صغير تزوج وكبير ما تزوج

[أم أمين23]

أهلا بيك أم أمين
وبيك خويا
ديما مواضيعك باهيين
وانت ديما تخجلنا بردودك
انا تبالي الشاب الصغير ألي حاب يتزوج دليل على انو صالح وولد أصل وفاميلة
لأن الفسق والفجور قدامو ولكن حاب يزوج يعني علامة انو مايحبش لحرام
بالفعل نقطة جيدة يعني لازم الواحد يحصن روحو بالزواج
الا اذا كانت صديقتو زارباتو وخانقاتو يزرب يتزوجها هههههههههه
هنا نقولو راك وليد فاميلا تاع الصح لخاطر راني شفت من المواضيع لخرين بلي الغالبية قاعد يقولو انو اغلب الشباب ما يتزوج من الي عرفها من قبل
اما لكبار كاين ألي يدير فالسيرك ويلعب فيها برك،
ههه يدير في السيرك ويلعب فيها يعني راه حابة ويستنى في العرضة :d:d:d:d:d
وكاين ألي كاره مثلا يوصل ل38 بلا زواج يكره ويغلب ....
علاش يكره كيما راه هو وصل لل38 والا اكثر كاين بنات ثاني مساكن لحقو لهاداك السن واقل شوي وراهم يستناو في وليد الحلال الي ينفذهم من كلمة عانس ومن كلام الناس
هذي وجة راأي
لأني لاحظت انو ألي وصلو ل 40 سنة وماتزوجوش مايتزوجوش خلاص وكامل يكملوها بريسانهم ...
​

هادوم انا نقولهم ربي يهديكم علاش تقطعو رزق بنات راهم يستناو في وليد الحلال وكيما نقولو بالدارجة تاكلو ولادكم في كروشكم انوو وتوكلو وربي اسهل عليكم
​

 

[أم أمين23]

وعليكم السلام
اهلا وسهلا
موضوع من عمق المجتمع
صح راهي منتشرة هاد الظاهرة
لي فوق ال 30
يظهرلي فكرهم اوسع على الزواج
يخمو على واش يجي بعدو
ماش زي لي تحت ال 30
يشوفو فيه عروسة وعرس برك
مثلا واحد تخرج ديراكت خطب وبعدها تزوج
مازال مكونش روحو مليح حتى من ناحية الخبرة في الحياة
وماش كيما واحد شرب من عقلو مليح
هو المشكل ماشي في انو يشرب من عقلو مليح كيما سبق وقلت كاين الي راهم اقل من 30 سنة وعقلو خير من واحد فوق ال40 وثاني الي بين 25 حتى 30 ماشو صغير راه يعرف مليح صلاحو وكيما رانا نشوفو شبابنا ضرك ما شاءا لله راهم يعرفو كلشي وواعيين اغلبهم متفتحين على العالم كلو من خلال وسائل الاعلام بعكس ناس زمان الي ممكن ماشي واعيين كيما شباب ضرك ورغم دلك كان الزواج في سن صغير
دونك علاه
كيما سبق وقالو الاخوة في الردود
كاين لي عندو امكانيات وميتزوجش لانو يشوف في الزواج مشكلة يحصل روحو مع مرا وولاد وكاين تاني رجال ماش تاع مسؤولية لوكان يريحو برك خير من يكونو اسرة تعاني مدى الحياة
ممكن الا كان ماشي قد المسؤولية هاد راح عمرو كامل هكا سوا كبير والا صغير ولكن في الغالب الزواج يخلي الواحد مسؤول
وكاين الامكانيات المادية لي مسمحتلهمش حتى يوجدو روحهم
هادو الله اغالب ما نهدروش عليهم ولو انو هنا لازم يكون مساعفة من البنات ويعاونوهم وطبعا في اطار شرعي ماشي يمشي معاه ويوعدهم ويمنيها وهي تصبر عليه لازم يخطبها على الاقل ويتعاونو واكيد الله ييسر لهم امورهم
وكلشي بايد ربي
تقبلي مروري
سلامي

​

اكيد ان امر الزواج مكتوب من الله ولكن هدا لا يعني ان لا نسبق النية ونضل نقولو كلشي بالمكتوب لانو كيما يقولو اسعى يا عبدي وانا نيسر
​

 

[أم أمين23]

وعليكم السلام ورحمة الله وبركاته
مرحبا اخي
انا عندي 2صحابي في السن تاعي تزوجو ومالقاوش حتى مشاكل وعايشين حياتهم نورمال
الحمد الله وربي اهنيهم بصح احنا ما عرفناش سنك هههه
الزواج في الصغر مليح اذا كان عارف روحو يقدر يتحمل المسؤولية يتزوج وهو صغير خير
اكيد كلام لا جدال فيه
والي فاتو 30 وماتزوجوش كل واحد عندو سبب
الامر مقبول ادا كان السبب معقول لكن فيه من لا سبب له او اسبابه تافهة لا معنى لها وعندو اسباب لجعله تتزوج تغلب اسباب عدم التزوج
وعندي صاحب في عمرو 34 ماتزوجش كي سقسيتو قالي لاتلقو بانفسكم الى التهلكة
شفتي هاد ضرك سبة الله والرسول يحثو على الزواج ويعتبر نصف الدين وهو يقولك لا تلقو بانفسكم للتهلكة يعني كأنو يرى أن تعطيم الزواج في الاسلام غير مبرر
كي قتلو واش قصدك بيها بدا يحكيلي على المشاكل الي سمعهم على الزواج

وقالي ثاني انا نفسي حصلت فيها علاش نتزوج وندير مسؤولية لروحي :s
ههه لكن ماشي كل الاصابع في يدين كيما كاين الي عايشين في مشاكل كاني الي الحمد الله ووعلى فرض ان كل الزيجات فيها مشاكل فالحياة كلها لا طعم لها ان لم يوجد بها مشاكل
..كبرت الخط باش مايعييكش:p​

الله اخليك صح الخطوط الصغيرة اتعب شوي :regards01:
​

 

[أم أمين23]

هذي الظاهرة عندنا حنا في الدار
الي في عمرو 25 زارب على الزواج والي في عمرو 31 مزال ما فكرش
حتى وهم في زوج خاطبين بصح الصغير يخمم في العرس والكبير ولا علابالو
انا نظن كي يتزوجو وهم صغار احسنلهم
يعطيك الصحة ختي على الموضوع الباهي
​

الحمد الله انهم خاطبين يعني على الاقل كاين عندهم النية الاولية وربي يسهللهم في وزوج واهنيهم
واكيد كلامك صحيح الزواج في الصغر افضل حتى بالنسبة للتربية تاع الولاد يعني لما يكون الاباء والاولاد في اعمار متقاربة افضل من انو هو يوصل 40 او اكر ووليدو هنا وين ولد وكي يوصل وليدو للشباب يكون هو خلاص شاب راسو وما يلحقش حتى يربيه ويفرح بيه كيما يحب
​

 

[أم أمين23]

السلام عليكم
وعليكم السلام ورحمة الله وبركاته
مرحبا ام امين
وبكي اخي
كاين اللي يزرب على الزواج يحسابو لعبة على خاطر كي تريح تحكي مع ناس متزوجين كل واحد واش يعطيك :
واحد يقولك ...والله الزواج روعة راك مغبون يا الزوفري.
وواحد اخر يقولك كيما قال صاحب fugi لا تلقوا بانفسكم الى التهلكة
من هنا كل واحد كيفاش يتبمرج.
مليحة هادي كيفاش يتبرمج يعني واحد مبرمج على التفائل في الزواج ولاخر مبرمج على النظرة التشائمية وممكن كيما قالك خويا ماكنش يلعب فيها برك:d
وكاين تاني اللي تلقاهم صغار في العمر و كبار في العقل و ربي موسع عليهم من الناحية المادية....هذا يتزوج خيرلو.
مؤكد
اما الكبار تناع 30 فما فوق انا ضدهم تماما الا اذا كان مايقدرش يعيش المرا اللي رايح يجيبها هاديك حاجة اخرى، بصح في الظروف العادية يتزوج خير خايف من المشاكل ، كرهت من هاد المعيشة ....كمل عليها و تزوج باش الهم يولي صصاحبك وخلاص و كيما يقولو اللي مشقيه ربي ما يريحو العبد، وزيد حاجة اخرى كي تتزوج كبير مبعد تتعب في تربية اولادك تولي في عمرك 60 وهو يكون 16 الشيب اللي في راسك يرجعهولك قوس قزح.
يعني سبقتني بنفس الفكرة واكيد كلامك عين العقل وما عندي ما نزيد عليه
على هادي الرسول صلى اللع عليه و سلم قال{ يا معشر الشباب من استطاع منكم الباءة فليتزوج فإنه أغض للبصر وأحصن للفرج ، ومن لم يستطع فعليه بالصوم فإنه له وجاء } و الباءة مش المال برك فيها الرزانة و المسؤلية و الفهم الواضح للحياة.

بارك الله فيك على الموضوع
وتبقاو على خير
​

وبارك الله فيك على الرد بانتضارك في مواضيع اخرى باذن الله منك او منا
​

 

[أم أمين23]

السلام عليكم و رحمة الله و بركاته
وعليكي السلام ورحمة الله وبركاته
​

هاد الظاهرة راهي كاينة عند كل العايلات الجزايرية
انا عندي وليد خالي عنده 21 عام قريب يتزوج
و وليد عمتي عنده 35 عام مازال ما خممش في الزواج
يمكن كاين ناس تسمع بزاف للهدرة و تخاف من الزواج
لهدا يتهربوا و يروطاردو ..
و كاين لي يتزوج قبل ما يلحق يسمع هدرة تخوفه
و نرجعو و نولو لمكتوب ربي

شكراا على الموضوع
​

يعني من الافضل يتزوجو صغار خير ما يبقاو يستناو ووليو اطلعو واهبطو في الاخر الخاصر هوما اكيد
العفو والشكر لكي للمرور
​

 

[أم أمين23]

يا أختي لمقياس لي درتيه في الموضوع ماشي هو خلاص
انا لم اقل انا مقياسي صحيح انا توقعت ومنتظرة منكم اكيد اراء للتاكيد او النفي وللزيادة على ما اعتقده
كاين ناس مش قاعدة و ناس كرهت زواج لأسباب
كما سبق وقلت ادا كانت الاسباب لها معنى فكلنا سيكون مبارك اقصد الاهل بالدرجة الاولى اما الى اسبابو تافهة زي الي يقولك لا ترمو بانفسكم للتهلكة اين العقل الاقناع في هاد السبب
وسن الزواج ياأختي راهي يقول من 25 حتي 30
شكون الي راهم يقولو حسب علمي 20 يعقدولك في الاميري ما كنش تحديد لسن الزواج
ماشي شرط جيل لي فوق 30 مش حاب يتزوج يعني راه فاهم دنيا

او لي قل من 30 راه غير دنيا غراتو
اكيد انا لم اقل دلك وانا مع انو كل شاب قادر يتزوج يتوكل على ربي وحتى كون عمرو 20

ولي فيها الخير ربي يقدرها

تقبلى مروري
​

مؤكد نورت موضوعي
​

 

[أم أمين23]

السلام عليكم و رحمة الله تعالى و بركاته
وعليكم السلام ورحمة الله وبركاته
يشرفني اني نشارك معاكم برأيي انا عضوة مسجلة جديدة و نتمنى نكون خفيفة الظل عليكم
اهلا وسهلا مرحبا بيك وشرف لينا اكيد انا كسبناك معانا
في الحقيقة عجبني هاذ الموضوع لانه ظاهرة تفشات عندنا في الجزائر
المشكل ماشي في الزواج المبكر المشكلة يا درا هاذ الشاب يقدر يتحمل المسؤولية ام لا ؟؟
اكيد هنا نطرحو فكرة اخرى
انا نخدم تقريبا في مجال ماشي بعيد على الموضوع و هو الحالة المدنية و ما نحكيش على زواج اخر زمن كاين اللي تتزوج بترخيص من المحكمة نظرا للسن الصغير و بعد عام و أحيانا أقل تلحق الورقة تاع الطلاق لأسباب تافهة و هذا اذا دل على شي انما يدل على عدم الوعي بأن الحياة الزوجية مسؤولية دايمة ماشي مؤقتة و نظن ان الزواج بعد الثلاثين بالنسبة للشاب أفضل على الأقل يكون واعي بالمسؤولية و بعد 25 بالنسبة للشابة

​

و طبعا هذا رايي الشخصي

بالتأكيد نحترم رايك ولكن ليس في كل الحالات العمر هو المحدد للعقلية لخاطر كاين الي راهم ثاني فوق ال30 ويتزوجو وما يكملوش العام ويطلقو لاسباب ايضا تافهة فالمعيار ماشي بقدر ماهي تركيبة الشخص في حد ذاتو وعقليتو

 

[أم أمين23]

السلام عليكم

لي تزوج ندم ولي طلق ندم ولي قعد ندم

يعني على جميع الاصعدة نادمين بصح الي تزوج على الاقل ربح انو ممكن ولى اب والي طلق ممكن يكون عندو امكانية يعاود والي قعد مادام ندم راه اكيد راح يخمم وممكن يتزوج

 

[أم أمين23]

السلام عليكم

لي تزوج ندم ولي طلق ندم ولي قعد ندم

يعني ما فيهاش حل بصح ممكن الي تزوج راه ربح على الاقل انو ولى اب والي طلق مادام ندم ممكن يعاود يتزوج والي يرد مرطو والي قعد اكيد مادام ندم ممكن ثاني يتزوج لخاطر الزواج مافيهش وقت وومكن متى نوى الراجل يقدر يتزوج مافيها كلام