ماذاآ ستطبخين اليوم آنستي _سيدتي الجزء °°29°° تبارك الله ماشالله

[زائــــــــرة حلوة]

م
على سلامة يالحمامة توحشتك ربي لي عالم

تتوحشك الجنة إن شاء الله, ياابتيسو راهو القلب على القلب نحسب بالدقيقة باه نرجعلكم:-o الولف بيكم ساهل والفراق ماقدرت عنوووو
==
كوصر خانم ميرسي على الجام ونتي ثاني من الجماعة اللي في القلب :love01:
​

 

[somo_81]

على سلامتك فريدة

 

[imane27]

صح نومكم لبنات
حنا وقت لعشاء كونت برا درتلهم همبورقر
اهلا حلوة توحشناك يالالة واش كونت دري هاد سمانة ياجارتى

 

[SAMIRA25]

السلام عليكم
بصحتكم كامل واش طيبتو كل شيء يشهي من يديكم
هدو بعض اطباقي تاع الايامات لي فاتو

ربي يحفظها نعمة من الزوال و يباركنا في ارزاقنا​

 

[omarwa]

صباح الخير لبنات عليكم
سارة بصحتكم المادلان
ام قصي اممم طاجين الجبن هايل ر
زهور بصحتكم البيتزا راهي تشهي
عفوفة ياعفوفة على هداك الطبسي نتاع البركوكس راه يشهي بصح محمد مخلانا والو بصحتكم

 

[omarwa]

سميرة اطباقك هايلة بصحتكم كاش مرة نجي عندك وطيبيلي هكدا هههههه
لويزة بصحتكم الهامبونقر امممممم

 

[SAMIRA25]

ام اروى يعطيك الصحة اختي و الله مرحبا بيك في اي وقت تنوريني و نطيبلك خير من هدو

 

[somo_81]

صباح الخير عليكم الفحلات
سميرة الله يبارك تخبي تخبي و تخرجينا خرجات واعرين واش هادا يا شاف بصحتكم ما شاء الله

 

[serinee]

صباح النور البنات نتمنى تكونو كامل بخير
و يعطيكم الصحة كامل واش درتو الله يبارك خموس عليك
و انا توحشتكم و جيت ليكم مي محبيتش نجي و يديا فارغين
ايا هدا تشاراك ام اماني ممممم جاني يهبل دوقو مي الشكل شوية شوية و يعطيك الصحة غاليتنا ام اماني


و هدي بيتزا

اما هدي موسكوتشو بطريقة ام ندى ربي يعطيها ماتتمنى


و هدي كيكة المورانغ لام سامي جاتني ممممممممممممم كامل يجبهم ربي يعطيها الصحة

و هدو كعكعات عملتهم و زينتهم بالشكولا و الكاوكاو




​

 

[ibtesem]

صباح ااخير علي وردات بلادي
واش راكم
الله الله ياسميرة اطباق هايلة جوعتيني قبل متنسرب
القهوة
سيربن اهلاببك بصحنك واش عملتي
ايم البقية مزال يتكسلو في اوكوزينة
يالله يالله اقفزو راح الحال
ام اروا بصحتك واش طيبتي
تحياتي للجميع لي عودة من بعد

 

[مطبخ الأحلام]

السلام عليكم

كيف حال حباباتنا اللماويات الطباخات الماهرات

دوي خبرة مند سنين :d عساكم بخير وصحة وعافية

صحا فطوركم وحدة وحدة

ولي دار فاكونس ورجع مرحبابيه ولي مزال ربي يسهلو وهي ماشية

ممممم البارحة ومارى عليكم ان شاء الله خرجنا في جولة بسيطة مع الأقارب

كانت خرجة حلوة سكر قلعت ضغوطات من مخي بزاف

اترككم مع الصور































في أمان الله احبابي





​

 

[MĺŹǾ žĕĥÔŖ]

ميزو بصحتكم البيتزا الله ابارك جاتك تحبة تسلم الايادي بصحت خوك

ربي يخليك طاطاتي ابتسامو عينيك الحلوة الي تشووووووف كلشي حلو

الله يسلمك :regards01:

التشيز كيك جاااك رووووووووووعة ياريت تحطيلنا وصفة ناجحة من عندك باسكووو سخفت عليه يم يم :d
ربي يحفظك
​

 

[MĺŹǾ žĕĥÔŖ]

صباااااااااااااااااح الأنواااار حبيباتي

جبتلكم حلو ربي يجعل ياماتكم كامل حلوة

وهي البِسِيمَة جات رووووووووووووووعة

:d
​

​

 

[NaNouS]

السلام عليكم
يعطيكم الصحة يالبنات على هاد الاطباق كلشي يشهي الله يبارك مالقيت ما نسمي واش نخلي طاجين الجبن انتاع ام قصي ولا البيتزا السبيسيال ولا المادلان سراح ولا اطباق سميرة والقاطو انتاع سيرين وبطاطا انتاع ساندريلا والعيش انتاع عفاف وكملت علينا ميس سوسو وهداك الغدا برا الله الله والنعناع بصحتكم كامل يا البنات

 

[NaNouS]

امممم زهور جبتيه في وقتو نحلي بيه من ورا الغدا يعطيك الصحة جاوك هايلين
هدا غدايا سباقيتي

 

[مطبخ الأحلام]

سوسو وهداك الغدا برا الله الله والنعناع بصحتكم كامل يا البنات

الله يسلمك حبيبة عقبال ليك خرجة أحسن من هادي

تعيشي حنونة
​

 

[MĺŹǾ žĕĥÔŖ]

امممم زهور جبتيه في وقتو نحلي بيه من ورا الغدا يعطيك الصحة جاوك هايلين
هدا غدايا سباقيتي

ننسوووووووووووووستي السبيسيال والحلو لعيووونك غاليتي

انا تغديت حريرة با السباقيتي دياالك نديه ههههههههههههههههه

تسلم دياااااااتك حبوبة
​

 

[السلطانة]

ميس سوسو بصحتكم التحويسة يممم والاكل يشهي

زهور بسيمة وعليها لكلام يعطيك الصحة

سميرة25 يممممم يعطيك الف عافية

سارة لي مادلان تاعك تحفة تسلم الايادي
والبركوكس تاع عفاف يممممممم
هادا نجي لعندك وديريهولي يعطيك الصحة

هادا لغدا لي طيبتو اليوم
زوج فخاد دجاج محشيين بصوص بيضا

​

 

[مطبخ الأحلام]

ميس سوسو بصحتكم التحويسة يممم والاكل يشهي

الله يسلمك ختيتو

مممممممممم علاش راني نقول هدي حصلت فالكوزينة

كانت دير زيتون كلشي راه يشهي يعطيك الصحة حبيبة

اكيد كليتي حقي :d

بالصحة والهنا حنونة
​

 

[ibtesem]

مساء الخيرات عليكم يالبنات مرة اخرى
ميس سوسو الله الله على الكرجة في الربيع والبيكنك لي عملتوها تشهي
هداك تاع لي منعنع امممم راه اعيطلي
ميزو بصحتكم البسيمة اممم تكلها برك اشهي واش هو ذوقها اكيد فوق الرائع
شوشو اممم فكرتيني في طاجين الزيتون مع فخاض المحشيشن جعت صح صح
نانو يا نانو نطلق عليك بناتي اموتو على السباقيتي
بصحت الكل
كاين وحدة تاخرت اليوم معرف علاش رانا نستنوانها :d
عشانا كان

سلطة بذنجال

g ناوية

كفتة

بصحت الجميع
ميزو راني عملت التشيز كايك بالمراحل اختي من بعد نحطها