بيت المغتربين

[أم أمين23]

الحمد الله ام ندى ماشي الحال نعاود نصقصيك على البابور تاع روما عنابة الا عندك معلومات اكثر انت افيدينا خاصة بالاسعار فركت بالنت بصح ما لقيتش حاجة كبيرة؟؟؟

 

[ام الحلوين]

جمان ربي يرزقك ببنوتة حتى انا نموت على لبنات ،و يما كي خبرتها و شافتني فرحانة قاتلي بلاك ربي يبدلها و جيبي ولد قلتلها لالا حبيت بنت ربي كتبهالي .
بنات لي راكم تسقسيو على الخميرة تلقاوها من جهة الفرينة و حوايج القاطو ،انا تاع القاطو راني نجيبها من البلاد نشري كرتونة تاع 100 ساشي و نقسمها مع دارنا و هنا تقعدلي قريب عام و مرات نشري بيكن باودر تاني مليح و وحدة صاحبتي تجيب الخميرة تاع الخبز من البلاد .

 

[joumane]

هادو شوي صور من خرجتنا حبيت نعرضكم معايا على الشواء ههههه بصحتك بلا حشما

 

[sirin2013]

ام الحلوين الله يبارك لبسة ولادك هايلا كما قالو ولبسة لبنات تهبل كثر لعقوبا لجمانة وكامل لفبالهم بنوتة كيفي ,ولا وليد
جمانة دوك المناضر وشوا راكي شهيتيني دقول كارة بوستال الله يبارك وبصحتكم

 

[joumane]

الله يسلمك حببتي سرين
والله هدا واش مليح هنا الطبيعه خلاااااااابه قد منوصفها قليل والله كانت قعده هايلا وراكم التشوفو في الشميسه كانت الساعه 8 تاع الليل بدينا ندخل في الليالي البيض مكانش خلاص الضلمه حتا الليل السما زرقا مش كحلا

 

[رنيم الغربه]

السلام عليكم
كيفاش راكم ان شاء الله كامل لاباس
جمان راني غير هنا راني مكسرررررررة هههههههه رانا نوجدو في الجاغدان اسكتي برك واينا زوج رجال فالدار هههه
بصحتك التحويييييييييسه يا من صابني حداك هههههههه كل عشيه نعطوها هاهاهاهاه
​

 

[fatouma2012]

 

[byouna]

جمعة مباركة لبنات ،جهاد jouman فطوم ،سيرين كي راكم hefe fresh كين في aldi بصح أنا منعرفش شحال لازم ندير كي ندير الكسرة خبز الدار والفت خميرة الحب

فطومة مازل مشريتش كسوة العيد لياسمين ،كي يقرب العيد نشري.كنت سالتك على بارابول رني دوق نشوف gaa les chaines اكتب في عمي gouga=جوجل= fomny .com tkdri tshoufi annahar tv eshorouk ,canal algerie knat alkraan........etc hta les radio kaynin taa les 48 wilaya

 

[ام الحلوين]

واش راكم خياتي
اليوم روعة و مريومة و سميرة مابانوش
راني نطيب في المادلان لولاد باش يشربو حليبهم .

 

[أم ندى]

ا
ام ندى الصحه على الماكولات يالفحله ورانا ديما نتبعو فيك متبخليناش بجديدك حببتي

الله يسلمك ختي جومانا تعيشي حنونة ربي يخليك


وشكرا على التحويسة المجانية التي كانت اكثر من رائعة

بصحتكم

 

[أم ندى]

الحمد الله ام ندى ماشي الحال نعاود نصقصيك على البابور تاع روما عنابة الا عندك معلومات اكثر انت افيدينا خاصة بالاسعار فركت بالنت بصح ما لقيتش حاجة كبيرة؟؟؟

ربي يدومها عليك من نعمة


وكتاش داروه هذا معلاباليش بيه

موالفة ديما لا روحنا في البابور نروحو علا تونس تمرميدة كبيرة

بصح نتاع عنابة اول مرره نسمع بيه كي يجي زوجي راني نسقسيه ونردلك لخبر

انت تامر امر يا جميل

 

[lina-67]

مساء النور لبنات
جمانة بصحتكم التحويسة طبيعة تهبل و الباربيكيو فوور هذا وقتو
ام الحلوين بصحتهم لولاد يلبسوهم بالصحة

 

[fatouma2012]

سلام عليكم لبنات

بيونة الخمارة كاتبين فيها شعال تديري ، المهم أنا ف رطل فرينة ندير نصف هداك المربع نفتتها شوية ف شوية حليب أو ما أا دافي وشوية سكر وتطلع بالخف ونص لاخر ديريه ف كونجلتور وتحتجيه جبديه وخليه يدوب وميخسرش
صحيتي على السيت تع القنوات درك نسيه ، أنت تاني مدرتيش ساتيليت ؟ أنا كل يوم يقولي هاد الويكاند ورانا في عام تاع ويكاندات ومازال ههههههه يقولي كون نديره ننسو اللغة المانية

سيرين بغيت نسقسيك إدا راكي عاقلة على وحد المغتربة كانت معانا اسمها إيمان من شلف وساكنة بسويسرا كنت نحكي معاها مرات ف سكايب ونضن انتي تاني ونقطعت أخبارها نشالله تكون بخير برك

 

[fatouma2012]

jomaana msa7atkom elchwaa w la natur

 

[sirin2013]

سلام وعليكم لحراير
نشاء الله تكونو كامل بخير
فطومة بانسبة الخميرة نص باكي في رطل بزاف انا في رطل ندير ربع لباكي
اما على منال من لسويس حتى انا كان عندي كونتاكت معاها ودرك نقطعة اخبارها نشاء الله تكون بخير والغايب في حكم الله

 

[مريومةمم]

اهلا مريومه الحمد لله و انتيا كيفاش راكي

الحمد لله
السوال عليكم
كاش جدد عندكم؟

 

[ام الحلوين]

سلام بنات واش راكم ؟
اليوم خرجت الصباح و دروك يجي الزين نخرج ندير شوبينg .
بنات رشحولي اسم من هاد الاسمين
https://www.4algeria.com/forum/t/374322/

 

[أم أمين23]

سلام يا البنات واش هاد الكسل رانا رقدنا على الخط هههه
يلا دور ام ندى في مخترب تحت المجهر ام ندى يلا خلي الكوزينة رانا نستناو فيك هنا
مغترب تحت المجهر

اوك حبوبة راه يبدا نورمالمون 25 جوان اول رحلة حسب ما قريت في النت

 

[روعة انثى]

مساء الخير حبوبات ان شاء الله تكونو كلكم بخير توحشتكم
ام الحلوين راني جاوبتك حنونة ف موضوعك
رنيم حنونة صحيتي على سعة صدرك و اجاباتك تحت المجهر كنت خفيفة ظريفة و فعالة انا شخصيا استفدت منك بزاف
لاحظت انكي شخصية مرحة ودودة و حنينة تحب الخير و مؤمنة تاكلة على ربي سبحانه و مخليا كل شي عليه
ربي يوفقك و يفرحك و يبارك لك في رزقك وزوجك و وليداتك و يرزقك من حيث تحتسبين و من لا تحتسبين

انا هادي السمانة ما ندخلش بزاف خاطر عندي فورماسيون تاع خدمة ادعولي ربي يسهالي الله يبارك فيكم
تصبحو بخير يا غاليات توحشت جماعتكم و ربي يفرحكم

 

[ام الحلوين]

صباح الخيرات واش حوالكم ؟
انا غير دروك نضت راني نشرب في القهوة من بعد نطيب السفنج للزين و نوض لولاد باش يقراو العربية اليوم
يلا سلام