بغيت نزيد وزني ادخلو عاونوني

[جميلة العيون]

لبنات انا نحيفة و بغيت نزيد من وزني درت كل شي و بدون فايدة
انا ناكل بزاف يعني شهيتي مفتوحة و لكن منسمنش ابدا خصوصا من الجهة الفوقانية يعني الذراعان و الصدر اما من تحت عادية
لي عندها وصفة او طريقة او مشروب يسمن تقولي عليه و ربي يجازيها كل خير انشاءالله.
و الشكر مسبقا

 

[angel]

معنديش الحل رانا كامل كيف كيف


ان شاء الله يفيدوك العضوات
​

 

[كنزة]

انا عكسك تماما ههههه
باش تسماني ماتاكليش اي حاجة
شوفي كاش عفسة في الانترنت تلقاي
Mais cherche en français tu trouvera plus de choses​

 

[samah06]

حبيباتي حابين تسمانو
نقصو من الحركة وكنو للخمول
وكولو وجبات زايدة فوق الغدا والعشا وخصوصا اللي ورا العشاء
وتكون سعراتها الحرارية كثيرة
واختي نقولك راكي كي تفوتي 25 سنة الصحة تجي وحدها وناس بكري يقولو عمر السمانة

 

[جميلة العيون]

حبيباتي حابين تسمانو
نقصو من الحركة وكنو للخمول
وكولو وجبات زايدة فوق الغدا والعشا وخصوصا اللي ورا العشاء
وتكون سعراتها الحرارية كثيرة
واختي نقولك راكي كي تفوتي 25 سنة الصحة تجي وحدها وناس بكري يقولو عمر السمانة

انا اصلا حركتي قليلة و شهيتي مفتوحة و لكن الحلو منحبوش بزاف
و مع هادا منسمنش
شكرا لكي

 

[MOMO EMY]

والله نفس المشكل مع اني متزوجة وعندي ولد لكن مسمنتش حابة غير نزيد شوية برك

 

[رهف سعد]

ولله عجيب انا حبيت لانضعف باي طريقة تسماني وتندمي ...اولا عليك باكل العجائن خاصة في الليل ثانيا ..الحلبة تصحنيها وديري فيها عسل وتوكلي ..........اليائورت ديري فيه حبة بيض نية وتخلطي وتوكليها .جربيهم لوكان مانفعوش نزيدلك .يارب تعودي قدي

 

[ام اسراءواسحاق]

لبنات انا نحيفة و بغيت نزيد من وزني درت كل شي و بدون فايدة
انا ناكل بزاف يعني شهيتي مفتوحة و لكن منسمنش ابدا خصوصا من الجهة الفوقانية يعني الذراعان و الصدر اما من تحت عادية
لي عندها وصفة او طريقة او مشروب يسمن تقولي عليه و ربي يجازيها كل خير انشاءالله.
و الشكر مسبقا

حبيبتي جيبي 5 حبات تمر نقيهم من العظمة واغليهم 3 د في نص كاس حليب ثم ضيفيلهم كاس حليب بارد واميكسيهم واشربيه دافي راح يسمنك و اذا ما سمنتيش المهم تكون صحتك مليحة و راكي عارفة فوائد الحليب و التمر ، انا كنت نعملو لولادي و ذاقو راجلي عجبو عدت كل يوم نديرولهم مدة 15 راجلي زاد 2 كغ ، و كاينة تاني وصفة اخرى تخلطي دبس التمر (عصير التمر مركز) واخلطيه مع الطحينة و كليه بالخبز و الحليب او القهوة .و رجعيلي الخبر لان الوصفة 2 كذلك عملتها لزوجي واسمناتو.
سلامي ليك .

 

[جميلة العيون]

شكرا لكل لي جاوبوني ربي يخليكم حبيباتي

 

[تقوى90]

نفس المشكل راني نعاني منو أنا تااااني
إن شاء الله يفيدونا الأخوات بوصفااااات مجربة
​

 

[blàck rOse from 14]

نفس المشكل والله غير رانا نسوفرو السروال لي نشريه يليق نطاييه جربت كلشي سوا بالأعشاب صوا عند الصيدلي حاجة مانفعت....

 

[رهف21]

نفس المشكل نعاني منو جربت كل الوصفات مالقيتش حل ؟؟؟؟؟؟

 

[*دموع القمر*]

سبحان الله ناس حابة تنحف وناس حابة تسمان
عندي خلطةومجربة ولي جربوهامنعائلتي نجحت معاهم
حمص محمص ومرحي فريك محمص ومرحي كمون ابيض مرحي
حلبة مرحية واخلطيهم في العسل الحر واكلي قبل الفطور مغرف وقبل النوم مغرف
واذا ماعندكش العسل الحر حطي معاها السكر
وسفي الصباح ملعقة بالحليب وقبل النوم ثاااااااان
وقوليلي النتائج بعد فترة

 

[شاهيندا]

أختي خذي مسحوق الحلبة و اخلطيه مع عسل حر و افطري به كل صباح قبل ما تشربي قهوة على الأقا نصف ساعة، و قبل الغذاء و العشاء أيضا. المقدار ملعقة أكل قبل كل وجبة بنصف ساعة، و رايحة تشوفي الفرق بعد أسبوعين من أخذك لهذه الوصفة.
إذا كانت الرائعة قوية حاولي التعطر بالعطور القوية، أو المسك و ماء الورد.

 

[noussa m]

حتى انا عانينفس المشكل مي انا مانكلش وتقتليني نقعد 48 ساعة بلاماكلة والله والو تقولي منيش عبد
حتى وزني 43 كغ منزيدش
كي تشوفيني وتقارنيني ببنات خراين نبان قل منهم في العمر لكن انا اكبر منهم وحرت والله
وخاصة كيما قلتي في ذرعين والصدر انا لاعلاقة ههه
اتمىن ربي يفرج عليك وعلينا ختي
تحياتي وتقبلي مروري

 

[مايا الجزائرية]

تقريبا قاع رانا نعانيو من هادا المشكل تقبلو مروري وان شاء الله تفيدونا بوصفة سريعة وفعالة

 

[ميلاد انثى]

يا بنات اليوم نعطيكم وصفة انا شخصيا جربتها :
اولا:
غلي لتر و نصف من الماء و لوحي فيه ملعقة او ملعقتين حلبة حب بعد ما تكوني غسلتيها بالماء و خليها في هاذك الماء (دريها في قارورة) لمدة 12 ساعة و اشربي هاذاك الماء طول النهار و الحبات لي بقاو التحت كوليهم راكي تلقايهم تنفخوا و طراو في البداية متقدريش تاكليهم بصح من بعد كي تبداي تشوفي النتيجة تعودو ماتستغنايش عليهم. وهكذا كا ليلة بيتي الحلبة في الماء و غدوة اشربيها راهي تفتحلك الشهية بصورة غير طبيعية وتعودي تاكلي كلش بصح اتحملي ريحتها و نظفي نفسك كل يوم واستعملس الروائح جيدا.
ثانيا:
كولي البطاطا المسلوقة صباحا يعني افطري بيها و كولي الارز المسلوق مساء (لمجة موش عشاء)يوميا لانها غنية بالنشويات لي تساعد على زيادة الوزن بلا ماتنساي الوجبات الرئيسية لازم تاكلي مليح حتى تشبعي بش تحطي المغرف.
المهم داومي على هذه الطريقة على الاقل لمدة شهرين انشاء الله تجيبلك نتيجة
​

 

[Nilüfer]

7ata ana 3andiii le méme probléme

3andii 20 3am li ychoufni ygoul 3andi 15 3am mdrrrr

3awnouna yer7am waldikoooom
​