الجزء الـســــــ27 ـابع والعشرون من ماذا ستطبخين اليوم

[shahrazad]

سلام عليكم
ان شاء الله تكونو صبحتو بخير
راني نمت بلي رجعولنا الجامات ههه ياخي منام
///
عففوفة بصحتكم الروز امممم
فوفة بصحتكم المسفوف راكي ريحتي اليوم من الفطور
بوحة الحبيبة والله شهيتيني فالحوت والخبز جاااك هايل واحلى تطبيق للشفلور بصحتكم الزينة
اليوم فطورنا تغميس بالكسرة

​

 

[imane27]

صح فطوركم لبنات
ندى تفهمنا على روز انا كلاوه على لعشاء ونتى فطورتو بيه بصحتكم
بوح فطوركم يشهى بصحتكم وتطبيق رائع
شهرا بصحتكم تغماس ولخبز اممممممممممم شهتينا مع صباح
كيما قلت عشايا لبارح كان روز بالجاج محمر

 

[nada242008]

شهرا بصحتكم التغماس والكسرة بصح واش معناها تغماس ؟
ايمان رانا تيف تيف هههههههههه يعطيك الصحة جاك يشهي

 

[shahrazad]

ايمانوو اممم على الروز يشهي بصحتكم
عفاف الله يسلمك
حنا نقولولو تغميس بارسكو يتغمس ههه
وكاين الي يعيطولو بصل وطوماطيش المهم هو
بصل مقطع شرائح يتقلى حتى يذبال ممبعد تضيفيلو الطماطم والطرشي والفلفلة الحارة
ماعلاباليش كيفاه تسموه نتوما
​

 

[ميس مرام]

تشكشوكة شهرزاد

بصحتكم الاطباق الرائعة:up:

 

[ibtesem]

صباح الخيرات عليكن
فوفو بصحتك تاع البارح
ندودة بصحتك الجاج والروز
شهرور بصحتك تغميس بالقبايلي وتشكشوكة بالعربية ههههه
لويزة بصحتك الجاجة المحمرة الله الله
بح بوحة بصحتكم الحوت الله الله اشهي
زيزو بصحتك لغدى
صامو بالتوفيق في الغرايف
تحية مسائة للجمع الحاضر تحت

 

[حاملـة المسك]

روعة مرا صالحة تبارك الله عليك .. الفساد مشي مليح و بصحتكم المسفوف
صومو موفقة في الغرايف متخليهش يطلع بزاف
تحية متابدلة ختي بوحة..خبز خفيف ابيض ناصع
و تطبيق ممتاز لمربعات الشوفلور
راني نسنى في الكعك الحبيبات لولين دريهم يبردو في الهوى
رؤياك حق شهرزاد.. الاخ فتحي قال بلي راه يدير في تعديلات عليها :-h رانا نسناو.
بصحتكم المغمسة ..الشكشوكة عندنا
ندى و ايمان بصحتكم الروز .. نهارآخر اتفقو عليه ابيض و لا أحمر
صباح النور إبتسام

تحية مسائية للجميع و الزوار.​

 

[روعة2005]

شهرا بصحتكم التغماس مع الكسرة ممممممم هاتي تغميسة
موني الروزممممممم مفرز حبة حبة والجاج محمر يشهي
بسومة واش راكي تاكلي ذي اليومين قري برك ههه

 

[shahrazad]

صباح الانوار بسومة
ههههه هيااا جبتيها
بصح حنا فالتشكشوكة الطرشي نشويوها ونضيفوها لصوص طوماط بلا بصل ونكسرو عليها بيضة الله الله هههه
المهم وتختلف الاسماء وانما الهدف واحد ههه
​

 

[ايام الخوالي]

السلام عليكم
راني جيعانة كاش ما ناكل
مزهين الحالة يعطيكم الصحة ​

 

[ibtesem]

​

تفضلو يا من توحش طيابي

هدي رفيسة المغربية من عند جارتي لي ولدت

هدا الى فوفو صحي :d تبولة

هدا عشانا البارح

هدا حريرة تاع نور الرحمان

هذا سمبوسة

لعجينة شوية جاتني مرخوفة امالا عملتها اهرمات المهم ماطيشتش

هدي بعدست عيسى مزروب باش ياكل ههه

بصحت الجميع هههه

 

[زائــــــــرة حلوة]

سلامات سلامات يالالات المطبخ:thumb_up02:

ام ندوش الروز جاك يشهّي والفخاذ اللي متكيين حذاه امممممم نعمة دايمة إن شاء الله

روعتي بصحتك المسفوف اللي عذّبتينا بيه البارح.. بايتة نتخيل فيه صحتين وعافية على قلبك

شاعرة اللمة الطيبة اللي جامي تنساني :$ جاك الخبز هبااال والحوت المقرمش امممممم والشيفلور تطبيقك خير من الاصل خخخخخ:p مأكول الهناء غاليتي

شهرورة الزينة بصحتك الشكشوكة والرخساس اممممممممم ربي يزيدكم من نعيمو


إيمانو طيابك يعجبني من عند ربي بصح الدجاج تاعك وحدووووووو كاش نهار أعرضيني عليه هيهيهيه:d

​

ابتيسو راني نسنى فيك درت بطوط سخفت عليه كان تجي تونسيني تحاسبك وبصحتك الموني الهاااااااااايل يسلمو الأيادي البنينة:up:

رغود بصحتك واش طيبتي أختي

صومو يادرا واش خرجولك الغرايف :d يعطيك العافية أختي

عفوفتي لعسل إن شاء الله تكوني ريحتي من لاgريب :love01:

ام سيراج توحشتككككككككك :$ وتحية مسائية ليكم كاااااااااامل :regards01:
​

 

[Djazaire-El-Ghalia]

إبتسام من فضلك شوفي الفوق في التنبيهات

 

[بوح المشاعر]

مسا الفل و الياسمين يالغاليات
حبوباتي روعة و ام ندى الله يسلمك يارب
و بصحتكم انتم تاني يالغاليات
شهورة زينة الله الله فطور يشهي حبوبة اروااحي ونديرلك حوت
او واش تحبي تاني تامري يازينة
و تاكلي حتى تشبعي راكي معرووضة هياي من دوكا بعد
بصحتك يالفحلة
ايمان اختي الغالية الله يسلمك وبصحتك انتي تاني
الرووز يشهي ولا الجاج وحدو وحدو يمي
ابتسآم يالغلا الله يسلمك حنونة و انتي تاني بصحتك الاطباق الرآئعة
كل شيء فوووور حبوبة بصحتكم و السمبوسة امممم روعة
حاملة المسك خيتي ربي يحلي ايامك ويعطرها بالمسك الملكي
اييه رااني هذا وين قريت ردك بصح الحبات بعد كي طابو حطيتهم يبردو
باه نصورهم ربي يخليك خيتي
حلوة ياحلوة تسلميلي ياعسل بصحتك البطوط مطرح مايسري يمري
غلاتي تاكلوا بالصحة والهنآآء
======
هذا كعك النقآش
و هذا بيستآآش باه تقرمشوا
و شكون لي تجيب التآي و لا قهوة ؟

​

 

[زائــــــــرة حلوة]

اممممممم يابحبوحة لا تاي لاقهوة نقرمشهم وحدي هههههه:p , ماغلطتش كي قلت فحلة:up:

 

[om siraje]

salam lebnat ya36ikom esaha kolshi yshahi wne3ma dayma ya rabi ana rani gher nfout netfaraj esemholi rani gher nsagad fi 6yab psq 9rib nahba6 leblad ma3andish lwa9et :dhh wsalam kbir lhbibti zizo n9olek allah ya36ik wash tetmenay ya ghalya gher nti eli rani fi kha6rek:$ m
raw3a ya raw3a lma6lo3 ta3ek hayel nshallah kinahba6 leblad ndero le3jozti tmout 3lih ja fi wa9to ya36ik esaha​

 

[ام منصف]

منين نبدا من الروز نتاع ام ندوش والا الموني الهايل نتاع بسومة والا غدا شهرة وسوسو والا الدجاج المحمر نتاع لويزة
بصحتكم كامل
زائرة حلوة ماعجباتكش محجوبتي :d
راني نتعلم نلوم ​

 

[imane27]

إيمانو طيابك يعجبني من عند ربي بصح الدجاج تاعك وحدووووووو كاش نهار أعرضيني عليه هيهيهيه:d
زؤورة مراكيش بعيدة درى نهار وارواحى والله نحطك فوق راسي
بوحة الله الله على نكاش وينو لتاي نكلوه وحدو ونقمرشو بيستاش

 

[somo_81]

مساء الخير الفحلات :$:d و الله راني حشمانة جيت بيديا فارغين ههههه هبطت عند عجوزتي باش توريلي كيفياه ندير الغرايف صبتها دارت دوبارة حارة و بنينة فطرت عندها و هبطت لداري ههههه مي راني ندير فالرشتة و الله نسيت شكون دارتها هادي الايامات و سخفتني على هاديك راني ندير فيها

 

[nada242008]

ايمان 27 الف مبرووووووووووووك الغوب الغوز زادت فيك النص ههه قريب ماعرفتكش لعقوبة لونسومبل لخضر ولصفر ههه
بوحة سوسو امممممممممم النقاش جاك يشهي وزيزو هجمت على البيسطازة هههههههههههه
ابتسيوا اممممممممممم الله الله اطباق تشهي ويعطيك الصحة على السمبوسةوالله غير جاتك توووووب ولابيري فكرتني في البركان المنفجر هههه يعطيك الصحة عسعوس قولو بصح ماتفاولناش بالاعاصير والبراكين هههه