بيت المغتربين

[ام الحلوين]

مساء النور
عائشة حسان مرحبا بيك حنونة .
رنيم راه مليح وليدي بصح طوايشو مايحبسوش خرجتو نجيب ختو من المدرسة لولاد كامل يمشو و وليدي يجري و يهز في الحجر و يطلع فوق الحيوط هذوك الصغار و يولي يقفز اااااه منو و قالي لازم جيبي ولد قتلو اذا جا كيما نتا نسمح فيكم و نروح ههههههه.
جهاد اشربي الحليب بزاف انا ماحملتوش وليت نشرب ميلك شيك و نبدل الاذواق .
ام امين مابانتش اليوم سير راهي عند الدكتور ربي يرجعها بخير .
سلامي لخياتي الحاضرات و الغايبات .

 

[lina-67]

مريومة راني رديت عليك في الموضوع تاعك واذا ما عرفتيش قوليلي نحوسلك

 

[ام الحلوين]

صباح الورد و الياسمين على الحلوين
ان شاء الله تكونو كامل بخير .
اليوم اخر يوم في تحت المجهر يلا لي عندها اي سؤال تتفضل .
سلام .

 

[joumane]

صباح الانوار البنات مزالكم راقديين انا الساعه عندي 11:39 فايتين البلاد بثلاث سوايع
بالحق البنات كل وحده تقولنا الفارق تاع الوقت بينهم وبين البلاد
المهم ام الحلوين البارح درت بسبوسه فليل وخليتها شربت الشاربات والصباح فطرنا بيها جات تهبل خفيفه وبنينه وانا عندي مول صغير مقاديرها جات قدو هي مطلعتليش بزاف يبلي كيعاد درتها بالدقيق برك مي الحق جات خفيفه تهبل والمسيو مات فبها باكل ويعاود ويقلي نتكليش بزاف خليهالي قالي نروح ديريلي قهوه حليب نتعشا بيها ههههه يعطيك الصحه حببتي ويزيدهالك في ميزان حسناتك
مريومه ربي يرزقك بوليد لحلال ولما لا سيرتو لي جيرانهم عرب كلشي بالمكتوب حببتي
صباح الخير اختي عائشه حسان انتي وين مغتربه

 

[ام الحلوين]

صباح الخير جمان
الله يبارك كي خرجتلك و بصحتك نتي و المسيو و جي مليحة كي تشرب السيرو انا تاني نوجدها في الليل و الصباح ناكلوها .
حتى انا كي نديرها اسحاق من الكوزينة مايخرجش ياكلها كل وقت يقولي امي زيديلي البثبوثة .

 

[ام الحلوين]

و الساعة تتبدل من الاحد الاخير تاع اكتوبر حتى الاحد الاخير تاع مارس يكونو فايتينا بساعة ادا كانت عندنا 1 هما تكون عندهم 2 و دروك رانا كيفكيف .

 

[روعة انثى]

صباح النور لبنات ك راكم اليوم
ان شاء الله تكونو كلكم بخير جمان بصحتك البثبوثة انا نديرها الويكند ان شاء الله
ام الحلوين صايي اليوم اخر يوم تحت المجهر تعبناك حنونة جوزنا معاك قصرة شابة تاع الصح
الله يبارك فيك و في وليداتك
مريومة ربي يرزقك وليد الحلال اللي يهنيك و يتهلا فيك و يعيشك احلى ايام و سنين يا رب

 

[lina-67]

صباح النور لبنات
ام الحلوين انا درت الغريبية البارح خرجت هايلة اول مرة تخرج مليحة بصح حرقتها شوية من التحت
الله يعطيك الصحة
احنا الساعة راهي 10:30فايتين البلاد بساعة

 

[ام الحلوين]

روعة ربي يخليك ما تعبتوني والو رانا مجمعين و نحكيو عادي حنونة .
جهاد بصحتك الغريبية و المرة الجاية عسيها باش ماتنحرقش .
سلام .

 

[joumane]

ام امين اليوم غايبه يضهرلي راي عند الطبيب
سميره دخولك ولا محتشم واش راو شاغلك علينا ان شاء الله يكون خير
فطومه ان شاء الله تكوني ريحتي شوي حببتي و واشراهي سرسوره كشما بدات تحكي
بيونه وريمو و و و جميع الغايبات ان شاء الله تكونو لاباس

 

[أم أمين23]

سلام يا البنات ام الحلوين انا البارج كنت هنا الصباح العشية خلاص بين الطياب اولتعب ما دخلتش وما ندخلش ديما المكثر ندخل الصباح
جهاد دارك ماشاءا لله الديكور هايل عجبتني الطابلة في الازرق مع الكراسي انا شحال يعجبني الموبل الملون
ملاحظة برك للفاليزات علاش ما تحاوليش ادخليهم تحت السرير والا توقفيهم ورا الباب راه نفس المشكل عندي انا كي نصور ان شاء الله تشوفي وين حاشيتهم

 

[أم أمين23]

ام امين اليوم غايبه يضهرلي راي عند الطبيب
سميره دخولك ولا محتشم واش راو شاغلك علينا ان شاء الله يكون خير
فطومه ان شاء الله تكوني ريحتي شوي حببتي و واشراهي سرسوره كشما بدات تحكي
بيونه وريمو و و و جميع الغايبات ان شاء الله تكونو لاباس

راني هنا برك الصباح خرجت كانو عندي قضيات الطبيبة غدوة ان شاءا لله الموعد تاعها البارك كنت درت الايكو وغدوة الموعد تاع الجينيكولوج

 

[lina-67]

ام امين هذاك هو المشكل اللي عندي تاع الفاليزات ماصبت وين نديرهم من قبل كانو تحت السرير بصح ولاو يغبنوني في التنظيف ظهري ينقسم باش نحيهم و نعاود نردهم قلتلهم قعدو هنا حتى نرحل و نشوف كي نديرلكم
راني نسنى في تصاورك

 

[أم أمين23]

ان شاء الله حنونة نفرز شوي باش نصور هاد الايامات كي نخرج ما نفرزش وراهي مقلبة فوقاني تحتاني عيب نعرضكم والدار مقلبة على الاقل نصقمها شوي ههههه

 

[ام الحلوين]

سلام بنات
ام امين واش راهي البنية شفتيها كبرت شوية ربي يجيبها بالسلامة و تفرحي فيها يا رب .

 

[مريومةمم]

مريومة ربي يرزقك بالزوج الصالح .

شكراااااااااااااااااااااااااااااااااا عزيزتي الله يفرحك

 

[مريومةمم]

صباح الانوار البنات مزالكم راقديين انا الساعه عندي 11:39 فايتين البلاد بثلاث سوايع
بالحق البنات كل وحده تقولنا الفارق تاع الوقت بينهم وبين البلاد
المهم ام الحلوين البارح درت بسبوسه فليل وخليتها شربت الشاربات والصباح فطرنا بيها جات تهبل خفيفه وبنينه وانا عندي مول صغير مقاديرها جات قدو هي مطلعتليش بزاف يبلي كيعاد درتها بالدقيق برك مي الحق جات خفيفه تهبل والمسيو مات فبها باكل ويعاود ويقلي نتكليش بزاف خليهالي قالي نروح ديريلي قهوه حليب نتعشا بيها ههههه يعطيك الصحه حببتي ويزيدهالك في ميزان حسناتك
مريومه ربي يرزقك بوليد لحلال ولما لا سيرتو لي جيرانهم عرب كلشي بالمكتوب حببتي
صباح الخير اختي عائشه حسان انتي وين مغتربه

شكرااااااااااااااااااااااااااااااااااا جمااااااااااااااااااااااااااااااااان

 

[ام الحلوين]

سلام واش راكي مريومة ؟
لبنات راهم مشغولين اليوم وقيلة
انا راني خارجة نجيب بنتي من المدرسة
من بعد ان شاء الله .

 

[مريومةمم]

سلام واش راكي مريومة ؟
لبنات راهم مشغولين اليوم وقيلة
انا راني خارجة نجيب بنتي من المدرسة
من بعد ان شاء الله .

سلام طريق السلامة اختي ربي يسهلك
صح راهم غايبيييييييييييييييييييييين كامل...............

 

[lina-67]

انا راني غير هنا ندور مرة مرة نضرب طلة:p