- إنضم
- 7 أفريل 2015
- المشاركات
- 16,809
- الحلول
- 1
- نقاط التفاعل
- 48,960
- النقاط
- 1,886
- محل الإقامة
- الجزائر الحبيبة
- الجنس
- ذكر
السلام عليكم خاوتي الغاليين
من نهار عقلت و و بدلت سناني
راني نحوس على خدمة و ما زلت متمني
حتى شبت من لحيتي
راني عارف واحد كيما أنا عنده مستوى ثانوي ما يطمعش يكون مدير او استاذ او بيطري
صحييح و شكون قال هاك
انا طامع نخدم وخلاص
و الله قدمت ملف باش نعمل عامل نظافة و ما لحقتش ليها
أصحاب المعارف أو المغااارف الكبار
راهم حاسبين رواحهم هاذ البلاد نتاع والديهم و هما ورثوها
اما باقي الشعب فالى الجحيم
انا عارف مستواي لكن اللي خاني اني ما كملتش القراية
و الله قارنت روحي مع جل الأساتذة لقيت روحي خير منهم في اختصاصاتهم
قالك الوظيف العمومي عمل قانون كل منصب عمل لازم يعملوا عليه كونكور
ايه صح كونكور و الناس اللي تربح و أفيشاو سماواتهم في الليستة نتاع الناجحين
ما همش اللي فوتو الكونكور
أي انا نفوت الكونكور و يقرضني البرد و الجوع و الديبلاسمو
على جال نربح عساس و في الأخير يجي واحد آخر يربح
بعد خبرة كبيرة فكرت و فكرت و فكرت
و لقيت الحل
تبعوا معايا و رايح تفهموا
اغلب امتحانات التوظيف راهي عند جماعة التربية و التعليم زعما :$:tongue02:
و أغلب الكونكورات اسمها توظيف العمال المهنيين
عامل مهني ممكن تكون عساس او عامل نظافة او شوفار في المؤسسات التربوية لي سي او سياام
من زمان كي ندخل عند لجنة الامتحان يقولولي
عامل مهني ماهيش حاجة كبيرة هل ممكن تعمل في تنظيف دورات المياه انت جان و شباب زعما ..........
كنت نرد معليش ننظف دورات المياه نتاع البنات و عندي الكوراج نعرق و الله ما يجيني الغثيان
لأن الغثيات يجي من الفقر اكثر من المراحيض
حاب نخدم على عايلتي حاب عايلتي تلبس كيما الناس و تاكل كيما الناس
حاب كي يجي روديفو نتاع طبيب العينين للولدي اسلام آخذه للطبيب و ما نتأخرش على الرونديفو
ولدي اسلام راه يقول لي راني لما ننزع النظارات نشوف الأشياء قديمة عنده
ولدي اسلام عنده ضيق في التنفس و خلل في النظر لما يمرض
و الله ما نعرف وين نشوف كل ما يمرض نفكر نبيع حاجة من البيت
حاب كي تجي فواتير الغاز نسلكها كيما الناس و ما ينزعوليش العداد بسبب التأخير
حاااب كي يمرض واحد من العايلة نهزه لطبيب و نروح للصيدلية نشري الدوا كيما الناس و ما يقوليش الصيدلي راك طولت بالكريدي
حاب السميد ما يكملش على عايلتي و البطاطا تكون دايمن كاينة و الزيت
اما الحليب و الفاكهة راهي منام فقط ...............................
لجنة التحكييم يضحوا حاسبيني نهرج لكن انا نحكي واقع مرّ و أليم
في الأخير نلقى عزبات رااابحين و نسا :s:s:s
و الله بصدق راهم يعطو الأولوية للنسا و العزبات:love01:
بعد كل السنوات لقيت الحل هو
في المرّة الجاية زوجتي هي لرايح تعمل الكونكور
و اذا ربحت زوجتي الكونكو رايح نغيروا شوية من جدول العمل
هي تعمل برا و انا نبقى في الداااار
واش رايكم
حسبنا الله و نعم الوكيييل
آخر تعديل:
صحاب الشكارة و البنات و خاصة العزبات تمد رشوة تفوت و اذا درت روحك مؤمن و تخاف ربي غير انسى الخدمة و بقا بعيد 
