غيرة لبنات

[محمد إبن الصحراء]

:up::regards01: سلام عليكم من تندوف ):regards01::up:

رانا نسمعو بزاف على بعض لبنات لي ماشي متزوجات يدابزو مع زوجة خوهم على أتفه الاسباب

( يدابزو على الكوزينا .....وعلى نيطواياج .......وعلى لولاد الصغار مثل : شدي ولدك راه كدا....وتشتعل النار

وكاين في بعض الاحيان يتلايمو عليها وهدا يكون دايمن في غياب الاخ لي هو الزوج

وهدي الحالة تكون بكثرة كي تكون زوجة الاخ عايشة مع أخوات زوجها في منزل واحد

****** وين السبب ********

* لان زوجة خوهم متزوجة وهن لا ( عزبات )

*خوهم يعامل زوجتو خير منهن

* ولا الزوجة متسلطة ؟؟

ممكن تقولو : الاخ ماعنده من حل غي يروح يدير دارو وحدو ويتهنا ........ ( صحيح )

************* ولكككككككككن **********

لنفرض هدا الاخ متكفل بمصاريف وشئون العائلة وابيه ميت أو معاق

الحال يفرض عليها العيش مغ خياته في منزل العائلة رفقة زوجته

****** وهنا تشتعل النار من جديد ********

 

[بنت الـ25]

أهلا أخي محمد
موضوع شائك جدا ونقدرو ندرسوه من قداه نـ زاوية
أولا: المرأة اللي تعرف تعيّش روحها رح تكسب سلافاتها (أخوات زوجها) ويوليو يعاملوها كأختهم وأعز
مي ديفوا تلقى أخوات الزوج لا يحتملو لدرجة الملاحة ما تنفعش معاهم ولا كيما قلت
مهما يكونوا ناس ملاح الغيرة متخليلهمش يكونو حباب
والعكس صحيح
أنا مرّت عليا قضية تع وحدة في عمرها 18 سنة متزوجة وعايشة مع أهل زوجها في الفيلا تعهم
مي هي مسكنها مستقل اثاثا ومعاشا ومدخلا
وحد النهار هي كانت في دارها جات عندها سلفتها قاتلها : قاتلك يما نقصي فالتيلي
الزوجة زكارة قاتلها ياخي في داري ندير وش نحب ومحبتش تنقص فيه
تلاحت سلفتها لاكوموند باش تنقص وتضربها مرت خوها وتقوم الحرب
جى لعشية الزوج يلقى كل وحدة تندب في كوانة كي استفسر امو قاتلو : مرتك مدت يدها على اختك
هو بدون تفكير رمى عليها يمين الطلاق واداها لبيت أهلها
وولات القضية فالمحاكم وتطلقت مولات الـ 18 سنة وهي حامل وانتهت حياتها قبل أن تبدأ
والسبب مشكل تافه بينها وبين أخت زوجها

الحل يا محمد خويا درء المشاكل من أول يوم وتسكن الزوجة وحدها
أما إذا كان الزوج كيما قلت متكفل بمصاريف العائلة ...الخ وميقدرش يخرج عليها
يلزم طرف من الأطراف يتنازل
يا الزوجة يا مرتو يا خياتو ويخليو المكب تمشي
يقولك إذا لقيت زوج متفاهمين يااو الدرك على واحد

تحياتي
​

 

[السلطانة]

وعليكم السلام

موضوع باهي يعطيك الصحة

كلشي على لمرا بيدها البالون
هي لي تقدر تكسب سلافاتها ووالدة زوجها كيما هي لي قادرة تخسرهم بكل سهولة
الاحترام واللسان لحلو
وحُسن المعاملة
مع الوقت ييبو نتية حتى ولو كانو اشرار هاد الناس قادرة تكسبهم
بشرط تبقى ديما تشوف من بعيد
يعني متخلطش في مشاكلهم وتدخل روحها في حكايات
المجتمع الجزايري مليان مشاكل عائلية على أتفه الأسباب تنوض
ربي يكبرلنا لعقل
تقبل مروري اخي
سلامي

​

 

[أم راضية ~_]

السلام عليكم
موضوع شباب بزااااااااف ومليح
هيا صح شفت امتلة تاع يغيرو من مرت خوهم على خاطر متزوجة ( ماعندهمش الحق)
وخوهم يعاملها مليح و معاهم يضل يعيط عليهم ( عندهم شوية حق يغيرو منها )
وكاين وين العروسة تجي كالبة ما تعاونهمش وتزيد تدير المشاكل فالدار و ماشي حاكمة ولادها و تاع زكارة تقولك راجلي راهو يصرف عليهم ( عندهم الحق هنا )
ويبقى كاين وكاين
​

 

[Ma$Ter]

وعليكم السلاام وبركاته
ربى يهديهم هاذ المشاكل دايما كاينة
الشهر اللى فات وين نسكن انا زوج بنات ضربتو زوجة خوهم بالسكين
قريب يقتلوها درك راهم فى السجن :d

​

 

[بنـ MaPa ـت]

وعليكم السلآم

والله يا اخي في السوجي هادا ماكانش اسباب معينة
وغالبا ماتكون الغيرة سبب المشاكل بين الزوجة ولواساتها
وباش يجيو ليبروبلام غير هكداك من المستحيل
اما تكون الزوجة ماشي مليحة واما احد اللواسات
والمعيشة في دار كبيرة وخيات ياسرين ماهي معيشة
لانو ماكانش يوم ومايوقعلهمش فيه مشكل كيما قلت على الطياب ولا الشغل والولاد...الخ
ياو ديفوا في اللبسة ويرقعولها كاش بروبلام معاه

السوجي هادا ماعندوش حدود وحلول كيما قالت خيتي مينات الملاحة وماتنفعش مع شي عباد

مشكور على الموضوع خيو
سلآمي
​

 

[عاشقة الكرة]

سلام أخي
صحيت كاينة منها هاذ الهدرة أحنا وش نقولو عاند وماتحسدش لي جاها مكتوبها تحمد ربي ولي ماجاهاش ثاني الدنيا مكاتيب وربي لي عارف الخير وين ولي تخمم هكا ربي يهديها ويصلحلها رايها
تقبل مروري
تحياتــــــــــي​

 

[Selma 30]

وعليكم السلام ورحمة الله
مشاكل العروسة واللوسة نسمعو عليهم بزااف
بصح كل واحد والكا تاعو
ساعات العروسة تكون وااااعرة ولسانها طويل
تهبل الراجل حتى يكره دارهم ويبرد زعافو في خواتاتو
خاصة لاكانو ماش مزوجات وكبارات تان
وساعات العروسة تكون عاقلة مسكينة واللواسات يهبلوها
وحتى يحرشو يماهم تان باش تعمر وليدها
وهو لا خبر ياخد راي يماه وكلشي يخرجو في مرتو
واللي يغيض بصح الراجل اللي مايعرف مايدير لا يرضي يماه وخياتو ولا مرتو
قاعد بين ناريين وهوما لاهبين الدار لهيب وواحد فيهم مايتنازل

بصح اللواسات ماشي مزوجات وفهمنا قال قال يغيرو كيفاه هي تزوجت ودات خوهم وهوما لالا
انا اللي ماز ال لحد الآن مفهمتوش لواسات كل وحدة في دارها وبولادها ومع راجلها
وتحب دير المشاكل للعروسة اللي عايشة مع يماها :s
وحدة قريبتي عندها لوستها تسكن في ولاية واحدوخرا وتحرش يماها في التيليفون باش تدير المنكر في العروسة (قريبتي)
وزيد يضغطوا على خوهم باش يقعد ساكن في دار يماه ومايرحلش وحدو مع انو ماشي هو الولد الوحيد ولا هو معيل الاسرة وزيد هوما كل وحدة فيهم شارطة دارها وحدها بعيد على العجوزة ؟؟؟؟ انا هنا صح مافمتش :s
ووحدة جارتنا مسكينة جابولها مراض الدنيا كامل وكانو تان يرفدو يديهم عليها وين نسمعوها تعيط , وتان مزوجات وفي ديارهم ربي يهديهم

باش يقدرو يعيشو لازم كل واحد من الطرفين يغمض عينو على شي امور ومايكبرش كلشي, بصح الحمل لاطاح على طرف واحد برك هاذ ماشي حل والمشاكل مايخلاصوش
يقولك الحبل لاتشدو بزااف يتقطع ولا ترخفو ينطلق هاذي هي
وفي الدنيا لازم نتعلمو نتعايشو مع بعضياتنا ونساعفو بعضانا

بارك الله فيك
​

 

[zagane]

السلام عليكم
الغيرة تعمي البصيرة

 

[nanoche]

يعطيك الصحة أخي على هاذ الموضوع و الحقيقة انه محال ينحل لغز الغيرة بين زوجة الأخ و أخت الزوج
لأنه إذا افترضنا أن اللوسة تخدم و زوجة الأخ قاعدة في البيت هنا تبدا زوجة الأخ تغير من لوستها و تحس روحها بونيشة في الدار و إذا كان العكس كيف كيف نفس المشكل و نلقاو دايما الضحيةهو الزوج المسكين
و في رايي مكانش كيما اللي يتزوج في داره وحده و يقسم الهم كيما يقولو ناس بكري
​

 

[روز]

المشاكل من هذ النوع كما يعي الراجل ينقص منها ماتروحش لان الغيرة فطرة في المراة
مرات بزاف تلقى زوجة الاخ تغير من اخت راجلها لانها مدللة مثلا ولا لأنها تقرا مليح ومثقفة عليها​

ومرات اخت الراجل تلقاها تكره مرت اخوها لانها تشوفها مرات ماتستاهلوش
أو لانها مغبونة ومرات كما راك تقول​

حلها الوحيد كما قالو ناس بكري عمر العين يستحي الفم
يعني يصرف عليهم باش يقدر يعيش نسبيا في الهدوء
او يخلي الزوجة نتاعو هي لي تشريلهم الكادوات وتعطيهملهم باش يولو يحشمو منها شوية

ربي يهدي
الحمدلله الذي عفانا مما ابتلى به الكثيرات​

 

[رضوة الجزائرية]

باريي العقل ميزان الحكمة من جهة الكل​

 

[ЖϞ ȀĻѮăńȉȡǟ ϞЖ]

و عليكم السلام و الرحمة و الإكرام
موضووع له دراسات من عدة جوانب و كما سبق و قال الأصدقاء السبب الرئيسي هو الغييرة...
و مادام هنا عايشنها لازم نتعودو عليها ... وربي يهدينا كامل
تقبل مروري
و
تحياتــــــي
​

 

[فتاة حساسة]

مممممممممممممممممم تبارك الله عليك خويا موضوع شباب بزااااف بزااااف ..

والله يا خويا انا صغيرة وعمري 16 ونشوف فهاد الامور ونقول غير ربي يسترنا ويعافينا


انا متنيا تكون عندي مرت خويا وتعيش في دارنا وكل شي ...


وكيما قلت الغيرة هي اللي توصل لهاد الامور..

وماتحصلش غير افالعروسة ..كاين تاني شي سلفات يديرو المشاكل ...


دوك ترجع كل وحدة وعقلها ..لازم في هاد الامور الانسان يتحكم في غضبو ...

ولازم لما تصبر في خاطر راجلها

على خاطر يقولك الصبر صبران ..صبر على ماتحب وصبر على ماتكره ...

وماتخافش الدنيا دوااارة كيما ديري لمرت خوك ..نهار تتزوجي يديلرلك سلافاتك هه
ايمالا كوني ناس ملاح..

شكرا خويا على الموضوع الجميل
​

 

[نسومر الاوراس]

السلام عليكم خويا واش راح نقولك هاذ sujet نفهموه غير حنا لبنات وذرك اليوم نفهمكم انتوما les jeuns ذرك خويا انت تزوجت وجبت مرا مثلا ربي يهنيك معاها mais لازم تفهم حاجة راك قبل ما تتزوج راك كنت ولد مرا وخو نساء ذرك يرحم باباك كي ينوض الراجل يشنف على اميمتو وخواتاتو الي فوت معاهم عمر على جالت وحدة ماعندوش معاها عام وتنوض هيا تتفرعن وترجع فيها زوج علاه على خاطر راجلها واقف معاها ذرك شكون الي نوض الفتنة ياخي الراجل ولالالا.....لو كان كل واحد يعدل بين خواتاتو ومرتو والام راني ما نهدرش عليها على خاطر عيب بعد الواحد يحط امو في محل مقارنة ولازم يكون راجل صح صح مايسمع لهاذو ومايسمع لهذي خويا المرا راهي واعرة لازم يكون الراجل فايق وكي نقول هك موش قصدي يروح يطلقها اعوذ بالله mais لازم يعرف كيفاه يتعامل معاها ما يخليها تتفرعن وما يخليها تنذل حرام حتى هي خلات دارهم وجات تستبيت معاك ربي يهنيها mais لازم تخاف ربي على خاطر راهو غير مول النية الي يسلك وفي الاخير نقولك الي قدر يسكن وحدو يتهنا الف مرة والي ما قدرش لازم ما يسمعش لكلش سوا مرتو سوا خواتاتو وادعيلي نتزوج بواحد عندو دارو وحدو:$ باش نتهنى انا وهو من تكسار الراس :yahoo01:

 

[serinee]

السلام عليكم اخي
اولا انت نظرت للموضوع من جانب واحد ووحيد فقط
انو زوجة الاخ ملاك و اخوات الزوج شياطين
اقول الانسان لي ما شفت عينو ما يحكم
هنا بعض المتزوجات مع ك احترامي لهن هما يحوسو على المشاكل
و الاخت سواءا تزوجت او لا هدا مكتوب ربي ما يدخلش فيه العبد
و ربي يبعت مكتوب كل عازبة و عازب
​

 

[angel]

الاسباب ماتوليش غير للغيرة

سعات وحدة تحب تفرض رايها وتبين روحها مرا
انا من جهتي لمرا ماشي الي تبين روحها وتقول شوفوني هاني
المرا نتاع الصح الي تخلي دايما راجلها هاني وماتدخلوش في هاد المشاكل والعكس ادا كانت مرت خويا هكدا يا ولدي خويا هادا هو الي يصرف وحامل كلشي وهم مرتو يكيفيه
العيب اذا ضرباتك والا دارت حاجة ماشي مليحة مع الام ديالك

لكن الهدة الهدرة الهدرة يعيا الواحد منها كي يشوفك مسمطو ولايحو في الثقيل

اما اذا كانو في زوج شواطن كي لمرا كي لوستها هنا الراجل يدخل بالتي هي احسن قال يا ولدي انتي مرتي وهوما خوتي على جالي اتحملي وبالاك يجيبلهم ربي مكتوب انت تكوني صافية ويتفكروك غير بالحاجة لمليحة ماعليش دارو فيك الشر

وانتي يا اختي هاديك راهي ام ولادي وراهم ولاد خوك انا كرهت من المشاكل تحبيهم يتيتمو؟
لهنا نورمالمو كل وحدة تعرف قدرها


اما اذا كل وحدة "معزة ولو طارت " الحل الامثل

تحكم ختك بالطابوري للراس


ومرتك بالكرسي




خليهم سمانة ولا زوج في سرير السبيطار :d مقابلين بعضاهم وهنا يتعرفو على بعضاهم مليح وتنشأ علاقة حب بيناتهم:love01::love01:




ولا كاين حل واجد اخر خليلهم بالخيمة بصحابها وروح شوف وحد اخرى


وخيهم يتهاوشو على حد شي ضرك:d


هههههههههههههههههههه
​

 

[italyan]

لمشاكل ديما كاين وفي الغالب تكون لغيرة ياخو
​

 

[Minoucha2]

ســلام أخــي

نحــب نــقولك أنــو شـجــار الأخــوات مــع زوجـة أخــوهم غــالبـا ليــس مــن بــاب غـيرتـهم مـنها و إنـما عــدم التــفاهم مــع بعــضهم

يعــني مــثل مــا قلــت عــلى نــيتــوايــاج أو الكــوزينة ..

و المشــكل إمــا فــي زوجــة الـأخ متــسلطة أو أخــوات الزوج يكــرهوا زوجـة أخــوهم و العـكس صحـيح

نجــي لأمــر مهــم

عمــل زوجــة الأخ خصــوصا إذا كـانت عــايشة فـي منــزل شــيخها و عــجوزتــها أكــيد راح يعــمل مــشاكل

زوجـة الأخ تقــوم الصــباح تــصيب القـهوة واجــدة تشــربها و تــروح تـخدم و تــرجع عــلى 12 تــلقى الفــطور واجــد تــفطر و تــرجع تــخدم و كــي ترجــع لعــشية تــدخل غــرفتها و تــرقد حجــة أنــها راهــا عــيانة و نهــار كــامل و هـي تـخـدم

أكــيد حمــاتاتــها مــا يـتحمـلوش و يقــولوا هــي تخــدم و تــرقد و حنــا نــطبخــولها و نمــدولها تــاكل و بعــدها تنــوض مــشاكل و الضحــية فــي الأخـــير هــو الزوج

لذلــك لا بــد يــكون لـزوجة الأخ دارهــا وحــدها بــاش تبـعد قـدر الإمــكان عــلى المــشاكل

أيــضا لمــا تكـون الزوجــة غــايرة مــن حمــاتها أو مــا تحــبش زوجــها يــكون مــتفاهم مــع أهــله تـبــدا تحــرش فــيه عــليهم و يمكــن تــقوله دارولــي حــاجات يكــونوا هــوما كــامل مــا داروهــاش ! و هـاذي ظـاهرة شــفتها

و بهــذا تخــلي الزوج ينــفر مــن أهــله و خواتــاتـه و يصــير يكـرهــهم أو مــا شــابه ذلــك

لــذلك نــقول الحــل الأمـثل لاجــتناب المــشاكل بــين الكــنة و بــيت زوجــها أنــو تــكون لــيها دارهــا وحــدها

و شكــرا عـلى المـوضوع
​

 

[محمد إبن الصحراء]

السلام عليكم اخي
اولا انت نظرت للموضوع من جانب واحد ووحيد فقط
انو زوجة الاخ ملاك و اخوات الزوج شياطين
اقول الانسان لي ما شفت عينو ما يحكم
هنا بعض المتزوجات مع ك احترامي لهن هما يحوسو على المشاكل
و الاخت سواءا تزوجت او لا هدا مكتوب ربي ما يدخلش فيه العبد
و ربي يبعت مكتوب كل عازبة و عازب
​

سلام يأختنا serinee

نطلب منك تعاودي تقراي هدا الموضوع محل النقاش باش

تتأكدي واش أنا طرقت للموضوع من جانب واحد ولا عدة جوانب

أنصحك بتأكد من أي شي قبل التعليق عليه

**** سررت بمرورك

تقبلي تحيات أخوك محمد إبن الصحراء :regards01: