تعبت وعنيا كادت ان تنهار من كتر البكاء

[شرفي لمياء]

تعبت وعييت لي الاسف لا احد يفهمني كل الناس تشمت فيا في اقل حاجة راني نحاول نفرغ كل الي في قلبي بصح دموع تتغلب عليا ونصير مانعرفش حتى نهدر وش ندير نشمت فيهم نخبي في قلبي او ننفجر عليهم حياتي عادت كل عليها انتقام لا اريد قلبي يتملئ بي الكره نحب نبقى صافية لا احد يحس بي ولا حتى يفكر وش بيا انا بديت انهار
ساعدوني ارجوكم ان كنتم تعاملوني كاسرة واحدة

 

[بنت الـ25]

اهلا اختي لمياء
قريت مشكلتك ...انتي محكيتيناش بزاف تفاصيل :-r
وعلاش الناس تشمت فيك؟
وفي جميع الأحوال متخليش قلبك يتعمر بالكره ولا تسيئي لمن اساء إليك
انما وكلي ربي ومتزيديش تبكي خلي دموعك غالية تطيح إلا في حالات تستاهل على أشخاص يستاهلو

متخبيش في قلبك كاين منتدى اللمة كلو أمامك واحنا كامل مستعدين نسمعوك ونعاونوك بالشي لي نقدرو عليه
نتمنى من هنا وروح تشاركينا أفكارك وكوني متفائلة حبيبتي
انتي صغيرة ومزال حياة بأكملها قدامك استغلي كل لحظة فيها ومتخليش لحظة حزن ولا غضب تسببلك التعاسة

(ينقل لمنتدى اهنا فرغ وش كاين في قلبك)

​

 

[la_safa]

السلآم عليكم و رحمة الله و بركآته ..

أولآ يآ أختي مآ تقدريش تقولي علآه و علآه ! لآخآطر هذآ قضآء و قدر ..
و يمكن ربي ابتلآكـ بهآذ العبآد و النآس ، انت مآ وضحتيش بآه نفهمو أكثر مشكلتكـ ..
و انمآ رآح نقلكـ سطحيآ بركـ ، صحيح كي يحآول وآحد يطيح بيكـ تغيضك عمركـ
و تحسي بقلقة من دآخل .. بصح صدقيني التجآهل هو دوآهم أخطيكـ منهم
و حآولي تبعدي على النآس لي يحبطوكـ بتوآجدهم و لآ بهدرتهم و أهم حآجة لي نظن
بلي نآقصة عندكـ و هي الثقة بالنفس ، خلي ثقتكـ بنفسكـ أكثر من كلشي و هكآ تتغلبي
على المخآوف و الاحبآط لي عندكـ من دآخل ..

خليكـ قوية مآ ترديش عليهم خلي ديمآ الابتسآمة على وجهكـ
هكآ نأكدلكـ بلي حتى وآحد مآ يقدر يقهركـ ..

+

جآمي تخممي انكـ تحقدي ولآ تعمري قلبكـ بالكره لأنو رآح يرجع عليكـ نفسيآ
خليكـ مصفية قلبكـ و فآتحآتو للنآس ، مآكآنش كيمآ وآحد مآ يحقدش
+

التقرب من ربي هآذي أول حآجة ، ~

و ربي يهنيكـ اختي ~
​

 

[angel]

ربي يكون معاك ان شاء الله

لو عودة ان شاء االله
​

 

[amin.select]

ان الله اذا احب عبدا ابتلاه

بدليل ان

الانبياء اكثر البشر ابتلاء

فان انتي

صبرتي واحتسبتي عوضك الله بما لم تكوني تحلمي به يوما

وان انتي

لا صبرتي ولا احتسبتي

فقد خسرتي مغزى الابتلاء

اتمنى ان تعودي الى الله وتشكيه وحده وتبكيه وحده فهو القادر وغيره العاجز

والشكوى لغير الله مذلة

اتمنى ان يؤتيك الله من وضعك هذا مخرجا

ويعوض صبرك فرجا


​

 

[رضوة الجزائرية]

رضى الناس غاية لا تدرك تعيي وتحاولي ترضيهم هما لماشي بالقيمة نتاعك وهما مايستاهلوكش نسيهم وخرجيهم من مخك اناتاني صار لي هكدا بصح راني في عزلة وراني مرتاحة منهم ونسيتهم خلاص
حسبنا الله ونعم الوكيل​

 

[أم عبد الله]

اولا اختي علاش عليه هذا كلو مازالكـ صغيرة ماتخليش قلبكـ يسواد من اول تجارب مراهقة تحصلك
اولا انا كي قريت كلامك ماعرفت باه نردلك لانو ماعنديش ادنى صورة ع ماتعانيه مي حبيت نقولك بلي خلي ديما قلبك صافي و ديري النية في الغير ماتفقديش ثقتك بنفسك بسبب بعض الاغبياء في الطريق او المدرسة او حتى لاادري
المهم تثيقي بنفسك
ومن بعد خبرينا علاش الناس تشمت فيك او ع الاقل لمحينا ع الامر باه نقدرو نتوصلو لحل ان شاء الله

ربي يكون في العون
سلامي​

 

[نور الحبوبة]

مساء الخير اختي حكايتك تشبه حكايتي مي عرفتش الطفاصيل انا كنت كيما انتي نبكي ونعمر قلبي وكاره الدنيا مي امبعد هداني ربي ولجئتلو وحدو سبحانو هو الي نحي اغبينا ديري كيما انا عيشي لروحك وانساي هاد الناس ومتسمعلهومش وديري واش اقةلك قلبك واعيشي حياتك مزلتي صغيرة ربي اهنيك ويسعدك​

 

[سمسم السمسومة]

كثيرة هي التفاصيل الموجودة في حياتنا التي تجرنا الى تلك المتاهات.........اذا كانت دموعك لا تدع لك مجالا للتعبير عما تشعرين به عندما تواجهين موقفا ما فأنا مثلك تماما........اذا كان ذاك الاحساس يرافقك دوما بأن لا أحد يحس بك فقد مررت به.....حاولت جاهدة محاربة ذاك الاحساس وتلك المرارة.....كنت دوما أجد نفسي هنا بينكم اكتب كلماتي ربما كان من فهمها ربما هناك من يعلم قصتي بتفاصيلها....أنا هنا لا يمكنني أن أحكم على و كلامك بالغموض بل أعلم أنه مرات لا تستطيع أقلامنا كتابة تلك التفاصيل التي تبقى ملكنا و صدقا أحس بما تحسين الأن........فلنمارس لعبة التناسي و لكن ليس وحدنا.....حقا أعجبني رد الأخ_amin_select_تأملي كلماته ستشعرك حقا بالقوة رغم الضعف.......و لا تنسي دوما_حسبي الله و نعم الوكيل_

 

[subainaz]

armi kolchi morak
w essay tsagmi af3alak
balak l 3ayb mnak
w ida kan nti safia
arf3i rasak
w kamli 6rigak
​

 

[°~Kenza_02~°]

ما تعمريش رتسك بالناس ... وعيشي فرحاااااااااااااااااانة .....حتى حاجة ما تستاهل
ضحكيييييييييييييي بزاااااااااااااااااااااف

 

[همس الوُرود]

السلام عليكم أختي
كل ما عليك فعله هو أن تتجاهلي كلماتهم وكأنك لم تسمعيها أبدا
وأن تبتسمي لمن يسيء اليك كلما رأيته وتسامحيه من قلبك
وهكدا سترتاح نفسك وحدها وتحسين بالفرح وصفاء القلب
كما أنه جب عليك قراءة القرآن فهو سيريحك​

​

 

[NASRO DZ]

عليك الصبر والدعاء