الويفي Wi-Fi

[EL General]

سلآم

آكثر آلآمور آللي تؤرق آلشعب آلجزآئري هو آلـ : آلويفي :d
سي بور سآ جيت بآش نحكيلكم حكآية صرآت لينآ في آلكرتي نتآعنآ

وآحد جآرنآ عندو آلآنترنيت في دآرو و بآلطبع عندو آلويفي ، و كآين وآحد جآرنآ معندوش آلكونيكسيو ، و ديمآ يهز آلميكرو بورطآبل نتآعو و يروح يكونيكتي بآلويفي نتآع لوخر يجيبهآ آلليل مع آلنهآر و هو مكونيكتي بيه :s هههه ، هدآك لي عندو آلآنترنيت فآق بآلسيد يكونيكتي على ظهرو خخخ :d ـ رآح ليه وآحد آلنهآر قآلو يآ خويآ مآشي آنآ نخلص آلكونيكسيو و آنت تكونيكتي على ظهري (على فكرة مآيتفآهموش من بكري هآدو) قآلو علآجآل ويفي رآك مدآير لينآ هكآ ، هآو ليك مآنزيدش نكونيكتي خلآص ، و صرآت دبزة و عركة كبيرة ، :-o آلمهم مشآت ليآم و جآت ليآم ، و رجعت ريمة لعآدتهآ آلقديمة ، رجع سي خونآ يكونيكتي بآلويفي نتآع آلسيد هدآك ، زآد فآق بيه ، رآحلو بسكين ديرآكت تلآقآه في آلزنقة ، ضربوآ على ظهروآ بآلسكين :s :-o[SIZE=3] ، قآلو بآش منآ و جآي تولي تسمع آلهدرة ، و رآحت آلقضية لدآر آلشرع ، و للمحآكم كي ضربوآ بآلسكين :down:[SIZE=3]

[SIZE=3][SIZE=3]آليكم آلخط [SIZE=3] فسر ه[SIZE=3]ده آلوآقعة في ب[SIZE=3]ضعة سكور
[SIZE=3]علآجآل ويفي يآ عيبآد آلله :$
[SIZE=3]و آلله حشمت في بلآصتهم ...

[SIZE=3][COLOR=Red]سلآم [/COLOR]
[/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE]​

 

[بنت الـ25]

سبحان الله وين وصلت الأمور بالشعب الجزايري
يضربو بموس علاجال الكونكسيون:-o
والله ربحنا وتقدمنا:down:
وهداك التاني علاه مادارلوش مودباص وتهنى الفرطاس من حكان الراس؟
ولا كان يستنالو فيها؟
الصراحة اخي حسني مالقيت وش نعلق
هداك يقضيها فالحبس ولاخر خداها بموس فالظعر هدا عجز كلي مؤقت وعجز جزئي دائم

انحدرنا بتفكيرنا لأسفل السافلين:down:
ربي يستر
​

 

[la_safa]

السلآم عليكم ..

آخآه آ حسني خويآ ، يضآربو بالموس عآجآل الويفي !
سي سير كآش حآجة قديمة و حب يخلصهآ فيه و دآر سبة بالويفي :d ..
ديجآ كون جآ شوي ذكي قولو يدير مود بآس
- دير انترنت في دآركم - و تهنى الفرطآس من حكآن الرآس :p ..

شكرآآ آ حسني .. ~
​

 

[Ma$Ter]

عليكم السلام

المشكل الاول من المجرم :d اللى يضرب بالموس علاه ما يعملش باسوورد للويفى
+ الضربة تاع السكين ممكن غل قديم ما هوش على الويفي - كيما قلت نتا ما يتفاهموش من قبل
او ممكن ماكانش فى كامل قواه العقلية ممكن كان شارب دواء او حاجة اخرى
ربى يهديهم
شكراا خويا حسني وتوله لجارك هذا مجرم ههه
​

 

[*RAHMA]

hh rabi yahdina

 

[همس الوُرود]

ههههههههههه ياخي دواب ياخي اللول مادارش باسورد والثاني مايفهم فيها والو ياو منين يستعملو يقدر يفيق بيه نورمال
ههههههههههههههههههههههه كيما حنا واحد فوقنا يسكن ثوجور حاب يدينا لاكونيكسيون بالويفي وصلت بيه يعيط من الطاقة لواحد آخر فالباطيمة لمقابلة ويحكيو كيفاش يديرو وخويا فالدار شابع الضحك عليهم هههههههه
بيسك مايقدرش يحكمها ويلا حكمها ينحيهالو خويا في 1 ثانية ههههههه
والله يا الغل هاداك الي بين 2 غير ماتفكرنيش كاينة وحدة جارتنا من وحنا صغار وهي تكرهني هههههههههههههههههههههههههههههههه والله كل ماتدير حركة من الحركات هادوك تضحكني ههههههههههههه......................... ربي يهدي شي لعباد
​

 

[°NeSriNe°]

ههههههههه
وحدهم هادو العيباد
تبانلي ماشي غير على الويفي
تبانلي كان غير يجمعله في عمايله
هاديك هي راه دخل يه سكين
​

 

[قناص الغرام]

عيش تشوف
​

 

[love papitou]

almouchkala machi 3la lwifi hatha bayan kan hazlou lgoul
man kbal w rabi toustarna w houwa koun ja fayak 3lah maydirach mod pass w yathana lfartass man hakan rass
merci housni​

 

[فتاة حساسة]

ههههههههههههههههههههههههههههههههههههههههههههههههههههههههههههههههههههههههههههههههههههههههههههه..والله عيش تشوف صح..ياو ربي يهدي ماخلق.لاكان عادت على الويفي يضربو بالموس والله مابقات حاجا.ياو ا جماعا الدنيا راححححت..الرسول عليه الصلاة والسلام وصى بالجار...ربي يهدينا

 

[اسطر عاشق]

ربي يهدينا.......................

 

[־●ـ‗غمــــوض ــالــورد_ـ●־]

ههههههههههه والله حاجة تشوكي عباد يتعاركوا على حوايج تافهين
ههههههههه ضحكتني وفكرتني تاني وحد لخطرة عندها شهر كي نخرج من الدار بش نروح نقرا ولا ندير حاجة خلاف نلقى شعب عظيم في لكارتي نتاعنا

واحد عندوا لاب توب وحايد بلي بورتابل وانحير وش كاين

نقول بالاك جاو عند كش جار ولا راهم صحاب تلقاو بعضاهم وقاعدين هنا المهم منتلقاش بيهم بزاف وهوما قاعدين يكوناكتيو بالويفي نتاعنا ههههههه

حنا عندنا نت وعندنا ويفي ونسينا نديرولوا مودوباص وانا راح من بالي خلاص اماجيني الجيران كامل يديروا بالويفي لحقت بيهم حتى يبلوكيو تاعهم ويخدموا بتاعنا المهم هدا كامل واحنا مناش فايقين

حتى واحد النهار نسمع في زوج يتعاركوا والناس جات تحز بيناتهم انا خرجت نسقسي وش كاين جارنا قالي يتعاركوا على جال لويفي قتلوا زيماه قالي كانوا قاعدين بحدا بعضاهم واحد نطق قال لواحد نوض منا خليني نكوناكتي راك تنقصلي فريزو تاعها وبدات لعركة تما وين فقت بلي راهي عركة على جال لويفي تاعنا هههههههه سبحان الله نجي قدام دار الناس نكوناكتي بالويفي تاعهم وزيد نريكلامي عليها

ناس منيش عارفة منين جاو ومبعد ولينا درلانها مودوباص الجيران كامل كي يلقاوني فالطريق يجيو عندي لي تسلم عليا لي يحكي معايا موالفين صح يهدروا معايا مي مش لدرجة هدي

هدا كامل على وش اعطيلنا لمودباص رانا كرهنا موالفين ديما نكوناكتيو

وكاينة جرتنا المشكل راني منهدرش خلاص معاها كانوا صراولنا ديبروبلام معاهم لقاتني وحد لخطرة فالطريق جات تسلم عليا قلت انا بالاك باغية تولي تحكي معانا

وش قالتي ولفاصوا تاع لهدرة اتاعها اسمعي انت !! درتوا لمودباص للويفي وعلاش

.... راني كنت نكوناكتي بيها انا وخويا عندنا قرايا نديروا دي بروجي اعطيني لمودباص برك

ياخي نكوناكتي فالليل برك كي نخرج مالخدمة ياخي نتوما متكوناكتيوش بيها فالليل (تقول راهي عايشة معانا)

قلتلها معنديش لكود تاعها وش قالتلي ياخي انت درتوا سيبون الشك فيرواحكم ياخي ويفي برك

ملقيتش وش نقلها شوكاتني

كيعاد تعرفي بلي ويفي برك ديروها في داركم واسكتي ياك تخلصي 4 ملاين للشهر وزيد هوما لي يحتاجوها اكتر هي تخدم واختها تقرا باراميديكال وعندها زوج خيانها فالجامعة يقراو وباباها بروف نورمالموا هوما لي نكوناكتيو من عندهم المهم انا سكت خليتها لي يحب يهدر يهدر ناس ميفهموش تهدر معاهم على حوايجك تحصل واحد لكوارت يصراو يفشلوك يشوكيو حوايج تافهين يديروهم فيلم ربي يهدينا
واسمحلي ديجا طولت عليك خويا بالاك تجيبلي جاركم لمافيا يدربني بكش سكينة تاني هههههههههههههه
​

 

[nawal 88]

فكرتني بجارنا نهار جانا وقالنا اعطوني موتباس باش نكونكتي راني مسحقها تقول علينا سيبار

ياخي عباد ياخي واحد يخلص ولوخر يكونكتي ​

 

[منايا الجنة]

:-o لا حول ولا قوة الا بالله
مالقيت واش نقول يا خويا

 

[وصال]

هههههه كان يروح يرفع عليه دعوة قضائية بالسرقة وانتهاك املاك الغير وميضربوش ، يعني صح جايح ، ههههه

فريمو حاجة بيزار والله الناس هبلت ، كان يدير مود باس وميكسر راسو ماوالو ، وزيد واش فيها اذا كونيكتا معاه طاحت الشريعة على القليعة والله عجب .
ياخويا بدون تعليق .
ميرسي عليك .

 

[ahlam02]

RABI YESTARNA HADI HADJA TAFHA OU FIHA ANANIYA .SOBHANE ELLAH YAKHI GHACHI RACHI

 

[✿أسيـل✿]

هههههههههههههههههههه
والله غير عجـــب
كيفاش هدا يجي يكونيكتي من عندي وأنا لي مخلصــة وسي يجي يكونيكتي ياخي حالا ياخي
هدي والله مانقبلهــــا
وتاني وصلو للمحكمة هههههههههههههههههه ضربني وبكى ..سبقنى وشكى
بففففففففففففففففففف على لعباد كيف ولاو

ربي يهــــــــــدي ماخلق
​

 

[Minoucha2]

هــآد الشــي كـآمل عــلى جــآل ويــفي


لالا أكــيد ضربــة قديــمة و جــآته الفرصــة بــآش يردهــآ فيـه و دار الســبة عالويــفي


وصلــنآ لانــحطاط كــلي

عالعمــوم شكــرآ حســني

ســــلآم ‘‘
​

 

[ĂÝǾΰb]

ههههههههههههههه
كون رفد الكلاش خير
باين راه يحوس عليها كان يدير كود للويفي تاعو وهي فرات

​

 

[siimo]

pffff 3lah mafiha walou wyla daa men 3andou cnx yak mkhalas mkhallas bgha bih walla bla biih....hnaa kayan jwarina lli yadiw men 3adna cnx w normale...des foi tji jarti tgouli cha3li lmodem rah matfi hhhh :d
maiiis hada suuur ykoun 3andou kach haja srat déja m3ah​