نكره الماسكي ، اوووووووه يعيو

[وصال]

السلام عليكم ورحمة الله تعالى وبركاته

واش صافا لاباس الحمد لله

اليوم حبيت نحكيو على الماسكي ، ياخاوتي انا يحكمني الشلل النصفي نهار يصوني البورتابل ديالي كينروح نشقى نشوف شكون نلقاه ماسسسسسسسسكي :very_mad::very_mad::very_mad::very_mad::very_mad:
نولي نحكي بالشينوية ههههههه

ولي قاتلهم ارقدو ياعيني يبيبيولك بالماسكي .


لالا لي Gراف اكثر تكون بعيد ونهار توصل للتلفون يحبس واون بليس ماسسسسسسسسسسسكييييييييييييييي ييااااااااااااااااي ياربيييييييييييييييي متقدر تعرف شكون هذا الح........................ابس لي راه يقلق فيك

وهاذو غاشي يعرفو يلعبولك بالاعصاب ، بصح حاجة لي دوختني علاش ماسسسسسسسكي

راك خايف زعمة ................ولا نتاع زكارة في العرب

بالاك فاضي شغل ، ممكن ، انا بيناتنا واحد يستعمل الماسكي نكرهو نمقتو ، وزيد ماشي مربي لالا وثاني حابس :very_mad::very_mad::very_mad:

نكره الماسكي .

وانتومه احكيولي ، واش صرالكم مع الماسكي .

في امان الله .
​

 

[حفيد هواري بومدين]

الماسكي آفة مرض بيها الشعب الجزايري
-----
اعتمدت الموضوع​

 

[أم راضية ~_]

السلام عليكم
هههههههههههههههه يا وصالو
انا من الي عندي التيليفون قريب 4 سنين واقيلا زوج مرات برك عيطولي بالماسكي
راني في نعمة والحمد لله
ربي يعين و يهدي​

 

[־●ـ‗غمــــوض ــالــورد_ـ●־]

اهليـــــــــــــــن حنونة صحيتي على سيجي
هاد لبروبلام يعيي تحيري عماه الناس يديروا كيما هك
كان صاريلي انا كرهت مي انا نحكي بالاسبانية كي نقلق

مش بالشينوية ههههههه نقصر برك
كانوا كرهولي حياتي كاين لي يغلط يعيطلي بالنيميروا ويبقى يديرونجيني ويدا مرفدتش عليه يعيت بنيميروا واحد خلاف هادوا كانوا شوية احسن باسكوا نعرف وش ندير معاهم ولاو يعيطوا بالماسكي وهنا لمشكلة لكبيرة ديفوا نقلق نخبط موبيلي يجي بار بياس ههههههههههههه ملقيتش وش ندير عاودت شونجيت انيميروا وزدت عطيتوا لصحاباتي ولي نعرفهم ونحكي معهم زاد ولالي الماسكي مافهمتش مي زامي لي يتمصخروا بيا ولا كاش واحد غلط يعني راهوا سبيسيال تاع ديرونجمون وليت مشونجيت نيميرو تاعي اعطيتوا لصحيبي وهوا جابلي بيص وحدة خلاف قتلوا لي عيتلك بنيميرو جديد مش مريجيستري تما عندي ارفد عليه اعرفوا شكون وايدا عيطولك صحاباتي قلهم لموبيل لقيتوا ههههههه قتلوا سيرتوا لماسكي كي ترفد عليه باغيك تبردلي قلبي فيه والمشكل وين لي يعيط بالماسكي مازالوا يعيط وميهدرش يسمع فالرخس ويبقى ساكت حتى عيا هههههه ولقباحة وقلة التربية وين كي سمعوا راهوا راجل مقلوش على لول اسمحلي راني غالط ولا كش حاجة سقساه قالوا باغي نسقسيك اسكوا انيميروا هدا تاعك ولا لا باسكوا كي عيط على الول راني لقيتها طفلة !! قالوا ايه وش راك باغي ملخر قالوا راهي صحيبتي وراني نحكي معاها......ههههههههههههههه وهنا عرفتوا بلي جايح كبير....زيماه صحيبتوا يعيتلي بالماسكي ويسكت ميقول والوا وتانييسقسي قاعد يكونفيرمي ميعرفش مامبا اسكوا نيميرو تاعي ولا لا والله حاجة تحير عباد عايشين فالزهر ....ليسونسيال انا تهنيت من هاد الهم وخلاه ههههههه وقررت منزيدش نافيشي انيميروا تاعي عند وحدة باسكوا منيش متأكدة وينا فيهم مدت انيميروا تاعي وقلتلهم كي عيطلكم الماسكي هزوا باسكوا بالاك راني انا عيطلكم من عند كاش واحد ههههههههههههههه وهوا راهوا انيميروا اتاعي اجديد لي مبغيتش حتى واحد يعرفوا ههههههههههههههه وانتهى لبروبلام نهائيا هههههههههههه ديري كيما انا درك تتهناي ولا خلي النيميروا لي فيه ديرونجموا متبدليهش وديري واحد خلاف لي اديري انت فيهم كونفيونص فامي تاعك ولا صحاباتك المهم راكي تعرفيهم انت ولاخر متركبيهش ديري فيه رونفوا بش تشوفي شكون عيطلك فيه وكي تبغي تحكي مع كش واحد ممديتيلوش انميروا تاعك عيطلوا بيه ههههههههههه
مشكورة اختي
ســـــــــــــــلام
​

 

[صبااح]

نحطو ف la liste de rejet ونتهنى
يعطيك الصحه ختي​

 

[نعومة البراءة]

موضوع هايل يا وصال
انا ثاني راه صاريلي كيفك
وكل يوم يعطلي الماسكي
كرهلي حياتي
واللي يحيرني انو
مش نفس الشخص الي
يعيط اليوم
يعاود غدوة
انا ي اختي ما تهنيت غير كي بدلت لابيس
من جيزي لنجمة
وظك راني عايشة الاز
واحد ما يعيطلي بالماسكي

 

[mohgladiator]

ههههههههههههه
يا وصاال يا وصال
تقووليك عايشة معايا
والله عندو كاش سمانة
كل يوم الماسكي و في كل وقت
والله هببببببلوني
المهم هاد الغاشي الا كنت نعرفهم و يعرفوني و غي يتمسخرو
نقوللهم معليش الفايدة كي تفكرووني
و الا كنت مانعرفهمش نقوللهم رانا في عام 2013
الغاشي راه قريب يرحل يسكن فالقمر
معناتها فييييقو ولو قليلا
ههه
...........

و مرررررررررررسي وصااالو على المواضيع الحلوة كيما نـ..........
ههههه

​

 

[mohgladiator]

السلام عليكم
هههههههههههههههه يا وصالو
انا من الي عندي التيليفون قريب 4 سنين واقيلا زوج مرات برك عيطولي بالماسكي
راني في نعمة والحمد لله
ربي يعين و يهدي​

ههههههههههه
يا طفلة بالاكي لا يعييينوك
راكي جبتيييها لرووحك
الا كاش آآبال ماسكي منا و جاي
لووومي روحك برك
ههههه

​

 

[mohgladiator]

نحطو ف la liste de rejet ونتهنى
يعطيك الصحه ختي​

الحل الوحييييييييييييد

​

 

[crǻzЎ ŴдFĀα]

ولي قاتلهم ارقدو ياعيني يبيبيولك بالماسكي .
هاذي تقلق بزاف
انا نيميرو نتاعي علابالي لي راه عندهم ويتحسبو بالاصابع
ذي لياما راهم يعيطولي بالماسكي
يقلقو نقعد نخمم وشكون لي راه يعيط
وانا علابالي ماهوش غريب عليا

 

[crǻzЎ ŴдFĀα]

انا دايراتو في la liste de rejet
هو احسن حل
ماعندا مانديرو
ضيقت الروح وش الدير

 

[عفاف الجزائرية]

هههههه صح كاينة منها
انا مهنية روحي دايراتو في لاليست روجوتي يعني يوصلني بلي الماسكي حاول يتصل وما قدرش هههه
درك رجعت وحد لامود نتاع بكري يعيطولك من الفيكس نتاع الطاكسي فون لبرا يسمعو صوتك ويكوبيو
عييت نفهم وما فهمتش هههههه
لوحيه للروجوتي وتهناي واللي عينو فيك يعيطلك بنيميروووه
​

 

[بنت الـ25]

اهلا وصال
سبحان الله كنت رايحة نحط الموضوع هدا:-o
معليش كي انتي كي انا المهم الموضوع تحط:up:
انا معاناتي مع الماسكي لا تنتهي
عندها مدة عام تقريبا نفس الشخص يعيطلي بالماسكي والمشكل انا نعرفو مليح كان يقرا معايا فالجامعة
كي يعيطلي بالنيميرو تعو ومنهزش عليه يعيطلي بالماسكي
وديما نهز عليه ونقولو آ عبد ربي متزيدش تعيطلي وساعات نمد لخويا يرخسو :down:
والووووو .. اهدري مع الحيط يفهم
آخر مرة حكيت معاه قتلو تعيش ديرونجيتني متزيدش تعيطلي
قالي خلاص بربي ان شاء الله متزيديش تشوفي النيمرو تعي
ول بارح عيط تعرفي طلعلي الدم للراس... راحتلي الهدرة درت الرونفوا وخليتو

ياي والله يا اللي يبيبيلك بالماسكي وحدها هادي تقول تلعبي في غميضة مع الأشباح هههههههه

ونختملك بقصة طريفة صراتلي كي كنت نقرا فالليسي
كان واحد يقرا معايا توجور يقولي اعطيني نيمرو تاعك وانا منحبش نقولو وش نحكيو كي تعيطلي
وديجا لاكان احتجتني نحكيو فالكلاصة خخخخخ ايا عطاني نيمرو تعو وقالي عيطيلي انتي ولا بيبيلي نفهم
قتلو: لعشية نبيبيلك بالماسكي :p
ايماجيني وش قالي: كي تبيبيلي بالماسكي نعرف بلي راكي انتي نعاود نعيطلك
هاهاهاهاهاها
متضحكوش عليه ههههههههههههه
​

 

[عاشقة الكرة]

اهلا وصال
سبحان الله كنت رايحة نحط الموضوع هدا:-o
معليش كي انتي كي انا المهم الموضوع تحط:up:
انا معاناتي مع الماسكي لا تنتهي
عندها مدة عام تقريبا نفس الشخص يعيطلي بالماسكي والمشكل انا نعرفو مليح كان يقرا معايا فالجامعة
كي يعيطلي بالنيميرو تعو ومنهزش عليه يعيطلي بالماسكي
وديما نهز عليه ونقولو آ عبد ربي متزيدش تعيطلي وساعات نمد لخويا يرخسو :down:
والووووو .. اهدري مع الحيط يفهم
آخر مرة حكيت معاه قتلو تعيش ديرونجيتني متزيدش تعيطلي
قالي خلاص بربي ان شاء الله متزيديش تشوفي النيمرو تعي
ول بارح عيط تعرفي طلعلي الدم للراس... راحتلي الهدرة درت الرونفوا وخليتو

ياي والله يا اللي يبيبيلك بالماسكي وحدها هادي تقول تلعبي في غميضة مع الأشباح هههههههه

ونختملك بقصة طريفة صراتلي كي كنت نقرا فالليسي
كان واحد يقرا معايا توجور يقولي اعطيني نيمرو تاعك وانا منحبش نقولو وش نحكيو كي تعيطلي
وديجا لاكان احتجتني نحكيو فالكلاصة خخخخخ ايا عطاني نيمرو تعو وقالي عيطيلي انتي ولا بيبيلي نفهم
قتلو: لعشية نبيبيلك بالماسكي :p
ايماجيني وش قالي: كي تبيبيلي بالماسكي نعرف بلي راكي انتي نعاود نعيطلك
هاهاهاهاهاها
متضحكوش عليه ههههههههههههه
​

سلام اختي هههه والله الظاهرة اليوم رانا نخممو كيفكيف مام انا حكمتلي نحط الموضوع مي لقيتو والحمد لله ناقص تعب كما يقلك ههه
الحل الوحيد هو la liste de rejet شعب مريض ويعجبوك كي يبيبيو هههه فارغين شغل
سلااااااام
​

 

[ماكانش]

اهلا وصاال
نتمنى يخرجولهم لوبصيون الي تكشف الماسكي برك
والمشكل كاين الي يبيبي بيه هههههه

 

[أم راضية ~_]

ههههههههههه
يا طفلة بالاكي لا يعييينوك
راكي جبتيييها لرووحك
الا كاش آآبال ماسكي منا و جاي
لووومي روحك برك
ههههه

​

ههههههههههه
بقات غير يعينوني على جال الماسكي ههههههه
مي كاين الحلول يا صوت بابا المرعب يا لا ليست نواغ ​

 

[مايا الجزائرية]

سلا م ختيتو :regards01:،ياك غاية عليك ؟؟الحمد لله على كل حال :up:
bn دكا نحكو عىل الماسكي والله عيب عليه :s على بالك الماسكي مرض،، منين ولا يدخلني يبيبي
ديفوا يعيط ونزيدك حاجة كي نريبوندي يسكت :s واش تفهمي؟؟عليها بقاو التوالى
هادي هيا الخبر يجيبوه التوالى
تقبلي مروري

 

[zagane]

السلام عليكم
مازالو روطار ومخلوعيين

 

[Selma 30]

وعليكم السلام ورحمة الله

شعب مسكيين قتلو الفراغ وماصابش واش يدير
بصح يعيط بالماسكي فهمنا قال قال مايحبش يبين الرقم تاعو
يبيبيو بالماسكي هذي اللي تحير العقل , كيفاه يخمو الله اعلم هههه
الحمد لله ماعنديش مشكل مع الماسكي ولا العباد اللي يتمسخرو
الله يبعدد علينا البلاء والناس الفارغة
​

 

[وصال]

الماسكي آفة مرض بيها الشعب الجزايري
-----
اعتمدت الموضوع​

شكرا جزيلا لاعتماد الموضوع .

السلام عليكم
هههههههههههههههه يا وصالو
انا من الي عندي التيليفون قريب 4 سنين واقيلا زوج مرات برك عيطولي بالماسكي
راني في نعمة والحمد لله
ربي يعين و يهدي​

ربي يسترك من العين شكرا على الرد .

اهليـــــــــــــــن حنونة صحيتي على سيجي
هاد لبروبلام يعيي تحيري عماه الناس يديروا كيما هك
كان صاريلي انا كرهت مي انا نحكي بالاسبانية كي نقلق

مش بالشينوية ههههههه نقصر برك
كانوا كرهولي حياتي كاين لي يغلط يعيطلي بالنيميروا ويبقى يديرونجيني ويدا مرفدتش عليه يعيت بنيميروا واحد خلاف هادوا كانوا شوية احسن باسكوا نعرف وش ندير معاهم ولاو يعيطوا بالماسكي وهنا لمشكلة لكبيرة ديفوا نقلق نخبط موبيلي يجي بار بياس ههههههههههههه ملقيتش وش ندير عاودت شونجيت انيميروا وزدت عطيتوا لصحاباتي ولي نعرفهم ونحكي معهم زاد ولالي الماسكي مافهمتش مي زامي لي يتمصخروا بيا ولا كاش واحد غلط يعني راهوا سبيسيال تاع ديرونجمون وليت مشونجيت نيميرو تاعي اعطيتوا لصحيبي وهوا جابلي بيص وحدة خلاف قتلوا لي عيتلك بنيميرو جديد مش مريجيستري تما عندي ارفد عليه اعرفوا شكون وايدا عيطولك صحاباتي قلهم لموبيل لقيتوا ههههههه قتلوا سيرتوا لماسكي كي ترفد عليه باغيك تبردلي قلبي فيه والمشكل وين لي يعيط بالماسكي مازالوا يعيط وميهدرش يسمع فالرخس ويبقى ساكت حتى عيا هههههه ولقباحة وقلة التربية وين كي سمعوا راهوا راجل مقلوش على لول اسمحلي راني غالط ولا كش حاجة سقساه قالوا باغي نسقسيك اسكوا انيميروا هدا تاعك ولا لا باسكوا كي عيط على الول راني لقيتها طفلة !! قالوا ايه وش راك باغي ملخر قالوا راهي صحيبتي وراني نحكي معاها......ههههههههههههههه وهنا عرفتوا بلي جايح كبير....زيماه صحيبتوا يعيتلي بالماسكي ويسكت ميقول والوا وتانييسقسي قاعد يكونفيرمي ميعرفش مامبا اسكوا نيميرو تاعي ولا لا والله حاجة تحير عباد عايشين فالزهر ....ليسونسيال انا تهنيت من هاد الهم وخلاه ههههههه وقررت منزيدش نافيشي انيميروا تاعي عند وحدة باسكوا منيش متأكدة وينا فيهم مدت انيميروا تاعي وقلتلهم كي عيطلكم الماسكي هزوا باسكوا بالاك راني انا عيطلكم من عند كاش واحد ههههههههههههههه وهوا راهوا انيميروا اتاعي اجديد لي مبغيتش حتى واحد يعرفوا ههههههههههههههه وانتهى لبروبلام نهائيا هههههههههههه ديري كيما انا درك تتهناي ولا خلي النيميروا لي فيه ديرونجموا متبدليهش وديري واحد خلاف لي اديري انت فيهم كونفيونص فامي تاعك ولا صحاباتك المهم راكي تعرفيهم انت ولاخر متركبيهش ديري فيه رونفوا بش تشوفي شكون عيطلك فيه وكي تبغي تحكي مع كش واحد ممديتيلوش انميروا تاعك عيطلوا بيه ههههههههههه
مشكورة اختي
ســـــــــــــــلام
​

نحطو ف la liste de rejet ونتهنى
يعطيك الصحه ختي​

صحيت حنونة على الرد وعلى النصيحة ، شوفي منبدلوا ماوالو هذا لي راه يبيبي انسان حابس وبالاك مامبا ميعرفنيش ، و+ ربي يسهل عليه انا ديرونجيني هاذي العفسة بزاف ، وعلابالي بلي كاين بزاف يديروها ، انا صدقيني في حياتي مستعملتش الماسكي ، تجيني عفسة بايخة .كيما يقولو الله يخلينا العقل .

موضوع هايل يا وصال
انا ثاني راه صاريلي كيفك
وكل يوم يعطلي الماسكي
كرهلي حياتي
واللي يحيرني انو
مش نفس الشخص الي
يعيط اليوم
يعاود غدوة
انا ي اختي ما تهنيت غير كي بدلت لابيس
من جيزي لنجمة
وظك راني عايشة الاز
واحد ما يعيطلي بالماسكي

صحيتي على الرد في موضوعي ، صح هكذا تتهناي .بصحتك لا بيس الجديدة ، بالاك يكون الانسان لي راه يعيط من لافامي ، ويحبو يقلقوني برك ههههه.

ههههههههههههه
يا وصاال يا وصال
تقووليك عايشة معايا
والله عندو كاش سمانة
كل يوم الماسكي و في كل وقت
والله هببببببلوني
المهم هاد الغاشي الا كنت نعرفهم و يعرفوني و غي يتمسخرو
نقوللهم معليش الفايدة كي تفكرووني
و الا كنت مانعرفهمش نقوللهم رانا في عام 2013
الغاشي راه قريب يرحل يسكن فالقمر
معناتها فييييقو ولو قليلا
ههه
...........صحيت محمد هذا نداء ولا توسل خير بلييييييييز مام انا ثاني كيما قال محمد ههههه

و مرررررررررررسي وصااالو على المواضيع الحلوة كيما نـ..........
ههههه
ميرسييييييييييييييييي هذا من ذوقك :$:$:$
​

ههههههههههه
يا طفلة بالاكي لا يعييينوك
راكي جبتيييها لرووحك
الا كاش آآبال ماسكي منا و جاي
لووومي روحك برك
ههههه

​

ربي يسترها شوفي اذا كاش ما صرالك راهو محمد هو السبة ههههههه ، واش ماكايناش واش نطقك حتى حصلت فيك هههههههه

الحل الوحييييييييييييد

​

صح الحل الوحيد وراني طبقتها ولا يخرجلي SMS بصح مام بقيت حابة نعرف شكون ههههههههههه لوكان غير ميدخلش كامل ني SMSني غيرو اووووووووووووووه يعيوووووو.استناو راني قريب نخرج لوجيسيال جديدة تعرف الانسان اصلو وفصلو ههههههههههه .

ولي قاتلهم ارقدو ياعيني يبيبيولك بالماسكي .
هاذي تقلق بزاف
انا نيميرو نتاعي علابالي لي راه عندهم ويتحسبو بالاصابع
ذي لياما راهم يعيطولي بالماسكي
يقلقو نقعد نخمم وشكون لي راه يعيط
وانا علابالي ماهوش غريب عليا

صحيتي على الرد حتى انا ثاني راني متوقعة شكون لكن مجرد ظن لا غير .