انصحوني ودوك ندعيلكم دعوة مليحة

[aichame]

ايا واشراكم حابة نقولكم حاجة عليا
انا نشتي
زملائي في المدرسة وانا نقرا
في 3متوسط
انا طفلة كالعادة نشتي صحباتي ونكره شوية منهم
المشكلة انهم هوما الي يبعودوني عن قرايتي
في الاختبار يقولوللي تعتيلنا وكون
مانعتش يديرولي المشاكل عطيوني حل ليهم
انا كرهت باغية نحط راسي في القراية برك
انصحوني يا ناس الخير ونشاء الله تدخلوا الجنة وتشوفو ولادكم فيها​

 

[sahiko hamza]

عادي خلاص
ياك علابالك بلي هوما يبعدوك على قرايتك سيبون ماتخليهمش يبعدوك
ربي ينجحكـ
​

 

[✿أسيـل✿]

السلام عليكم
ياحنونة لبنـات مايحبوش وحدة تقرا لازم تمشي كيما يحبو هومـا ولا ماهيش مليحة
اجبدي روحك منهم هدو مش صحـابات والله مايحبولك الخيـــر
اي راكي صغيـرة لازم تقراي
قوليلهم مانزيدش نهدر معاكم حابة نبقى وحدي
حابين يبعدوك على قرايـــــــتك بلاكـي هدو لبنـات واعرات

ربي يوفقك وينجحك
​

 

[!≈[سُِـِيٌــِـِفّ اٌڷِخً‘يٌـرُ]≈!]

يا أختي حاولي تبعدي عليهم و ما تخليهمش يحسو هذا شيئ باه ما يخلقولكش المشاكل

و أقري على روحك

ربي ينجحك يا خيتي
​

 

[بقايا إنسان]

انتي لقيتي الحل لكن بنقصكي التطبيق فكري مليح الحل راكي كاتباتو بيك سلام

 

[بنت الـ25]

السلام عليكم اختي
انتي دوكا واقعة بين أمرين :s
الأول انك تشتي زملاءك وصحاباتك
والأمر الثاني تشتي قرايتك
دوكا يلزمك انتي اللي تقرري وش تشتي اكثر؟
مي قبل يلزمك تخمي وش هي الحاجة اللي تفيدك في حياتك
صحاباتك ولا قرايتك ومبعد تخيري
الأكيد رايحة تقوليلي قرايتي اللي تنفعني إذن الحل بيدك
إذا تشتي قرايتك وحابة تحطي راسك فيها حاولي تبعدي على هاد الرفيقات
لأنو الواضح أنهن رفيقات سوء وحاولي تصاحبي بنات في مستواك الفكري
والدراسي اللي تقدري انتي وهوما تتعاونو فالقراية وتربحو صداقة بعضاكم

واي إشكال انا هنا عزيزتي
​

 

[سمسم السمسومة]

تشتيهم و يبعدوك على قرايتك..خلي المحبة لي بيناتكم في جيهة و خيري قرايتك هي اللي راح تدوملك...ربي يوفقك يا رب

 

[نرج ـسية]

بدلي الصحبات وخلاص
امشي مع بنات يقراو ومربيات هكذا تولي وفقتي بين الامرين من جهة يولو عندك صحبيات ومن جهة مايبعدوكش على قرايتك وبالعكس يولو يحرصو فيك باش تقراي أكثر

نصيحة برك يلزم تكوني قوية شخصية ماتخلعك حتى وحدة
ولي باش تلعبها عليك يلزم تحطيها عند حدها
ونتبهي لقرايتك لانها سلاح المستقبل ولانو الانسان الجاهل يحقروه في مجتمعنا

 

[::أبرار::]

يا بنتي قرايتك أهم من كل شيء و ما تخللي حتى واحدة تبعدك على قرايتك

أجبدي روحك منهم و المحبة في القلب و الإحترام لازم

و ربي يوفقك و ينجحك ان شاء الله

و ربي معاك يا الزينة
​