&&...التمنشير..&&

[فتاة حساسة]

التمنشير شو معناه
.................................................ز​

اهلين بيك يا عرقية ..التمنشير معاناتو التعليق على احوال الناس :p​

 

[فتاة حساسة]

مشكورة حبيبتي على الموضوع الجميل اللي نقدرو نقولو مرض العصر
بكري كان التمنشير للنسا بصح اليوم كي الرجال كي النسا و ماشي غير في الأعراس برك
و المليحة تلقى واحدة تمنشر حتى تشبع ومبعد تقول يا ربي اسمحلي بصح راني نهدر في الصح مانيش نقطع ........ههههههههه ربي يهدينا و يهدي أمة محمد عليه الصلاة و السلام

هههههههههههههههههههههه هادي كاينا منها تاع نمنشر بالصح اني نهدر فالصح هههههههههههههههههههه مشكورة اخيت على المرور نورتي يا غاليه​

 

[فتاة حساسة]

السلام عليكم ورحمة الله وبركاته
يا ختي تعرفيني وأنتي لقريبة مني كاش نهار منشرت؟؟ والله ماراني شافية
صراحة أنا نشوف عبد مانشوف لا مع اللبسة لا مع والو نشوف مع العقلية عجبتني نتقرب ماعجبتنيش تبعد هادي هي
والحمد لله
​

هههههههههههههههههههه انا اللي نعرفك اسيسوووو ..مشكورة ختي على المرور ..نورتي :d​

 

[نجمة الغروب]

اهلين بيك يا عرقية ..التمنشير معاناتو التعليق على احوال الناس :p​

اهلا بيك حبيبتي
هههههههههههههههههههه
هذي حالة لااحد يخلص منها​

​

 

[رضوان40]

التمنــــــــــــــــــــــــــــــــــــــــــــــــــــــــــــــــــــــــــــــــــــــــشيـــــــــــــــــــــــــــــــــــــــــــــــــــــــــــــــــــــر

من صان لسانه دخل الجنة
ولكن في الوقت الحالي واحد لا منع من التمنشير ولا واح ما يمنشر حتى البكوووووووووووووووش رجع يمنشر ربي يهدي ما خلق موضوع في غاية القمة
اختي نجلاـــــــــــــــــــــــــــــــــــــــــــــــــــــء

​

 

[بنت الـ25]

صحيتي نجلا راكي منورة كي العادة:up:
التمنشير العادة اللي موحال تندثر ههههههه
وفي ديننا يسموها الغيبة :down:
وراهي مش مليحة صح:-o
وربي قالنا " أيحب أحدكم أن يأكل لحم أخيه ميتا فكرهتموه" صدق الله العظيم
وياما مستنينا فالدار الآخرة ...
مي النسا لي قعدتي معاهم كارثة كون جيت في بلاصتك ندير فيهم لعمايل ههههه

قلتي:
منشرتو كاش نهار ..وواش قلتو

يا مخلوقة خلي البير بغطاه هههههههه
كامل منشرنا والشي لكبير لي نشفالو خلي شوشو ونونو لي يحكيولك:p خخخخخ

ربي يغفرلنا برك:-r​

 

[فتاة حساسة]

اهلا بيك مينو هههههههههههههههههههههههههههههههههههه..

للالالا احكيلي نتي واش هدرتي ههههههههههههههههههههههههههههه ..


ايه والله راحت فينا طبيعا تاع التمنشير..

اما النساوين هادوك اني شعرا ونضت ليهم هههههههههه ..

مشكورة منمونة على المرور..نورتي يا غالية :d​

 

[ђĩหđǿĉħǻ]

ههههههههههه نكذب عليها لوكان نقول لا ههههههه
قع نمنشروا... الله يغفرلنا
​

 

[FATIMA 19]

أنا نعلق هههههههههههه

أنا صراحة نمنشر سيرتو في العرس نضحك حتان توجعني كرشي نحبو نعلقو مي في حدود
هههه

 

[zagane]

السلام عليكم ورحة الله تعالى وبركاته ...

ان شاء الله تكون ملاح ...الدعوة مليحا ..

جبتلكم اليوم موضوع العصر اللي هوا "التمنشيييييييييرر ..."


التمنشير كيما نعرفوه هو التعليق على الناس على حوايجهم ...على كل شي ..


وهادي العادة خاصة بزااااف بالنساوين ..سورثو كي بكون في العرس يا محاينك ..ريحة النجارة تشمه من
بعيد


هادي مرة كنا في وحد العرس ..الله يابرك مالين العرس ماخلاو حتى حاجا ماداروهاش ...وكنت قاعدة قدام ..جماعة تاع النساوين وقاعدين ياكلو في الgاطو ..نضرب لوحدة قالتلهم ايه هادا مديارتو باللوز ..ماشي خير كون دارتو بالجوز ..ونطقت وحدا من هيه قالتها نتي وشبيك الجزو غالي مايقدرولوش :s :s يا خراااب بيتي شعرا ونطقت ليهم وقلتهلم ..كولو بلا تعليق
:-r :-r

يلقاو واحد طويل يقولو الطوالا للشجر..

واحد سمين السمانة للبgر

..قصير واشبيك داخل للرض..


تلبس حاجا يمنشرو كيما دير ماخارجاش ..تمنشير فيها فيها ...


دوك السؤال المطروح ..


منشرتو كاش نهار ..وواش قلتو :p :p

حتى الرجال وولاو يمنشرو ..


المهم ربي يهدينا أجعين ويغفر لنا التمنشير اللي درناه ..نتمني يعجبكم الموضوع ..&& سلامي لكم &&​

السلام عليكم
المنشاريات دايرا حالة

 

[mina-]

اناا خطيني تمنشير و على هدا ختنتي متحكيش معايا بزاف خاطرش انا كيتمنشر نقولها كل واحد يدبر راسوااا حنايا دنوبنا مقدينالهمش نزيدوا نمنشروا فناس و ندولهم دنوبهم ربي يهديناا

 

[فتاة حساسة]

شكراع لى المرور .نورتو​

 

[Minoucha2]

نــقولك حــاجة

لوكــان تقــعدي قــعدة مــع صحــباتك أو أهــلك و مــا تمــنشريش و الله مـا تـكون قــعدة زيــنة :d

مــانيش نحـيي فالتمــنشير و إنمــا مــا كـانش جــزائري أو جــزائرية مــا مـنشرش أو مــا مــنشرتـش

أصــلا كــي تجــمعي مــع صحـباتك أو أي أحــد مـا تحـسيش بــروحك حـتى تــلقاي روــحك تهــدري فــي فـلان/ة ههههههه

و القــعدة بــلا تمــنشير تــسما تــكمــليها و نـتي ســاكتة مــا تــلقايش واش تـحكي يعــني تحــكي عــلى حــاجة و بعــدها تسـكتي أمــا كــي تمــنشري تــشدي فالمــوضوع و تــلهي روحــك و بذلــك تــكون قعــدة مـا تتــنساش :d هــاذي حــقيقة و لــيست مـجرد قـول
​

 

[Minoucha2]

و لكــن رغــم هــذا أنــا مــا نــمنشــرش و نقــلل مـن جمـعة الصحــبات لأنــو هــي اللي يكــثر فــيها التمــنشير و كــيما قــالت الأخــت مــينا لمــا يجــوا يهــدرولي عــلى فــلانة نقــولهم كــل واحـد يــدبر راســو
​

 

[yac94]

هههههههههه التمنشير أختي هي الخدمة تاع الي فارغين شغل
بارك الله فيك على الموضوع الباهي ​