غيرة لبنات

[محمد إبن الصحراء]

السلام عليكم خويا واش راح نقولك هاذ sujet نفهموه غير حنا لبنات وذرك اليوم نفهمكم انتوما les jeuns ذرك خويا انت تزوجت وجبت مرا مثلا ربي يهنيك معاها mais لازم تفهم حاجة راك قبل ما تتزوج راك كنت ولد مرا وخو نساء ذرك يرحم باباك كي ينوض الراجل يشنف على اميمتو وخواتاتو الي فوت معاهم عمر على جالت وحدة ماعندوش معاها عام وتنوض هيا تتفرعن وترجع فيها زوج علاه على خاطر راجلها واقف معاها ذرك شكون الي نوض الفتنة ياخي الراجل ولالالا.....لو كان كل واحد يعدل بين خواتاتو ومرتو والام راني ما نهدرش عليها على خاطر عيب بعد الواحد يحط امو في محل مقارنة ولازم يكون راجل صح صح مايسمع لهاذو ومايسمع لهذي خويا المرا راهي واعرة لازم يكون الراجل فايق وكي نقول هك موش قصدي يروح يطلقها اعوذ بالله mais لازم يعرف كيفاه يتعامل معاها ما يخليها تتفرعن وما يخليها تنذل حرام حتى هي خلات دارهم وجات تستبيت معاك ربي يهنيها mais لازم تخاف ربي على خاطر راهو غير مول النية الي يسلك وفي الاخير نقولك الي قدر يسكن وحدو يتهنا الف مرة والي ما قدرش لازم ما يسمعش لكلش سوا مرتو سوا خواتاتو وادعيلي نتزوج بواحد عندو دارو وحدو:$ باش نتهنى انا وهو من تكسار الراس :yahoo01:

سلام يا " نسومر الاوراس "

واضح من تعليقك بلي كنت تردي على هدا الموضوع محل النقاش ونتي معصبة

تنفسي وتبعيني مليح

* أولا : نتي قريتي الموضوع بسرعة ومادققتي فيه باش تفهميه مليح

* ثانيا التعليق نتاعك يبين بلي راك كونطر زوجة الاخ لانك جيتي في صف الاخوات
وما كنتيش حيادية

*ثالثا التدخل نتاعك مقبول لحد كبير لكنه يحتاج الى تعديل

***** سررة بمرورك

تقبلي تحيات أخوك محمد إبن الصحراء :regards01:

 

[magique]

لي عودة للموضوع ،،تقبل مروري
​

 

[magique]

عدت ....
****** وين السبب ********

* لان زوجة خوهم متزوجة وهن لا ( عزبات )

اظن انو مايش شرط يكون الشي هذا ،ممكن تكون اخت الزوج متزوجة لكن كي تجي لدار باباها ممكن يتقابضو ليس بالضرورة كما قلت

*خوهم يعامل زوجتو خير منهن

هذا ممكن جدا حتى لوكان هناك سوء تفاهم وكان الخطا خطا الزوجة لكن المعاملة تاعو راح تصب لصالح زوجتو على الاغلب

* ولا الزوجة متسلطة ؟؟

مانظنش انو الزوجة تقدر تكون متسلطة في بيت اهل زوجها خاصة بحضور ام الزوج

وعندي راي ايضا،،بان الفتاة لما تروح لبيت اهل زوجها راح تكون اختلافات عديدة ،،نظام البيت مثلا ::قادرة ماتوالفش بالشي المعمول بيه وهذا يولد خلافات كبيرة بين الاطراف ولا ممكن العقليات والذهنيات مختلفة وماياخذوش على بعضاهم ،،وممكن ايضا الفتاة تقارن روحها بزوجة اخيها وفي المعاملة كيما قلت وتقول علاه يديرلها هكذا وانا لالا وتنسى انو خوها مسؤول عليها واهتمامو راح يكون بطريقة مختلفة عليها هي

نتمنى مااطلتش بالرد تقبل مروري.....
​

 

[ђĩหđǿĉħǻ]

وي صح... بزااف هااك...
و اني قريت واش كتبو اللي قبلي..
نزيد برك كلمة الله يهدينا و خلاص
​

 

[iline nono]

يعطيك الصحة أخي على هاذ الموضوع و الحقيقة انه محال ينحل لغز الغيرة بين زوجة الأخ و أخت الزوج
لأنه إذا افترضنا أن اللوسة تخدم و زوجة الأخ قاعدة في البيت هنا تبدا زوجة الأخ تغير من لوستها و تحس روحها بونيشة في الدار و إذا كان العكس كيف كيف نفس المشكل و نلقاو دايما الضحيةهو الزوج المسكين
و في رايي مكانش كيما اللي يتزوج في داره وحده و يقسم الهم كيما يقولو ناس بكري
​

موضوع قيم

 

[امل فريال]

يا ابن الصحراء
مين بتاتي هيك مواضيع
موضوع اجتماعي رائع

 

[محمد إبن الصحراء]

يا ابن الصحراء
مين بتاتي هيك مواضيع
موضوع اجتماعي رائع

مشكورة أختي على دوقك المميز :d


أنا أنشط في مجال المسرح وهدا النشاط الثقافي يلزم علينا

أن نقدم على خشبة المسرح مايتعرض له المجتمع من مشاكل

ومحاولة المساهمة في معالجتها :up::up::up:

بمعنى :-r : أنطري للمجمع نظرة شاملة وخدي المشاكل

أو القضايا العالقة وطرحيها للنقاش لنفيد ونستفيد

سررت بمرورك :



************ تقبلي تحيات أخوك محمد إبن الصحراء :regards01:

 

[منايا الجنة]

اممم احنا الحمد الله متفاهمين مع مرت خونا و زيد لوكان ماتبعتلناش وليدها نزعفو عليها :d و خويا مايحبش تصرا حاجة تافهة نداوسو عليها
وصح عندك الحق في واش قلت نسمع بزاف شي ناس هكدا حتى انا نحير منهم نقول علاه هوما هكدا ربي يهدي ما خلق

 

[kiko ikoo]

wach hab adir lazam yasbar l rabi w nchalah iji maketob l khiyatouu bach yethana man fetan w rabi isabar hadik la3rosa w tahiyati li koul mera 3aycha me3a k 3jouza w lousate :p

 

[ملكة الروح]

اخي محمد كاين اللي هاكا و كاين اللي لا على خاطر انا عندي مرت خويا و ماندابزوش قاع نورمال تقولي ختي بسكو علاه بسكو هي بنت خالتي هههههه مام عندي ولد خويا و دايراته كيما خويا نتدابزوووا نلعبو نورمال لوول المهم واصل بكتابة مواضيعك الخاصة ب "واش راك تهدر" :regards01:

 

[قناص الغرام]

و الله غير حلاوتها في انك ديرلها دارها وحدها
باش تهني خاوتك و تهني مرتك و تهني روح
و كل واحد يبقى عزيز عند لاخر
​

 

[سمسم السمسومة]

مهيش شرط لازم يكون هاذ التعامل...أنا مثلا عندي نسا خاوتي و لحد اليوم وحدة فينا موصلة أختها على خاطر كل وحدة عارفة الحدود تاعها لي لازم متتعداهاش و ماشي شرط بتاتا الوحدة تكون بدارها باه ينقصوا هاذ المشاحنات القضية قضية تربية فاللول و الانسان يحاول يضبط روحوا مرات و يفوت حوايج مرات و الحكاية ما فيها والوا.....

 

[أم أمين23]

للاسف هاد المشكل كاين في كثير من العايلات الجزائرية وديما المشاكل بين الكنة وخوت الراجل والا امو بالنسبة للام متفاهمين لازم تعقب الكنة بصح الخواتات هنا اسمحولي ماكانش تعقاب لازم يحترمو بعض خاصة والا كان خوهم اكبر منهم والا قايم بيهم على الاقل يحترمو انها قابلة المعيشة معاهم وتعين فيهم انا من راي خلي تقيمي القيامة بيناتهم والي قادر يدي الحق يديه المهم ما يوصلش الامر انهم يخلو الراجل يدخلو في عقلو يعني واش يصرا بيناتهم يبقى بيناتهم

 

[هبة نور]

مشكور موضوع كتير
منتشر في اغلب مجتمعتنا
بس اذا كانت الزوجة مليحة
وتقدر تكسب اخوات زوجها
والله راح يعيشو كامل مرتاحين
بس اذا كان لعكس اكيييييييييد
راح تكون مشاكل وحتى توصل لطلاق

 

[HALIMA TLEMCEN]

السلام عليكم:
في الحقيقة فإن هذا المزضوع هو قضية الساعة و هو سبب جل قضايا الطلاق المسجلة أمام المحاكم ، و نحن إذا عالجناه من ناحية أخرى من غير القانون أنا نقول أن الطرفين عليهم كل واحد منهم يتأقلم مع الآخر و يعرف كل واحد حدوده ما راحش تكون أي مشاكل و نظن أن أي عروس جديدة تكون معبيينلها راسها على أخوات زوجها و كيف ديرهم عدوات ماشي أخوات و هذي البرمجة المسبقة هي التي تفتح باب واسع للمشاكل,
و نفس الشيئ بالنسبة للأخوات هما تان يظنوا أن زوجة الأخ شريرة جاية على جال المشاكل ,
علاش ما يكونش هناك نوع من حب إطلاع للطرفين و حتى طرف ما يدير حتى فكرة مسبقة على الآخر و هنا كل واحد يكون فكرة وحده على الطرف الآخر
و علينا نتوخى الحذر لأن نسبة الطلاق و المشاكل الزوجية راها في تفاقم مستمر,و الله يثبت الأزواج و الزوجات و يهدينا لما فيه صلاح الجميع,

 

[رحاب ملاك]

صح
دايما هذي المشاكل نلقاوها

 

[mamouu]

و الله موضوع جميل
لكن لي مداخلة
الزوجة باش تحب تتزوج تقبل ف1 بكولش
يقوللها الزوج تسكني مع اللعزوجة أو اللوسات تقولو معليش
يقوللها لازم تتعاملي معاهم مليح تقولو معليش
ويقول وهي تقل غير إيييييييييييييييييييييييييييييييييييييييييييييييييييه على العين و الراس
مي كي تدي الراجل أو تحطو تحت كتفها معنتها كي تضمنوا هنا تبدا الهدرة...............
يعني حبيت نقول فهاد الدنيا ما كانش الساهل قاع قباح
ما تقدر تلم اللوسة اللي دايمن تكون في وج المدفع
ما تقدر تلوم لعجوزة لي دايمن واعرة
ما تقدر تلوم لعروسة لي دايمن تخرج كي الشعرة من لعجينة
كل واحد عقليتو أو كل واحد تصرفاتو
أو ربي يهدي ما خلق................ أو يبعد علينا المشاكل