إنصحوني أكرمكم الله

[اشواقى الى الفردوس]

السلام عليكم ختي انتي نفس حالتي نصيحتي ليك كيا يقولو طرشي ودنك الفايدة كي تولي متفاهمة مع زوجك وربي يفرج همك

 

[aya2009]

كيما قلتي اختي هداك بلاء و البلاء مايقدر على تحمله الا الصابرين و ربي يجعلك من الصابرين حتى يفرج الله
بالنسبة لعجوزتك ، ديري الخير و ارميه في البحر باش ربي يعوضهو لك كي تكبري و توصلي لعمرها ادا اراد المولى ،على بالي الصبر يدبر و هدا راهو الدوام ، لكن ربي يقول للشيء كن فيكون، اجمعي شوي مال و ديري به دارك لي تبقى لك و ما يحل عليك حتى واحد فمو ،
بالنسبة لزوجك : حبوبة ديري حساب لدواير الزمان ، ماشي رزقك كلو تحطيه في دين زوجك ، يجي نهار وتحتاجيه ، ديري الاحتياط ، الزمان بدال كيما الانسان ماشي ديما على حالو اليوم يحبك و مع الوقت ما تعرفيش واش مخبيهو لك القدر
كاين هاد النوع من العجايز غير اسوياء و انتي تخافي من السخط و هما يتمادوا في اعوجاجهم ، نعرف واحدة ساكن معاها ولدها واحد فقط لي عندها خدام موظف ،حتى فلوس الدخان هي لي تعطيهم لو ، ودرك لي مات مرتو و ولادو ماتصرف عليهم مليم و الام ربة بيت تاخد بالكريدي ...على مايخرجوا لها وراق روتريت دراجلها مع العلم العجوزة عندها 3 ديور كارياهم و هي امرا كبيرة في السن و ماترحمهمش ، الله لا يبلينا بهاد النوع من العجايز
​

 

[!≈[سُِـِيٌــِـِفّ اٌڷِخً‘يٌـرُ]≈!]

واش شفتي قليل مع نساء أخرين


حاجة وحدة باه انتي تعيشي سعيدة حاجة تعرفيها تقلقك إذا عدتي مش ظالمة داخلة من خرجت منهيه يعني عيشي كي لطرش في الزفة

و دوام الحال من المحال

لي قتلك عاشو اكثر منك ليوم راهم دارو ديار وحدهم و جابو رجالة و الحمد لله راهم في جنة النعيم

بالك ربي شافلك فيها خير تتمردي درك و ممبعد تعيشي متهنية في دارك جديدة

و بالك جاتك من ام زوجتك غير ما تجيك من زوجة ثانية تشاركك في زوجك

الحمد لله كل كل حال

و ربي يفرج عليك ​