بيت المغتربين

[joumane]

روعه اختي متغيريش رانا كامل خواتات ومننساو بعضانا
جهاد هادي انا برك من بكري خبيت نبد اسمي الى جمان هاداوين قبلولي وعجبتني فكرة التصوار هكا ندي فكره اعمق على بعضانا
وغدوا ما نقعدش مي الايام الجاية نصورلكم بيتي ونحطو
ام امين الفيديو الاول خرجلي مناضر روعه مي التاني غير نسمع في معاذ يبلي يناغي يعمري عليييه ههههه
مي قوليلي كيفاه تحملي الفيديوهات

 

[ام الحلوين]

ام امين صح هذيك الحلوة نسموها حنا السيقار كيما جهاد و في العاصمة وقيلة يسموها صبيعات لعروسة و جي ساهلة و بنينة .

 

[ام الحلوين]

ام امين بصحتك الطمينة كيما تاعنا ،انا المرة لي فاتت بعثتهالي يما من البلاد خدمتها على شكل حبة بيض واعمرتها بحلوة الترك من داخل جات بنينة .
و المناطق هايلين خاصة الفيديو 1 سير بلي الهوا نقي تما و الحال بارد .

 

[روعة انثى]

مساء الخير لبنات
جهاد اللي تشوفيها و تتشهيها ديري كيما هي و لا تشبها خاطر راكي تتوحمي ما تخلي حتى شي في قلبك
ام امين الفيديو الاول فيه مناظر شابة تاع لجبال و الهوا النقي
و الفيديو الثاني امين يناغي ربي يحفظو كان يوصفلنا فالطاليان و واش يعجبو مي الله غالب احنا فهمناهش

 

[ام الحلوين]

مساء النور بنات ان شاء الله راكم بخير
كنت خارجة هاد العشية نقضي و ربي ماكتبش خليتها لغدوة ان شاء الله ،و لولاد خرجهم ابيهم غير شوية للبارك و جابهم من بعد بدات وحد الشتا طيح تقول رانا في جانفي .

 

[مريومةمم]

وش عاملين فيها لحرااااااااااير؟
بدات تعجبني القعدة صح بيناتكم................

 

[مريومةمم]

اهلا ام الحلوين
انت نظن في فرنسا ماكيش في افينيون؟
راني نحوس على لقب rouag**

 

[ام الحلوين]

وش عاملين فيها لحرااااااااااير؟
بدات تعجبني القعدة صح بيناتكم................

رانا مع هاد الدنيا يوم رايح و يوم جاي
الحمد لله كي عجباتك قعدتنا .
هيا بداي حكيلنا شكون نتي ومنين و لا حتى نحطوك تحت المجهر .

 

[ام الحلوين]

اهلا ام الحلوين
انت نظن في فرنسا ماكيش في افينيون؟
راني نحوس على لقب rouag**

مافهمتش قصدك حنونة بصح انا شلفية و راني في لندن .

 

[مريومةمم]

اوك يا لالا...........
انا مريم من قالمة مش مخطوبة ومش متزوجة متخرجة من جامعة نخدم .........
نحب نطيب بزااااااف خاصة القاطو والبوووورااااااك
زيد وش تحبي تعرفي ا اختي..............

 

[مريومةمم]

مافهمتش قصدك حنونة بصح انا شلفية و راني في لندن .

اااه حسبت عايشة في فرنسا لدلك حبيت نحوس على جيرانا ضيعنا رقمهم وعنوانهم

 

[ام الحلوين]

مرحبا بيك مريومة و متشرفين حنونة و ربي يرزقك ولد الحلال .

 

[مريومةمم]

مرحبا بيك مريومة و متشرفين حنونة و ربي يرزقك ولد الحلال .

شكراااااا اختي بزااااااف ربي يسترك.......

 

[SAMIRA25]

السلام عليكم جميعا
جمانة مبروك عليك الاسم الجديد طالع شباب بزاف
جهاد راكي بديتي تحسبي في التوقيع دوك راك تشوفي فيهم بزاف بصح راهي رمشة عين ربي يكملك اختي و يسهلك حملك
ام امين شهيتيني في الرفيس التونسي حنا نسميوه مخي ديريه غرس و سميد محمص و زبدة بصحتكم حنونة و ربي يجيبلك وقفة ساهلة
مريومة ربي يرزقك وليد الحلال كيما متنيتو ان شاء الله يا رب
ام الحلوين و روعة فطومة ام عبد الهادي سلامي ليكم جميعا
و ان شاء الله تعاود تلتحق بينا سيرين صونية ريمو بيونة و البقية في اقرب وقت

 

[ام الحلوين]

ربي يخليك سميرة و واش راهي الببونة تاعك .؟

 

[SAMIRA25]

ربي يخليك سميرة و واش راهي الببونة تاعك .؟

الحمد لله ام الحلوين اكي تعرفي الصغير كي يعود يحبو واش لازم و سيرتو كي يعود يتحرك بزاف و الحمد لله

 

[روعة انثى]

وش عاملين فيها لحرااااااااااير؟
بدات تعجبني القعدة صح بيناتكم................

مرحبا بيك معانا هذا شرف لينا اختي

 

[ام الحلوين]

sbah nour labnat
micro taii mahabch yaktab lyoum arbia wakila hsab roho gawri
samira rabi yahfad bantak o tfarhi fiha nchalah

 

[أم أمين23]

روعه اختي متغيريش رانا كامل خواتات ومننساو بعضانا
جهاد هادي انا برك من بكري خبيت نبد اسمي الى جمان هاداوين قبلولي وعجبتني فكرة التصوار هكا ندي فكره اعمق على بعضانا
وغدوا ما نقعدش مي الايام الجاية نصورلكم بيتي ونحطو
ام امين الفيديو الاول خرجلي مناضر روعه مي التاني غير نسمع في معاذ يبلي يناغي يعمري عليييه ههههه
او امين ماشي معاذ في 2011 امين مازال ما بداش يهدر راه عندو يمكن عام والا
مي قوليلي كيفاه تحملي الفيديوهات

الفديو الي تكوني صورتيه قصدك انت تحمليه في اليوتيوب بعد ما تعملي تسجيل في اليوتيوب
اما تاع الصور كاين واحد البرنامج تابع لغوغل اسمو بيكاسا اكتبي بيكاسا يجيك حمليه وتعملي فديوهات بالصور كيما تحبي

 

[أم أمين23]

ام امين بصحتك الطمينة كيما تاعنا ،انا المرة لي فاتت بعثتهالي يما من البلاد خدمتها على شكل حبة بيض واعمرتها بحلوة الترك من داخل جات بنينة .
فكرة هادي تاع حلوة الترك من داخل افار تاع الصح كاش نهار نجربها بصح تعرفي يبستلي من بعد لخاطر هاد الغرس الي جابهولي المخلوق ما نعرف واش بيه يابس عجنتو بالسيف وطريتو بالزبدة وماء زهر ووالو كي كملت اليوم راهي ولات يابسة
و المناطق هايلين خاصة الفيديو 1 سير بلي الهوا نقي تما و الحال بارد .

ايه البرد ما نقولكش وحتى في الصيف يعني تكون سخانة بصح كاين ديما نسمة تهوي عليك