البنات وشغل الدار

[السلطانة]

رجعت وجبتلك هادي

ونقول لتحية لكل بنت جزائرية تضال تدمر في الدار

​

 

[الورد الأحمر]

هو صح شغل الدآر يقلق ...
أنآ عن نفسي عندي خدمة من بين : التسيآق غسيل لمآعن
ولآ ترتيب الدآر ...
يعني نخدم وحدة من الثلاثة هذو ونقعـد
ومرآت مآ نقيسـش خـلآص ...
أمآ عن مآمآ عندهآ لي يعآونهآ
وأنآ نخدم برآ ولآ في المنتدى بزآفي :p
ســـلآمي ’
​

 

[WàLiiD]

ههههههههههههههه والله صراحة تغيضوني بزززاف
ربي يكون في عونكم
​

 

[همس الوُرود]

خ\أوموان كاين الي نغيضوه ماش كيما خوتي أنت تخدمي وهوما سخنيلي وجيبيلي ختيوتي الفحلة ويعرفو يهدرو غير كي يحتاجوك
​

 

[lee yong]

هههههههههههههه
كاينة منها الطفلة لازم تتعلم المسؤولية وشغل الدار من صغرها
مرسي موضوع رائع

 

[فتاة حساسة]

ههههههههههه موضوع فور اختي
القضيان هو لي قاتلنا والله العظيم ههههه
الحاجة لي نكرها كيما قلتي التسياق تاع الصباح يا ربي ياربي
الله يقدرنا و يصبرنا هدا ماكان

.

هههههههههههههههههههههه واش تحبي هادي خدمتنا .كون منخمدوش حنا ماكنش شكون يخدم.شكرا على مرورك يا طيوبة

 

[فتاة حساسة]

ههههههه ضحكتيني نص لبنات يشكيو مالخدمة تاع الدار مساكن
من الصباح وهوما جايبينها مورا الدار هدا ميناج وهدا طياب و و و..

مي انا واااااااااااااااااااااااي معفية منها

انا ولفتني ماما منخدمش تالموا راني لكبيرة مي مندير والوا

الدلال والتقلاش

منيش انا لمنحبش نخدم وش راح اندير

ديفوا نيجي نسيق ولا نغسل لماعن كي تنفحلي ومنلقاش وش اندير

مي اختي متبغيش تموت على لخدمة تاع الدار ولا كي نلقاها تغسل وتسيق ويكونوا بزاف حوايج تغيضني نجي نعاونها تشعل فيا

تقلي بعدي عليا نعرف نخدم وحدي روحي برك تكوناكتي ولا تقراي مع كي تقلي كيما هك نقلق

ومبعد نولي كيما هك

ونمشي فرحانة باسكوا ماراحش نتعب

ومام ماما متعولش عليا ولا تقلي روحي ديريلي هديك لحاجة تحب ادير كلش وحدها

غير كي تكون مسافرة ونبقى وحدي فالدار توصيني وش اندير هديك اوبليجي نخدم ومع انا نعرف ندير دي شوز ياو بالاك تحطوني معفونة

مي كي يكونوا بزاف حوايج يتلموا عليا مرة وحدة آآآآآآآآآآآآآآآآآآآآآ نجن

ههههههههههه

هو لقعاد ودلال بزاف مهوش مليح ولخدمة تاني بزاف تكره

كيما انا مدللة بزاف مي كرهت سيرتوا كي تكون هكدا عندنا مناسبة ونروح نلقى لبنات كامل يخدموا ويعاونوا وانا لابسة متقلشة وقاعدة كي لعروسة ههههههه ولافامي تاعنا كامل يعرفوني موالفة منخدمش كي نيجي نعاونهم يقولولي روحي برك متعبيش روحك وزيد راكي لابسة وعادلة متوسخيش روحك يديرولي لينار

نولي نقلهم مهمنيش فيكم انا ليسونسيال قلتلكم

ويدا تحبوا كش حاجة راني لهيك

ونولي نفحت نروح نزهى فالعرس

ههههههههههههههههه
وكاين بنات راني شيفتهم كيما بنت خالتي ماماها مسكينة مريضة وتقلها روحي ديريلي هديك لحاجة ومتبغيش كل خطرة تقلها مباعد منيش قاعدة راني ندير في هديك راني نقرا راهوا مازال لحال تولي تنوض هي مسكينة ادير ولا كي كونوا ولادها فالدار يعاونوها وبناتها راهم يعدلوا في رواحهم

والله عيب ميصلحش هكا مشو مليح

لوحدة مهوش مليح تكون جيبتها في روحها هكا كامل متعونش فالدار كي كونوا محتاجينها مام متحبش تخدم مي ادير دي شوز مش تخدم كلش وحدها تتعاون هي واختها ولا ماماها وكي تتعب كاين الرقاد

ههههههه
مشكورة على الموضوع حنونة

​

سما نتي جايا تغيري فيا.انا كاين 3 بنات ..في الدار وامي ترعفني غير انا .اما اخي منحكيلكش .واحد مايقسيلو حوايجو غير انا ..مهبلني .بصح واش تحبي..كي نكبار نولي حرة الحراير قالتها امي :p :p ..وانت كملي هاك ا فنيانا..لازم تخدمي سي نو خطرا خلاف مكانش شكون راح يخدملك .ومتقوليليش نجيب خداما ..لازم تتاكلي على زنود ك ا لالا ..شكرا على المرور خيتو .:d

 

[فتاة حساسة]

عجبني موضوعك بزاف
الخدمة تاع الدار حتى ولي تقول منشكيش منها تلقى روحها تشكي مرات ههه
صح تتعب مرات مي راهي في الفايدة لكل طفلة
كون متخدمش في دار باباها تتزوج تلقى روحها 00
وانا تاني عندي قريبة ليا تخدم تغسل القش لماماها ب 10 الاف كي يكون قليل وب 20 الف كي يكون بزاف
لمت دراهم على ظهر امها
تروح تتكسى بيهم
يعطيك الصحة على الموضوع الزين

​

اهلا بيك سندريلا..ايه الخدما تاع الدار تعب. وهادي اللي تقرلك نستعرف بيها ههه هاك دبر فيها مصيرفا..هاد الخدما كي نكبرو نلقةها في الفايدة ومنكونش خايبين.شكرا على المرور حبوبتي .نورتي الموضوع

 

[فتاة حساسة]

متزيدينيش سوايع تحكمني وحد لاكريز كن نصيب نضرب راسي في الحي نموت ونتهنى من لماعن هههههه
عنبالي امي تعبت وسهرت مي والهل انا تاني نكره لماعن هههههه
مرسي عىل مووضع
ادعولنا معاكم

ههههههههههههههههههههههههههههههه حالتك كيما حالتي .ههههه حتى انا نكره اللماعن..نصيب نسيق الدار كااامل ومنغسلش اللماعن..شكرا على المرور خيتو

 

[فتاة حساسة]

هههههههههههههههههههههههههههههههههه

سيرتو مع هد البرد الميناج رجع سوفرونس

مي لوكان تخممي لوكان مانديرش الميناج واش اندير ولا شكون باغي يديرو

كلشي يتوالف

ااهه وي عندك حق.يغيضني الرقاد برك كي نوض بكري باه نسيق ..ههه شكرا اختي علىا لمرور

 

[فتاة حساسة]

شكون الي قالك اختي نجلاء ماناش نعاونوا فيكم
نبدالك
التسياق كي تعود امي و لا اختي تسيق و انا قاعد فوق الكرسي نهز رجليا باش تسيق تحت الكرسي
كي طيب امي العشاء و لا الغذاء نعاونها ناكل
كي تغسلي امي الثياب تاعي نعاونها و نلبسهم
كي تفرشلي لفراش نعاونها ونرقد فيه
قوليلي هاذي معاونة و لا لا
ههههههههههه
:p:p:p
علاه انتوما تعاونونا في الخدمة برى
​

.متفكرنيش.نتوما وجوه الشر..تسناونا حتى نسيقو ونخلصو وجيو داخلين بالصباط .انا لتم نهبل..ونبدا معيط...مي اعترف كون نخطيوكم حنا البنات ضيعو خلاص..تموتو بالشر ههه ..vive bnat .vive nssa .vive mamatna

ههههه شكرا على المرور اخي نورت الموضوع

 

[فتاة حساسة]

والله انا امي كي نقولها علاه ان لي نغسل برك هما علاه ياكلو ويرروحوا ياخاه على بنتي علاه هم بنات
انا نقول اله يساهل لي كلا يغسل ههههه
ياه يادراري تروحوا تخرجوا برا تكيلوا متخدمو ماوالو شكون راه يخدم يرحك باباك ههههه اني نشوف بعينيا ههههه

هههههههههههههههههههههههههه انا تان نومالمون اللي ياكل يغسل صحنو.. ههه مي نو متصلحش عليهم هههه ..شكرا حبيبتي على المرور

 

[فتاة حساسة]

ههههههههههههههههه موضوغ شباب
بصح انا مانخدم حتى حاجة ندير مزية نحكم بلاصتي ههههههههههههههههههههههههههه
ايا ربي يعاونكم خواتي
​

اهههههههههههه يا فنيانا .لاوم تخدمي ..لاوم تكوني حرة الحراير ههه :p..شكرا على المرور

 

[فتاة حساسة]

ايه موضوعك عجبني بزاااف باسكو انا كنت منارفيا الصباح من الخدمة العسكرية اه المنزلية (نسيت:$)
اليوم عندنا البرد بزاااف والامراء اخوتي كي كملت التسياق جاو وسخو كامل الدار تنارفيت بزاف
خويا قال معليش زيدي سيقي باش تولي عندك لاتاي حنونة:d​

ماش غير خدما عسكرايا ههه نوضان تاع صباح ربي برك صعيبا بزااف.هه شكرا على المرور حبيبتي ..حالتك كيما حالتي.انا عندي خويا واحد برك.بصح تقول كاين منو 10 .ههه

 

[فتاة حساسة]

سامحولي على الهدرة هاذي بصح راني نشوف في البنات يشكيو في دار اهلهم من الخدمة تاع الدار
و غدوة كي تتزوجي واش ديري

ههههههههههههههههههههههههههههههههههههههه خطرا خلاف ..انا نغسل اللماعن وهوا يشلل ههههههههههههههههه..اسنا ساع يجي عريس الغفلة :p :p .لتم نتفاهمو مليح مليح انا وايا.ه هههه

 

[فتاة حساسة]

رجعت وجبتلك هادي

ونقول لتحية لكل بنت جزائرية تضال تدمر في الدار

​

والله قستيها فس الصميم ختي.هاكدا انا في الدار..من الصباح وانا نخدم ومع اللخر يقولك مادرت والو ..ماش تهز راسك وتخبطو للحيط

هادي معندهاش بزاف .انا خويا عايش عند نانا ..جاابلي القش تاعو باه نغسلو..ونسيتلو وحد التريكو..يهرت ل 10 وانا مع قشو..ومبعد جا قالي وين راح التريكو..انا تفكيرتو ونسيش بالي مغسلتو .ناض يعيط عليا وقالي كيفاه تنسايه..واش غاضتني روحيي حتى نضت نبكي.شما الضقوا هاديك كامل ومع اللخر يعيط عليا

 

[فتاة حساسة]

هو صح شغل الدآر يقلق ...
أنآ عن نفسي عندي خدمة من بين : التسيآق غسيل لمآعن
ولآ ترتيب الدآر ...
يعني نخدم وحدة من الثلاثة هذو ونقعـد
ومرآت مآ نقيسـش خـلآص ...
أمآ عن مآمآ عندهآ لي يعآونهآ
وأنآ نخدم برآ ولآ في المنتدى بزآفي :p
ســـلآمي ’
​

ايا دبرتيها مالا ههههه.شكرا على المرور خيتي :d.نورتي

 

[فتاة حساسة]

ههههههههههههههه والله صراحة تغيضوني بزززاف
ربي يكون في عونكم
​

واخيييييييييييييييرااا شخص اعترف بالي نغيضوه ..االحمد الله كاين اللي مزال في قلوبهم الرحمة هه :p :p .شكرا على المرور خيي

 

[فتاة حساسة]

هههههههههههههه
كاينة منها الطفلة لازم تتعلم المسؤولية وشغل الدار من صغرها
مرسي موضوع رائع

هههه ايه ومالا..شكرا على المرور حبيبتي

 

[Ma$Ter]

:d
السلام عليكم
الشغل تاع الدار راهو مستقبلكم
كاين نساء فنيانيين ما يديرو حتى حاجة من بعد كى تزوج توحل فى روحها
ما تعرف ما تطيب ما تغسل ما والو يكره منها راجلها :d
ديرو الستاج تاهكم مادام عندكم الوقت