الحدر في أختيار الزوجة

[محمد إبن الصحراء]

بما ان الزواج أرتباط شرعي وحياة
وبما ان اصعب شي فيه اختيار الزوجة الصالحة

فهل يكفي لشاب يريد التعرف معرفة كاملة على فتاة من اجل االارتباط معها في الحلال
ان يزورها في بيت اهلها ويراها وتراه ويتحدثثان فيما يخصهما في موضوع الزواج
ثم يتقدم لخطبتها ....

أو لابد من طريقة اكثر دقة لمعرفة هده الفتاة تجنب لاي صراعات قد تحدث بعد الزواج
نتيجة عيب في الفتاة لم يكتشفه الزوج إلا بعد أن فات الاوان .
​

 

[لاجودان شاف]

تم الاعتماد

​

 

[ام اسحاق]

السلام عليكم ورحمة الله و بركاته

استهلال موضوعك رائع بما ان الزواج أرتباط شرعي وحياة
وبما ان اصعب شي فيه اختيار الزوجة الصالحة..... رائع.... كيف يمكن للشاب في ظل هذه الحياة المليئة باللاخلاقيات
والافكار الغربية المندسة داخل اوساطنا الشبابية وفي ظل او بالاحرى ظلمة التحرر القذر ...كيف نجد مراة صالحة ؟؟؟؟
بات صعبا جدااااا
المهم موضوعك هو كبفية التعرف حتى نتجنب الصراعات و التعرف داخل الاسرة لا يكفي
جوابيالشخصي هو .....من و جهة نظر الدين فهو مفروغ منه و عليك بمراجعة الفتاوي
اما من وجهة علم الاجتماع فالعلاقات الاكثر توطدا قبل الزواج هي الاكثر انهيارا بعده
اما من وجهة التقاليد فكيف يسمح الانسان لنفسه ان يتعرف على فتاة بعلاقة معمقة حتى يتجنب الصراع ليكتشفها
....ثم بعدها ...؟؟؟ اي بعد الاكتشاف يتركها كان ما خرجتش عليه ؟؟؟؟؟؟؟؟؟؟؟؟
ثم ياتي اخر و يعلم بان الذي خطبها سابقا خرج معها و راته جميع الناس ...؟؟... هل يقدم على الخطبة ؟؟؟؟؟؟؟؟؟؟؟؟
الشاب الذي يريد التعمق في علاقة لاكتشافها هل يقبل لاخته مثل هذه العلاقة حتى و لو كانت تحت ستار الخطبة ؟؟؟؟؟؟؟؟؟؟
في الاخير اقول لكل شاب لديه هذه العقلية ان لتفادي الصراعات يجب اختيار الزوجة ذات المبادىء و بنت العائلة والحياة الزوجية لم و لن تخلو من المناوشات فلا نجعل هذة المناوشات دريعة لنكسر التقاليد و قبلها تعاليم ديننا الحنيف

بوركت اخي الكريم على موضوعك لانه يهم شريحة واسعة من شبابنا
​

 

[!≈[سُِـِيٌــِـِفّ اٌڷِخً‘يٌـرُ]≈!]

ان كنت تقصد الوقت الحاضر

فيجب ان يعرف كل طرف كل صغيرة و كبيرة عن الطرف الثاني

و يجب عليهم ان يتناقشو في كل امر لتجنب المشاكل
​

 

[aya2009]

كيف للزوج و الزوجة ان يختارا مش الرجل فقط لي يخاف يسيء الاختيار حتى المرأة ايضا نفس الشيء
الى فكرنا من منظور القدر اي : الزواج مكتاب و لي قدر لك الله في نصيبك رح تديه بعينيك مغمضين ( كان حسن او سيء في اختيارك للزوجة)
الى فكرنا من منظور الاختيار: الزواج بالتقاليد و الاعراف تروح لوالديها و تخطب و من بعد تتزوجوا و انت و زهرك ههه بعد الزواج واش تتفاهموا او تنفاصلوا
الى فكرنا من منظور التروي و الحب و...: هنا انت و زرهك ايضا لان القلوب تفتحت يعني الحب بلا عقل مش مليح و الحب بالعقل يقدر يفتح لك البصيرة قبل ماتطيح الفاس في الراس و تتزوجوا ، ( و النتايج مش مليحة دايما ، قلبك مكسور او قلبها مكسور او... )
خلاصة القول ، انت تختار و تتخير و ربي هو لي يختار و الدنيا تجارب : احسنت اختيار الزوجة او اسأت الاختيار تبقى تجارب تتعلم منها ، الاهم فقط الصحة و الشباب مايضيعوش هدر ، هدا ما كان
تحياتي ليك اخي الكريم
​

 

[فتاة حساسة]

مممممممممممممم موضوع حساس بزااااف بزاااف .لي عودة​

 

[Moha le sage]

بما ان الزواج أرتباط شرعي وحياة
وبما ان اصعب شي فيه اختيار الزوجة الصالحة

فهل يكفي لشاب يريد التعرف معرفة كاملة على فتاة من اجل االارتباط معها في الحلال
ان يزورها في بيت اهلها ويراها وتراه ويتحدثثان فيما يخصهما في موضوع الزواج
ثم يتقدم لخطبتها ....

أو لابد من طريقة اكثر دقة لمعرفة هده الفتاة تجنب لاي صراعات قد تحدث بعد الزواج
نتيجة عيب في الفتاة لم يكتشفه الزوج إلا بعد أن فات الاوان .
​

السلام عليكم

و الله ركزت في موضوعك على جوهر القضية و هي كلمة الطريقة الاكثر دقة :-r

انا رايي صريح في هاذ الموضوع ... كل ما طالت مدة التعارف ظهرت المشاكل ..

و صراعات بعد الزواج امر نسبي بين الزوجين ... حتى و لو كانو في فترة الخطوبة سمن على عسل ..بعد الزواج راح يصير فيه تعقيدات و امور كثيرة نفسية و بيئية و محيطية ... و يقدر اي مشكل بسيط يحدث فجوة و من بعد الفجوة يحدث الانقسام

فترة الخطوبة كافية للتعارف .. و الحمد لله كاين الوسائط السمعية و البصرية اللي يمكنلك بها ان تتحاور مع الفتاة و تشوف اذا كانت تتوفر شروطك فيها

احسن شيء هو البحث عن العائلة السليمة المستقيمة ... بعدها انوي الحلال و صلي الاستخارة .. و ربي يسهل الامور ...


النقطة الثانية هي انك تحكي على الرؤية الشرعية .. و هل تصلح تلك الجلسة الوحيدة لمعرفة كل شيء .. و انا هنا نجاوبك ان كل شخص و قناعاتو .. و انفتاحو .. و كل عائلة و المبدا تاعها .. و ما نقدرش نكمل كلامي اللي هو مفهوم حتى ما يقول واحد انني نفتي في القضية هاذي ...

انا نعرف شي واحد ..اذا كانت النية طيبة و مش خبيثة .. و كانت النفس صادقة و سليمة و مش مريضة ... بمجرد ما يتلاقاو راح يعرفو في اثنين اذا كانو تاع بعضاهم ولا لا .... راح يرتاحلها و ترتاحلو ..ولا العكس ..يحس ملايكتها ثقال عليه و امور خرى ...


اخر كلامي اذا كانت المرا ..مرا .. و الراجل راجل ... و مستعدين يتحاورو في اي شيء يصيبهم ..صدقني راح يعيشو الجنة حتى و لو في كوخ .. و حتى و لو ضروفو مش ملاح .. و حتى و لو يكون ساكن مع مواليه .. و حتى و لو يكون ضروف الدنيا كلها ضده ....

لما يكون راجل مع المرا اللي قبلت بيه .. ويستعد يحميها و يحن عليها و يعوضها على دار خير من دار مواليها ...المرا هذيك راح تمدلو كامل الحب و الحنان و الطاعة اللي يحوس عليهم ... المرا كي الوردة ..اذا سقيتها ..تتفتح و تعطيك جمال و رايحة عطرة .. و اذا هملتها راح تلقى غير اليباس و الشوك ....

و الراجل الرزين راه ما يهملش مرتو ...و يعرف انها انسانة كيفو ..مهيش اداة للانجاب و لا منتجع سياحي للشهوة تاعو ..او طباخة او femme de menage ... راهي نفس قبل ما تكون لحم و عضم ...


خوك محمد

 

[imy_amani]

هاد الموضوع لا يقتصر على الاولاد فقط
حتى البنات يتمنين العفيفين والصالحين
وفي نظري احسن حل هو السؤال
انت تسال عمن تريد ان تختارها شريكة حياتك

واسال اهل ثقة وتاكد من كل معلومة تحصل عليها من عدة اطراف

وصلي صلاة الاستخارة
اكيد انو الكمال لله

لكن الانسان يختار على اساس الدين والاخلاق
والجمال اوله جمال الروح
وهو الاهم

ويبقى مجرد رايي خاااااااااااااااااص
ونقولوا ربنا يوفق الكل

شكرااااااا على طرحك الموضوع
​

 

[وصال]

السلام عليكم ورحمة الله تعالى وبركاته

اولا شكرا اخي الكريم على الموضوع المميز

هو صراحة الزواج في وقتنا الحالي اصبح جد صعب وخاصة فيما يخص قضية النسب ،من هو الشخص المناسب سواء للمراة او الرجل ،وكثير من الرجال اليوم يطلبون التعرف على الفتاة قبل الزواج وهذا مناف تماما مع شريعتنا وديننا ، لكن الظروف المعيشية هي التي حتمت هذا ، لكن هل تقبل الفتاة بهكذا علاقة ، انا صدقني لن افعلها ولو بقيت عزباء طول حياتي ، اخي الكريم كما يقال وجه الخروف معروف ، الانسان ماذا يطلب ، العفة ، ان يكون نسب البنت او الولد معروف ، يعني السيرة طيبة بين الناس اما اشياء اخرى مستحيل يعرفها حتى وان اتيحت الفرصة للطرفين فهناك اشياء تكتشف مع الايام ، والانسان الكامل لا يوجد فالكمال لله .والانسان يعقد النية ويستخير والله خير من يختار .

 

[D aucun]

السلام عليكم
نشالله تكون غايا وكلش
والله صدقني أخي كي تخمم بزاف تتلفلك ياك
شوف يا خويا أكتر النساء بركة من حسن وجهها وقل مهرها
ومن ناحية التفاهم كل واحد وكيفانش بويسك في لافان مهما يكون والله والله والله ادا بغات الشيرة دورك نورمال وتلفهالك وتبينلك روحها في صورة ملاك بوي دور عليك نورمال اوكي وربي خلق حاجة واستعظمها وهي كيد النساء مي الواحد تانيك ماشي اعمي بويسك لي ناس ملاح تجي باينة ولي مخلطتها تجي باين مالغري كلش راهم يفتعلوه حتى الحياء الا من رحم ربك
ودروك في وقتنا كاين حاجة راني منها سير سي كو الراجل لازمله يفرض شخصيته على الشيرة هادي اوكي و كيما تكون ربي يرزقك ومام نقول لخويا حاجة انت وماعملتك لأهلك فان أنت احسنت معاملتهم غادي تعيشو غايا وهم الاولى بالمعاملة الحسنة وماكانش كيما المفاهمة من الديبار ولي تكون واعية ياك هي تصبر مع راجلها ومام هو مايفوتهاش ونقولك تانيك كلش كاين في ديننا الحنيف بويسك نت كي تسمع رفقا بالقوارير ومام هي تسمع لأحاديت الرسول صلى الله عليه وسلم من أطاعت زوجها والى أخر الحديت ويكون الطرفين واعيين ماغادي يصير والو
وماكانش كيما المعاملة الحسنة والواخد توجور يكبر عقله ويكون رزين فالنساء ناقصات عقل ودين و تانيك يا خويا ديرها مليحة في الدنيا تاعك تكونلك مليحة تانيك تكرفسها تتكرفسلك
والله يلاقينا ببنات لحلال ان شاء الله​

 

[حورية الجزائر]

الخطبة هي مرحلة تسبق الزواج وهذا لمعرفة مدى التوافق بين زوجي المستقبل

لذلك يجب ان تكون اول لبنة نحو المستقبل ونحو الزواج صحيحة

انصح الجميع بمتابعة مداخلات للدكتورين طارق الحبيب وجاسم المطوع فيما يخص موضوع الخطبة وحول اختيار الزوج للزوجة

وكذلك الشيخ وسيم يوسف


تجدونه في اليوتيوب ربي يوفقك

 

[Amauri]

صحيح اخي فالمظاهر خداعة و الزمان كفيل بكشف العيوب
فالحذر ثم الحذر في اختيار شريك الحياة المناسب
وفقنا الله و اياك

 

[لؤلؤة قسنطينة]

فعلا موضوع مهم جدا
وهو الحذر في إختيار زوجة المستقبل
في الحقيقة لدي جواب بسيط جدا وهو موجه للمرأة أو الرجل
وهو:كن طيبا تجد زوجةً طيبة
أو كوني طيبة تجدين زوجاً طيبا
حيث تقول الآية الكريمة:
{ الْخَبِيثَات لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَات لِلطَّيِّبِينَ وَالطَّيِّبُونَ لِلطَّيِّبَاتِ }
هذا من رأيي الشخصي
وشكرا على الموضوع القيم