بصراحة حبيت نفهم

[خيرة جانت]

في الحقيقة حبيت نهدر على زوج حوايج بكل نكرهم بشدة وتلموا راهم كثروا في وقتنا حبيت نهدر فيهم وناقشهم معاكم عل وعسى أنا اللي ماقدرتش نفهم أسلوب وتقنيات العصر الحديث في فن التعامل والعلاقات مابين الجنسين(المرا والراجل)
أولا حبيت نسقسي الفتاة
علاش تحبي تبروفيتي من زوج المستقبل قدر المستطاع مع أنو من المفروض راه يهمبر ويشقى غير باش يديرلك الدار ويقاسم معاك حياتو ونهار يبطل ولا مايقدرش يلبي مطالبك ديري عليه واحد اوخر في الحرام رغم معرفتك بأن الثاني لايحبك

وفي المقابل حبيت نسقسي الراجل
علاش ماتصونش الطفلة اللي مدوهالك أماليها كأمانة وقبلو بيك كزوج ليها
وطيح من قيمتهاغير باش ترضي غرورك ونزواتك
ووعلاش تتستر تحت غطاء الحلال باش تمارس الحرام

أتمنى من الإخوة والأخوات يتفاعلوا مع الموضوع بكل موضوعية ومن منطلق واش شافو في مجتمعاتهم
مع العلم أني لا أقصد التجريح بموضوعي بل هي ظاهرة كثرت في مجتمعنا مؤخرا عاونوني في إيجاد حلول لها ولو بالكلمة الطيبة

تحياااااااااااااااتي
​

 

[بنت الـ25]

السلام عليكم ورحمة الله تعالى وبركاته
صح كاينة اختي خيرة هاد الظاهرتين بزاف في مجتمعنا
لي عودة للنقاش
​

 

[هبة الرحمان2]

بارك الله فيك عندك الحق هذي الضاهرة راهي شائعه كثير في المجتمع الجزائري مع الاسف.

 

[سمسم السمسومة]

واقع لا مفر منه كاينة صح.........مي في بالي مزال كاين لي فيهم الخير من الجنسين.........ربي يهدينا يا رب

 

[السلطانة]

وعليكم السلام
باختصار راهم يمارسو في العشق الممنوع
هي تخون
في زوجها
وهو يخون في مرتو
لن أقول هي ظاهرة موجودة بكثرة في مجتمعنا
لأني سأظلم الكثيرين
لكني سأقول أنها ظاهرة بدأت تنتشر
بعد أن كانت في أوروبا ...والآن من خلال المسلسلات التركية تتوضح لنا معالمها أكثر
لو كل زواج يقوم على أساس ديني محض
لكان أفضل
ماش هي تبداها بالخبث
وهو كيف كيف ميأمنش فيها ويلعب من هيه
كيفاه راح تمشي بيناتهم هك
شكرا على الموضوع أختي
سلامي​

 

[ماكانش]

أهلا بيك جانت
يعطيك الصحة على الموضوع الباهي
كي يروح الوازع الديني وخوف الله عز وجل والحشمة حاجة ما تمنع الإنسان من لحرام ...
​

 

[خيرة جانت]

السلام عليكم ورحمة الله تعالى وبركاته
صح كاينة اختي خيرة هاد الظاهرتين بزاف في مجتمعنا
لي عودة للنقاش
​

وعليكم السلام
شكرا على المرور وأكيد أنا في إنتظار مداخلتك حبيبتي
​

 

[خيرة جانت]

مشكورة حبيبتي هبة الرحمان2 نورني مرورك
​

 

[خيرة جانت]

واقع لا مفر منه كاينة صح.........مي في بالي مزال كاين لي فيهم الخير من الجنسين.........ربي يهدينا يا رب

أمين أمين
​

أكيد حبيبتي كاين بزاف ولاد وبنات الفاميليا غير أني هنا وبالتحديد أتحدث عن هذان الصنفان فقط
نورني مرورك الطيب حبيبتي
​

 

[بنت الـ25]

السلام عليكم ورحمة الله تعالى وبركاته
صح كاينة اختي خيرة هاد الظاهرتين بزاف في مجتمعنا
لي عودة للنقاش
​

عدنا
تعرفي هاد السوجي مرة ناقشتو مع صحاباتي فالجامعة
بون اختي خيرة هاد الشي روماركيناه صح فالمجتمع تاعنا
تلقاي الطفلة تقولك انا كون منبروفيتيش وقت الخطية معنديش وقتاش ومام الراجل يبروفيتي الماكسيموم
ومنعرف ربي يكمللهم ولا لالا؟
لوكان كل واحد فيهم يعرف بلي كما تدين تدان وان الله يمهل ولا يهمل ما نوصلوش لهاد الشي

​

 

[خيرة جانت]

وعليكم السلام
باختصار راهم يمارسو في العشق الممنوع
هي تخون
في زوجها
وهو يخون في مرتو
لن أقول هي ظاهرة موجودة بكثرة في مجتمعنا
لأني سأظلم الكثيرين
لكني سأقول أنها ظاهرة بدأت تنتشر
بعد أن كانت في أوروبا ...والآن من خلال المسلسلات التركية تتوضح لنا معالمها أكثر
لو كل زواج يقوم على أساس ديني محض
لكان أفضل
ماش هي تبداها بالخبث
وهو كيف كيف ميأمنش فيها ويلعب من هيه
كيفاه راح تمشي بيناتهم هك
شكرا على الموضوع أختي
سلامي​

شكرا على مداخلتك حبيبتي
بالفعل قد تكون الظاهرة بسبب تأثر مجتمعاتنا بالمجتمع الغربي غيرأنها وليدة اللامبالات أيضا والإبتعاد عن تعاليم ديننا
وكيما قلتي من يبدأ حياتو بهذي الطريقة وين رايح يوصل وكيفاش رايحة تمشي بيناتهم......
أؤكد وأعيد نحن هنا نتحدث عن فئة من الناس ولا نعمم

أسعدني مرورك أوخيتي الكريمة وأكيد مداخلتك الطيبة

تحياتي
​

 

[خيرة جانت]

أهلا بيك جانت
يعطيك الصحة على الموضوع الباهي
كي يروح الوازع الديني وخوف الله عز وجل والحشمة حاجة ما تمنع الإنسان من لحرام ...
​

بيك وهلا أخي الكريم:regards01:
بارك الله فيك على مداخلتك
لقد صدقت في كلامك فذهاب كل تلك القيم والأخلاق و إبتعادنا عن تعاليم ديننا الحنيف
بالضرورة سيدفعنا إلى الطريق الخطأ وهو طريق الحرام والعياذ بالله
ربي يهدينا
نورني مرورك الطيب
​