ندى الايام واش هو لفطير دابور، احنا لفطير عندنا اللي حطت حدة
فوفة اللي خلاتو البيتزا كملتو البكبوكة وزدتي الفطاير مممممم والله طيابك يشهي
نور الحبوبة بصحتكم كلشي، وهذيك القرنونة مشبحة عالكيف، ان شاء الله كل يوم تتحفينا باطباقك
سماح بصحتكم تليتلي، الكوكا اعتقد كاينة موضوع والله ماني شافية شكون ، واقيلا لويزة ولاندوش؟؟؟؟؟؟
ياسمين ميمينة الميرانغ تاع سمورة ضرك نجيبلك الرابط
https://www.4algeria.com/forum/t/360393/
ندوش اممممم مطلوعك محني ومقطن ومعدس يهبل مطرح مايسري يمري، الميرانغ تبعت خطوات سمرمر، لكن لكن لكن
جاتني طرو سوكري بالنسبة ليا، وثاني العفسة تاع 15 د برك تطيب ما مشاتش معايا،
عفوفة بصحتكم الروز والفلفل، هكذا ماتخليهمش يصدارو جيبيهم اول باول، راني شفت لخبيزات يهبلو يهبلو، بصح الغرس ربعت بيه، نشري ونجربها يامولات اليد البيضا يامولاااااات اليد البيضااااااا ههههههه
ميس سوسو غيابك محسوس وحضورك مميز الله يبارك
شهرة بصحتكم الزيتون مع لي شوصون مممممم
ابتسام بصحتكم واش طيبتي واللازااااااان ممممم كون يصيبو كل يوم
لويزة البيتزا تاعك سبيسيال، قوليلي تحليها بالسميد؟ تشهي
هدهد عالسلامة بالحامل والمحمول كيما عودتينا دايما جديد ربي يحفظك،الاعجابات ديري لاسوري تاعك جيهة توقيع العضوة او مواضيعها، يظهرلك راهو مخفي من عين الحساد هههههه
رغود تآمني تصاورك تنبض بالبنة ممممم، والله سيريو تالمون مستيكين وضاويين تحسي البنة تاع الماكلة ربي يحفظك كلشي توب، ماعجبتنيش غير التصويرة الشهبة هذيك اللّخرة هههههه
بوحة الله يبارك ويزيد والتطبيق السريع الله الله عليه يعطيك الصحة
فلوسة اطباقك تشهي بالصحة والراحة ومطلوعك تاع حراير الله يبارك والقاطو ممممم باين رايح زيارة هههه
حدة المنيو كلو على بعضو حلو والروز هااااايل بيه بالجاج غير حني عليا بالوصفة، نسيت ماقلتلكش غسلولي الكيسان بلسانهم من عمي فرابتشينو ممممممم يعطيك الصحة، موالفة نديرلهم كابوتشينو يشبه شوية بصح هذا الذ ياحدتشينو هههههههه
هذا حال اللي يخلي الدروس تتراكم ههههه بصح الله غالب ماقعدتش ، وزيد غرني الحال نظل حالة التواقي ونخدم ضرك عظم ماراه لاصق في خوه، مزية اللسان مشي عظم هههههههههه
اليوم درت لوبيا شربة وكسرة رخسيس والحمد لله
سلامي للجميع
