ايه حنونة يعرض صحابو سيرتو لي ماعندهمش الاوراق و لي مزوجين بالقاوريات وخاصة في رمضان ( كونترا عليهم يحياو العربيات و الجزايريات) و الطياب عادي نطيب حريرة و ندير الخبز(المطلوع) في الدار و سلاطة و نزيد حاجة مثوم او طاجين الزيتون او جاج محمراو كباب و نزيد كبدة مشرملة و تعلمت الحميس تاع الشرق و كل مرة كيفاش المهم هنا طيبي واش تعرفي و الضياف يقنعو بكلشي و جيهم الماكلة بنينة و ماكاش لي يهدر فيك .
يا الحلوة ام الحلوين عجبتني هاد الجملة بزاااااف بزااااااف خاطر انا نطيب شوية شوية على قدي مانيش بروفيسيونال
يا حي على روعة واش راهي تقول انا كي تزوجت كنت نطيب عادي تقريبا نعرف كامل الماكلة تاع الشلف بصح مع الوقت زيدي تتعلمي و تشوفيني دروك تقولي عجوزة تاع 80 عام ندبر على كلشي و غير الشهر لي فات الزين راح للبلاد قلت ليما بعثيلي (دهان حار) و دروك شريت مارغرين و راني حابة نخلطو باش يولي عندي بزاف :p:d.
يا حبيبتي عادي و اكثر من عادي كي تقوليلو يمدلك دراهم و تلقايه هو يمدلك بلا ماتقوليلو هذي هي الحياة و تولي نتي تقضي للدار و تشري واش تحبي .
لا لا والله والو حنونة انا بدمة نحرك فيكم ما زعفتش وانا ما نزعفش من هاد الامور قولي واش حبيتي وكوني هانية
يا حنونة ادي واش تسقي يعني الضروري ويكفيك على الاقل شهر ومن بعد ابداي بالطلبات ههههههه
ربي يخليك ام امين على بالي ما تخيبينيش ربي يهنيك خصيتي البارح فالجماعة و سقسيت عليك شحال من مرة تمنيت تكوني معانا معليش خلفيها اليوم و ان شاء تكوني بخير انتي مخلوقك و وليداتك و الجنين ديالك
انا نقولك عليا الذهب في الاول جبت معايا حوايجي الخفاف ومن بعد رجعتهم خصوصا اني ما كنتش نخرج والا نروح عند الناس والا يجيوني خليت برك الي نلبس فيهم ديما يعني اصبري حتى تروحي انت ادي معاك حاجات خفاف ومن بعد تشوفي
انا كنت كيفك كي زوجت ما كنتش نعرف نطيب حوايج بزاف كنت نقرا وما ندخلش خلاص محسوب للكوزينة في دارنا غير في رمضان وزعما الشهرة الاخيرة حبو يعلموني بصح ربي اخلي الكتب تاع الطبخ والنت وانت راح تكوني وحدك وبالشوية اطيب وتجربي مرة تصيب ومرة تخيب ومع الوقت توالفي وتتعلمي ما تخافيش من هاد الناحية واكيد الراجل في الوقت الاول يشفوك الا شاطرة بزاف والا شوي شوي ومن بعد هو يقرر وقتاش يبدا يعرض وفي الغالب في الاول انت الي تتعرضي خصوصا الا كان المخلوق تاعك يعرف بزاف عرب ومصاحب منهم
الله اخليك حنونة راني تبعت واش حكيتو وحاولت نرد على واش قدرت وراني قلت البارح ما كانش عندي النت اليوم خرجت شرجيت وجيت نطل
