ماذاآ ستطبخين اليوم آنستي _سيدتي الجزء °°25°° تبارك الله ماشالله

[ام سيف]

بصحتكم العدسون يالبنات
فوفة المطلوع يبان هايل بصح مطلوعك القديم لا يعلى عليه
هاو جا لغرايف لي لحقت بيه تدي حبة بالصحة والهنا
​

 

[ام منصف]

ايا مليح كي تفاهمت العفوفتان وطلوا علينا اليوم
ليكم وحشة كبيرة
بصحتكم يا حراير راني نشوف اليوم العالمي للعدس البارح بايتين بيه وصبحنا عليه
يعطيكم الصحة
**
خيرورة اهلين وسهلين ومرحبتين نورني الكوزينة بصح وينهم المرفقات :$
**
غدانا دوبارة حاااااااااااااااااااااااااااارة

​

 

[ibtesem]

صباحكم عدس ومساءكم لوبيا وليلكم فول وحمص
هههههههه
فوفو علاش تحرقي في صبيعاتك والفرشيطة وين راحت هههه
قالك لي فاتك بليلة فاتك بحيلة هههه
انا ندور بالفرشيطة
المهم
سموحة بصحتك تحميمة مانقولش واش كليتي من وراها ههههه
صومو مساء الانوال
فوفتي مرحب
علابالي رغود تحبك عليها ...................باش ترجعي لخاطر تسحقك ههههه
ام سيفو وقيل نوض نعجن شوية سخفتيني
تسنيمو شفتي بديت نتعلم الشاوية
شرفو اهلين وسهلين
تحياتي لي راكم تحت يالبنات
​

 

[somo_81]

مساء الانوار بسومة حنونة راني سقسيتك على مقادير مطلوع المقلة راني حطيت السؤال في موضوعك نوريني تعيشي

 

[ibtesem]

عشانا كان تطبيق تاع ام نفينو للاروز صراحة هايل امممممممممممممممممممم قليل فيه

تفضلو يا حلوين​

 

[somo_81]

أم منصف دوبارتك تشهي تعيشي أعطيني الوصفة اليوم نديرها إذا حب ربي

 

[ibtesem]

امممممممممممممممممممممممممممم حرام عليك
عفاف ماتجيش هنا راكي تندمي ههههههههههههههههههههههههههههه

 

[nada242008]

يا مساء العدس هههههههههههه الله الله بانو الطباخات :d
روعتي اهلا وسهلا بيك وبصحتك واش طيبتي امممم سيرتو الافوكا ريحة الوالد العزيز هاتي نذوق ههههه وبصحتك الخميرة انا فضلي السميد ما جربتش المحنية ههه
عفوفتي المسيلية يا دي النور يا دي النور :$
ام سيف اطباق رائعة
ام منصف بصحتك الدوبارة
بصحتكم كامل
انا درت حمص دوبل زيت للغالية ام قصي والله جا روووووووووووعة يعطيها الصحة
المهم رانا عقاب السانك سانك من الشمال للجنوب للشرق وحتى في و.م .أ ههههههههههه

 

[somo_81]

nada242008 درتي دورارة كيما تاع عجوزتي و الله تشهي يعطيك الصحة و بصحتكم حنونة

 

[ام سيف]

بصحتكم يالبنات
ندى وام منصف تفاهمتو على الحمص اليوم
غدوة ان شاء الله نديرو فيها لوبيا​

 

[ibtesem]

 

[حاملـة المسك]

عفاف الجزائرية زوريني لهيه ...
الكرسي المسكين ديالي راه يعيط من كترة مني قاعدة عليه ​

 

[ibtesem]

صومو راني جاوبتك

 

[nada242008]

هههههههههههههه وحدك يا ابتسام ههههه والله ضحكتيني:d
بصحتك الروز جا هاااايل شخفتيني فيه نتي وفريدة والله حابة نجربو بصح لازم نشري الكرام فراش
ام سيف لي عندها حمص لوبيا عدس غير تزرب تطيبهم .. الربيع على الابواب :-o:d

 

[ibtesem]

نروح نشرب قهوتي ونرجع ليكم
بعد الفاصل نواصل ههههههههههههههههه

 

[ام منصف]

somo_81
هذه طريقة عجوزتي في الدوبارة
حمص طايب في ماء وكمون الملح حطيح كي يطيب نص طياب
حضري الصوص نتاع الدوبارة طماطم حب مرحية + مغرف طماطم مصبرة - سنينات ثوم - ملح - كمون - فلفل اخضر حار مقطع مكعبات صغار - دبشة مقطعة - كمون - ملح - شوية راس الحانوت - زيت زيتون - عصير قارص وشرائح حبة قارص خلطي كل شي مع بعض
لما يطيب الحمص وتخثار المرقة نتاعو ديريه في صحن وحطي عليه الصلصة وزيني بالفلفل المرقد والقارص
تقدري تزيدي معاه الفول ثاني يجي اممممممم
**
للامانة الدوبارة نتاع اليوم مشرية مانيش انا اللي درتها
​

 

[ميس مرام]

بصحتكم جميعا

اليوم أول الأيام البيض
ماصمتوش؟

 

[ميس مرام]

بصحتكم ام ندى وام منصف الدوبارة، بصح علاه وحدة حمرا ووحدة بيضا، كاين انواع؟ انا مانعرفهاش خلاص، وشهاتني

 

[ام منصف]

بسومة الروز راح ينطق جاك هايل بصحتكم
ام سيف غرايف هايلين بصحتكم
ام ندوش بصحتك الدوبل زيت وبصحتو اللي راهي يدو طل علينا
​

 

[nada242008]

خيرة يا محاسن الصدف لبارح ندى سخفت على الحنة درتلها سويعة برك ونحيناها هههه خسارة المرة الجاية نصورها بالحايك والعجار