صغير تزوج وكبير ما تزوج

[أم أمين23]

السلام عليكم ورحمة الله وبركاته
واش راكم وواش احوالك
اليوم راح نحكي على حاجة لاحظتها المدة الاخيرة في فاميلتي وما نعرف الا راهي في كا مكان والا برك في فاميلتي
وهي انو الشباب الصغر الي مازالو ما لحقوش ال30 وبالاك حتى ما وصلوش 25 راهم عقاب اماليهم وحابين يخطبو ويتزوجو والي فاتو ال30 ضاربين النح وكي تقولهم تتزوجو يقولك خاصتني غير المرا نزيدها على همي
مالا الي حابة نحكي فيه انا وين المشكل في الصغار الي راهم زاربين وحابية اطبقو السنة والا راهم مخطوفين وماشي واعيين بحجم المسؤولية
والا الكبار الي راهم فاهمين الدنيا مليح وما عينهش يثقلو رواحهم بمسؤولية الزواج والمرا والولاد
والا انهم كرهو وملو من واش شافو وسمعو من حكايات
احتمالا بزاف عندي بصح راني حابة نعرفها من عندكم ومستنيا نشوف الا صح والا لا الكبار كارهين والصغار جايين للدنيا ؟؟
​

 

[بنت الـ25]

اهلا بأم أمين
منورة منتدى واش راك تهدر
شوفي اختي الكريمة
مام هاد الظاهرة كاينة في فاميلتنا مي مش بدرجة كبيرة
دوكا الحمدلله لجماعة اللي فوق الـ 30 كامل تزوجو وتهناو :d
الرسول عليه الصلاة والسلام قال:
{ يا معشر الشباب من استطاع منكم الباءة فليتزوج فإنه أغض للبصر وأحصن للفرج ،
ومن لم يستطع فعليه بالصوم فإنه له وجاء }

اللي يشوف في روحو مستعد للزواج ماديا علاش ما يبادرش بتحصين نفسه خير من الوقوع فالحرام
وكيما علابالنا كي يوصل الشاب لسن معينة يلزمو يتزوج أحسن في ظل المغريات اللي يواجهها أمامو في كل وقت ومكان

اما هادو اللي فاتو الـ30 وعزفوا على الزواج بالرغم من توفر الإمكانيات فهديك مشكلتهم
ما نقولك خايفين مالمسؤولية ما نقولك كرهو من المشاكل لي يسمعوها
خلي هوما لي يجاوبوك :-r
وفي جميع الاحوال مكانش خير من اتباع هدي النبي عليه السلام

انا في المتابعة
​

 

[Ma$Ter]

عليكم السلام ورحمة الله وبركاته
الضاهرة هاذى كاين فى العائلات كامل ماهيش غير عندكم
فى عائلتنا مثلا عندى 4 اخوة كامل تزجو كى وصلو 26-27 سنة
وعندنا جيران عندهم امكاينات باه كل واحد يتزوج 4 نساء:d
وسنهم فوق 30 وما تزوجوش والله ما نعرف علاه
كاين اخرين مشغولين بالعمل تاعهم حتى فكرة الزوارج يشوف فيها تعطلو عن خدمتو ووو
ربى يهديهم
المهم ادعيلى باه نتزوج قبل مانوصل 30 ههه :d
شكراا اختى بارك الله فيك

​

 

[SAMIRA25]

كاينة منها ام امين انا على حساب رايي ان الشاب كل ما يكبر يولي يخمم اكثر و يحسب لكل شيء بصح لي مزال صغير ما راحلوش يزدم كيما جات جي و الله اعلم
بارك الله فيك
و ربي يسهل لكل الشباب المقبلين على الزواج او قريب الصيف باه تفرحو اهليكم ​

 

[رضوة الجزائرية]

مشكورة على الموضوع كل شي مكتوب بصح الرزانة زينة المشكل صغير يتزوج وماعقلش تلقيه بالمشاكل وياما كثرت الطلاقة بالاخص عندنا ببشار تلقيهم بسن العشرينات مطلقين مرتين لاسباب تافه وامالكبار هما الكارثة يوم يحبو يتزوجو يجبو وحدة بعمر الشعريات ولا العشرينيات بالعكس ربي يهدي برك​

 

[ماكانش]

أهلا بيك أم أمين
ديما مواضيعك باهيين
انا تبالي الشاب الصغير ألي حاب يتزوج دليل على انو صالح وولد أصل وفاميلة
لأن الفسق والفجور قدامو ولكن حاب يزوج يعني علامة انو مايحبش لحرام
الا اذا كانت صديقتو زارباتو وخانقاتو يزرب يتزوجها هههههههههه
اما لكبار كاين ألي يدير فالسيرك ويلعب فيها برك، وكاين ألي كاره مثلا يوصل ل38 بلا زواج يكره ويغلب ....
هذي وجة راأي
لأني لاحظت انو ألي وصلو ل 40 سنة وماتزوجوش مايتزوجوش خلاص وكامل يكملوها بريسانهم ...
​

 

[السلطانة]

وعليكم السلام
موضوع من عمق المجتمع
صح راهي منتشرة هاد الظاهرة
لي فوق ال 30
يظهرلي فكرهم اوسع على الزواج
يخمو على واش يجي بعدو
ماش زي لي تحت ال 30
يشوفو فيه عروسة وعرس برك
مثلا واحد تخرج ديراكت خطب وبعدها تزوج
مازال مكونش روحو مليح حتى من ناحية الخبرة في الحياة
وماش كيما واحد شرب من عقلو مليح
دونك علاه
كيما سبق وقالو الاخوة في الردود
كاين لي عندو امكانيات وميتزوجش لانو يشوف في الزواج مشكلة يحصل روحو مع مرا وولاد وكاين تاني رجال ماش تاع مسؤولية لوكان يريحو برك خير من يكونو اسرة تعاني مدى الحياة
وكاين الامكانيات المادية لي مسمحتلهمش حتى يوجدو روحهم
وكلشي بايد ربي
تقبلي مروري
سلامي

​

 

[fugi]

وعليكم السلام ورحمة الله وبركاته

انا عندي 2صحابي في السن تاعي تزوجو ومالقاوش حتى مشاكل وعايشين حياتهم نورمال

الزواج في الصغر مليح اذا كان عارف روحو يقدر يتحمل المسؤولية يتزوج وهو صغير خير

والي فاتو 30 وماتزوجوش كل واحد عندو سبب

وعندي صاحب في عمرو 34 ماتزوجش كي سقسيتو قالي لاتلقو بانفسكم الى التهلكة

كي قتلو واش قصدك بيها بدا يحكيلي على المشاكل الي سمعهم على الزواج

وقالي ثاني انا نفسي حصلت فيها علاش نتزوج وندير مسؤولية لروحي :s

..كبرت الخط باش مايعييكش:p​

 

[fugi]

عليكم السلام ورحمة الله وبركاته

الضاهرة هاذى كاين فى العائلات كامل ماهيش غير عندكم
فى عائلتنا مثلا عندى 4 اخوة كامل تزجو كى وصلو 26-27 سنة
وعندنا جيران عندهم امكاينات باه كل واحد يتزوج 4 نساء:d
وسنهم فوق 30 وما تزوجوش والله ما نعرف علاه
كاين اخرين مشغولين بالعمل تاعهم حتى فكرة الزوارج يشوف فيها تعطلو عن خدمتو ووو
ربى يهديهم
المهم ادعيلى باه نتزوج قبل مانوصل 30 ههه :d
شكراا اختى بارك الله فيك ​

نشالله تتزوج قبل ماتوصل 30:-r​

 

[stella.m]

هذي الظاهرة عندنا حنا في الدار
الي في عمرو 25 زارب على الزواج والي في عمرو 31 مزال ما فكرش
حتى وهم في زوج خاطبين بصح الصغير يخمم في العرس والكبير ولا علابالو
انا نظن كي يتزوجو وهم صغار احسنلهم
يعطيك الصحة ختي على الموضوع الباهي
​

 

[طائر الخير]

السلام عليكم

مرحبا ام امين

كاين اللي يزرب على الزواج يحسابو لعبة على خاطر كي تريح تحكي مع ناس متزوجين كل واحد واش يعطيك :
واحد يقولك ...والله الزواج روعة راك مغبون يا الزوفري.
وواحد اخر يقولك كيما قال صاحب fugi لا تلقوا بانفسكم الى التهلكة
من هنا كل واحد كيفاش يتبمرج.

وكاين تاني اللي تلقاهم صغار في العمر و كبار في العقل و ربي موسع عليهم من الناحية المادية....هذا يتزوج خيرلو.

اما الكبار تناع 30 فما فوق انا ضدهم تماما الا اذا كان مايقدرش يعيش المرا اللي رايح يجيبها هاديك حاجة اخرى، بصح في الظروف العادية يتزوج خير خايف من المشاكل ، كرهت من هاد المعيشة ....كمل عليها و تزوج باش الهم يولي صصاحبك وخلاص و كيما يقولو اللي مشقيه ربي ما يريحو العبد، وزيد حاجة اخرى كي تتزوج كبير مبعد تتعب في تربية اولادك تولي في عمرك 60 وهو يكون 16 الشيب اللي في راسك يرجعهولك قوس قزح.

على هادي الرسول صلى اللع عليه و سلم قال{ يا معشر الشباب من استطاع منكم الباءة فليتزوج فإنه أغض للبصر وأحصن للفرج ، ومن لم يستطع فعليه بالصوم فإنه له وجاء } و الباءة مش المال برك فيها الرزانة و المسؤلية و الفهم الواضح للحياة.

بارك الله فيك على الموضوع
وتبقاو على خير
​

 

[*Sarah Dz*]

السلام عليكم و رحمة الله و بركاته

​

هاد الظاهرة راهي كاينة عند كل العايلات الجزايرية
انا عندي وليد خالي عنده 21 عام قريب يتزوج
و وليد عمتي عنده 35 عام مازال ما خممش في الزواج
يمكن كاين ناس تسمع بزاف للهدرة و تخاف من الزواج
لهدا يتهربوا و يروطاردو ..
و كاين لي يتزوج قبل ما يلحق يسمع هدرة تخوفه
و نرجعو و نولو لمكتوب ربي

شكراا على الموضوع
​

 

[!≈[سُِـِيٌــِـِفّ اٌڷِخً‘يٌـرُ]≈!]

يا أختي لمقياس لي درتيه في الموضوع ماشي هو خلاص

كاين ناس مش قاعدة و ناس كرهت زواج لأسباب

وسن الزواج ياأختي راهي يقول من 25 حتي 30

ماشي شرط جيل لي فوق 30 مش حاب يتزوج يعني راه فاهم دنيا

او لي قل من 30 راه غير دنيا غراتو

ولي فيها الخير ربي يقدرها

تقبلى مروري
​

 

[nanoche]

رأيي الخاص

السلام عليكم و رحمة الله تعالى و بركاته
يشرفني اني نشارك معاكم برأيي انا عضوة مسجلة جديدة و نتمنى نكون خفيفة الظل عليكم
في الحقيقة عجبني هاذ الموضوع لانه ظاهرة تفشات عندنا في الجزائر
المشكل ماشي في الزواج المبكر المشكلة يا درا هاذ الشاب يقدر يتحمل المسؤولية ام لا ؟؟
انا نخدم تقريبا في مجال ماشي بعيد على الموضوع و هو الحالة المدنية و ما نحكيش على زواج اخر زمن كاين اللي تتزوج بترخيص من المحكمة نظرا للسن الصغير و بعد عام و أحيانا أقل تلحق الورقة تاع الطلاق لأسباب تافهة و هذا اذا دل على شي انما يدل على عدم الوعي بأن الحياة الزوجية مسؤولية دايمة ماشي مؤقتة و نظن ان الزواج بعد الثلاثين بالنسبة للشاب أفضل على الأقل يكون واعي بالمسؤولية و بعد 25 بالنسبة للشابة

​

و طبعا هذا رايي الشخصي

 

[أم أمين23]

مشكورين جميعا للمرور ولي عودة للتعقيب على كل الردود ان شاء الله

 

[zagane]

السلام عليكم ورحمة الله وبركاته
واش راكم وواش احوالك
اليوم راح نحكي على حاجة لاحظتها المدة الاخيرة في فاميلتي وما نعرف الا راهي في كا مكان والا برك في فاميلتي
وهي انو الشباب الصغر الي مازالو ما لحقوش ال30 وبالاك حتى ما وصلوش 25 راهم عقاب اماليهم وحابين يخطبو ويتزوجو والي فاتو ال30 ضاربين النح وكي تقولهم تتزوجو يقولك خاصتني غير المرا نزيدها على همي
مالا الي حابة نحكي فيه انا وين المشكل في الصغار الي راهم زاربين وحابية اطبقو السنة والا راهم مخطوفين وماشي واعيين بحجم المسؤولية
والا الكبار الي راهم فاهمين الدنيا مليح وما عينهش يثقلو رواحهم بمسؤولية الزواج والمرا والولاد
والا انهم كرهو وملو من واش شافو وسمعو من حكايات
احتمالا بزاف عندي بصح راني حابة نعرفها من عندكم ومستنيا نشوف الا صح والا لا الكبار كارهين والصغار جايين للدنيا ؟؟
​

السلام عليكم

لي تزوج ندم ولي طلق ندم ولي قعد ندم

 

[أم أمين23]

اهلا بأم أمين
منورة منتدى واش راك تهدر

ومرحبا بكي يا حلوة
ونور نورك اكيد على راي اخوانا المصريين
شوفي اختي الكريمة
راني قاعدة نشوف روحي كملي برك :d
مام هاد الظاهرة كاينة في فاميلتنا مي مش بدرجة كبيرة
دوكا الحمدلله لجماعة اللي فوق الـ 30 كامل تزوجو وتهناو :d
الحمد الله تهناو وهناو
الرسول عليه الصلاة والسلام قال:
{ يا معشر الشباب من استطاع منكم الباءة فليتزوج فإنه أغض للبصر وأحصن للفرج ،
ومن لم يستطع فعليه بالصوم فإنه له وجاء }

اللي يشوف في روحو مستعد للزواج ماديا علاش ما يبادرش بتحصين نفسه خير من الوقوع فالحرام
وكيما علابالنا كي يوصل الشاب لسن معينة يلزمو يتزوج أحسن في ظل المغريات اللي يواجهها أمامو في كل وقت ومكان
لكن للاسف انو الكثير من الشباب رغم قدرته يفضل العزوف عن الزواج وهنا المشكل
اما هادو اللي فاتو الـ30 وعزفوا على الزواج بالرغم من توفر الإمكانيات فهديك مشكلتهم
ما نقولك خايفين مالمسؤولية ما نقولك كرهو من المشاكل لي يسمعوها
خلي هوما لي يجاوبوك :-r
خلاص مالا رانا نستناو انا وانت ونشوفو
وفي جميع الاحوال مكانش خير من اتباع هدي النبي عليه السلام

انا في المتابعة
​

مؤكد فمن اتبع سنته عليه الصلاة والسلام كان رابحا دوما ويا ريت شبابنا يعي دلك
​

 

[أم أمين23]

عليكم السلام ورحمة الله وبركاته
مرحبا اخي نورتنا
الضاهرة هاذى كاين فى العائلات كامل ماهيش غير عندكم
فى عائلتنا مثلا عندى 4 اخوة كامل تزجو كى وصلو 26-27 سنة
وعندنا جيران عندهم امكاينات باه كل واحد يتزوج 4 نساء:d
وسنهم فوق 30 وما تزوجوش والله ما نعرف علاه
لازم تصقصيهمنا باش نفهمو احنا ثاني واش المشكل :$
كاين اخرين مشغولين بالعمل تاعهم حتى فكرة الزوارج يشوف فيها تعطلو عن خدمتو ووو
بالعكس المفروض الزواج يزيد يحمسو خصوصا لو رزقه الله الاولاد سيكونون دافع للعمل اكثر وتحسين ضروفو
ربى يهديهم
امين
المهم ادعيلى باه نتزوج قبل مانوصل 30 ههه :d
شكراا اختى بارك الله فيك

​

انت انوي برك واكيد ربنا يسهلك ويسهل لكل من كان الرسول وسنته قدوته
​

 

[أم أمين23]

كاينة منها ام امين انا على حساب رايي ان الشاب كل ما يكبر يولي يخمم اكثر و يحسب لكل شيء بصح لي مزال صغير ما راحلوش يزدم كيما جات جي و الله اعلم
وجهة نظر فعلا ممكن البعض ممن هو في سن اقل يكون تفكيرهم محدود في حين الكبار يرو امور اخرى ولو انو الرسول حدد للشاب متى يمكنه الزواج فمن راى انه قادر ما لازمش يبقى يستنى ويؤجل لسبب او لاخر
بارك الله فيك
و ربي يسهل لكل الشباب المقبلين على الزواج او قريب الصيف باه تفرحو اهليكم ​

وفيك بركة اخيتي وامين واكيد كل ما زاد عدد المتزوجين يقل عدد العنوسة وايضا يقل الفساد بتحصين الشباب لانفسهم
​

 

[أم أمين23]

مشكورة على الموضوع
العفو والشكر لكي للمرور بموضوعي
كل شي مكتوب بصح الرزانة زينة المشكل صغير يتزوج وماعقلش تلقيه بالمشاكل وياما كثرت الطلاقة بالاخص عندنا ببشار تلقيهم بسن العشرينات مطلقين مرتين لاسباب تافه
لكن هنا مش ديما صغير العمر صغير العقل احيانا كبار وتلقايهم عقولهم تاع ذرية وصغير وعقلو يوزن بلاد بصح هاد ما يمنعش انو كاين شي ناس مديين الزواج لعبة والاهل يزيدو يعاونوهم علاش بكري كانو يتزوجو صغار ورغم دلك يعمرو ديار لخاطر الكبير ديما واقف بجنبو عكس ضرك للاسف
وامالكبار هما الكارثة يوم يحبو يتزوجو يجبو وحدة بعمر الشعريات ولا العشرينيات بالعكس ربي يهدي برك​

هادوك مشكل كبير ولازمهم موضوع اخر فعلا هوما يكبرو كي احبو يتزوجو يروحو للصغيرة مع انو لازم يشوف الي تكون مناسبة وقريبة لعمرو ويخمم في صلاحها كيما يشوف في مصلحتو والشيء المهم يخمم لبعيد كي يزيد هو في العمر هي راح تكون مازالها صغير وممكن تولي عندنا مشاكل اكثر
​