وين راهي هاد البلاد اللّي دارت كي بلادنا ؟؟

[*Sarah Dz*]

اليوم مع العشية جات عندنا جداتي ،،
و قعدت مقصرة مع نسيبها ( لي هو طبعااا .. بابا )

و قعدوا يحكوا على السبيطارات .. السكاني .. القرايا .... كلش
المهم بابا قال جملة لفتت انتباهي ...

نضت نجري و جيت دخلت للّمة باش نحكي
معاكم على الموضوع لي حكاو عليه ،،
اللي هو الشي لي موفراتهنا بلادنا و ما نلقاوهش في بلاصة وحدخراا

...........................
...................
.............
.......
...
.

دايرة القراية باااطل ،، الجامعة باااطل + لابورص ،، ترونسبور انيفارسيتار باااطل

فيزيتات و تعيارات و راديوات و فاكسان و... في السبيطارات باااطل ( 5 الاف بلا مالادي كرونيك )
شكووون بلاد راهي تمد دوا باااطل (كارت شيفا)
شكون البلاد لي راهي تمد في السكاني بالآلاف ..
( علابالي بلي في بوربويات و بني عميست من تحت لتحت .. مي راني نهدر على سياسة دولة)

شكون البلاد هادي لموفرة هاد الشي باااطل ما نروحووش بعيد
غير حدانا و ما نقطعوووش البحر
بلادنا راهي من اواخر البلدان لي دات استقلالها في لافغيك
و لكن حتى بلاد من هادو ما دارت كيما دارتنا بلادنا

هوما كون نجو نشوفوو ،، القراية بالدراهم .. السبيطارات بالدراهم ..
الدوا بالدراهم .... كلش يمشي بالدراهم

المهم ...
احنا نقولو برك ربي يبعد علينا لغوال ليراهم باغيين ياكلو البلاد
و يخلينا بلادنا و يحميها من كل حاسد

هادا اول موضوع ليا في قسم واش راك تهدر
كتبته شوية مقلقة يسكو راني مقلقة :d
واش رايكم ؟؟

​

 

[ماكانش]

أهلا بيك سارة
يعطيك الصحة على الموضوع الباهي ولمليح
راني ضدك في الفكرة
شكون لبلاد ألي ادخل 100 مليار دولار في العام من البيترول ؟؟؟؟
نورمالمو كلش بلاش وكل شهر نخلصو 5 ملاين ومربعين يدينا
اما الدوا باطل نتي تبالك بلي باطل واقيلة نسيتي لاسيرونس
راهم كل شهر ينحيو 400 ألف لباباك وبابا وأي خدام مسوري فالدولة باه كي يمرض مرة في العام يعوضولو 0.05 من الش ألي أداوهولو كل شهر
ألي يخلص 3 ملان نورمالمو راهو يسلك 3 ملاين ونص ولكن بلاسيرونس ينقصولو هاذيك ال 500 ألف
راهو كلش خالص على ظهر الشعب يا سارة بالعكس رانا خاسرين فلافار
​

 

[imy_amani]

نتمنى الكل يدير الايد في الايد
ويجي نهار اللي نشوفو الجزاير مطورة وكل واحد داي حقه وفي بلاصته الصح

يبقى الامل فينا

بوركتي على الموضوع الجزائر تستحق اننا نقدموا على جالها لانها بلادنا
​

 

[قناص الغرام]

و الشعب تاعنا يقلك مابقاتش معيشة في هاذي البلاد
مرسي على الموضوع
​

 

[بنت الـ25]

أهلا سارونة الباهية من وهران الباهية وموضوعها الباهي :d
شوفي ... واصرشي مليح وش غادي نقلك :-h
الشي لي قلتيه صح
مكانش دولة تقري باطل والدوا باطل ويخلصو المجاهدين ونسا الشهداء الملايين ...الخ
مي نقلك علاه؟
باش الشعب مايريكلاميش على عائدات البترول
ياك البترول تع الجزائر كاملة شعب ودولة
وكيما كامل نعرفو انو الاقتصاد تعنا مزدهر بسبببها تقدري تقولي 98%
شوفي القدافي برك ربي يرحمو - على كل حال -
كان يمد للشعب تاعو كل عام نصيبهم من أموال البترول
احنا تاوعنا احتكروه وقدرو يسكتونا بهديك الشوية تع لقراية باطل والدوا باطل
مع انو كارط الشفا لي قلتيها يقدرو يستفادو من خدماتها المتقاعدين والعمال الأجراء وأصحاب المرض المزمن فقط
أما العمال غير الأجراء راهم يسلكو كل عام الشيء الفلاني باش يسوريو رواحهم ويوليو قادرين يستعملوها
أما اللي ماشي خدام كلاه بوبي
ومع هدا دولتنا متتكلحش
هاد المصاريف قاعدة تخرجنا فيها كل مرة طول وعرض
خير دليل الارتفاع المفاجئ في الطرانسبور
ملي كان بألف فرنك طلع لـ15 دج وصوطا ضربة وحدة لألفين فرنك
وشكون ريكلاما؟؟ ومام يريكلامي شكون يسمع بيه
:down:
لا علينا دخلنا في تفاصيل مي نظن الشي لي حبيت نقولو وصل
تحياتي سوسو
​

 

[مايا الجزائرية]

سلام
موضوعك هايل اختي ساره
والله صح كلش باطل الحمد لله رانا في نعمة
تقبلي مروري

 

[abdellah gourari]

نقول الحمدلله على كل حال
لحساب إذا ما حمدناش النعمة تزول صح في بلادنا كاين الفساد و الرشوى و ....إلخ مي الحمد لله على بقية الاشياء كيما القراية بلاش العلاج بلاش . ملا الحمد لله قبل ما تزول النعمة

 

[zagane]

اليوم مع العشية جات عندنا جداتي ،،
و قعدت مقصرة مع نسيبها ( لي هو طبعااا .. بابا )

و قعدوا يحكوا على السبيطارات .. السكاني .. القرايا .... كلش
المهم بابا قال جملة لفتت انتباهي ...

نضت نجري و جيت دخلت للّمة باش نحكي
معاكم على الموضوع لي حكاو عليه ،،
اللي هو الشي لي موفراتهنا بلادنا و ما نلقاوهش في بلاصة وحدخراا

...........................
...................
.............
.......
...
.

دايرة القراية باااطل ،، الجامعة باااطل + لابورص ،، ترونسبور انيفارسيتار باااطل

فيزيتات و تعيارات و راديوات و فاكسان و... في السبيطارات باااطل ( 5 الاف بلا مالادي كرونيك )
شكووون بلاد راهي تمد دوا باااطل (كارت شيفا)
شكون البلاد لي راهي تمد في السكاني بالآلاف ..
( علابالي بلي في بوربويات و بني عميست من تحت لتحت .. مي راني نهدر على سياسة دولة)

شكون البلاد هادي لموفرة هاد الشي باااطل ما نروحووش بعيد
غير حدانا و ما نقطعوووش البحر
بلادنا راهي من اواخر البلدان لي دات استقلالها في لافغيك
و لكن حتى بلاد من هادو ما دارت كيما دارتنا بلادنا

هوما كون نجو نشوفوو ،، القراية بالدراهم .. السبيطارات بالدراهم ..
الدوا بالدراهم .... كلش يمشي بالدراهم

المهم ...
احنا نقولو برك ربي يبعد علينا لغوال ليراهم باغيين ياكلو البلاد
و يخلينا بلادنا و يحميها من كل حاسد

هادا اول موضوع ليا في قسم واش راك تهدر
كتبته شوية مقلقة يسكو راني مقلقة :d
واش رايكم ؟؟

​

السلام عليكم
خليتي جماعة هايلةمع العايلة ونضتي تجري للمة ههههههمدمنة على لمة
المهم الدولة وفرت كلش ولكن كاين اشواك كثير للوصول الى دالك

 

[barca.moha]

صح ماخصنا والو
هدو عديان حسدونا في معيشتنا

​