المتزوج ندم و العازب ......

[nanoche]

السلام عليكم ..
الزواج حاجة طيبة انا ما نشوفش حاجة يندم عليها الانسان
لكن لازم تعرف تتعامل بعد الزواج
لانو راح تكون مشاكل وتكون مصاريف كبيرة وحوايج اخرى
واللى ما تزوجش كيما انا نقلو واش تستنى :d
شكرا اختى
​

و عليكم السلام أخي
و نقلك بليك المشكل راهو في كيفاش نتعاملو بعد الزواج
و علاش ينهد هاذاك الرباط المقدس بعد فترة قصيرة؟؟؟
و انت ربي يهنييييك و يسعدك اكتر و اكتر
​

 

[ماكانش]

ايه اخي هاذي أكيد من ضمن الأسباب بصح حبيت نفهم شي تاني علاش يكونو يعرفو بعض بصح بعد الزواج يلقاو بعضاهم علامة استفهااام ؟والله شي يحير!!؟

تبالي تبالي قبل الزواج يكونو ماهمش صادقين ويكونو دارو كلش
اما بعد الزواج تظهرلو الباطاطا والزيت والمشاكل مايقدرش يطلق ...

راك راح تزيد لروحك الخسارة عند الدونتيست باش تعاودلها سنيها
:p:p:pههههههههههههههه:p:p:p:p
​

ههههههههههه
كون غير دونتيست برك مانضربش فيها حبس ههههههههه

 

[السلطانة]

وعليكم السلام


كي تفوت تسينيي ويسينيي هو على عمارهم

ويتزوج فدت لحكاية

واش يبقى فيها من ندامة

لي يندم بعد الزواج يخرب حياتو من اللخر تجي فيه وحياتو تروح خسارة في المشاكل

موضوعك هايل يعطيك الصحة اختي

​

 

[nanoche]

تبالي تبالي قبل الزواج يكونو ماهمش صادقين ويكونو دارو كلش
اما بعد الزواج تظهرلو الباطاطا والزيت والمشاكل مايقدرش يطلق ...

لوكان غير جات في البطاطا و الزيت المشكل تبدا تحوس تعيش كيما جارتها و حبيبتها و و و ...
​

ههههههههههه
كون غير دونتيست برك مانضربش فيها حبس ههههههههه

ههههههههه لالا ربي يعافيك خويا واش وصلنا للحبس
و اذا صرات قولي باش نزورك و نجيبلك الفاكهة :p:p
على بالي هي ما تجيكش :p:d:d

 

[nanoche]

وعليكم السلام


كي تفوت تسينيي ويسينيي هو على عمارهم

ويتزوج فدت لحكاية

واش يبقى فيها من ندامة

لي يندم بعد الزواج يخرب حياتو من اللخر تجي فيه وحياتو تروح خسارة في المشاكل

موضوعك هايل يعطيك الصحة اختي

​

العيون اللي قراته هي الهايلة ربي يحفظك بصح كل واحد و كيفاش راهو يخمم و تروحي للمحكمة و الله يا اختي تحبسي من راسك تماك تشوفي العجب كيما اللي عنده 7 اولاد كيما اللي ماعندهش تلقاي نفس الكلام ... ما تفاهمناش... كي تقوليله كيفاش بعد كل هاذ العشرة باش بانتلك ما تفاهمتوش... ما يخسر عليك حتى كلمة يقلك الله غالب ... الكلمة المشهورة عند كل الجزائريين
حياة كاملة شوفي كيفاش يختصروهالك

 

[zagane]

حنا عندنا مثل يقول " ألي قالك الزواج ماهوش مليح قلو طلق مرتك "
ولحديث قياس
​

السلام عليكم
اللي تزوج ندم ولي قعد ندم ولي طلق ندم

 

[ماكانش]

ههههههههه لالا ربي يعافيك خويا واش وصلنا للحبس
و اذا صرات قولي باش نزورك و نجيبلك الفاكهة :p:p
على بالي هي ما تجيكش :p:d:d

ههههههههه
ربي عافينا
نخلصلها حق الدونتيسيت برك ونبقى نكسر فالشرع هههههههههههههههه

 

[ماكانش]

السلام عليكم
اللي تزوج ندم ولي قعد ندم ولي طلق ندم

والله يا خويا ألي يدي وحدة مليحة وبنت اصل والله مايندم

 

[السلطانة]

العيون اللي قراته هي الهايلة ربي يحفظك بصح كل واحد و كيفاش راهو يخمم و تروحي للمحكمة و الله يا اختي تحبسي من راسك تماك تشوفي العجب كيما اللي عنده 7 اولاد كيما اللي ماعندهش تلقاي نفس الكلام ... ما تفاهمناش... كي تقوليله كيفاش بعد كل هاذ العشرة باش بانتلك ما تفاهمتوش... ما يخسر عليك حتى كلمة يقلك الله غالب ... الكلمة المشهورة عند كل الجزائريين
حياة كاملة شوفي كيفاش يختصروهالك

ايه والضحية لولاد
وكاين لي يقول الله غالب
معشتش حياتي حاب نعيش حياتي ونعاود الزواج
متفهمي والو

 

[nanoche]

ايه والضحية لولاد
وكاين لي يقول الله غالب
معشتش حياتي حاب نعيش حياتي ونعاود الزواج
متفهمي والو

راكي تشوفي اختي اللي راهو صاري
لوكان جات في باش يعاود الزواج هاذي مقدور عليها بصح ما يغبنش يمات لولاد
كاين بعض المواقف راني نشوفهم نتكودا و الله اخر زمان لحقنا وين رانا نشوفو غير في العجب
​

 

[السلطانة]

راكي تشوفي اختي اللي راهو صاري
لوكان جات في باش يعاود الزواج هاذي مقدور عليها بصح ما يغبنش يمات لولاد
كاين بعض المواقف راني نشوفهم نتكودا و الله اخر زمان لحقنا وين رانا نشوفو غير في العجب
​

كاينة لي تستحق واش يصرالها
مايش ديما لمرا الضحية
مرات هي الجانية

 

[عطر الندى]

السلام عليكم
العازب عزم هاذي حاجة لوجيك واحد ما يختلف فيها نورمالمون
وهاذي تاع المتزوج ندم حسب رأيي المتواضع الأغلبية كيما قلتي يقولوها
سورثو اللي متزوجين عن جديد بويسك تبدل عليهم الحالة و تروحلهم الحرية تاعهم و تولي كاينة حاجة يسموها مسؤولية
مي مع الوقت يوالف مع الوضع يعني من الأخير أي هدرة برك :d
يعطيك الصحة أختي​

 

[nassima 87]

هذه ظاهرة منتشرة في مجتمعنا لي يتزوج يقولك خطيك تندم او لي يدي الباك يكلك خطيك تروح للجامعة تكره حياتك........... الخ
بصح لو ترجعو للوراء يتزوج ويدا يتلق مرتو يعاود الزواج malgré كان يقول الزواج عيان
او كابن بعض الاشخاص من الاول ميختارش شريكة حياتو المناسبة ومع الاسف في فترة الخطوبة يبينو غير الجانب الايجابي او يتخيلو حياة تع الافلام اومبعد للعرس ينصدمو بالواقع لازم من الاول تكون الصراحة وتكون المفاهمة على كل شيء
انا حتى الان الحمد لله لي يجي يسقسيني نقولو الزواج مليح صحيح من المستحيل باش نلقاو كل شيء كيما نحبو بصح المهم يكون لمليح كتر ملي ماشي مليح
*و تبقى بعض الحالات ربي مايكتبلهمش باش يكملو مع بعض

 

[serinee]

السلام عليكم
شكرا على الموضوع الدي ساعبر فيه كثيرا
انا نقول مش كل الحالات ندمو لانو الزواج حلال و يغني عن الحرام
و قد يكون سبب فشله انو هدوما الناس يشوفو الزواج حاجة مي يصيبوه حاجة اخرى
و ثاني بلاك تغير في طباع الانسان من قبل او من بعد
انا شخصيا نصحتني وحدة متزوجة و متزوجة بعد قصة حب دامت 6 سنين قالتلي غير اخطيك اقعدي هكا راكي مليحة ماكاين لي يقلقك ماكاين لي يصدعلك راسسك
مي انا قلتلها جامي او حبيتي تكلخيلي انتي درتي اولادك و انا ثاني حابة ندير اولادي
سلام
​

 

[nanoche]

السلام عليكم
العازب عزم هاذي حاجة لوجيك واحد ما يختلف فيها نورمالمون
وهاذي تاع المتزوج ندم حسب رأيي المتواضع الأغلبية كيما قلتي يقولوها
سورثو اللي متزوجين عن جديد بويسك تبدل عليهم الحالة و تروحلهم الحرية تاعهم و تولي كاينة حاجة يسموها مسؤولية
مي مع الوقت يوالف مع الوضع يعني من الأخير أي هدرة برك :d
يعطيك الصحة أختي​

ربي يخليك اختي
هذا اكيد سبب من بين الأسباب
​

 

[nanoche]

السلام عليكم
شكرا على الموضوع الدي ساعبر فيه كثيرا
انا نقول مش كل الحالات ندمو لانو الزواج حلال و يغني عن الحرام
و قد يكون سبب فشله انو هدوما الناس يشوفو الزواج حاجة مي يصيبوه حاجة اخرى
و ثاني بلاك تغير في طباع الانسان من قبل او من بعد
انا شخصيا نصحتني وحدة متزوجة و متزوجة بعد قصة حب دامت 6 سنين قالتلي غير اخطيك اقعدي هكا راكي مليحة ماكاين لي يقلقك ماكاين لي يصدعلك راسسك
مي انا قلتلها جامي او حبيتي تكلخيلي انتي درتي اولادك و انا ثاني حابة ندير اولادي
سلام
​

هذا هوالصواب يا اختي كيما هي دارت اولاد انتي تاني من حقك تديريهم
ربي يرزقك الزوج و الذرية الصالحة ياارب

​

 

[nanoche]

هذه ظاهرة منتشرة في مجتمعنا لي يتزوج يقولك خطيك تندم او لي يدي الباك يكلك خطيك تروح للجامعة تكره حياتك........... الخ
بصح لو ترجعو للوراء يتزوج ويدا يتلق مرتو يعاود الزواج malgré كان يقول الزواج عيان
او كابن بعض الاشخاص من الاول ميختارش شريكة حياتو المناسبة ومع الاسف في فترة الخطوبة يبينو غير الجانب الايجابي او يتخيلو حياة تع الافلام اومبعد للعرس ينصدمو بالواقع لازم من الاول تكون الصراحة وتكون المفاهمة على كل شيء
انا حتى الان الحمد لله لي يجي يسقسيني نقولو الزواج مليح صحيح من المستحيل باش نلقاو كل شيء كيما نحبو بصح المهم يكون لمليح كتر ملي ماشي مليح
*و تبقى بعض الحالات ربي مايكتبلهمش باش يكملو مع بعض

أكيد أختي كاين و كاين و كان قصدي من طرح هاذ الموضوع اننا نلحقو رسالة للي ماشي مزوجين باش ما يحكموش على الزواج قبل ما يخوضو التجربة

شكرا على المرور

 

[بنت الـ25]

سلام ننوش
لبارح كتبت رد طويل عريض ومبعد راح التريسيتي وليت نصوطي
خخخخخخخخخخخ
نقلك حاجة في هاد الدنيا واحد ما عاجبتو روحو
الفقير يحسد الغني على ثروتو والغني يحسد الفقير على راحة البال
الأعزب يحسد المتزوج على العايلة والاستقرار والمتزوج يحسد العازب على قلة المسؤوليات
بون الإنسان سواء كان رجل أو امرأة كي يوصل certain age يلزمو يستقر ويكون عايلة
مي ديفوا تلقاي الأعزب مزروب هات يزوج برك مبعد كي يفوت ويتزوج يلقى بلي الزواج هدا ماهوش عشة ولا لعب ولاد
يلقى روحو مسؤول على مرأو وولاد وتما يندم ويتمنى يرجع أعزب هادي هي
وكاين لي تصادفو مشاكل أخرى كبيرة تختلف من شخص لآخر يندم على اختيارو لشريكتو....الخ

​

 

[mohgladiator]

ياو حااب نندم
معليييييييييييييييييييييييش
ههههه

يا خاوتي
ياك ماكاش اللي ينصحك قد خوك
خويا بعد شهر ملي تزوج
قالي ندمت اللي ماتزوجتش شويا صغير
و مادام راه نصف الدين
معناتها ماهوش حاجة تضر
و الله اعلم



المهم حااااااااب نتزوج

​

 

[nanoche]

سلام ننوش
لبارح كتبت رد طويل عريض ومبعد راح التريسيتي وليت نصوطي
خخخخخخخخخخخ
نقلك حاجة في هاد الدنيا واحد ما عاجبتو روحو
الفقير يحسد الغني على ثروتو والغني يحسد الفقير على راحة البال
الأعزب يحسد المتزوج على العايلة والاستقرار والمتزوج يحسد العازب على قلة المسؤوليات
بون الإنسان سواء كان رجل أو امرأة كي يوصل certain age يلزمو يستقر ويكون عايلة
مي ديفوا تلقاي الأعزب مزروب هات يزوج برك مبعد كي يفوت ويتزوج يلقى بلي الزواج هدا ماهوش عشة ولا لعب ولاد
يلقى روحو مسؤول على مرأو وولاد وتما يندم ويتمنى يرجع أعزب هادي هي
وكاين لي تصادفو مشاكل أخرى كبيرة تختلف من شخص لآخر يندم على اختيارو لشريكتو....الخ

​

هاذي هي المأساة يا اختي كاين شي ناس شفناهم بعد الزواج يزيانو و كاين ناس اخرين ههههههههه و الله تلقاي سرواله مكرفص و كي تقوليله واش بيك يقلك غلطة حياتي الزواج
والله ما عرفنا وين المشكل و فيمن
​