم عند حدهم
و إشارة :إدا ما تفاهمتش مع كاش وحدة ماشي معنتها نكرهم و نغير منهم قادر تكون اختلاف في وجهة النظر وهوما يكبرو فيها ولا ما يحبوش الحقيقة المرة
وماشي غير عند البنات هادي ... والغيرة قادرة تكون مور الخيوط و لي كابل ونورمال على خاطر يشوفو خدمتهم و واش راهم يحطو بواسطة لي كابل هادوك
و اسمحلونا ادا كاش ما غلطنا و من هاد المنبر نعتذر و بقلب صافي ولو راني عارفة روحي ما ظلمتهمش..​

 

[نرج ـسية]

السلآآم عليــكم
من اللباقة الوحدة مادخلش روحها في شي خاطيها
لكن أيضا الوحدة ماتعملش شي ملفت للنظر
شعبنا قرعاج ويحب يدخل روحو في حوايج صغار وين حوايج باينين
الوحدة تاني يلزم تحط بيانات معقولة والا هكذا راهي تلفت في النظر
وكي يسقسوها الناس تقلك علاه

 

[أم أمين23]

إييه هاني أنا وحدة من الي يتقابضو و زوج مرات تانيت
اولا نحييك على شجاعة وتقدمك لاعطاء وجهة نظرك انا شفت حالة من الحالات الي طحتي فيها وهي من ضمن الاسباب الي خلاتني نكتب الموضوع
الحالة 1 : انا ما نحبش واحد يفهمني غالط وما نحبش التسرع و سيغتو في اصدار الاحكام , ادا كنت غالطة في حاجة نحب الي يصححلهالي بصح يكون متأكد و ماشي يزدم و يلعبها فاهم
هادي كلنا هكا ما نحبوش واحد يفهم واش قلنا بالغالط وطبيعي تردي لتضيح وجهة نظرك
الحالة 2 : كاين شي ناس ما يحملوش يصيبوك خير منهم يا لوكان راكي احسن منهم فالهم ههههه حتى في أرذل الامور ويحسدوك عليها و يحتاجو واحد يوقفهم عند حدهم
و إشارة :إدا ما تفاهمتش مع كاش وحدة ماشي معنتها نكرهم و نغير منهم قادر تكون اختلاف في وجهة النظر وهوما يكبرو فيها ولا ما يحبوش الحقيقة المرة
وماشي غير عند البنات هادي ... والغيرة قادرة تكون مور الخيوط و لي كابل ونورمال على خاطر يشوفو خدمتهم و واش راهم يحطو بواسطة لي كابل هادوك
و اسمحلونا ادا كاش ما غلطنا و من هاد المنبر نعتذر و بقلب صافي ولو راني عارفة روحي ما ظلمتهمش..​

اوك طيب انت اكدتيلي انو ممكن يكون فيه ناس تغير حتى من ناس ما تعرفهم ومن خلال الخيوط فقط ولكن انا نتمنى تكون الغيرة دافع ليهم باش يمدو الافضل ماشي باش ينتقد الاخر ويفردو عضلاتهم جزافا
احييك مرة اخرى بنيتي