وسط الاكتساح الاعلامي والمسلسلات المليئة بالحب هل نستطيع ايجاد مراهقة عدراء المشاعر

[يسرى 2008]

السلام عليكم ورحمة الله تعالى وبركاته
بعد غياب طويل عدت بموضوع حافل نتمنى من الاعضاء تتفاعل فيه لانو اصبح يشغل بالي كيما يقولو ناس بكري على قد ما تكبر على قد ما تعرف وانا حسب خبرتي القليلة في الحياة بديت نشوف ونتعجب بالوضع
منطولش عليكم نقولكم راني توحشتكم بزااااااف مع انو ناس اللمة القدم كاين فيهم لي راحو ولي بقاو نقولهم كامل توحشتكم بزاااف ونشاء الله تكونو بخير وبالنسبة للجدد مرحبا بيكم وان شاء الله معريفة خير

البنت في الليسي ولا في السيام تكون مراهقة ووسط الافلام لي نشوفو فيها لي تحرض المراهقين على فعل المنكر والمدارس المختطلة خلات ظواهر الانحلال الاخلاقي تنتشر بكثرة والحشمة والقدر راحو والطفلة مولاتش تخمم على مستقبلها وتقولك نخلي روحي نظيفة للنهار لي يجي يخطبوني فيه نكون نظيفة وحتى واحد ما يحكي عليا لي تحكي معاها يقولك نحبو ونحبها
ويحكي تحت مسمى الحب وناسيين بلي مكانش حب كيما حب الخلال ولي يحبك يحي يطبطب على باب دارك
سؤال شاغل بالي
علاه الطفل يقبل يتمسخر بالبنات ويمشي معاهم ةنهار لي يخمم يتزوج ميديش هاديك لي مشا معاها سنوات ويقول ندي واحدة جامي ما خرجت

علاه الطفل كي يسمع بلي طقلة مشات من قبل ميقبلش يديها حتى وادا كان يحبها علاه يشوف للماضي تاحا ويحاسبها على اساس هو ملاك ميغلطش


يقولك نحبها ونخاف عليها ومنديرش في حاحة حرام غير نحبو بعضنا علاه متقبلش اختك يحيبها واحد وتحبو وانت ترضاها لبنات الناس اي طقل يسمع باختو تخرج يقتلها علاه يقبل يتمسخر ببنات الناس وميقبلش الشي للاختو

اخر سؤال والملح عليا بزاف
ادا صادفك موقف ورحتي حكيتي مع طفلة قاتلك سامحني انا منخرجش باش منخونش ثقة اهلي بيا حتى ادا كنت تحبني مي سامحني منقبلش نخرج معاك باش منخونش ثقة اهلي بيا
وتروح للطفلة خلاف احسن منها جمالا وتقلك ايه نقبل بيك وتمشي معاها
شكون لي راح تقادرها اكثر في المستقبل لي مقبلتش بيك ولا لي قبلت بيك بيناتهم


نتمنا تتقاعلو مع الموضوع لانو الظاهرة هادي ولات منتشرة بزااااااااف سورتو في الليلسي​

 

[حفيد هواري بومدين]

بعدت على الليسي مانقدرش نجاوبك بصراحة

 

[Ma$Ter]

عليكم السلاام ورحمة الله وبركاته
اهلا ومرحبا بيك اختى
عودة ميمونة
-اختى ليس الاعلام فقط اللى يفسد عقل البنت فى هذا الوقت
راهو كل شئء تبدل درك البنات كثرو + كاين بنات عندهم فكرة فى راسهم
انهم باه يزوجو لازم يبينو رواحهم وانهم يتكلمو مع الذكورا وانهم يحبو ووو
والكارثة ان بعض الامهات تشجع البنت على التعرف على الشباب
وعلى اللباس الفاضح
وكل هذا المشاكل سببها التربية والوالدين والاصحاب
نسالو الله الهداية
بارك الله فيك اختى
​

 

[يسرى 2008]

عليكم السلاام ورحمة الله وبركاته
اهلا ومرحبا بيك اختى
عودة ميمونة
-اختى ليس الاعلام فقط اللى يفسد عقل البنت فى هذا الوقت
راهو كل شئء تبدل درك البنات كثرو + كاين بنات عندهم فكرة فى راسهم
انهم باه يزوجو لازم يبينو رواحهم وانهم يتكلمو مع الذكورا وانهم يحبو ووو
والكارثة ان بعض الامهات تشجع البنت على التعرف على الشباب
وعلى اللباس الفاضح
وكل هذا المشاكل سببها التربية والوالدين والاصحاب
نسالو الله الهداية
بارك الله فيك اختى
​

مشكورة اختي على ردك العطر صحيح كاين الطاهرة هادي تلقا الام هي الي تشجع بنتها على الاعمال هادي ربي يهدي هدا لي كان ناقص

 

[يسرى 2008]

بعدت على الليسي مانقدرش نجاوبك بصراحة

هههه مشكور على ردك والحمد لله كيما تجاوزتي المرحلة سترك ربي وتهنيتي

 

[sahiko hamza]

بعدت على الليسي مانقدرش نجاوبك بصراحة

وليتي تداوي الدهان اموصيبة :p

________________________

والله يا اختي ماعرف
انا حكايتي عكس الناس كامل
ربي يجيب الخير ..
​

 

[Moha le sage]

الكلاصة تاع 2008 مجمولة






يسرى 2008

:: عضو شرفي ::

تاريخ التسجيل : 24 - 1 - 2008






docteur abdou 24
:: مشرف ::
منتدى واش راك تهدر

تاريخ التسجيل : 14 - 1 - 2008







sahiko hamza
:: مشرف :: منتدى أهنا فرغ واش كاين فى قلبك

تاريخ التسجيل : 14 - 7 - 2008







​

 

[بنت الـ25]

السلام عليكم ورحمة الله تعالى وبركاته
منطولش عليكم نقولكم راني توحشتكم بزااااااف مع انو ناس اللمة القدم كاين فيهم لي راحو ولي بقاو نقولهم كامل توحشتكم بزاااف ونشاء الله تكونو بخير وبالنسبة للجدد مرحبا بيكم وان شاء الله معريفة خير
أهلا يسرى عدتي بعد غياااااااااااااااب طويل
بالاك ما شفيتيش عليا مي انا شفيت عليك خخخخ ولازمك تشفاي عليا بالسيف
أنا سندريلا الذي نظر الأعمى إلى جنوني :p هههههه

البنت في الليسي ولا في السيام تكون مراهقة ووسط الافلام لي نشوفو فيها لي تحرض المراهقين على فعل المنكر والمدارس المختطلة خلات ظواهر الانحلال الاخلاقي تنتشر بكثرة والحشمة والقدر راحو والطفلة مولاتش تخمم على مستقبلها وتقولك نخلي روحي نظيفة للنهار لي يجي يخطبوني فيه نكون نظيفة وحتى واحد ما يحكي عليا لي تحكي معاها يقولك نحبو ونحبها
ويحكي تحت مسمى الحب وناسيين بلي مكانش حب كيما حب الخلال ولي يحبك يحي يطبطب على باب دارك
كبرتي ا موصيبة ووليتي تعرفي تهدري :up:
نبصملك بالعشرة اللهم إلا من رحم ربي

سؤال شاغل بالي
علاه الطفل يقبل يتمسخر بالبنات ويمشي معاهم ةنهار لي يخمم يتزوج ميديش هاديك لي مشا معاها سنوات ويقول ندي واحدة جامي ما خرجت
ايه بارسكو فقد الثقة فيها واللي تخون ثقة والديها لي رباوها ما يقدرش يأتمنها على دارو وعرضو وولادو

علاه الطفل كي يسمع بلي طقلة مشات من قبل ميقبلش يديها حتى وادا كان يحبها علاه يشوف للماضي تاحا ويحاسبها على اساس هو ملاك ميغلطش
راني جاوبتك لفوق:-r

يقولك نحبها ونخاف عليها ومنديرش في حاحة حرام غير نحبو بعضنا علاه متقبلش اختك يحيبها واحد وتحبو وانت ترضاها لبنات الناس اي طقل يسمع باختو تخرج يقتلها علاه يقبل يتمسخر ببنات الناس وميقبلش الشي للاختو
عقلية مالقاولهاش حل؟

اخر سؤال والملح عليا بزاف
ادا صادفك موقف ورحتي حكيتي مع طفلة قاتلك سامحني انا منخرجش باش منخونش ثقة اهلي بيا حتى ادا كنت تحبني مي سامحني منقبلش نخرج معاك باش منخونش ثقة اهلي بيا
وتروح للطفلة خلاف احسن منها جمالا وتقلك ايه نقبل بيك وتمشي معاها
شكون لي راح تقادرها اكثر في المستقبل لي مقبلتش بيك ولا لي قبلت بيك بيناتهم
كي يجيو للولاد يجاوبوك
وعلى الأرجح يقلك نقادر اللولة لي مقبلتش بيا
غالبا تلقايه يبقى يجري موراها حتى يطيحها في شباكو
حتى لو كان لإرضاء غروره وجبرا لكبريائه المحطم

نتمنا تتقاعلو مع الموضوع لانو الظاهرة هادي ولات منتشرة بزااااااااف سورتو في الليلسي​

هاني تفاعلت معاها ونتمنى انتي تاني تتفاعلي معانا
ومتزيديش تغيبي علينا بزاف :-r

​

وليتي تداوي الدهان اموصيبة :p

________________________

والله يا اختي ماعرف
انا حكايتي عكس الناس كامل
ربي يجيب الخير ..
​

عندك ذاكرة تع فيل حمزة
تشفى عالدهان او مليح للقراجم :p ههههه
حكايتك عكس الناس؟ هذا سؤال يستوجب تفسير :-r
​

الكلاصة تاع 2008 مجمولة






يسرى 2008

:: عضو شرفي ::

تاريخ التسجيل : 24 - 1 - 2008






docteur abdou 24
:: مشرف ::
منتدى واش راك تهدر

تاريخ التسجيل : 14 - 1 - 2008







sahiko hamza
:: مشرف :: منتدى أهنا فرغ واش كاين فى قلبك

تاريخ التسجيل : 14 - 7 - 2008







​

زيدني فلاليست موح ولا نجمع أدواتي ونقلع ههههههههه
​

 

[حفيد هواري بومدين]

هههههههه غير نداوي برك احمزة كبدي :d​

وليتي تداوي الدهان اموصيبة :p

________________________

والله يا اختي ماعرف
انا حكايتي عكس الناس كامل
ربي يجيب الخير ..
​

 

[حفيد هواري بومدين]

ليامات هاديك نشفا عليها طردوني من اللمة واحد 5 مرات كونت تلميذ مشاغب :d​

الكلاصة تاع 2008 مجمولة






يسرى 2008

:: عضو شرفي ::

تاريخ التسجيل : 24 - 1 - 2008






docteur abdou 24
:: مشرف ::
منتدى واش راك تهدر

تاريخ التسجيل : 14 - 1 - 2008







sahiko hamza
:: مشرف :: منتدى أهنا فرغ واش كاين فى قلبك

تاريخ التسجيل : 14 - 7 - 2008







​

 

[طائر الخير]

السلام عليكم

عودة ميمونة اختي

السبب الاول نتاع هاذ الظاهرة مش المسلسلات و هاذ العفايس ، السبب الاول هو عدم الالتزام بالدين و التربية الفاسدة كيما قال حكيم، و زيدي فوقها غباء و جياحة هاذ النوع من البنات..... يعني بيناتنا و بصراحة شحال سمعتو من حكاية نتاع زوج يحبها و تحبو و يقوللها درك نتزوجوا و مبعد يتفرها فيها و يروح و دايما تتعاود نفس الحكاية بنفس الهدرة و نفس النتيجة و المتغير الوحيد هو الاشخاص، في بالكم انسان يفهم يوقع في نفس الغلطة؟؟؟؟ و الله حشاكم الحمار و ما يعاودهاش.

سؤال شاغل بالي
علاه الطفل يقبل يتمسخر بالبنات ويمشي معاهم ةنهار لي يخمم يتزوج ميديش هاديك لي مشا معاها سنوات ويقول ندي واحدة جامي ما خرجت

هذا من ذكاء و دهاء الذكور اللي يستخدموه في حاجات مش مليحة و من الجهة المقابلة غباء هاذوك البنات..... هاذي حاجة باينة ما يتزوجهاش شكون اللي يقبل ياكل حاجة موسخة....
واش جاب الشوك لحب الملوك؟؟؟؟

علاه الطفل كي يسمع بلي طقلة مشات من قبل ميقبلش يديها حتى وادا كان يحبها علاه يشوف للماضي تاحا ويحاسبها على اساس هو ملاك ميغلطش

نظن جاوبت عليها الفوق وزيد كما تدين تدان هاذي راهو سمع بلي مشات من قبل قبل ما يتزوج بصح اللي راح يتزوجها يسمع بعد الزواج وبلاك يسمع حاجة نتاع كثر من (مشات من قبل).

بالنسبة للسؤال الاخير راح نعطي كل الاحترام و التقدير للاولى ونزيدك الرجال نتاع الصح ما يحطوش ارواحهم في موقف كيما هذا، وانا وواحد صاحبي ديما نقولي لنفرض رحت دمونديتها و سباتك..... تتعارك مع طفلة قدام الغاشي؟؟؟؟ تطلع ماكش راجل...صح وزيد نتا اللي جبتها لروحك.

تبانلي كثرت

ايا صحـــــــــــا

:regards01:
​

 

[أم أمين23]

ورجعنا مرة اخرى لموضوع الي مشاة والي ما مشاتش ولو انو هنا الطرح من وجهة نظر الطفلة ماشي الطفلة وطالبة راي الولاد الي رانا ما فهمناش عليهم راهم قالو ما نقبلوش الي كانت عندها اي علاقة وفي نفس الوقت راهم غير يشوفو واحدة تعجبهم يعملو المستحيل حتى يطيحوها في الشبكة ونهار الي تغلط وتروح معاهم في طريقهم يشطبو عليها بالاحمر نظن انو هاد الموضوع الي ما عندوش حل ما نقدرو نديرو فيه والو غير انا نحاولو ننصحو البنات بكل الطرق ما يتبعوش الافلام والي فيها لخاطر حتى في الافلام كلو كذوب ورجال ضرك ما عادوش يامنو الطفلة حتى كون تجيب يدها خضرة كيما نقولو مالا احكمي سماك وحاولي قد ما تنجمي تحافظي على سمعتك وما تروح ورا حتى واحد يقولك نبغير ومعول نتزوج بيك غير الي يدق فعلا بابك اما باقيهم كلهم راهم يعقبو في الوقت وخلاص

 

[يسرى 2008]

ورجعنا مرة اخرى لموضوع الي مشاة والي ما مشاتش ولو انو هنا الطرح من وجهة نظر الطفلة ماشي الطفلة وطالبة راي الولاد الي رانا ما فهمناش عليهم راهم قالو ما نقبلوش الي كانت عندها اي علاقة وفي نفس الوقت راهم غير يشوفو واحدة تعجبهم يعملو المستحيل حتى يطيحوها في الشبكة ونهار الي تغلط وتروح معاهم في طريقهم يشطبو عليها بالاحمر نظن انو هاد الموضوع الي ما عندوش حل ما نقدرو نديرو فيه والو غير انا نحاولو ننصحو البنات بكل الطرق ما يتبعوش الافلام والي فيها لخاطر حتى في الافلام كلو كذوب ورجال ضرك ما عادوش يامنو الطفلة حتى كون تجيب يدها خضرة كيما نقولو مالا احكمي سماك وحاولي قد ما تنجمي تحافظي على سمعتك وما تروح ورا حتى واحد يقولك نبغير ومعول نتزوج بيك غير الي يدق فعلا بابك اما باقيهم كلهم راهم يعقبو في الوقت وخلاص

مشكور خويا العنابي على ردك منورر الموضوع وفعلا عندك حق في كل حاجة قلتيها حنا نقولو ربي يبقي الستر وربي يحفظنا ويكبرنا في طاعتو ويستر علينا وعلى بنات الجزائر

الكلاصة تاع 2008 مجمولة






يسرى 2008

:: عضو شرفي ::

تاريخ التسجيل : 24 - 1 - 2008






docteur abdou 24
:: مشرف ::
منتدى واش راك تهدر

تاريخ التسجيل : 14 - 1 - 2008







sahiko hamza
:: مشرف :: منتدى أهنا فرغ واش كاين فى قلبك

تاريخ التسجيل : 14 - 7 - 2008







​

شكون لي يقدر ينسا هاد لكلاسا سورتو عناصرها المشاغبين لي كانو دايرين الموفمو في اللمة والله يامات جامي ما تتعوض الحمد لله انو مازال فيها تلاميد من ايام زمان يفكرونا بيها منور خويا في الصفحة وشكرا كيما فكرتينا باحلى ايامنا في اللمة

 

[يسرى 2008]

هاني تفاعلت معاها ونتمنى انتي تاني تتفاعلي معانا
ومتزيديش تغيبي علينا بزاف :-r

عندك ذاكرة تع فيل حمزة
تشفى عالدهان او مليح للقراجم :p ههههه
حكايتك عكس الناس؟ هذا سؤال يستوجب تفسير :-r
​

زيدني فلاليست موح ولا نجمع أدواتي ونقلع ههههههههه
​

يا موصيبا كيفاه نقدر ننساك توحشتك بزاااااف ان شاء الله تكوني بخير الحمد لله كيما لقيتك في اللمة درك راني انضميت للجروب من جديد
بالنسبة للموضوع عندك حق في كل كلمة قلتيها انا نقول ربي يستر على البنات كامل وربي يهدينا ويبعد علينا ولاد الحرام على خاطر البلا ليامات هادي محاط بينا متل الماء الي نشربوه وصحاب الشر للاسف كترو في كل بلاصة والطفلة جنس حساس وضعيف راح تتعرض للادى بسهولة خاصة ادا اتبعت عواطفها ربي يستر برك حمممممم شوفتي اختك كبرت شويا في التخمام هههههه​

 

[يسرى 2008]

السلام عليكم

عودة ميمونة اختي

السبب الاول نتاع هاذ الظاهرة مش المسلسلات و هاذ العفايس ، السبب الاول هو عدم الالتزام بالدين و التربية الفاسدة كيما قال حكيم، و زيدي فوقها غباء و جياحة هاذ النوع من البنات..... يعني بيناتنا و بصراحة شحال سمعتو من حكاية نتاع زوج يحبها و تحبو و يقوللها درك نتزوجوا و مبعد يتفرها فيها و يروح و دايما تتعاود نفس الحكاية بنفس الهدرة و نفس النتيجة و المتغير الوحيد هو الاشخاص، في بالكم انسان يفهم يوقع في نفس الغلطة؟؟؟؟ و الله حشاكم الحمار و ما يعاودهاش.

سؤال شاغل بالي
علاه الطفل يقبل يتمسخر بالبنات ويمشي معاهم ةنهار لي يخمم يتزوج ميديش هاديك لي مشا معاها سنوات ويقول ندي واحدة جامي ما خرجت

هذا من ذكاء و دهاء الذكور اللي يستخدموه في حاجات مش مليحة و من الجهة المقابلة غباء هاذوك البنات..... هاذي حاجة باينة ما يتزوجهاش شكون اللي يقبل ياكل حاجة موسخة....
واش جاب الشوك لحب الملوك؟؟؟؟

علاه الطفل كي يسمع بلي طقلة مشات من قبل ميقبلش يديها حتى وادا كان يحبها علاه يشوف للماضي تاحا ويحاسبها على اساس هو ملاك ميغلطش

نظن جاوبت عليها الفوق وزيد كما تدين تدان هاذي راهو سمع بلي مشات من قبل قبل ما يتزوج بصح اللي راح يتزوجها يسمع بعد الزواج وبلاك يسمع حاجة نتاع كثر من (مشات من قبل).

بالنسبة للسؤال الاخير راح نعطي كل الاحترام و التقدير للاولى ونزيدك الرجال نتاع الصح ما يحطوش ارواحهم في موقف كيما هذا، وانا وواحد صاحبي ديما نقولي لنفرض رحت دمونديتها و سباتك..... تتعارك مع طفلة قدام الغاشي؟؟؟؟ تطلع ماكش راجل...صح وزيد نتا اللي جبتها لروحك.

تبانلي كثرت

ايا صحـــــــــــا

:regards01:
​

بارك الله فيك اختي على الكلام الزين منورة ومشكورة على ردك

 

[منايا الجنة]

الصراحة يا اختي ماشي من الافلام و هاوليك الاخ Ma$Ter قالك كلش كفا و وفا بارك الله فيه وفيك اختي على الطرح

 

[!≈[سُِـِيٌــِـِفّ اٌڷِخً‘يٌـرُ]≈!]

ما عندي ما نقول غير ربي يهدينا

مي كلش كاين

وكلش باين لي تحب تغلط روحها برك

سلام
​

 

[يسرى 2008]

مشكورين على ردكم العطر منورين الصفحة

 

[zagane]

السلام عليكم

تخلطت وخلاص ومزال كاين الاصل و الخبيثات للخبثين

 

[فتاة حساسة]

السلام عليكم ورحمة الله تعالى وبركاته..نشكرك اختي على الموضوع الحساس

دوك انا نجاوبك ..بوسك انا كفلة مراهقة وعلابالي ..

بون فاليسي كاين امور بزززاف ..طفلة كي تشوفهم تسخف ..كاني اللي يهزها الريح وتروح في الهاويا ..وكاين اللي تغلط ..وتوب....وكيما قلتي كاين اللي تخخمم في والديها وتحبس كل الامور..
انا عن نفسي اقتنعت بحاجا ..انو اللي متبهولي ربي راح يجي وكون يكون ماعرف وين ..وانا ماشاي بهاد المبدأ...

ربي يصلح بناتنا و دكورا تاعنا ...ويهدينا اجمعين..

اما على اللي يمشي يوخليها ويروح يتزوج بوحدا يقول بالي اي جامي خرجت..تأكدي انو راهو دا حبيبة غيره..الدينا كما تدين تدان..وكيما يديرو في بنات الناس جاي نهار وجي على خوتهم والا على بناتهم..ربي يصلح الاحول...تقبلي مروري اختي ..


مرت من هنا فتاة حيساسة :$​