ماذاآ ستطبخين اليوم /آنستي سيدتي/ الجزء 26

[ibtesem]

الله لا يحرمني منك صومو العزيزة
حدة مليح كي فطني قلت ترقدي لهيه هههه مع شخير
نور اسم على مسمى الله بارك كل شئ هايل تسلم الايادي الحلوى
قوليلي كيفاش درتي شربة القمح

 

[نور الرحمان]

صومو ربي يخليك اختي مرحبى بيك اختي في اي وقت عادى الصيف
ابتسو بصحتك لابيري
ميزوووووووو بصحتكم رز يبان يشهي
حسنة دوختيني باطباقك الرائعة مشاء الله عليك
حدة ماتغيبيش بزااااااااف راني نسنى ههههههه

 

[نور الرحمان]

ابتسام حسبتك تعرفيها
قمح اديرو بيه لفريك لازم يكون مطحون غبرة
في قدرة لحم والماء ومغرفة طماطم وثلاث مغارف زيت وملح وكي يغلو تنقصي نار تبداي تحركي دري في دقيق القمح بشوي باش مايتكتلش ادا حليتي تجربيه نحط نحط ليك المقادير وخطوات باش تفهميني اكثر
احنا هدي حريرتنا تاع رمضان

 

[ibtesem]

لا نور الرحمان منعرفهاش
نوريني بالوصفة

 

[imane27]

عشايا وصل يالبنات
طيبت دولمة كرمب

 

[somo_81]

صباح الخير عليكم يا الفحلات
مممم لويزة تشهي بصحتكم حنونة

 

[ibtesem]

صباح الخير عليكن يابنات يوم موفق ان شاالله
صباح الخير صومو
بصحتكم لويزة لعشا راهو اشهي

 

[ام رحاب]

السلام عليكم

ان شاء الله بخير عساكم تمام....

والله الذي لا اله الا هو ليكم وحشة كتيييييير كبييييرة​

بسم الله وباش نبدا....راني كنت نراجع فالصفحات... اللله يبارك ....ويخليكم لازواجكم ووالديكم وولادكم....وبكم نفتخر ومنكم نتعلم..​

زهوووووور....يابنت ايه دا كلو....يازهرة نور المطبخ بوجودك مشكورة..:regards01:

​

حبيبتي..ميزو كان خطأ ..فيالتعبير الاول...عوضا عن ميس كتبت ميزو....هاو تقريرك ياحلو...

مشكوووووووووورة ياعسل

 

[حاملـة المسك]

السلام عليكم

نور الرحمن تطبيق ممتاز للسمبوسة و بصحتكم حساء القمح حنا تاني ندروه
القمح ليكون غبرة ندروه حساء و كيكون الواحد عليه نزلة برد نحروها شويا
لفوق شوي ندروه مسقي بالكسرة
المتوسط ندروه الشربة المعروفة لدى الجميع
الاحرش ندروه تشيشة فريك.
الوصفات متنوعة و المكون واحد

أممم على دولمة الكرنب إيمان..بصحتكم

خخخخخ رغود ويكتا ارجعو الخيط الحالة راهي بدات تضلام
حنا تاني منعرفوش نسايسو الحاجة ..الدولة كتر خيرها وفرتلنا إتصالات الراحة بصح حنا طحنا جام جاااام
راهم يبحثو على المصدر لسبب الخلل :cray02:

أطباق فايتة ..و كما قالت أختي أنيسة تسمية مولاش / ماذا ستطبخين/

الله يديمها نعمة...بصحتكم لبنات.​

 

[ibtesem]

بصحتكم رغود الدوبارة دوبل زيت يم يمي يم يمي
والباقي الاطباق اممممممم مع البوفجوخ الله الله
تسلم الايادي

 

[مطبخ الأحلام]

ميس سوسو بالعقل علينا راكي قتلتينا بهاديك الماكلة ملحقتكش خاصة هاداك المطلوع و القطايف ما عندي ما نقول بصحتكم

الله يسلمك يالغالية ربي يعيشك كلو من ذوقك

dsميس يا ميس...........شو بدنا نقول لنقول.....انتي متل الوردة الفواحة بعطرك..على اللمة....ان شاء الله ماننحرم منك ياقمر...واطباقك ..مية مية ياقمر...:regards01:

ربي يخليكي خيتو أم رحاب الله ينور أيامك يالغالية أنتي النور بذاتو والله
تسلميلي على كلآمك المعسول والمرموق أموآآآح أموآآآح

اليوم جربت تارت التفاح لحبيبتي ميسو واش نقوللكم دوق امممممممم
يعطيك الصحة ميسو

بالصحة والحنى حبيبتي خرجتلك فور والله يعطيك الصحة انتي تاني

ميسو ياميسو والقطايف خرجولك فور يعطيك الصحة

سكتي برك حبيت نعاود الوصفة البارح مي حالتنا الضوء نطفا علينا من 5.30 واحنا بلا ضوء حتى ليوم صباح
مادرت والو البارح

يعطيك الصحة ميس سوسو كلش يشهي ولقطليف اممممممممممم شهيتني
وين خبز لعملاتو يماك ربي يطول في عمرها

الله يسلمك حبيبة الصحة نتمناها للجميع
الخبز دارتها فالفور برك نورمالمون هديك تجي بالعزف وطيب فالرملة ولكن احنا ماعندناش الرملة
مع كل تجي بنينة

ويحفظ انتي تاني يالغالية
​

 

[imane27]

سلام لبنات صح فطوركم
اممممممممممممم رغود كنيو راه يشهى مع صباح تاعنا بصحتكم

 

[nada242008]

السلام عليكم
حسنا الله يبارك جيتي وجبتي الخير والخمير هذي قاطوات وهذو خماير كلش رووووووعة تسلم الايادي يالشاطرة وراني نسنى في تطبيقك للسمبوسة الجديدة هههههه
نور الرحمان بصحتك السمبوسة والله جاتك هايلة تطبيق ممتاز
ميزو يعطيها الصحة اختك عل الروز من الصورة باين بنين
لويزة دولمة تشهي يعطيك الصحة
رغودة لي عودة للتعليق
ام رحاب هلا وغلا وسلة حلا :d ويعطيك الصحة على الشعر الملحون ههه والله خليتي بلاصتك

 

[nada242008]

شرفونا هنا
https://www.4algeria.com/forum/t/363328/#post4607034