بيت المغتربين

[ام الحلوين]

بنات جاوبوني
واش تشريو كادوات لخاوتكم لولاد ؟؟؟؟؟؟؟؟؟؟؟؟؟؟
اعطوني افكار بليييييييييز راني حابة نشري دروك بسكو من بعد رمضان و سخانة و خفت نكون ثقيلة .

 

[أم أمين23]

ام عبد الهادي كي تعملي تسجيل ما تنسايش الكوشي في المربع الصغير هاداك الي تحت ما تكتبي اسمك وكملة السر
والا كيما تدخلي اعملي تغيير لكلمة السر ومن بعد سجلي وديما اعملي الكوشي في المربع الصغير باش كي تحرجي وترجعي ما يخرجوكش هههه
ام الحلوين انا خويا واش نديلو ما يعجبو العام الاول ديتلو قمجة وسروال كلاسيك والعام الثاني صباط وجوارب وقالي ما عدتيش تجيبيلي حوايج من فوق الجوارب لخاطر راكي تعرفي الشباب تاعنا يحبو كل شيء على خيار يديهم خاصة الا كبير شوي كيما خويا وماهوش مزوج يعني مازال طاير بشبابو
مالا انت حسب خاوتك يعني متزوجين والا شباب والا كيفاش؟؟؟
لخاطر انا المخلوق يدي لخاوتو القش وهوما كبار يسمى ما يشرطوش كيما ليجون من غير الصغير هداك يعلق بصح ما يراطيش يلبس هههه

 

[joumane]

روعه هاكي تشوفي منزيدش نخرج من البيت ههه
الجو عندنا امطار ورعووود الحاله مهوله خلاص وماش الصيف ليماش معول يجي الشتا هو ليمعول يصيف معانا هههههه
ام الحلوين كي صبحتي حببتي والله انا المره ليفاتت ديتلو شوميز وهو يخب شيكولا تاع هنا بزاف يقولي كتريلي سقاطه اما ليكادو ميحبش وبابا ديتلو صباط ميديكال رجليه يضروه والمره هادي حبيت نديلو هادوك المخاد لي يتحطو على الرقبه بسكو عندو لارتروز هدمكان وانتي وش ديتي من قبل ويماك واش كتتي تديلها

 

[ام الحلوين]

مشكورات حبيباتي
ام امين خاوتي 2 مزوجين هما مايشرطوش بصح انا حبيت نبدل بسكو موالفة ندي ريحة و لا تي شيرت و ديودوران و مرة ديتلهم قمايج كلاسيك و كاين واحد جمركي العام لي فات ديتلو الة حلاقة و كاين واحد صغير هذاك هو يكموندي يقولي بعثيلي سيت و انا نخير .
جمان حبيبتي يما موالفة نديلها لي كرام تاع يدين و الرجلين و نديلها حوايج بزاف بصح خفاف و ملابس داخلية و العام لي فات رحت في رمضان ديتلها جيب و بيل و بليغة تاع خرجة لبستهم نهار العيد كامل لي شافهم عجبوه و جدتي عمرها حبت تخرج كي جيت هنا قالت ليما بنتك راهي جيبلك حوايج شابين ههههههه كبيرة و تغير ،و ديتلها الريحة و صباط و صاك و ربة قصيرة تاع رقاد هذا واش تفكرت .
كيما هذي .

 

[joumane]

ايه ام الحلوين ليشوميز دو نوي حتا ماما تموت عليهم شريتلها زوج مي ليهنا كامل بالقفل مو فوق لتحت والا بالسانسور عييت نلقا كيما هادي سامبل
انا ليكرام منشريلهاش بالعكس هيا كانت تجيبلنا من فرنسا كي تروح
قوليلي تدي معاك لي فروماج وحوايج تاع الماكله واش تدي بزاف

 

[ام الحلوين]

جمان
ندي الشكلاطة بزاف و خويا الصغير و ختي يحبو مالتيزرز وندي نوتيلا و تابل يجي (ليمون و حار) في الذوق كيما راس الحانوت يما عجبها و العام لي فات ديت ساشيات يجي تابل و ساشي تا الفور مع بعض و ندي لختي سيريال تموووت عليه و تاني العسل.
و صحباتي يدو الفروماج و جارتي تدي الديول هذا واش تفكرت .

 

[ام الحلوين]

جمان كنتي تحوسي على الديول حوسي في السوبرماركت الكبار ممكن تلقاي .

 

[أم أمين23]

اوك ام الحلوين هو تقريبا نفس الحوايج ماكانش تجديد يعني العبد مهما يبدل يبقاو نفسهم
نسيت الي دارت القاطو جهاد نظن شكلو باهي حطيلنا الوثفة والا رنيم نفس التعليق المهم القاطو مليح امولاتو هههههه

 

[أم أمين23]

الجو احنا ثاني راهو كاتاستروفيك يسحى شوي ويولي يغيم ومطر تقولي تاع الشتا بصح البرد ماشي بزاف

 

[رنيم الغربه]

كيفاش راكم خياتي انا كنت مع لغدا نضت الصباح بكري و دخلت بالتليفون ما فقتش حتى لقيت روحي راقده ههههههههه و نضت على 11.30 لقيت راجلي سيقلي الدار و الدراري فطروا و الدار تولول هههههههههه :p فرحت نضت طيبت لغدا و حطيتلهم كلاو

 

[رنيم الغربه]

غدانا اليوم واش رايكم

 

[رنيم الغربه]

درت لابوغي باللحم مرحي و البيشاميل في الفور و كبة الارز لقيتها في المنتدى بزااااف بنينه

 

[ام الحلوين]

رنيم بصحتك حنونة الفطور يشهي
ربي يحفظلك الوليدات و باباهم .

 

[joumane]

بصحتكم رنيم والله ضحكتيني كي دخلتي صباح مام انا نضت بكري دخلت بالتلفون ومفقش حتان رقت ومنضتش حتى عيطلي المخلوق على الثناعش ونص ههه ولقيت كلشي مقلب مع حتى ماعن عشاء البارح ومزالو والله انا المخلوق تاعي كان كيما تاعك على الاول يعاوني مي ضرك والله مايشوف فيا
والغدا هايل و وحطيلنا الرابط تاع الكبه

 

[joumane]

جمان
ندي الشكلاطة بزاف و خويا الصغير و ختي يحبو مالتيزرز وندي نوتيلا و تابل يجي (ليمون و حار) في الذوق كيما راس الحانوت يما عجبها و العام لي فات ديت ساشيات يجي تابل و ساشي تا الفور مع بعض و ندي لختي سيريال تموووت عليه و تاني العسل.
و صحباتي يدو الفروماج و جارتي تدي الديول هذا واش تفكرت .

وش هو هاد تابل ممكن تحطيلي تصاورو
مكانش الديول عييت نحوس عليهم برتو

 

[ام الحلوين]

جمان تفضلي حبيبتي التابل و في الذوق يجي كيما راس الحانوت سيرتو في الحريرة و شطيطحة جاج.

 

[ام الحلوين]

راني خارجة نجيب بنتي
سلام .

 

[روعة انثى]

اممممممممممممم يبان يشهي رنيم

 

[joumane]

اوك حببتي طريق سلامه والله هنا كاينين بزاف توابل مي ميعجبونيش
وحتا هادوك ليجيو مع ساشي تاع الجاج منديرهمش فيه منحبهمش نتبلو بتاع البلاد
مي كاينا هنا بودر تاع الثوم انا عجبتني قلت ندي منها وهدا التابل تاع القارص لازم نحوس عليه انا نموت على الحماضه تاع القارص في ماكلتي

 

[رنيم الغربه]

رنيم بصحتك حنونة الفطور يشهي
ربي يحفظلك الوليدات و باباهم .

الله يسلمك حبيبتي يعيشك كتريلي من الدعاوي ههههه نحبهم:love01: