صباح النور ..
متخافش غير انا لي ما ننساش .. و حتى لي راهم يدخلو سوايع سوايع و خطرة في العام نشوفهم ..
ديفوا ندخل في المواضيع تاع 2006 و 2007 و نحب نعرف وين راهم هذوك الناس .. وش راهم دايرين ذرك ...
المليار و الحكلة .. و هيgوين ... عمري لا نسيت لعوام هذوك و وش كنت داير في المقهى نتى و ديدا و سمسموم و جماعة بزاف الله يذكرها بخير .. و الله مزلت نشفالك كيما كنت تزيد في مشاركاتك في الاقسام الفارغين و تاع الاطفال على التلاثة تاع الصباح .. وين تلحق تكتب ميرسي صغيرة هههههه ..وقت حلو حتى بمشاكلو ....
اللمة تبدلت و العقليات كيف كيف ...بصح الاعضاء القدم يغيبو و يجو يدخلو في اللمة بعد عام بعد عامين .. واحد يخليها في عمرو عشرين و يولي ليها و هو في 23 .. وحدة تخرج منها مولات عشرين و تولي تكونيكتي بعد عامين ولا تثلاثة و تلقى عندها زوج ذراري ولا كثر ...
المهم حبيت نقلك منيش انا لي نودر العباد ....... حتى بعد عشر سنين .. و حتى ولو يدخلو كامل بعد مدة يلقاو رواحهم غربا و انكونيتو ... بصح خيك راه يتبع فيهم من بعيد .....
ديفوا عضو ولا عضوة يسجل حتى باسم عضوية جديدة و عمبالو بدل الريش واحد ما يعرفو ... بصح الستيل تاعو في الكتبة و لون الخط و الاقسام لي يروح ليهم و صحابو ... و طريقة تخمامو ... حوايج بزاف يخونوه .. و خيك يجبدو من ريحة الخط تاعو
الهمم تهلا في روحك خيي ... و صح فطورك
