ماذاآ ستطبخين اليوم آنستي _سيدتي الجزء °°29°° تبارك الله ماشالله

[imane27]

عشانا بيتزا

 

[عفاف الجزائرية]

صباحكم بالخير بنات
خليتكم في الصفحة 6 رجعت لقيتكم في 13 ربي يبارك عليكم
مربحا بروعة على سلامتك حبيبتي
وشوشو وميمي وكامل لبناااات اهلا وسهلا بيكم
اني جاميتكم كامل كامل ما قدرتش نذكركم لانكم ربي يبارك عليكم كل واحدة متميزة باطباقها واكلاتها
جيت نطل عليكم وجبتلكم في يدي منام
لبارح في منام ربي بايتة نشوف في امنياتي وفريدة يعني كوثر الوهرانية شغل كنا معروضين لعرس مي احنا قاعدين في شومبرا وحدنا ومعانا زوج عجايز
حطولنا اهل العرس هاذوك المريش يعين الرقاق اللي مخلط بالعسل والكوكاو وووو
كلاو منو هاذوك العجايز وذقنا حنايا ومباعد فريدة قالت اذا ما كلاوهش نرفدو باه كي نروح نصورو للبنات في المة يوشوفه
ومباعد بداو يجيبولنا في العشاء بداولنا بالحلو مع شباح الصفرة مفصلينو شكل ورقة ودايرين طبقة بطبقة يعني طبقة من تحت مشيمشة هاذيك ومن فوقو المكسرات وفوقوالجنجلانية وفوقو اللوز مرحي وحد الفصالة يعني تخيلوها كامل هاذو طبقات ومباعد مشبحين بيهم الطاجين الحلو
حطوهم العجايز هاذوك غمسو في لاصوص نتاع الحلو برك وخلاو هاذاك لشباح غمزتني خيرة قاتلي صوري صوري للبنات باه يشوفو كيفاه مخدوم
وكان محطوط في الطبسي زوج حبات هاذوك العجايز كي رفدت الطبسي باه نصورو ظهرلهم ياكلو قاتلي هاتي نذوقو منو ابنتي شوي
انا مديتلها حبة وخيرة تنغز فيا من تحت تقولي احمي قبل لا يفسدوها باه نحطوها في اللمة
والله نضت ميتة بالضحك يعني حتى اللمة والاطباق ووو لاحقينني في المنام
وفرحانة نفس الشي كي تلاقيت فريدة وخيرة في المنام يعني حتى وما يلاقينيش ربي بيهم في الدنيا شفتهم في النوم
ربي يحفظكم كامل خواتاتي ويحفظلنا لمتنا ويخلينا كامل كلمة واحدة ضحكة واحدة ويد واحدة
ربي يهنيكم
ايه انا راني مع القاطو لبارح عملت مودال ب 350 حبة كملتو وليم رح ندير مودال تاني
درت لي كوفر ورح ندير الصابلي نتاعالسيقار بالشوكولا من فوق
نهاركم مبروك
​

 

[mimi53]

صباحكم سعيد لبنات
ماشاء الله الله الله عليكم راكم تووووووووووووب
ايمانو وبيتزا ديالك جوعتيني مع صبح واش ندير انا درك
ابتسامو مرسي حبيبتي ربي يخليك
ام كوثر الله يبارك اطباق في منتهى الروعةولا تيراميسو يشهي قوليلي الكريمة السوداء اللي من فوق كيفاش درتيها ياريت الطريقة وحبدا لو تحطيها موضوع اكون شاكرة
حدودتي يعطيك الصحة على الروز تسلم ايدك
اما بالنسبة للقراتان
بطاطا طيبتها في كوكوت واهرستها وتبلتها ودرتلها الفوماج
السلق دوزنتو وزدتلو اللحم مرحي والبصلة
درت كوش نتاع البطاطا ودرت كوش نتاع السلق وكوش وحدوخرا نتاع البطاطا وفرماج
وشهية طيبة للجميع
منعرفش نشرح انشاء الله تكوني فهمتيني

 

[mimi53]

عفوفة بنجور حبيبتي الله يعينيك متنسايش تصوري

 

[mimi53]

لبنات اليوم درت كرواصون قوليلي ادا جاني مليح ولا لا

 

[MĺŹǾ žĕĥÔŖ]

اممممممممممممممم صدقيني قبل ما نقرى بلي نتي درتيه عمبالي مشري

والله غير يعطيك الصحااااااااااا

تسلم ايدي ميميتااااا

خرجلك فوووووووووووووووور وديكور
​

 

[MĺŹǾ žĕĥÔŖ]

لبنااااااااااات مدولي كيكة الأناناس المقلوبة

ولا أي وصفة ديال كيك بالأناناس تعيشو

باش لعشيا إن شاء الله نديرها
​

 

[mimi53]

[SIZE="5"[COLOR="Black"]]ميزو ربي يخليك حنونة تعيشي
كيكة الاناناس منعرفش انشاء الله لبنات يفيدوك[/SIZE][/COLOR]

 

[NaNouS]

السلام عليكم البنات
بصحتكم كامل يالبنات والله كلشي يشهي الله يبارك
عفاف الجزائرية منامة خير ان شاء الله تتلمو في الحقيقة وربي معاك في القاطو
هدا غدايا

على قولة بسوميتا بصحت الجميع

 

[ibtesem]

يسعد مساكم يالبنات واش راكم كي صبحتو
لويزة بصحتك البيتزا
علاش معملتيش كيما قالتلك حدة وحدة كبيرة وكلتوها بالفراشط هههههههههه حبيت نشوف تطبيق
عجبتني تاع المرقاز امممم
ميمتا اممم على الكواسون جات هايل بصحتكم القهوة
فوفتي الله الله على الفيلم قصدالمنامة اممم سخفتيني واش كليتو ههههههههه
بصحتك القعدة
عشانا كان
لحم في الفرن

هدا الحلو
شهرورة راني طبقت وصفة اخرى من الكتاب صراحة جات امممممممممممم

لي تارت بالكاكاو

بصحت الجميع​

 

[ibtesem]

نانوسيتا بصحتك السباقيتي لعريضة
اممم مع الفرماج

 

[mimi53]

[COLOR="DarkRed"[COLOR="Black"]]نانو وابتسامو [/COLOR] امممممممم يعطيكم الصحة
ابتسامو التارتات خرجولك تحفة يعطيك الصحة
[/COLOR]

 

[nada242008]

السلام عليكم لبنات
ليوم اعفوني من التقرير هههههههه راني جاميتكم والله هذا وين دخلت للدار كانت عندنا قضية في قسنطينة من 6 تاع الصباح وهذا وين وصلنا
المهم ضربت الشوا في عين مليلة امممممممممم وصورتلكم من قلب الحدث هههههه

وهذا طسروطي كيما تقول واحدة الله يذكرها بالخير اسمها صبرينة فرا.. :d

​

 

[ibtesem]

ههههههه ندود بصحتم سكروط على قولت خويا هههه
بصح سكروطك هرب خاف لنكلو صورة هههههه

 

[SAMIRA25]

السلام عليكم لبنات

ليوم اعفوني من التقرير هههههههه راني جاميتكم والله هذا وين دخلت للدار كانت عندنا قضية في قسنطينة من 6 تاع الصباح وهذا وين وصلنا
المهم ضربت الشوا في عين مليلة امممممممممم وصورتلكم من قلب الحدث هههههه

​

وهذا طسروطي كيما تقول واحدة الله يذكرها بالخير اسمها صبرينة فرا.. :d

​

يميم سخفتيني ام ندى بصحتكم تدهويرة في قسنطينة و الكاسكروطات و ربي يحفظلك وليداتك

 

[ميس مرام]

يعطيكم الصحة على الأطباق الشهية
ندخل هنا غير نتشهى:-r

 

[prncess fifi]

لويزة وبيتزا هادي المقولة تاعي ههههه يعطيك الصحة وبصحتكم
ميمي الكرواسون خرجلك هايل ربي يعطيك ويمنيك ان شاء الله
عفوفة منام خير ان شاء الله وخيرة راهي ضربت النح هاد الايامات وقيلا راهي مع تنظيف ا تاع الربيع
بسومة يا بسومتي بصحتك البطاطا واللحم ولي تارت خرجولك روعة يعطيك الصحة انا اليوم ستقهويت بالدونات تاع تيم هورتن وين حبت توصل توصل هههههه
ندوشتي بصحتكم الخرجة والكاسكروطات ماشي في الدار وما نسيتيش تصوري هههه نستعرف بيك
بصحة الجميع

 

[NaNouS]

اممم بصحتك هداك الكاسكروط الريحة انتاعو ضربتني حتى هنا عندي واش راهي قسنطينة عجبتك التحويسة وبصحتها ندوشيتا

 

[somo_81]

مساء الخير و الفل و الياسمين مبروكة كوزينة جديدة تاع عفوفة قلبي الزينة راني روطار مي خير من والو :d نحط واش فات امبعد
نخرج هاداك اللسان لي يخافوه المشرفات :p :p:p:p

لاسوب تاع البصل

بوراك وهادوك لي فيهم خطوط تاع ديول حارين امبعد نحط صورتهم و 2 لوخرين تاع حنونتي ايلينا

مورصو تاع جاج محمر شراتو لوستي هادا واش طارلنا منو غادني محبيتش نحقرو حطيتو هو تاني :d :d


متروحوش مازال :d :d :d

 

[prncess fifi]

نانوسيتا اسمحيلي حبيبتي نسيتك بصحتك انتي والاولاد السباقيتي بالفرماج راهي تشهي
صومو اطياق تشهي وهداك البوراك نزاحم بنتك هاتي حبة هههه بصحتكم حنونة وربي يدوم النعمة على الجميع