ماذاآ ستطبخين اليوم آنستي _سيدتي الجزء °°29°° تبارك الله ماشالله

[ibtesem]

صباح الخير لويزة راكي مبكرة اليوم :d
صباح الخيرات خيرو فيفي
مساء الخيرات
عليكم
نبداو
سموحة بصحتكم من كل شئ هايل امممممم
ربي يشفي وليد خوك
شهرورة امممم دولمة والمحاجب مرة وحدة هي هيهي
دوبارة يادوبارة امممم سخفتيني
نتمنى مانسيت حتى وحدة
عشانا كان

علابالي تغديتو مي رايحين تجوعومن جديد
بصحت الجميع

​

 

[mimi53]

مع طيابك اختي ابتسام اكيد نعاودو نجوعو يعطيك الصحة وتسلم ايدك

 

[somo_81]

طلباتك اوامر ام ندى خلاص المطلوع من اليوم و بصحتك الدوبارة
شهورة يا شهرورة قتلتيني بهادوك المحاجب مركيش بعيدة عليا و قيل نضرب دورة باش ناكل محاجبك و نشوف زين لي دارهم
سماح بشفى على عبد العزيز مسمحتيش غير في اولادك حتى حنا راكي سمحتي فينا توحشناك حنونة بصحتكم كلش
فريدة تروحي سالمة و ترجعي غانمة سلمينا على باباك
زهور حنونة بصحتك الحليب و العصير و ..... و تزيدي تتشرطي ربي يشدلك الميمة انا لعمري نتفنين باش ندير هكدا بصحتك حنونة
بسومتي صباحك روينة و عسل حر و دهان ههههههههههه
و لي نسيتها تسمحلي

 

[somo_81]

يا خاه شكون نسيتها لويزة نستاهل طريحة على هادي النسوة كيفاه راهي لويزتي (لويزة ثقيلة تاع الصح ماشي هاديك الخفيفة تاع الهف)
ميمي53 واش مشبعتيش هم يا بنتي راكي تعودي تطرطقي هههههه
انا فطوري مقرونة تونسية ابا عن جد المقرون تونسية و طماطم تونسية و توابل تونسية برك لي طيبتها جزائرية حرة هههه


درتها في خاطر بنتي برك باش تاكل

 

[samah06]

بسومة بصحتكم لغدا واقبليني ندير معاكم كاسكروت
صومو ربي يعيشك يا مصايب راكم غير انتوما اللي ماننساكمش واش بيك راني نريح غير معاكم
صدقيني راني كنت عند الحفافة وغير دخلت للدار قعدت معاكم
وربي يخليكم ويحفض ما عندكم راني تهولت وهولتكم معايا بمرض عبد العزيز

 

[samah06]

لبنات يعطيكم الصحة كامل كامل بلا دكر اسماء
راكم قايمين بيها
انا راني غديتهم وصفة واعرة بزاف ماجيت نخلصها بالدراع
سلقتلهم البيض وتاني حطيت لهريسة في السوكوب شيطتني
لكن لعشا ندير حاجة خفيفة

 

[somo_81]

تعيشي سموحة مهبلتينا ما والو و بصحتك التحفيفة و الفطور

 

[nada242008]

اممممممممممم همبرغر يشهي ابتسام بصحتكم قرطسيلي واحد هههه :d
صومو مقرونة هايلة واش قصتك مع التوانسة يا مرا هههه
لويزة دوبارة من عند عمي لبسكري لمتغرب في باتنة هههههه
​

 

[oumniati]

allah ybarek 3likoum w 3la tyabkoum elli ychahi

nadouch bssahtek tahwissa, w hadhouk tssawer ylikou carte postale, w bssahtek dobara

mimi bssahatkoum khbiza w lbina allah allah

btissem, bssahtek hamburger koun ghir tkhalili wahed rihem dhourk tji taftar

chahora, dolma w nhajeb ta3 horra, ya3tik saha

somo, labess 3lik, w bsahatkoum macarone , diri kima galet louiza hhhhhh3lik 3la kech loubnani

samah allah ybarek koulchi ychahi, goulili wech hadhak elli m3a el merguez

zehor, raki hayla lguiti hadouk kamel yestanaw fik hhhhh, hadik mchawcha?mmm


rani 3ssart 3ssart moukhi, hadha wech tfakart

el bareh m3a matlou3, dert hrira

 

[ام قصي]

كلش ايشهي
الله الله على خيرة لكتيبة بالفرنسي والمطلوع 4444444444 من التحت لبنات ادخلو اتخير كل وحدي واش اعجبها https://www.4algeria.com/forum/t/365785/
​

 

[somo_81]

ام ندى كي نروح لبلاد راجلي عندهم حوايج تونس قع و الوصفات من عند تونسية متزوج جزائري هنا هادي قصتي مع توانسة عمري مرحتلها و لاشفنها واع واع واع قلبي تحرق عليها و دوك سيطروطار تخلطت مقدرش نروح
لو كان نقولكم حاجة باسبور معنديش :$
يسلمك امنياتي تعيشي أختي معنديش لبناني بصح عندي شاوي يضرب بالهراوة لو مطيبيش :d :d بصح انا مقريتش رد لويزة وين راه واقيل يا بنات راني بديت نعمى حقك عليا لويزة و الله مشفش اقتراحك
يا داك المطلوع امنياتي بصحتكم قوليلي علاه انتي خرجلك مفشفش (اليوم نضربك بعين غير اقري المعوذتين هههههه:p)

 

[oumniati]

سبقتيني صومو، صورتو على جالك وجاية نمدلك شوية اقتراحات
اصبري وليدي تلاح في صاشي ماعرفش يخرج هههههه

 

[somo_81]

امنياتي نروح نصلي العصر و نرجع بلاك نصيب اقتراحاتك ووليدك باين كي بنتي عفاريت بصح عفاريت ملايكة هههه ماكاش منها بصح عقبوهالي ههههههه

 

[ام قصي]

واش بيك سهام
راني شاوية قولي واش حاب راني نفهم عقلية الشاوية فضفضي
​

 

[samah06]

لبنات وانا 17 سنة وانا نعاني عند الشاوية
وراني نقول غير يفوت عليا رمضان ومنتقابضش معاهم
في رمضان يهبلو خلاص
ولوكان تطبخي الماكلة بيضا يهبلو
نطبخ الابيض غير ليا
وعند الشاوية لازم يطيبو فالصباح ولعشيا مع خبيز الكسرا نحمد ربي كطي نعود وحدي
راجلي مش زيهم خلاص وحدو

 

[samah06]

لبنات يخي صارحتكم وقلتلكم الطبيخ خاطيني
دبرو عليا واش ندير للعشا عندي كلشيء الا اللحم الاحمر ماكانش
عندي الجاج
قلت راجلي شاوي قالي دسيري بربوشة واولادي حبو الجلبانة وانا حبيت نرقد

 

[oumniati]

هههههه ربي يحفظهم

قلتلك البارح إما ماراكيش تخليه يطلع أو يطلع بزاف حتى يخرجو طلوع

وكي شفتو قلت بالاك راكي تخليه يابس

يخي شفتي موضوع فوفة، هذيك هي الطريقة المعروفة، لازم برك تراعي هذو النقاط

1 السميد يكون مليح، واذا شكيتي فيه زيديلو كمشة فرينة
2 الخميرة تكون كافية، انا ندير مغرفة كبيرة في 4قريصات صغار
3 الماء لازم يكون دافي مليح، ماشي يغلي وماشي بارد
4 المطلوع كلما يتعجن يجي مليح، بصح في حالتك ماكالاه تفورصي
5 مالازمش يكون يابس وثاني ماشي جاري بزاف يلصقلك
6 كي تقرصيه ماترقيهش بزاف
7 ماتحطيش قرصة فوق قرصة
8 فرشيلهم:d
9 غطيهم :p
10 سخني الطاجين مليح
11 عبزي بالشوية بصبعك لازم تشوفي الأثر تاع صبعك باه تعرفي اذا طلع
12 ابداي تطيبي، لوحي القرصة، تشوفيها بوطت 1ولا 2 اثقبيهم وقلبيها
13 كي تقلبيها المرة الاولى اصبري عليها شوية حتى تطلع ثم زيدي ثقبيها من هذا الوجه
14 بعدما تثقبيها ابقاي غير تدوري فيها في الطاجين بحركة دائرية يخي فهمتي، وكل مرة طلي عليها حتى تحمار
15 كي تحمار قلبيها على الوجه الاول وحمريه ،ثم حوشيها وبصحتكم:up:

كاينة نقطة برك ماحبيتش نركز عليها كي راكي مريضة من يدك، وهي اننا احنا كي نعجنو المطلوع نقطعوه، ماعرفتش نشرحلك، يعني ماشي كيما عجين الفطير ندلكوه


راني حاولت نمدلك النقاط اللي نعرف شوفي انت واشمن مرحلة فيها خلل


لبنات زيدولنا شوية سوكريات:-h:-r

 

[oumniati]

سماح ديري جاج في الكوشة مع بطاطا

 

[ام قصي]

بشويش على الشاوية احنا شاوية لتقولو ذلو
انتي امنين ياسماح
هيا كولو الزرير انتاع الشاوية
واينك ياحدة اتعاونيني اندخلوهم لخيمة انتاع الشاوية انخرجوهم ...........ههههههههههه

​

 

[ام قصي]

خيرة راكي اديري نفس طريقتي ولكن زيدي مغرفة ماكلة زيت كي اتبليها واتشوفي
​