شاورما بالبيت بسيطة جدااااا لكن الطعم غييير(من كوزينة دارنا)

[كوكة27]

مسااااااااااااااااااااااء الخير عليكم
اليوم صبحت ناشطة وباغية ندخل للكوزينة ههههه:$ قليل وين ندخل لكثر انشغالاتي بصح كي ندخلها ينخلعواااا ديما الجديد مع كوكة
خرجت من الدار روحت لليسي وين تقرى اختي نحل مشكل صغير :dشفت يبيعووو خبز سوري اول ما جا في بالي شورما مممممممممممممممم وفي الطريق شريت لحم الداند
هاهي الطريقة البسيطة:
.
.
.
.
.

.
.
.
لحم داند مقطع صغييير
ملح
حرور
سكنجبير
كركم
فلفل احمر حلوو
قصبر حب مطحون
بصلة مقطعة صغير
ثوم مفروم
حميص(ينباع في الحانوت)
موتارد
1 ياغورت طبيعي بدون ذوق(تيسويس)
3 ملاعق زيت زيتون
2 ملاعق خل
مقادير الصلصة:
خل
زيت
ملح
موتارد
مايونيز
حميص (من اجل الطعم الحااااااااار)


++++++++++++++ الخبز السوري

[/url][/IMG]

تخلطي كلش مع بعض وتخلي اللحم ينقع (ليلة كاملة بصح انا خليتو 2 ساعة:d ماصبرتش)



ودرتها في مقلة وغلقت عليها باش يذبل البصل والثوم
ومن بعد قلعت الغطاء وخليتها تنشف
وقليت بطاطا
وجهزت سلطة عادية(خس+طماطم)

والباقي باين:
كيما تبغي تقسمي الخبزة الى اثنين او تخليها كبيرة
تمسحي شوية صلصة على كامل نصف الخبزة +الخص+الطماطم+البطاطا المقلية+الشورما
وكل وحدة حسب ذوقها تضيف زيتون اي حاجة تتوالم مع المكونات الاخرى

هادي هي في الاخير قبل الهجوووم :d

خليتم مفتوحين ماغلقتهمش المهم الذوق راااائع




ادعوااااا لي بالنجاااح

 

[هبة الرحمان2]

يعطيك الصحة .

 

[أم محمد رائد]

الله يبارك
شكرا

 

[أطياف]

تسلم الايادي والله
ربي يوفقك

 

[imane27]

يعطيك الصحة

 

[كوكة27]

merciiiiiiii habibatiii likomm ga3 3la el moror el hilw

 

[*NajéT Algérien*]

يعطيك الصحة​

 

[om siraje]

teslam 2idek wrabi ynaj7ek nshallah:up:

 

[ندى الورود]

يعطيك الصحة تبان هايلة
​

 

[ملكًة الاحسآس]

يعطيك الصحة كوكة :up:
بصحتكم
​

 

[عفاف الجزائرية]

بصحتك اختي كوكة
تاكلوها بالصحة والهناء