الجزء الـســــــ27 ـابع والعشرون من ماذا ستطبخين اليوم

[ام رحاب]

اختي انيسة راجية العفو توفى عمها على هذا ماهيش تبان
ادعولو بالرحمة والمغفرة وربي يصبرهم لانه عمها الوحيد
ربي يعطيهم الصبر ويرحمو ويسكنو الجنة
​

 

[imane27]

الله يرحو عفاف ويوسع عليه ويلهم ذاويه الصبر والسلوان

 

[حاملـة المسك]

السلام عليكم و رحمة الله و بركاته​

دعاء الأمان:

" اللهم أنت ربي لا اله الا انت ، عليك توكلت وأنت رب العرش العظيم ،
ولا حول ولا قوة الا بالله العلي العظيم
ما شاء الله كان وما لم يشأ لم يكن ، أعلم أن الله على كل شيء قدير
وأن الله قد أحاط بكل شيء علما ، اللهم إني أعوذ بك من شر نفسي
و من شر قضاء السوء ، ومن شر كل ذي شر ، ومن شر الجن والانس
ومن شر كل دابة أنت آخذ بناصيتها
إن ربي على صراط مستقيم ". ​

حديث نبوي:
‎
قال الرسول صلى الله عليه وسلم
يأتي المقتول متعلقا رأسه بإحدى يديه ، متلببا قاتله باليد الأخرى
تشخب أوداجه دما حتى يأتي به العرش
فيقول المقتول لرب العالمين : هذا قتلني
فيقول الله للقاتل : تعست ويذهب به إلى النار.​

 

[ام اماني05]

اختي انيسة راجية العفو توفى عمها على هذا ماهيش تبان

ادعولو بالرحمة والمغفرة وربي يصبرهم لانه عمها الوحيد
ربي يعطيهم الصبر ويرحمو ويسكنو الجنة​

انا لله وانا اليه راجعون
ربي يرحم الفقيد ويجعل قبره روضة من رياض الجنة
ويرزق اهله الصبر

 

[ibtesem]

صباح الخيرات عليكم
نهاركم مبارك
وينكم

 

[زائــــــــرة حلوة]

صباح الأنوار ابتيسو رانا هون ماعمرنالكش عينك ولا هههههههه:d
ميمي عودة ميمونة توحشناك يا بنتي:$

 

[nada242008]

السلام عليكم وصحا غداكم لبنااات
طبقت بغرير 2013 للغالية ام كوثر والله جا واااااااااااااو خفيف تقول كيك يعطيها الف عافية على الوصفة الناجحة
خسارة مابانوش لي تخو هههه العتب على الصوارة الحابسة

 

[ام ريهام]

بحبوحة بصحتكم لفطور والقهوة وهذاك قلب اللوز مممممم راه متصدر:up:

أم رهام على سلامتك اختي وبصحتكم واش فطرتو، طيابك يشهي وتصاورك ضاويين عالكيف لوكان تقدري تكبريهم برك شويييية خلينا نستمتعو:$

اليوم حتى انا دجدجت ههههه بصح في البيتزا ، شهاتني صومو ولويزة , وجدت لعجينة والتاويل باه نديرها للعشا، تبدل لحساب فطرناها:dunno01:
حليتها بالسميد يالويزة ممممممممم


ووجدت حبيبات بسكوي تاع ندى بنتي هههههه زدتلو قشور التشينة ممممم :-r

,

شكرا حبيبتي صح صوري صغيرة وصورك كبيرة شحال ديري في صورك باش يخرجو هكذا كبار ويطلعو في رمشة عين ان مانحبش نكبرهم باش ما يكنوش ثقال كي يطلعو وشكرا حبيبتي

 

[ibtesem]

بصحتكم ندود هدو لي تخو كامل والعتب على الصوارة هههه واش حبتيها صفايا خليها سقاط خير هههه
بصحتكم والله جاوك تحفى بصحتو رئود راهو اعمر اكيد ههه

 

[حاملـة المسك]

نور الرحمن مميزة دائما بأطباقك
أمنيتي السلطات مخلاتش في التزيين و الحوت أممم
مشي خسارة فيك شريبة بصح نخاف متعجبكش...ماكي لا بالشربة لا بالحشيش
بنت الجسور المعلقة بصحتكم الافخاذ
شهرزاد دنك السر في الشمس بطاطتكم مشي مشمسة بيااا :p
أممم على الستاك ندودة و الرفيس تحوسي ترحيني بالسيف في الغرس
ديال هد العام مرحيتو ش
ههه عارفة يجي بلا رحي خير بصح هد المرة خلاوه وGـر بزاف
ابتسام و امنيتي هذا اكل حماز من بناتكم :s..بسكوتيتو
سوسو عشا خفيف.. مي اليوم راهي تقلبت الاحوال الجوية..يا ترى وشنو هو الغدا..؟
ههه سمانة البوري و لستاك..بصحتكم ايمان
غالي و الطلب رخيص مي نخاف كون نمدلك الزيتون ياخدك الحنين...حليليها :d
بوحة عشاك خفيف ظريف
ام ريهام بصحتكم العشا و طبق الفاكهة أمممم
أمنيتي مبنتيش مزالك تشلي في الزربية...تاخذي راي لدبر عليك إزيس
حدة كالعادة اطباق جميلة
راجية العفو..عظم الله أجركم و أسكن الله عمك فسيح جنانه

))))))))))

و هد الاطباق في خاطرك يا ساندي ..

:-o:-o قلبتي الخبر رأسا على عقب
أوااه تليقي تخدمي مع أم منصف في الدورة النفسية
ربي يخليك حنونة..و بالمناسبة حلي رسايلك عندي سمانة ملي حاولت نراسلك :d
منبعد كتبتلك في منتدى التواصل ..ونت تقومي بعملك الصحفي كنت تصوطيه هه

دوبارة و نحيت منها فويلات للحسوة لكتب ربي غدوة
حلوة القطيفة لندى الورود ..جزاها الله كل خير.

​

 

[samah06]

لله ما اعطى ولله ما اخد
انا لله وانا له راجعون الله يرحم الفقيد ويلهمدويه الصبر والسلوان
ويبدله بيتا واهلا وصحبة وخلة احسن من بيته واهله وصحبه وخلته
ااااممممممممممممممييييييييييييييننننننننننن

 

[oumniati]

السلام عليكم
نهاركم مبروك
ان لله وان اليه راجعون، تعازينا لأسومة في عمها
وللشعب الجزائري كامل في الطفلين الفقيدين
------------------
ندوش زدتي تلفتيهالي حتى بالبغرير، راه مترووي دوبل فاص الله يبارك، نتخيل في رائد عقابو يعضعض، بصحتكم
----------------
ام رهام انا ندير 640 او540 بيكسال, وجربت 440 بيكسال ثاني عجبوني مقدرين،
هذو الصور 540
جربي وشوفي، والله نحب نشوف تصاورك بصح ندخل في الميكرو هههههه

 

[nada242008]

بصحتكم ندود هدو لي تخو كامل والعتب على الصوارة هههه واش حبتيها صفايا خليها سقاط خير هههه
بصحتكم والله جاوك تحفى بصحتو رئود راهو اعمر اكيد ههه

وهذي في خاطرك ابتيسو

--
رغودة بصحتك الدوبارة من الصورة باينة تشهي اممممممممممممممم

 

[ibtesem]

اممممممممم على دوبارة توحشتها مالقيتش الفول هههه
الحلو ماليش فيه خليتو الى ندا كشما احن ربي فيها شوية هههههههه
بصحتكم رغود ماكول الهنا

 

[حاملـة المسك]

قـل لمـن رفع يـده وقتـل ..*.. طفـــلان صغـــيران
لـن تفلـح مـا دام الحـق ..*.. عنــد الله يــا جبــان
اصبح للجزائر مليون و نصف ..*.. و لا نــنسى اثــنــان
استشهـدا غـدرا ويـل لك ..*.. تظن بفعلك انك من الشجعان
فبـرهن و هـات الحـجـة ..*.. و برر فعلتـك و آتنا البرهان
واخبـرنا لما تعرضـت لهمـا ..*.. يا مجـرم ستعيش ذليلا مهان
رحمـة الله عليهمـا و صبـر ..*.. لعائــلتي وذوي الفتيــان​

منقول من (نشرة اللمة الإخبارية-elemma News)​

 

[samah06]

امنيتي من اليوم انا نحط الصور وانت كبريهم وحطيهم

 

[oumniati]

هههههههه والله مانتبهت، صح انا وابتسام عاودنا تاع بناتنا ، الحنين للماضي يارغود هههههه
بصحتك الدوبارة جربت تاع الحمص نزيد تاع الفول ونحل حانوت ههههه:d
الزربية تشللت مالقاتش وين تتنشر، تخرج تجمد، تقعد تقطر
شربة تاعك شفتها يالالة علابيها طلبتها، من اللي يحب الخاطر:-r
ربي يحفظك أختي

 

[ibtesem]

خيرو راكم معطلين انتوما تهنيتو من نوضان الصباح الله اكون في عونك من تكسار الراس والمطبخ مايحبسش هدي انا مجربتها ههههههه

 

[مطبخ الأحلام]

آلسلآم عليكم

صبآحكم سعيد أحبآبي

أتقدم بتعازيا الى الأخت رآجية

إنا لله وإنا اليه رآجعون هم السابقون ونحن اللاحقون

ربي يرزق العائلة الكريمة بالصبر

صحآ عشآوآتكم وصحآ فطوركم

بالصحة والهنآ على الجميع

كلشي يشهي

ندوش درتي لبغرير يعطيك الصحة خرجلك هآيل

لي عودة ان شاء الله

​

 

[oumniati]

أواه يابتسام احنا عطلنا السمانة اللي فاتت، ورجعو كامل باللي يقرا باللي يخدم،:d ورجعت ريمة لعادتها ادي وجيبي هههههه
نخليكم على خير نروح نسخنلهم الما يعني لحليب بلغة زكزوك ههههه
السلام عليكم:regards01: