بيت المغتربين

[ام الحلوين]

ام الحلوين وقتاش عولتي تهبطي ؟ و شحال تقعدي ؟ كون غير تفوتي رمضان و العيد الصغير هنا ؟

العام لي فات صمت 15 التالية تاع رمضان في البلاد و مرضت و هاذ المرة كنت حاسبة العيد يجي 10 اوت قلت للزين بوكيلنا في 10 باش نروحو نهار العيد و حتى بوكيت يا خيتي باش عرفت بلي العيد يجي 8 او 9 اوت من بعد قالي الزين يسما نروحو بعد العيد قتلو لالا في الاول قالو العيد في 10 و غير شرينا البيي بدلو العيد و هو مسكين امني و سكت .
امالا اذا كتب الله نهبط في 10 اوت و نرجع 9 سبتمبر ان شاء الله .

 

[روعة انثى]

هههههههههههههههه صار بدلو العيد :p مزية امنك راجلك نية تاع الصح و انتي ديما تفوتيها عليه
شتا يدير المخلوق ما يقدرش على القافزة راهي باترونة تحكم باحكامها كيما تبغي هي..... ربي يطيب بيناتكم
المهم مام تجي نهار 10اوت و تلقاي البلاد مازالت في جو العيد تجي في شوال تعاودي تشمي ريحة رمضان و تلقاي الزلابية و قلب اللوز

 

[SAMIRA25]

صباح الخير عليكم جميعا و نهاركم مبروك
ام الحلوين ربي يسهلك عطلتك في البلاد و قضياتها يعني من دوك و انت تخميلها حتى لاوت بزاف و ماتنسايش تخبرينا واش راكي حابة تشري هدايا باه نتعاندو عليك:d

 

[SAMIRA25]

روعة ربي يسهلك امورك ما بقاش بزاف ربي يهينك اختي

 

[ام الحلوين]

صباح الخير عليكم جميعا و نهاركم مبروك
ام الحلوين ربي يسهلك عطلتك في البلاد و قضياتها يعني من دوك و انت تخميلها حتى لاوت بزاف و ماتنسايش تخبرينا واش راكي حابة تشري هدايا باه نتعاندو عليك:d

صباح النور سميرة
بالنسبة للشري حبيت نتهنا من دروك بسكو من بعد رمضان و السخانة ما حبيتش نظل كل يوم برا .
و لي كادو يما نديلها جيب و بيل و ملابس داخلية بسكو تحب تاع هنا يجو قطن و مايخسروش و بابا شوميز،و عرايسنا ملابس داخلية 2 بياس ،و ولادهم صغار تاني تيشرت و شورت ،و ختي صغيرة نشريلها دي غوب و سنادل و ملابس داخلية ،بقيت حايرة في جدتي و ما ادراك ما جدتي .و خاوتي لولاد العام لي فات ديتلهم دي تيشرت nike و ريحة و هاذ العام حبيت نبدل شوية .
و ناس داري ساهلين حوايجهم باينين .
و زيدي الشكلاطات .

 

[joumane]

ام الحلوين ربي يعينك ان شاء الله وانا تاني قررت نهبط للبلاد مي نصوم رمضان تم يعني قبل رمضان بسمانه نهبط ان شاء الله
والله انا تاني محيرة واش حاندي معايا وسملنه هادي نبدا الدورات تاني واش حانديرو

 

[joumane]

لبنات حبيت نسقسيكم واش هيا اوقات الصلاة عندكم
بسكو انا هنا والله بديت نسوفري مع العشا على 12 تاع الليل والفجر على 4 تاع الصباح ومنا يلحق رمضان يولي الليل غير ساعتين
يعني احنا دوك ياذن المغرب على العشره وفي رمضان يولي على 12 تاع الليل والعشا على 2 والفجر على الثلاثه وحاجه مستحيل نقدرو نصومو هنا عايشين في النهار
الشتاء فوتو ليل والصيف نفوتو نهار

 

[ام الحلوين]

ام الحلوين ربي يعينك ان شاء الله وانا تاني قررت نهبط للبلاد مي نصوم رمضان تم يعني قبل رمضان بسمانه نهبط ان شاء الله
والله انا تاني محيرة واش حاندي معايا وسملنه هادي نبدا الدورات تاني واش حانديرو

و الله مشكل تاع الكادوات انا العام لي فات تهنيت غير جيت من البلاد بديت نشري ماحسيتش كامل للدراهم و كي قربت نروح شريت غير لناس داري .
انا قررت نروح بصح الزين مازال مايشري البيي و البارح لقيتو 414£ و زيدي لاسيرونس £20 و زيدي المصروف في البلاد و عندي ختانة وليد خويا .قولي جيني في 35 مليون تاع البلاد .
اليوم صباح قلت لراجلي وقيلا نبطل قاع مانهبطوش بسكو حبينا نبنو الدار قتلو هذا المصروف نزيدوه في البنيان و بعد الولادة ان شاء الله نروحو و يكون البيي شوية رخيص .
و الله عقلي مراهوش عندي، ماعرفت ما ندير .

 

[ام الحلوين]

لبنات حبيت نسقسيكم واش هيا اوقات الصلاة عندكم
بسكو انا هنا والله بديت نسوفري مع العشا على 12 تاع الليل والفجر على 4 تاع الصباح ومنا يلحق رمضان يولي الليل غير ساعتين
يعني احنا دوك ياذن المغرب على العشره وفي رمضان يولي على 12 تاع الليل والعشا على 2 والفجر على الثلاثه وحاجه مستحيل نقدرو نصومو هنا عايشين في النهار
الشتاء فوتو ليل والصيف نفوتو نهار

وين راكي متغربة ؟؟؟؟
لان احيانا يغلطو في اوقات الصلاة كيما انا هنا في الصيف يديرو العشا على 12 تاع الليل بصح من بعد كي شفت لقيتها على 11:20 و هنا في المساجد يصلو العشا قبل وقتها .
في البلاد الادان رحمة ربي .

 

[أم أمين23]

ام الحلوين تاخدي رايي اولدي وروحي وزيدي للبني خير
لاليشكا احنا راه المغرب 9 الا 20 ورايج ويزيد مع رمضان يوصل لل9 ونصف والعشا يوصل لل11 بصح ممكن تجمعي يعني تصلي المغرب والعشا مع بعض راه جائز وهكا ما تتعبيش
روعة راني هنا يوكي ندخل ونطل عليكم ونشوف واش راكم اديرو البارح انت الي كنت مختفية وزاد البارح دخلت عشية كاملة تقريبا

 

[joumane]

ام الحلوين راني قرييييب للقطب الشمالي المتجمد هههههه
ام امين الجمع مايجوز على جال النوم لازم عذر باين المهم حنا قررنا نهبطو لبلاد وخلاص
وام الحلوين حتانا مع ام امين خلي بعد الزياده واهبطي سيرتو كيعاد راكي تبني مكالاه المصاريف الزايده

 

[أم أمين23]

جوجو راني فركتلك عن الفتوى ولو اني انا المخلوق تاعي يثقثي في المسجد وجائز والا ما كنت قلت المعلومة:
أحسن الله إليك هذا السائل الذي من فرنسا يقول الفجر الساعة الثالثة وصلاة العشاء الساعة الثانية عشرة ؟
لا مانع أن تجمع إن شاء الله بين المغرب والعشاء, فقد جمع النبي - صلى الله عليه وسلم - بين الظهر والعصر, وبين المغرب والعشاء بالمدينة كما أخرجه البخاري عن ابن عباس -رضي الله عنهما - قيل لابن عباس لماذا ؟ قال ليرفع الحرج عن أمته.

 

[أم أمين23]

وعندك هنا ايضا:

في حكم جمع تقديم بين صلاة المغرب والعشاء ومحل الوتر حال التقديم​

​

السؤال: هل يجوز أن تصلى صلاة العشاء جمع تقديم بعد صلاة المغرب في المسجد جماعة والوتر أيضا؟

الجواب: الحمد لله رب العالمين، والصلاة والسلام على من أرسله الله رحمة للعالمين وعلى آله وصحبه وإخوانه إلى يوم الدين وسلم تسليما، أما بعد:
فيجوز للمصلي أن يجمع بين الظهر والعصر، وبين المغرب والعشاء سواء كان الجمع تقديمًا أم تأخيراً لما ثبت عن النبي صلى الله عليه وآله وسلم: "أَنَّهُ جَمَعَ بَيْنَ الظُّهْرِ وَالعَصْرِ، وَالمغْرِبِ وَالعِشَاءِ بِالمدِينَةِ فِي غَيْرِ خَوْفٍ وَلاَ مَطَرٍ"(١) وغيرها من الأحاديث الصحيحة، كما ثبت عن ابن عمر رضي الله عنهما: "أَنَّهُ كَانَ إِذَا جَمَعَ الأُمَرَاءُ بَيْنَ المغْرِبِ وَالعِشَاءِ فِي المطَرِ، جمَعَ مَعَهُمْ"(٢)، ولا وجود لجمع آخر، فإن جمع للحرج في السفر أو المطر أو المرض أو للحاجة العارضة بين المغرب والعشاء جمع تأخير فإنّه يجوز له أن يوتر بعد العشاء وهو أول الليل، أما إن جمع جمع تقديم فلا يجوز له أن يوتر إلا بعد دخول وقت الوتر، لأنَّ وقته من بعد صلاة العشاء في وقتها الأصلي حتى الفجر لقوله صلى الله عليه وآله وسلم:" إِنَّ اللهَ زَادَكُمْ صَلاَةً، وَهِيَ الوِتْرُ، فَصَلُّوهَا بَيْنَ صَلاَةِ العِشَاءِ إِلَى صَلاَةِ الفَجْرِ"(٣) كما يجوز له أن يؤخر الوتر إلى أوسط الليل وآخره لحديث عائشة رضي الله عنها قالت: " مِنْ كُلِّ اللَّيْلِ قَدْ أَوْتَرَ رَسُولُ اللهِ صَلَى اللهُ عَلَيْهِ وَآلِهِ وَسَلَّمَ مِنْ أَوَّلِ اللَّيْلِ وَأَوْسَطِهِ وَآخِرِهِ، فَانْتَهَى وِتْرُهُ إِلَى السَّحَرِ"(٤).
والعلم عند الله تعالى، وآخر دعوانا أن الحمد لله رب العالمين وصلى الله على نبينا محمد وعلى آله وصحبه وإخوانه على يوم الدين وسلم تسليما.

 

[أم أمين23]

وهنا فديوهات تؤكد فالامر هنا ان يكون جمع عادي يعني الصلاة عادية 3 للمغرب و4 للعشاء وليس جمع التقصير كما هو الحال في السفر:
‫ظ…طھظ‰ ظٹط¬ظˆط² ط¬ظ…ط¹ ط§ظ„طµظ„ظˆط§طھ ط¨ط¯ظˆظ† ط³ظپط±.avi‬â€ژ - YouTube

 

[روعة انثى]

السلام عليكم لبنات مرحبا بيكم كي راكم اليوم ان شاء الله تكونو بخير

 

[روعة انثى]

روعة ربي يسهلك امورك ما بقاش بزاف ربي يهينك اختي

امين يا رب
تعجبيني سمورة قاع ما تنساينيش مرة على مرة تدعيلي ربي يبارك فيك حنونة

 

[روعة انثى]

لاليشكا قولتيلي حكايتي كيما حكايتك واش كانت حكايتك؟ حنونة عرفيني بروحك

 

[SAMIRA25]

صباح الخير عليكم و نهاركم زين
جمانة روحي روحي صومي في البلاد :d بزاف ربي يكون في عون المسلمين لي تمة
ام الحلوين انا رايي من راي لبنات دراهمك زيديهم في سكنتك و انت راكي مريحة حتى تولدي و روحي ان شاء الله ​

 

[joumane]

صباح الانوار على الحلوات ونهاركم سعيد ان شاء الله على الجميع
ام امين بارك الله فيك اختي وزادك في ميزان حسناتك والله افدتيني وهما هنا قالي زوجي بلي في رمضان يصليو المغرب مع العشا جمعا ولكن لحد الان مزال منجمعش نقدر نصلي العشا على 12 مي منا يولي على الوحده نولي نجمع ان شاء الله

 

[joumane]

لاليشكا قولتيلي حكايتي كيما حكايتك واش كانت حكايتك؟ حنونة عرفيني بروحك

مرحبا بيك اختي روعه وربي يهنيك في زواجك ويسهلك امورك
انا كي قريت ردودك حطيتك حتسافريلو وحدك كي شفتك تسقسي واش حتدي بسكو انا هكا دارولي عرس وحدي وبعثوني ليه وهو لاقاني هنا
قلت نعاونك في الامور لي تديها معاك ونقولك متكثريش على روحك بسكو هنا كاينين وخير من تاع لبلاد
مي انتي كيعاد حيجيك هو ويديك هو يعاونك ويقولك واش تجيبي و واش تخلي