نتمنى الكل يشاركني ويمدلي رأيو

[fatima188]

نقولك حاجة اختي
إدا نتي ماحاباهش يكون اقل منك في المستوى التعليمي ، هاد العقدة رايحة تبقى معاك حتى بعد الزواج
المهم مش اقل منك او احسن منك في المستوى التعليمي، الاهم هو واش ارتاحيتي ليه نفسيا و عقليتك توالمات معاه
المصيبة هي كي تديه، انتي تفكري في الشرق و هو يفكر في الغرب ، زعما تكوني فايتاه في التفكير ، هدا يأثر عليه هو اكتر منك ، عمر الراجل مايحب تكون المرا خير منو او تفهم عليه و رايح يأثر عليك انتي حتى لو تقبلتي انتي فارق المستوى التعليمي بينكم
اما ادا حبيتي فيه اشياء اخرى غير هاد النقطة ، استاخري اختي وطلبي الله ، الرجل رجل مش بس بمستواه التعليمي في حاجات اخرى مهمة هي دينو ، و اخلاقو وشخصيتو و مالو،و شبابو،
تحياتي ليك اختي
​

انت الوحيدة اختي لي فهمتيني صح
انا خايفة طول عمري تبقى عندي هاذ العقدة على هذي خايفة نقبل ونندم
وعلى شخصيتو وعقليتو انا ما نعرفوش على هاذي ما نقدرش نحكم عليه

نعرف عليه حوايج برك
ما تكفيش باش نحكم عليه
ما نيش مخالطاتو
​

 

[togo mori]

السلام عليكم أختي ، نصيحتي اليك هي نصيحة الرسول صلى الله عليه وسلم التي قال لنا في معناها "اذا جاءكم من ترضون دينه وخلقه فزوجوه ، والا تفعلوا تكن في الارض فتنة وفساد كبير "
لا بد ان يكون لك معايير محددة ومعقولة لاختيار شريك حياتك نعم ، لكن احذري ان يفوتك قطار الزواج وتبقين في محطة العنوسة وهناك امثلة كثيرة وخاصة في اوساط ذات مستوى العالي والموظفات....... تقبلي مروري شكرا.

 

[ام ساجد]

يا أختي كاين ناس اداو دكاترة و راهم يعانيو منهم
وكان ناس اداو معندهمش مستوى وراهم يعانيو
و الله سالي على الزهر و في الأخير ماشي لازم تقبلي لمجرد الزواج او انك تخافي القطار يفوتك لا هاذي حياتك و اذا اصريتي تدي واحد قاري لازم يكون قاري ماتتنازليش على احلامك و ربي يهنيك
اكثري من الصدقات بنية ربي يفتح عليكو راح تشوفي نتيجة مذهلة
ربي يوفقك

 

[fatima188]

السلام عليكم أختي ، نصيحتي اليك هي نصيحة الرسول صلى الله عليه وسلم التي قال لنا في معناها "اذا جاءكم من ترضون دينه وخلقه فزوجوه ، والا تفعلوا تكن في الارض فتنة وفساد كبير "
لا بد ان يكون لك معايير محددة ومعقولة لاختيار شريك حياتك نعم ، لكن احذري ان يفوتك قطار الزواج وتبقين في محطة العنوسة وهناك امثلة كثيرة وخاصة في اوساط ذات مستوى العالي والموظفات....... تقبلي مروري شكرا.

انا معاك في الجزء الأول من مشاركتك بصح الجزء الثاني ميش راني معاك
اولا انا حطيت معيار معقول هو الدراسة لأني ما نحبش نكون مع واحد حابس وثانيا انا الزواج عندي ماهوش هدف بمعنى ميش راح نطيش روحي فقط لمجرد أنو لازم ما يفوتنيش القطار
​

.

 

[fatima188]

يا أختي كاين ناس اداو دكاترة و راهم يعانيو منهم
وكان ناس اداو معندهمش مستوى وراهم يعانيو
و الله سالي على الزهر و في الأخير ماشي لازم تقبلي لمجرد الزواج او انك تخافي القطار يفوتك لا هاذي حياتك و اذا اصريتي تدي واحد قاري لازم يكون قاري ماتتنازليش على احلامك و ربي يهنيك
اكثري من الصدقات بنية ربي يفتح عليكو راح تشوفي نتيجة مذهلة
ربي يوفقك

مرسي اختي لاول مرة تجي وحدة معايا
​

 

[أطياف]

سلام خيتي االغاليه
انا بصراحه استغرب تفكيرك ..
صراحه والله فيه رجال معاه دكتوراه وهو والله مايعرف حتى يحل مشاكله
اظن بهالوقت الكل متعلم ودارس يعني لو معه شهادة ثانوي وش بيه حتى ترفضيه
واذا الرجال متوظف ويقدر يعيشك ..فأحمدي ربك
انا اختي معها ماستر اقتصاد وزوجها درس للصف الثالث متوسط
بس ربي يبارك والله عقليته واخلاقه ماشاء الله والله حتى انه احسن بالتفكير من اخواني ذوي الشهادات العاليه
فنصيحتي لك خيتي شوفي عقلية الرجال وأخلاقه قبل مستوى تعليمه
وانتِ اذا كل مره ترفضي الأشخاص راح توصلي لحد معين من العمر بعدها ماتشوفي احد يطق باب بيتكم
الله يوفقكم ويزوجك ابن الحلال الي يستاهلك

 

[anissa 13]

والله ياختي جامي خلعني واحد عندو شهادات عليا لانو غالبا تلقايهم عندهم ماستر ودكتوراه بصح ليس مثقف بالمرة كاين فرق بين قاري ومثقف وفي حين تلقاي واحد كمل عند الباك بصح ثقافتو عااااااالية جدا انا هدا اللي يعجبني
انت حوستي غي على مستواه التعليمي بصح راكي غالطة الراجل باخلاقو ودينو وخدمتو مايهمش يكون عندو شهادات عليا
انا مكملة قرايتي بصح راجلي حبس فالاولى ثانوي لظروف عائلية بصح عادي جدا جامي حسيت بلي هادا عائق في حياتنا او سعادتنا
​

 

[samah06]

اختي المستوى الدراسي مايهمش انا وزوجي مثلا هو اطار في الدولة وقرا هنا وفي الخارج ولليوم راهو يقرا ويمتحن واولادو يضحكو عليه
وانا امراة عادية قريت عام في الجامعة وحبست وتزوجت معاه لكن عمرو ما حسسني بحاجا باني اقل منه
عند الزواج ما يبقاش تفكير في المستوى او العمر او الفارق الاجتماعي او ................
وربي من عندو يضع الالف بينكم وتتعاشرو
انت تحوسي عليه قاري راح اديريلو امتحان وتعاقبيه لو ماينجحش
الرسول الكريم قال
من ترضون دينه وخلقه
يعني مقالش ترضون شهادته ولا رتبة عمله
وانطلقي من هدا الحديث الشريف
وربي يعطيك على قد نيتك