سلام .........

[boukouraf]

اسلام عليكم يا اهل المة

انا اليوم رايح نفرق قلبي انا كرهت من هذي البلاد الغريبة والعجيبة لدرجة متتصورش

ياخوتي وعلاه غير الي يقرا وعندو مستوي في هذي البلاد هوا الي عايش اما المسكين الي الله قالب عليه لي ميقراش وعلاه راهو محقور في هذه البلاد وعلاه

يعني لميقراش ميخدمش عاد كلش بلمستوي الدراسي برشوة بلمعريفة ولي معندوش ستمي يموت

هذه البلاد وصلت لجيناس للمخذارات وللانتحار وللحرقة وصلتهم لكلش غير تدي من عندهم جامي تمدلهم وعلاه هذا الشي وكتاش رايح ينعدم هذا التميز الي راه صاير في بلاد المليون ونصف مليون شهيد

 

[sahiko hamza]

اهلا صديقي
والله هاد الحالة راها نن قبل وهي هكى ...
جوك ولات لي عندو ديبلوم + كاليفي ( شهادة الخبرة ) هذاك مريح ولي ماعندو والو غي كتف صحيح يخدم ؟؟؟
انا صاحبي دار سطاج فوحد الشريكة قالي لي نجحوهم لبنات اكتر من الرجال ؟؟
روح انت وأفهم وخلي وخلي

مي تفكر بلي لي خلق مايضيع .
​

 

[أم عبد الله]

والله ياخويا راكـ شوي غالط وينهم القاريين لي خدمو
راهم مساكن حاكمين لسوار برك وشادين في البوطوات خخخخخ

الحالة راهي بالمعريفة و شوي كمون ههه و زيد لبنات خرجو للخدمة اتسمى ولى قانون جديد قانون ...... ولا خلينا

اتسمى خويا غير ماكلاه تعيي راسك وتحوس تفهم البلاد هاذي
لاتعليق احسن
​

 

[boukouraf]

اهلا صديقي
والله هاد الحالة راها نن قبل وهي هكى ...
جوك ولات لي عندو ديبلوم + كاليفي ( شهادة الخبرة ) هذاك مريح ولي ماعندو والو غي كتف صحيح يخدم ؟؟؟
انا صاحبي دار سطاج فوحد الشريكة قالي لي نجحوهم لبنات اكتر من الرجال ؟؟
روح انت وأفهم وخلي وخلي

مي تفكر بلي لي خلق مايضيع .
​

هذه الي تهبل تجنن

 

[boukouraf]

والله ياخويا راكـ شوي غالط وينهم القاريين لي خدمو
راهم مساكن حاكمين لسوار برك وشادين في البوطوات خخخخخ

الحالة راهي بالمعريفة و شوي كمون ههه و زيد لبنات خرجو للخدمة اتسمى ولى قانون جديد قانون ...... ولا خلينا

اتسمى خويا غير ماكلاه تعيي راسك وتحوس تفهم البلاد هاذي
لاتعليق احسن

والله غير عندك الحق

 

[M3TaZ eLLMa]

السلام عليكم

أهلين بأخي الطيب منور قسمك ومنتداك وبيتك الثاني

فرغ يا خويا فرغ رنا عائلتك يا طيب

نقلك حاجة تجي تحوس دوخ

ندخلو لموضوعك

أخي الطيب كيما راك تشوف حالت البلاد راهي تعاني من ويلات الارهاب من 92 إلى يومنا هذا والجزائر راهي أمانة الشهداء إلينا ..

أخي أولا نعاتو شوي أنفسنا لماذا لم ندرس هل ولدينا معلموناش هل ولدينا مهمش قادرين باه يعلمونة هل ولدينا لي فرضوا علينا عدم الدراسة ووووو

1- هل ولدينا ما علموناش : مستحيل قرونا وضربونا على الدراسة وهمهم الوحيد انو أبنائهم يدرسون

2 - هل ولدينا مهمش قادرين : التعليم باطل يشرونا غير الادوات

3 -هل ولدينا لي فرضوا علينا عدم الدراسة : كي تجيك ورقى من الادارة نتاع المدرسة ولا الاكمالية ولا الثانوية بأنك تغيبت الاب هذاك نهار مفراش ..وعلاه ما تقراش وعلاه ما تكونش كي غيرك من ناس شوف ولات فلان ربي يبارك يقراو لاباس عليهم وانت خير منهم ووووووووو يعني هنا دور الاب موجود .


المشكل فينا يأخي وعلاه ما نحبوش نقراو

لأنو نقلوا خلي برك نبطل من القرايا نتاع الهم نروحنقاجي ولا نشوف كاش خدمة .

نسئلوا شوي روحنا علاه نهربوا من لقرايا ياك حنا لي دمرنا روحنا بروحنا واليوم نلوموا وعلاه لي قرا يلقى ولي مقراش يموت شفت أخي يترى أنبنا روحنا وقلنا يرتنا قرينا باه نلقاو اليوم أبسط الامور برك نحط في وسطهم دوسي وراني عارف بلي ما نخدمش وكثيرة هي الامثلة . خويا لعزيز راني نتكلم هنا على الجميع وأولهم أنا وأعوذ بالله من كلمة انا راني كيفك بلا مستوى لكني انبت روحي بكل صراحة وقلت نستاهل ليراني فيه لأني انا لي دمرت روحي كي حبست قريتي .

المشكل راه فينا اخي الطيب .


مشكل لي طرحتو على المخدرات : نعطيك مثال وأمني سوفريت في حياتي بدون مستوى وربي هو العالم بيا لكني عمري ما رحت لطريق هذه لأنها فساد في كل شيء صحتك ومالك والمشاكل وسخ الدسي نتاعك واش راح يجي منهم برك ما ينفعوا حتى حاجة تقول ننسى لي راني فيه مستحيل مهما عملت والوا .

عمرهم ما كنوا المخدرات حل احنا لي روحوا عندهم ونقلوا بلادنا لي وصلتنا لهذا .

الحرقة : تغامر بنفسك في وسط لبحر والموت يستنى فيك فأي لحظة تمنع من البحر تلقة السجن ينتضر فيك ومعاه لعذاب حرقت وصلت لبلاد لي رحتلها هل ترى تلقاهم يرحبوا بيك مستحيل إذا منعتي من الشرطة سواحل تندمج في مجتمع المخدرات وسرقة با تعيش وتوكل روحك ما نكذبوش على بعضنا هذا ليس حل نسوفري في بلادي حتى يفرجها ربي ولا مزريت لحريق يا طيب .

الاخت °Nina Dz° قالت بأنو ناس قرات حتى مخها تعمر قريا راهم حاكمين الحيط . راح تقلي شوف لوكان قريت شوف ون وصل بيا الحال راني كي قريت كي ما قريتش نجاوبك

ما عليه خويا اقرا وتعلم وحسن مستواك وتوكل على الله ودخل في مسابقات يجي نهار وين يفرجها ربي

ربي سبحانو نهار وين ولدت ارسلك قسمك في حياتك لكن وكتى يوصل ربي هو لي يعلم لهذا بغيت نوصل مساجي ليك بلي اتوكل على ربي برك راح تفلح إن شاء الله


أما بخصوص البلاد واش راح نديروا الله غالب راحنقدروا نقاضو وزير ولا أصحاب النفوذ يا خويا وكل ربي عليهم هو لي حسبهم وليس نحن .


نحالوا نتركوا بصمة في حيتنا لهذا لبلاد لي مات عليها ملوين ونصف مليون شهيد

نحالوا نحسنو مستوانا يأخي بأي ثمن المهم نتعلم ونتثقف ونكون فرد في هذا المجتمع


لوكان نحكيلك حكايتي تنسى همومك ومشكلتك لكني حاكم في ربي سبحانوا والحمد لله على كل شيء وراني خدمت هذا بلاد ودمي سال فيها ومزال نمد حتى الاخر قطرى في حياتي .. ونأكدلك بأني ما ديت منها والوا ابسط الامور مكانش لكن راني قتلك ربي كريم ورحمتوا واسعا .

أعلم بأنك محبط ومشوش الافكار حبت نقص عليك شوي يأخي ونتمنى يكون كلامي فهمتيه والخلاصة وصلت صدقني والله العظيم راني بلا مستوى كيفك لكن فرضت روحي على المجتمع وكنت فرد فيه حتى انت حاول تفرض روحك وتنسى مشاكل الحياة وتوكل على ربي برك راح تفلح يا طيب عمروا انسان مسلم دعى ربي سبحانوا ولم يستجب له .

تقلي ديما ندعي ربي لكن مكان ولوا

ربي سبحانو عالم وكتى يردلك طلبك لكن متى الله أعلم المهم أنك تلجأ ليه وهذا هو المهم وتوكل على الله برك


وأكتفي بهذا القدر وأترك المجال للإخوة يفدوك احسن من كلامي

وربي يقبل عليك وربي يفرجها عليك دنيا وأخرة يارب

ونتمنى نسمعو منك أخبار تفرحنا وتفرحك يارب


تحياتي لكل من رد عليك

موفق ​

 

[بنت الـ25]

السلام عليكم
منزيدش كلمة على واش قال أخي كمال (معتز اللمة)
أحاط بجوانب الموضوع وما خلى عليه عتب
بارك الله فيك
​

 

[boukouraf]

اخي انا والله غير نحب نقرا بصح الله قالب الضروف مخلاتنيش نكمل الله غالب وش ندير المهم ربي يفرج وخلاص


مشكور علي الكلام الي قلتو الله يبارك :up:

 

[فتاة حساسة]

جي تفهم دوخ..
نعرف ناس حياتهم كامل يقراو وفي اللخر مايخدموشو ولاكان خدمو خدمو عند واحد جامي قرا..


ربي يصلح الاحوال في بلادنا

 

[وردة رمال الصحرا]

ايه والله خويا ... انت مزالك صغير...تقدر تقرا وتخدم إن شاء الله
بصح المشلكة ف الكبار...كاين لي راهم أرباب تع عايلات وقاعدين.... كي كنت ف ورقلة سمعت ف الإذاعة واحد الحصة ...زعما جايبين شباب بطالين ويحاورو فيهم ... والله غي غاضوني بزاف....كل واحد كان يحكي على المأساة والميزيرية لي شافها ولي مزالو يشوف فيها وهو يحوس على الخدمة في بلاد شعارها " اسرق وانهب باش يصجلك الدورو"
والله شي مؤسف للغاية....الله يعين كل الشباب....بس لازمكم تتحركو ولي سعى ما يضيعش ربي سعيو
بارك الله فيك وف كل المشاركين​

 

[عازفة الاحزان]

ربيـ يصلحـ الاحوالـ

دكـ باه تدخلـ لإدارة على سطاجـ بركـ لازملكـ معارف سينو والله ميقبلولك واذا قبلو ميتهلاوشـ فيك

هذي راهيـ بلا ماتخلصـ + تعاونهمـ تحتاجـ منهمـ فقط الارشاد!!!

فماااااااا بالكـ بالخدمة !!!

ياخويا والله انا نقول بلادنا بلاد معارفـ ورشاويـ بصحـ ليـ يشد فيـ الصحيحـ عمرو ليطيحـ .

متنساشـ كاينـ ربيـ يمهلـ ولا يهملـ ,المهمـ الواحد فينا يتمسكـ بربيـ

ويبقى متفاءلـ

وليـ كاتبة تلحقـ باذنه تعالى !!

تحياتيـ خويا وان شاء الله ميكونـ غير الخير
​

 

[lee yong]

اولا نشكرك على الطرح المميز
عندك الحق كلشي راه بالبيسطو رشوة ولا ما كاش خدمة
mais واش نقولوا نوكلوا عليهم ربي.
اللي يقول الدنيا تبدلت راه غالط
الناس هوما اللي تبدلو

 

[boukouraf]

شكرا لكي وعندك الحق في هدي الكلمة اللي يقول الدنيا تبدلت راه غالط
الناس هوما اللي تبدلو

 

[djojo91]

السلام عليكم ، أخي في هذه الدنيا كل واحد يدي الا مكتوبو ربي خلق الناس وفرقهم لحكمة الهية ، قداه نواحد قاري وبطال وقداه نواحد أمي ميعرف والو ..." رعاة " وهما أغنياء ....أخي كثيرا ما يضيع المال بحثا عن المال ....تأكد أن المال مش هو المستوى تاع الشخص بل أخلاقه ثم أخلاقه ثم أخلاقه تعبر عن قيمتوا .....خويا أخدم على روحك وأخدم بنية مليحة باه ربي يجازيك ....تكد أنو ربي ما يظلمش سبحانو والي عندو قسمة يديها ...توكل عل ربي واخدم .. تقبل تحياتي​

 

[وصال]

اخي الكريم الشدة في الله كيما يقولوا اذا ما عرفتش الطريق الى رزقك ، رزقك يعرف طريقه اليك نزيد نقولك صح بلاد تمشي بالمعريفة و......و......و.......لكن صدقني لي يشد في ربي جامي يطيح ، انا واحدة من الناس كنت دايما ندعي ربي ونقوا يارب لا تدعني اركع لاي احد في الدنيا سواك يارب سهلي اموري كلها .
صدقني اخي جاوني 2 بوصت في نفس الوقت والناس قالت بلي عندي المعريفة وخالها كذا والخرطي ، بصح امني جامي مادومونديت من خالي يجريلي في عفسة والله اتكلت على الله وارزقني والحمد لله هذا من فضله مالقري قريت وتخرجت بصح راني متاكدة ومتيقنة ان لولا فضل الله مرنيش خدامة ني قرايتي ني انوثتي كيما راهم يقولو البعض لي جابتلي العمل .
المهم اخي وكل امورك لله والفرج باذن الله قريب ، احسن الظن بالله يكن عند حسن ظنك به .
ربي يفرج عليك خويا .