ما موقفك في رِؤية حقيقة الآخر

[مايا الجزائرية]

كل يووووم نصبحو عليهم ونشوفو فيهم واش راح نديرو لازم نضحكوولهم في وجووهم لانو جااااااااااي اليوم الي راح يتفضحوو فيه ونبقى نتمرغ من الضحك عليهم ههههههههههه

شكرا على المرور العطر

 

[مايا الجزائرية]

شوفي أنا صراتلي فاللول غاضتني روحي بزاف و بكيت و حسيت صح بالغدر و الخدع من هاذ الشخص على خاطر كان روحي و كنت نعتبروا أنا و الحاجة لي صح قاستني بزاف أني كنت معاه بقلبي و بنيتي و درت منها حكاية كبيرة و كتبت عليها مواضيع هنا فاللمة و مقبلوهمليش........منكذبش عليك أنا واجهتوا بالحقيقة و هو فسرهالي بطريقتو الخاصة مي على كل حال مقنعنيش بيها.......أنا اكتشفت هاذ الحاجة فالوقت لي حوايج بزاف في حياتي تغيرت و الحمد لله ربي حب يكشفهولي.........تقيس شويا مي كي تقعدي مع روحك تقولي الحمد لله ألف مرة.....متخليهاش في قلبك واجهيه و قوليها و نتي مفتخرة بروحك......كاين ناس رانا نتعاملو معاهم صدقا ما يستاهلوش .......

تقدري تقولي حكايتي تشبه حكياتك تقريبا mais انا ما قدرتش نقولو
شكاختي على المرورالعطر منورة

 

[مايا الجزائرية]

السلام عليكم
انا تانة صراتلي ومع انسان عزيز عليا بزاف مي انا ماخليتهاش تحرق في قلبي رديت بنفس الطريقة الي دارهالي .خليت هالانسان -الي هو اصلا فاتحلي حساباتي-يطالع كلام ضدوا مي مش من قلبي باه غير يفيق مع روحوا شوي ويتراجع ويحدد موقفوا يا معايا يا معاهم -------مي نقولك هههههههه وليت انا الي غالطة وهالشخص جبد روحوا عليا مي لضرك هو مش عارف بلي هذي خطة باش نرجعوا يا يكون معايا صافي -مع اني هذا الي كان في نيتي- يا يبعد .......فهو اختار الفراق مي لضرك مش عارف انها خطة باه نشوف نواياه ووين حاب يوصل والطامة الكبرى ان بعد هالعشرة يصدق كلام انا عمري ماقلتوا من قلبي

والاكثر انوا حكا للناس اني انا الي ظالمتوا مع اني انا المظلومة في الاول. +ماشي ويحكي ويشكي ويقول راها كانت معايا وتحكي عليا -مي واش حنقول الله عالم بنيتي واني عمري ما تخيلت اني نقيسوا او يقيسني-​

مي المهم اني عرفت طينتوا​

وخلي يعوم في هواه حتى يي النهار الي يعرف قيمتي​

سلا م اختي ،،شفتي كيفاش يرجعوك انت لي مش مليحة mais كاين ربي
منورة

 

[مايا الجزائرية]

سؤال بررك

وهو وش يحس كي يعرف بلي راك دخلت في حسابو ؟؟؟؟؟؟؟؟؟؟؟



انا من جيهتي ، اكد رح نخليه يحس بالذنب بالشيء لي راهو يدير فيه
المهم نخليه يندم النهار لي عرفني فيييه هههههههههههه:p

هادا لي حابة نعرفها يا اختي رواهي محيرتني وخايفة لكان انا نجرحو mlgr هو جرحني الاول
شكرا على المرور منورة

 

[مايا الجزائرية]

عودة باه نضيف حاجة
انا رديت على حساب ماقلتي في الموضوع مي
حبيت نسال سؤال
هال من حقك فتح حساب الاخرين من دون علمهم



انتظر ردك​

مش من حقي بس تولي من حقي اذا صح هدر فيا الحاجة لي واجعتني ان ي مازال ما صارحتوش بلي حسابو راه عندي وراني عارفة كلش

 

[إيمي88]

بصراحة في هادي الحالة اعتبر نفسي محظوظة أني قدرت نعرف حقيقة الانسان هادا ونفطن على الواقع
موقفي رح يكون التجاهل التام ،، ببساطة نسحب الشخص هادا من حياتي
مايستاهلش حرقة البال والأعصاب ~

ومشكوووورة على الموضوع
​

 

[مايا الجزائرية]

بصراحة في هادي الحالة اعتبر نفسي محظوظة أني قدرت نعرف حقيقة الانسان هادا ونفطن على الواقع
موقفي رح يكون التجاهل التام ،، ببساطة نسحب الشخص هادا من حياتي
مايستاهلش حرقة البال والأعصاب ~

ومشكوووورة على الموضوع
​

منورة بمرورك العطر اختاه

 

[الورد الأحمر]

قلتي تخترق حسآب شخص عزيز وتلقآه يحكي عليك ؟
وقلتي عليه خبيث ؟
ووآش رآيك بلي حتى لي يخترق حسآب شخص
عزيز رآه أخبث منو وعيب عليه
...
نظن هك تسآويتو في الخبث ...
والذيب ديمآ يطيح في ذيب أكثر منو
أطونسيون يخترقوك :d
سلآمي ’
​

 

[الورد الأحمر]

حبيت نرجع نعلق من الجهة الأخرى ...
لنفرض تم اخترآقك من شخص عزيز عليك
ولقآك تحكي عليه مع النآس حتى هذآ خبـث
يعني في الحآلتين طآحو زوج خبثآء في بعضآهم
ولي قآريه الذيب حآفظوآ السلوgـي هذآ مآ نقولك ’
​

 

[ahlam02]

يا ختي أنا نقولهالو في وجهو وننشعو ونندبلو ونخليه نشافة
الله غالب واحد كي يقلقني ويدير فيا حاجة ماش مليحة بزاف نشنشفو
أون بليس نرجعو مايسواش وفاللخر نقولو نوكل عليك ربي ونخليه ولفحل ولد لفحل يجي يحل فمو معايا مرة أخرى
​

الموضوع هدا راه يصرالي هاد ليامات وراح نهبل وقريت الردود وهدا الي عجبني بزاف والله راهي في قابي وحابة ديرها

 

[مايا الجزائرية]

قلتي تخترق حسآب شخص عزيز وتلقآه يحكي عليك ؟
وقلتي عليه خبيث ؟
ووآش رآيك بلي حتى لي يخترق حسآب شخص
عزيز رآه أخبث منو وعيب عليه
...
نظن هك تسآويتو في الخبث ...
والذيب ديمآ يطيح في ذيب أكثر منو
أطونسيون يخترقوك :d
سلآمي ’
​

ما تخافيش ما يخترقونيش
نقبل النقد اختاه ولكن في حدود في الصح عندي اسبابي باش اخترقت حسابو لاني كشفت الكذب اصلا ضكا راه عارف بلي اخترقتو وهو الغبي
منورة

 

[مايا الجزائرية]

حبيت نرجع نعلق من الجهة الأخرى ...
لنفرض تم اخترآقك من شخص عزيز عليك
ولقآك تحكي عليه مع النآس حتى هذآ خبـث
يعني في الحآلتين طآحو زوج خبثآء في بعضآهم
ولي قآريه الذيب حآفظوآ السلوgـي هذآ مآ نقولك ’
​

الظاهر انك واحد يعزك jamais لا توشيلو مشاعرو من خلال كلامك وتهدري فيه في ظهرو
هاذا نقص شخصية

 

[جمال التلمساني]

أولا أنك تتصرف وتطلع على خصوصيات الآخرين فهذا في حد ذالته تصرف غير لائق
وأما بالنسبة لذي الوجهين فأكيد أنو لازم تنسحب من حياته باش ما تزيدش تخسرو أكثر

 

[::أبرار::]

و عليكم السلام و رحمة الله تعالى و بركاته

جمعة مباركة اختي

انا ضد، واش يعني نسرق الحساب تاعو و نشوف كامل اسرارو و يعود هو الخبيث و للا كيفاه، اذا انا سرقت و تطلعت على رسائلو بدون علمو معناها انا أخبث منو، و حتى و ان كان هو للي مدلي الحساب تاعو فهذا ما يعطينيش الحق نقرا الرسائل تاعو، و أذا هو يحكي فيا للناس ربي وكيلو و ربي هو للي يحاسبو، بصح اذا انا عاملتو بالمثل فهذا عذر اقبح من ذنب، صراحة يعني و الله ما نخمم حتى باش ندير عفسة كيما هاذي و للي حاب يحكي عليا الله يسهل عليه و ربي وكيلو

ولي قآريه الذيب حآفظوآ السلوgـي هذآ مآ نقولك ’

صحيتي اختي على هاذ الكلمة

يبقى هذا رأيي الشخصي و إختلاف الراي لا يفسد للود قضية

تحياتي اختي الكريمة
​

 

[روعة انثى]

اللهم صلي و سلم على نبينا محمد و على اله و صحبه بإحسان الى يوم الدين

 

[مايا الجزائرية]

أولا أنك تتصرف وتطلع على خصوصيات الآخرين فهذا في حد ذالته تصرف غير لائق
وأما بالنسبة لذي الوجهين فأكيد أنو لازم تنسحب من حياته باش ما تزيدش تخسرو أكثر

شكرا على المرور وعلى الراي الصريح

 

[مايا الجزائرية]

و عليكم السلام و رحمة الله تعالى و بركاته

جمعة مباركة اختي

انا ضد، واش يعني نسرق الحساب تاعو و نشوف كامل اسرارو و يعود هو الخبيث و للا كيفاه، اذا انا سرقت و تطلعت على رسائلو بدون علمو معناها انا أخبث منو، و حتى و ان كان هو للي مدلي الحساب تاعو فهذا ما يعطينيش الحق نقرا الرسائل تاعو، و أذا هو يحكي فيا للناس ربي وكيلو و ربي هو للي يحاسبو، بصح اذا انا عاملتو بالمثل فهذا عذر اقبح من ذنب، صراحة يعني و الله ما نخمم حتى باش ندير عفسة كيما هاذي و للي حاب يحكي عليا الله يسهل عليه و ربي وكيلو

ولي قآريه الذيب حآفظوآ السلوgـي هذآ مآ نقولك ’

صحيتي اختي على هاذ الكلمة

يبقى هذا رأيي الشخصي و إختلاف الراي لا يفسد للود قضية

تحياتي اختي الكريمة
​

جمعتك مباركة
ونحن هنا لنقبل النقد والمدح وارحب بكل راي
شكرا على المرور

 

[مايا الجزائرية]

اللهم صلي و سلم على نبينا محمد و على اله و صحبه بإحسان الى يوم الدين

صلى الله على محمد

 

[هبة نور]

كون تصرالي
نوكل عليهم ربي ونقطعهم نهائيا