تطبيقا لفكرة جودي بما تعرفين لتتعلمي مالا تعرفين

[خيرة جانت]

السلام عليكم
هذا هو الصدر اللي خدمتو بهذيك
الوردة اللي خدمناها من قبل

​

 

[mahwossat crochet]

السلام عليك حبيبتي خيرة اخبرك اني تعلمتها وفهمتها جيدا والفضل يعود لك
يعطيك الصحة الي علمتيهالي
ساصورها واريها لك
سعيدة لاني اتقنتها اشكرك من الاعماق معلمتي ربي يوفيلك ماتتمناي
سلامي لك

 

[خيرة جانت]

السلام عليك حبيبتي خيرة اخبرك اني تعلمتها وفهمتها جيدا والفضل يعود لك
يعطيك الصحة الي علمتيهالي
ساصورها واريها لك
سعيدة لاني اتقنتها اشكرك من الاعماق معلمتي ربي يوفيلك ماتتمناي
سلامي لك

وعليكم السلام غاليتي
فرحتيني بكلامك
مع أني كنت متأكدة من شطارتك ودقتك الله يبارك:up:
وراني جد متشوقة باش نشوف النتيجة :p
وربي يعطيك ماتتمناي لان تفاعلك معي بالفعل يمدلي
المزيد من الدافعية والإصرار:regards01:
بارك الله فيك
وفي كل من شجع ، تفاعل ومر
​

 

[mahwossat crochet]

راني جيت :-r وهذا تطبيقي يا معلمتي

اما هذه التي سالتني عنها انها حقيبة لهاتفي:$:regards01:

 

[خيرة جانت]

راني جيت :-r وهذا تطبيقي يا معلمتي

اما هذه التي سالتني عنها انها حقيبة لهاتفي:$:regards01:

الله يبارك يعطيك الصحة حبيبتي
خرجتلك قمة:up: خصك تزيري الخدمة شوي باش لافورم تاعها تجيك واقفة ومنتفخة
أنا ثاني في البداية خرجتلي هكا :d
بالصح مع التعود والمحاولة تتحسن أكثر
أما الحقيبة عجبتني بزاف ومادابيا تعلميني الطريقة تاعها:p
وراح نحاول فيها بربي
شكرا حبيبتي
​

 

[mahwossat crochet]

الله يسلمك حبيبتي خيرة
ساخذ بنصيحتك مع اني نسيت نعمر سنسال :d قلت مايبانش ههههه لكنك انتبهتي لا الودة مش معمرة بزاف :-r اشكرك لتعليمي اياها
اما الحقيبة سهلة
نعمل سنسال لنقل مثلا بطول اصبع اليد وبعدين تطلعي ب2 وتملي السنسال بقطبة نصف عمود حتى تحشي كامل السنسال وتعاودي ترجعي وهكذا تبقاي تطلعي حتى تحسي ان الحجم المستطيل مناسب
ثم تبقاي تنقصي في العدد من جهة حتى ياخذ كشكل مثلث اين اضع باقة الورود
وجبت خيط ازرق للحواف وغلق الحقيبة بطي المستطيل
وزينته بورود والصقتها بالخيط ان شاء الله قدرت نفهمك واذا لم تفهمي اعلميني نحاول نرسملك على الورقة بالشرح

 

[خيرة جانت]

الله يسلمك حبيبتي خيرة
ساخذ بنصيحتك مع اني نسيت نعمر سنسال :d قلت مايبانش ههههه لكنك انتبهتي لا الودة مش معمرة بزاف :-r اشكرك لتعليمي اياها
اما الحقيبة سهلة
نعمل سنسال لنقل مثلا بطول اصبع اليد وبعدين تطلعي ب2 وتملي السنسال بقطبة نصف عمود حتى تحشي كامل السنسال وتعاودي ترجعي وهكذا تبقاي تطلعي حتى تحسي ان الحجم المستطيل مناسب
ثم تبقاي تنقصي في العدد من جهة حتى ياخذ كشكل مثلث اين اضع باقة الورود
وجبت خيط ازرق للحواف وغلق الحقيبة بطي المستطيل
وزينته بورود والصقتها بالخيط ان شاء الله قدرت نفهمك واذا لم تفهمي اعلميني نحاول نرسملك على الورقة بالشرح

أوكي إذا تبادلما الأدوار :p
أنت المعلمة الآن
أعتقد أني فهمت
راح نحاول نخدم الحقيبة ونوريهالك في أقرب فرصة
بحول الله
ومادابيا الأخوات أيضا يشاركونا
شكرا حبيبتي
​

 

[mahwossat crochet]

هههههههه لم نتبادل الادوار ستبقين معلمتي:-r
جائتني فكرة اريد مشاركتك بها فقط ركزي لكلامي جيدا وتخيلي معي:d
بخصوص الوردة التي تعلمتها منك حاولي ان تطويها وتطلعي بشبيكة راح تشكل لك حقيبة نقود صغيرة
او اعملي اثنان من الوردة والصقيهم في الوسط بشبيكة تعمليها من الكروشي كأسطوانة وخلي في الوسط مكان مفتوح واعملي لها يد انها حقيبة يد للسهرة تناسب الصدر الي عملتيه الازرق
واشري حذاء ازرق أي يفصله لون القماش اسود في الوسط للفستان
حاولت نبحث في النت عن حقيبة تشبه ما اقصده فهمتني لما اعملها راح اريك اياها

 

[خيرة جانت]

هههههههه لم نتبادل الادوار ستبقين معلمتي:-r
جائتني فكرة اريد مشاركتك بها فقط ركزي لكلامي جيدا وتخيلي معي:d
بخصوص الوردة التي تعلمتها منك حاولي ان تطويها وتطلعي بشبيكة راح تشكل لك حقيبة نقود صغيرة
او اعملي اثنان من الوردة والصقيهم في الوسط بشبيكة تعمليها من الكروشي كأسطوانة وخلي في الوسط مكان مفتوح واعملي لها يد انها حقيبة يد للسهرة تناسب الصدر الي عملتيه الازرق
واشري حذاء ازرق أي يفصله لون القماش اسود في الوسط للفستان
حاولت نبحث في النت عن حقيبة تشبه ما اقصده فهمتني لما اعملها راح اريك اياها

الله الله على أفكارك :up:

بالفعل إسم على مسمى
شوفي أنا راني معاك وبلا ماناقشك
راح نحاول نطبق الفكرة
دعيلي برك نتوفق
وبالمقابل انتي أيضا دعميهالي باش نتبادلو الفهامة:p
​

 

[امل فريال]

واووووووووووو
تسلم دياكي

 

[خيرة جانت]

واووووووووووو
تسلم دياكي

الله يسلمك حبيبتي
إنضمي إلينا:up:
​

 

[مية ابتهال]

مااااااااااااااااااااااااشاء الله ربي يحميك و يبارك فيك :up:

 

[خيرة جانت]

مااااااااااااااااااااااااشاء الله ربي يحميك و يبارك فيك :up:

الله يسلمك حبيبتي
مرحبا بيك معانا في هذا الموضوع:regards01:
شوفي واش تقدري تعلميلنا
وأكيد اللي تحب تتعلميها
ونقدرو نعاونوك فيها
نحن في الخدمة:up:
​

 

[wafaachal]

الف شكرررررررررررررررررررررر

 

[خيرة جانت]

الف شكرررررررررررررررررررررر

بارك الله فيك حبيبتي
مرحبا بيك معانا
منورتنا
​

 

[خيرة جانت]

السلام عليكم
حبيباتي واش أحوالكم
شوفو كل هذه الصدور
مخدومة بواسطة الوردة اللي
تعلمناها سابقا

وهذا تاع حبيبتي وأختي رتاج سرين

ختاما أشكر جميع من شارك ،تفاعل ،قيم
وأعطى ملاحظاته
شكرا جزيلا
خاصة لحبيبتي مهوسة كروشيه
التي كانت توأمي في هذا الموضوع
كما أشكر كل من ساندريلا زماني وملكة إحساس
على الحضور الدائم معانا
ودعمهما المتواصل لنا
أشكر الجميع
إلى لقاء قريب في ورشة عمل جديدة
حبيباتي :up:
نتمنى تكونوا أنتوما المعلمات فيها:$
وأكيد أنا ثاني راح نرجع لكم في
القريب إن شاء الله
تحيااااااااتي:regards01:

​

 

[mahwossat crochet]

السلام عليكم ورحمة الله تعالى وبركاته
سعدت كثيرا بالتعلم منك وحقا اعمالك رائعة جدا
وبفضلك راح اعمل صدر من الكروشي من الوردة التي علمتني اياها
عجبني الاخضر مع الابيض وحتى البنفسجي والابيض
تناسقك في الالوان جميل ومبهر راح نعملهم في زوج ان شاء الله
ادعيلي ربي ان شاء الله اوفق في انهاءهما قبل العرس
باركك الله وجزاك الجنة
وساكون دوما تلميذتك الشطورة ههههه والمفضلة :d انتظر منك مهمة اخرى لانجها ان شاء الله
اه تذكرت لما اعمل بالخيط المسلك ناخذ زوج كورات كخيط واحد بكروشي رقم 1.5
الكورة سوتها خمسة الاف دج
يعني اعطيني بالميز كم كورة احتاج لانهاء صدر كروشي مثل الاخضر
حتى اشرى مرة واحدة الخيط :s
تقبلي سلامي واحترامي الدائم لك حبيبتي

 

[خيرة جانت]

السلام عليكم ورحمة الله تعالى وبركاته
وعليكم السلام والرحمة والإكرام حبيبتي الشطورة
سعدت كثيرا بالتعلم منك وحقا اعمالك رائعة جدا
بل العكس أنا التي سعدت أكثر كون الموضوع والأعمال المنجزة من خلالة أعجبتك
وبفضلك راح اعمل صدر من الكروشي من الوردة التي علمتني اياها
الفضل لله سبحانه وتعالى أولا ولشطارتك وخفتك في التعلم لأنك بالفعل موهوبة الله يبارك
أما أنا فلست سوى مرافق لك في رحلتك المشوقة مع فن الكروشي والتي أسعدتني كثيرا
عجبني الاخضر مع الابيض وحتى البنفسجي والابيض
تناسقك في الالوان جميل ومبهر راح نعملهم في زوج ان شاء الله
عندك الحق أنا ثاني نخمم نخدم بلونين متناسقين:up:
ادعيلي ربي ان شاء الله اوفق في انهاءهما قبل العرس
ربي يسهلك ويعطيك القوة والتركيز وبربي تكمليهم قبل العرس وتفرح بيهم مولاتهم وتفرحي أنت بإنجازك وكل شي مبروك مسبقا ولعقوبة لحبيبتي إن شاء الله:p
باركك الله وجزاك الجنة
ربي يجازيك كل الخير ويعطيك ماتتمناي
وساكون دوما تلميذتك الشطورة ههههه والمفضلة :d انتظر منك مهمة اخرى لانجها ان شاء الله
يسعدني ذلك رغم أن معلمتي المفضلة في عدة أعمال ماعليش ساعة على ساعة نتبادلو الأدوار
اه تذكرت لما اعمل بالخيط المسلك ناخذ زوج كورات كخيط واحد بكروشي رقم 1.5
الكورة سوتها خمسة الاف دج
شوفي مش بالضرورة إذا كنت قادرة تتحكمي في الخيط قادرة تعملي بالكروشي العادي اللي موالفة تخدمي بيه مثلا أنا نخدم بكروشي 0.75 ديما حتى ويلا إستعملت خيطين مع بعض خطش خطرات الخيط يكون رقيق صافي ماتتغبنيش
ويلا حبيتي أكيد تقدري تستعملي 1 ولا 1.5

يعني اعطيني بالميز كم كورة احتاج لانهاء صدر كروشي مثل الاخضر
حتى اشرى مرة واحدة الخيط :s
شوفي أنا طريقتي ديما نشري علبة كاملة باش مانحصلش
لان الخدمة تختلف من شخص لاخر قادرين أنا وياك نديرو نفس الصدر أنت ديريه بأربع كورات وأنا نديرو بخمسة أو أكثر
خطش كاين اللي يزير في الخدمة وكاين اللي يرخف
المهم تقدري ديري 8 أربعة بلون وأربعة بلون مخالف
ويلا رايحة تزيدي الذراعين ديري باطة كاملة 5 و5 أي عشرة
بالصح ويلا حبيتي شري
أما عن الصدر لخضر شوفي أحنا في منطقتي ولينا نستعملو هذا النوع من الخيط مانيش نديرلو دعاية غير أنه بالفعل ممتاز ومايتقطعش ولا يتلف بالخف كما أنه براق وشوية غليظ
بصراحة نشريوه من ليبيا يدير 350 دج ويوصل حتى 400دج الجميل فيه بكبة واحدة تقدري ديري
صدر وفولارة ويبقى منو :up:

تقبلي سلامي واحترامي الدائم لك حبيبتي
ربي يحفظك غاليتي منورتني ديما:regards01:
​

​

 

[خيرة جانت]

وهذا دعاء هدية ليك
اللهم إني أسألك يا فارج الهم ، و يا كاشف الغم ، يا مجيب دعوة
المضطرين ، يا رحمن الدنيا ، يا رحيم الآخرة ، أرحمني برحمتك .

أمين
جمعة مبروكة على الجميع
ولا تنسوني من خالص دعاءكم
​

 

[mahwossat crochet]

باركك لله حبيبتي ولك بالمثل لهذا الدعاء
جزيت كل خير
راح اعمل بنصيحتك
اعجبني الخيط الي تستعمليه لكنه غير متوفر عندنا اين اسكن
ولما نعمل الوردات راح نقولك شحال عملتلي الكورة ان شاء الله مع العلم ان خدمتي مزيرة لذا تاكل الخيط:d
ترقبي اعمالي قريبا ان شاء الله
سلامي لك حبيبتي خيرة